الموضوع: محتار في التخطيط لشهر العسل، محتاج مشورتكم

السلام عليكم ورحمة الله وبركاته,,
اخواني واخواتي اعضاء بوابة العرب المسافرون,,

عضو جديد عندكم,, كنت من المتابعين بدون عضوية ولكن بصمت ,,

زواجي ان شاء الله السنة القادمة، شهر 6 انجليزي,,

ولكنّي احببت التخطيط لشهر العسل مبكرا، عشان حسابات الميزانية والمصاريف,,
وودي تشوفوا الخطة,,
وتعطوني انطباعكم وآرائكم وأي تعديل في الايام او الوجة او المده,,
وحتى ترتيب الرحلة,,


------
الخطه المبدأية هي كالتالي::
الميزانية المخطط لها: 10,000 دولار,, يمكن تزيد ويمكن تنقص ,,
المدة: 17 يوم,,

الوجهة::
6 أيام (جزر المالديف أو جزر موريشيوس)
6 أيام (اندونيسيا أو ماليزيا)
5 أيام الصين

----

والسلام عليكم ورحمة الله وبركاته,,

مواضيع عشوائيه ممكن تكون تعجبك اخترناها لك:

• الداخلية على الراغبين بالسفر إلى أوروبا الإفصاح عن مبالغهم المالية والمجوهرات
• ضروري سفرة
• اللي جرب بطاقة فيزا تسوق من الراجحي خارج السعودية
• سؤال بخصوص دوام الجوازات واماكن استخراج التصريح
• مساعدة من اهل الخبرة في السفر
• افضلالاماكنلقضاءشهرالعسلبالخارج
• استفتاء عن افضل مدينه سياحيه في العالم
• مساعده في الوجهه السياحيه
• وشرايكم اسافر الى المغرب او تركيا
• تطبيق رفيق المسافر العربي لأوروبا للآيفون والأندرويد
• فوبيا الطيران العلاج والنصيحة من جانب آخر ارجوكم
• ترقبوا ما هو جديد
• شريحة الايباد وبرنامج ملاحة للجوال جلاكسى اذ سمحتم
• ساعدوني
• صف لنا شعورك ليلة السفر في اقل من كلمات وهل انت سعيد ام متوتر ؟
• من هو المدمن علي السفر؟
• موضع للنقاش هل تؤيد السفر وحدك او مع زوجتك او مع الاطفال
• السلام عليكم سؤال بخصوص خدمة ضيف الاتحاد
• سحـــــر الارض فــي جزيرة بـــالي اندونيسيــا
• طريقة عمل الكود السري بطاقة الأهلي الإتمانية

انا رأيي ماتكثر تنقلات وانت توك عريس
خليها 5 ايام المالديف والعوده على دبي واجلس فيها 5 ايام بعد
الله يوفقك ويتمم لك على خير

الله يوفقك ويتمم لك علي خير
تكفيك الميزانيه ان شاء الله
بس شيل الصين واستدبلها بهونغ كونغ وزور ديزني

الف مبرووووك

نصيحتي لك لاتروح اندونيسيا تراها مب سياحيه نفس ماليزيا وهونق كونق انصحك المالديف ومثل ماقال مشرفنا هونق كونق ومنها اتروحون ديزني لاند

وبالتووووفيق

المشاركة الأصلية كتبت بواسطة مسافره 27
http://www.arabtravelersforum.com/tr...9/#post6819229

انا رأيي ماتكثر تنقلات وانت توك عريس
خليها 5 ايام المالديف والعوده على دبي واجلس فيها 5 ايام بعد
الله يوفقك ويتمم لك على خير



اختي مسافره,, رايش على العين وبحطه في الحسبان,, بس زي ما تعرفي شهر العسل مره وحده يكون شهر عسل,, وباقي السفرات تكون وناسه وتغيير جو,,
انا ما اعرف الشعور,, بس احسه زي كذا,,

ادا كذا وانتي تقولي تنقلات واجد,,
انا نسيت اني اذكر اني مخلي زيادة 4 أيام بروح فيها المدينة المنورة ,,
يعني المجموع 21 يوم,,

شاكر لك المرور والتعليق والتعقيب,, مرحومة الوالدين

-----






المشاركة الأصلية كتبت بواسطة فــيـصـل
http://www.arabtravelersforum.com/tr...7/#post6819527

الله يوفقك ويتمم لك علي خير
تكفيك الميزانيه ان شاء الله
بس شيل الصين واستدبلها بهونغ كونغ وزور ديزني



اخوي فيصل,, شكرا, الله يوفقنا وإياكم أجمعين,,

انا ودي تكون رحلة الصين أو هونج كونج سياحية وعشان التسوق,,
فـ ما ادري كيف اسواق هونج كونج؟ مقاربة لاسواق الصين؟

شاكر لك المرور والتعليق والتعقيب,, مرحوم الوالدين

-----





المشاركة الأصلية كتبت بواسطة FuNnY GiRL
http://www.arabtravelersforum.com/tr...7/#post6820017

الف مبرووووك

نصيحتي لك لاتروح اندونيسيا تراها مب سياحيه نفس ماليزيا وهونق كونق انصحك المالديف ومثل ماقال مشرفنا هونق كونق ومنها اتروحون ديزني لاند

وبالتووووفيق



اختي FuNnY GiRL،، الله يبارك فيك,,
طيب شورتك وهداية الله,,

شاكر لك المرور والتعليق والتعقيب,, مرحومة الوالدين ,,

--------

باقي الاعضاء الاعزاء؟ أي اقتراح او مشاركة تنفعونا فيها؟

-------

يعني الخطة المبدأية إلى الآن زي كذا::
6 أيام المالديف
6 أيام ماليزيا
5 أيام هونج كونج
4 أيام المدينة المنورة

---

افيدونا جزاكم الله خير,,

اللي ردوا مشكورين

واللي بيردوا
ننتظر ردودكم,,

ما شــاء الله ..

الف مبروك مقدماً ..

الله يتمم لك على خير .. و تقضون اجمل الاوقات و اسعد اللحظات ..

طيب بالنسبه للتخطيط , المالديف جزيره و بحر ..
و هونج كونج تسوق و حضاره و ملاهي ..
+
السعوديه : المدينه المنوره - مكه , روحانيه و دين ..

اشوف لحد هنا كفايه , ليش ...؟؟

المالديف مكان رومنسي و مناسب للعرسان , و عشان لا تملون من كثرة الهدوء تكفيها 5 - 7 ايام ..
بعدها هونج كونج , تسوق و حضاره و زحمه و تغيير جذري عن الهدوء ..

لو تروح لماليزيا , بتكثر على نفسك مطارات و عفسه , و ماليزيا بالذات حلاتها التنقل بين جزرها ,,
و انت اصلاً توك متنقل من المالديف لـ الصين , و تنتظرك تنقلات السعوديه ,
و هذا كله بـ 21 يوم فقط ..

ممكن اقولك تروح اندونيسيا , الجبل فيها راااااااائع , لكن عشان لا يصير الجدول مليء بالتنقل ..

و الله يختار لكم اللي فيه الخير ..

.
.
.

المشاركة الأصلية كتبت بواسطة ام عزيز7
http://www.arabtravelersforum.com/tr...3/#post6820893

ما شــاء الله ..

الف مبروك مقدماً ..

الله يتمم لك على خير .. و تقضون اجمل الاوقات و اسعد اللحظات ..

طيب بالنسبه للتخطيط , المالديف جزيره و بحر ..
و هونج كونج تسوق و حضاره و ملاهي ..
+
السعوديه : المدينه المنوره - مكه , روحانيه و دين ..

اشوف لحد هنا كفايه , ليش ...؟؟

المالديف مكان رومنسي و مناسب للعرسان , و عشان لا تملون من كثرة الهدوء تكفيها 5 - 7 ايام ..
بعدها هونج كونج , تسوق و حضاره و زحمه و تغيير جذري عن الهدوء ..

لو تروح لماليزيا , بتكثر على نفسك مطارات و عفسه , و ماليزيا بالذات حلاتها التنقل بين جزرها ,,
و انت اصلاً توك متنقل من المالديف لـ الصين , و تنتظرك تنقلات السعوديه ,
و هذا كله بـ 21 يوم فقط ..

ممكن اقولك تروح اندونيسيا , الجبل فيها راااااااائع , لكن عشان لا يصير الجدول مليء بالتنقل ..

و الله يختار لكم اللي فيه الخير ..

.
.
.

الله يبارك فيك يا ام عزيز,, ويوفقنا ويوفقكم اجمعين,,

والله اللي قلتيه عبّا راسي,,

يعني المالديف يكفيها 6 أيام,,
وبعدين هونج كونج كم يوم نخليها؟ 10 تكفيها؟

ومكة والمدينة 5 أيام,

مرحومة الوالدين

الجميع ان شاء الله ..

و اقتراح آخر , سوي حجوزاتك من فنادق و طيران لأول محطتين ,
و خلي بقية السفريه بظروفها ,
يعني اذا شفت عندكم استعداد لـ السفر لدوله ثالثه بعد الصين , فأنا فعلاً اقترح عليك اندونيسيا ..
و ممكن تزورنا في بوابة اندونيسيا , و ان شاء الله تلاقي افضل اقتراحات ..

و بالتوفيق ان شاء الله ..

.
.
.

لحظة يا شباب..
10الالاف دولار هي تقريباً ما صرفته في ستة ليالي بالمالديف..حتقولو نقتصد ونختار فنادق ومنتجعات ارخص برضو بقول الميزانية لا تكفي لكل هذا..وارى ان المدة تقل شوي او نحذف دولة من الدول.

السلام عليكم ورحمة الله وبركاته

انا اشوف المده ماتحتمل أكثر من دولتين مثل المالديف و ماليزيا

ولكن لو اخترت المالديف أعتقد يبي لك تزود الميزانيه شوي

ممكن تكون المالديف 5 ليال و الباقي ماليزيا او أندونيسيا

او انك تختار سنغافوره و ماليزيا او هونق كونق و ماليزيا

أهم شي لا تكثر دول و يصير متعب كثر التنقلات

انا ارشح الماليديف و ماليزيا و الصين بعدين تزورها مع هونق كونق

وعندك وقت طويل ماشاء الله يمديك تفكر و تقرر شيك علي تقارير الدول اللي تبي

تزورها و شوف اللي نفسك تقع عليه و ترتاح له

وبالتوفيق إن شاء الله

مبرروك مقدماً اخوي

دام عندك هالميزانيه ، تقدر تروح النمسا والمسافه اقل من ماليزيا والدول اللي حولها

برايي تروح اسبوعين النمسا وممكن معاها ميونخ منها العوده ،، مناطق حلوه وبارده واسعارها معقوله اذا رتبت الاماكن صح بتطلع عليك الاسعار حلوه

المشاركة الأصلية كتبت بواسطة F.A.H.D
http://www.arabtravelersforum.com/tr...9/#post6820989

لحظة يا شباب..


10الالاف دولار هي تقريباً ما صرفته في ستة ليالي بالمالديف..حتقولو نقتصد ونختار فنادق ومنتجعات ارخص برضو بقول الميزانية لا تكفي لكل هذا..وارى ان المدة تقل شوي او نحذف دولة من الدول.

هلا اخوي فهد,,

انا لي قريب نبهني لهذا الموضوع بعد ,, قال لي ان اللي صرفه خويه في المالديف نفس اللي صرفه قريبي في أوروبا مدة 20 يوم!! - حوالي 40 ألف ريال سعودي-

طيب انا الميزانية حقي حول الـ 45 ألف ريال سعودي = 12,000 دولار,,

نحول الوجهة إلى موريشيوس؟

وإلا شرايك اخوي فهد؟


ما قصرت على المرور والتعقيب، مرحوم الوالدين

----

المشاركة الأصلية كتبت بواسطة zazaz
http://www.arabtravelersforum.com/tr...9/#post6821269

السلام عليكم ورحمة الله وبركاته

انا اشوف المده ماتحتمل أكثر من دولتين مثل المالديف و ماليزيا

ولكن لو اخترت المالديف أعتقد يبي لك تزود الميزانيه شوي

ممكن تكون المالديف 5 ليال و الباقي ماليزيا او أندونيسيا

او انك تختار سنغافوره و ماليزيا او هونق كونق و ماليزيا

أهم شي لا تكثر دول و يصير متعب كثر التنقلات

انا ارشح الماليديف و ماليزيا و الصين بعدين تزورها مع هونق كونق

وعندك وقت طويل ماشاء الله يمديك تفكر و تقرر شيك علي تقارير الدول اللي تبي

تزورها و شوف اللي نفسك تقع عليه و ترتاح له

وبالتوفيق إن شاء الله



وعليكم السلام اخوي zazaz,,

شاكر لك مرورك الكريم وتعقيبك وتعليقك اللطيف ,,

باخذ نصائكم كلها بعين الاعتبار,,

مرحوم الوالدين اخوي,,

المشاركة الأصلية كتبت بواسطة Stranger Man
http://www.arabtravelersforum.com/tr...9/#post6821309

مبرروك مقدماً اخوي

دام عندك هالميزانيه ، تقدر تروح النمسا والمسافه اقل من ماليزيا والدول اللي حولها

برايي تروح اسبوعين النمسا وممكن معاها ميونخ منها العوده ،، مناطق حلوه وبارده واسعارها معقوله اذا رتبت الاماكن صح بتطلع عليك الاسعار حلوه



الله يبارك فيك اخوي Stranger Man,,

والله الخيار صعب في اختيار وجهة شهر العسل,,

ما قصر اخوي على المرور والتعقيب,,

مرحوم الوالدين,,

حسيتك محتار في اختيار وجهتك لشهر العسل عسى ربي يسهل دربكم ويوفقكم انت وزوجتك شوف بقولك شغله

تبي فنادق فخمه ودلع واجواء حدها رومانتك بتحصلها في شرق اسيا والجزر لان فنادق اوروبا حتى لوخمس نجوم مادري اشلون مب نفس فخامة شرق اسيا وحتى مب نفس فخامة فنادقنا في الخليج

بس سلبيات شرق اسيا حاااااره روطوبه يبيلكم في اليوم تتسبحون يمكن 4 مرات لان كل ماطلعتو انواع العرق والاكل الله يعز النعمه لك عليه اذا جعت وماحولك مطاعم تعرفها ومافي قدامك الا اكلهم بتتعب نفسيا لاني جربت هالشي في تايلاند

اما اوروبا الحلو فيها ان الجو روووعه خيال وطبيعه خلابه ودول سياحيه من الدرجه الاولى خصوصا سويسرا النمسا لندن باريس ايطاليا وسوقهم لايعلى عليه وراح تستانس اكثر اذا اجرت سياره ومعاك زوجتك وجربت السواقه في الارياف وفي الطبيعه متعه غير طبيعيه وبتحسون ان الجو لكم بروحكم وماراح تتعب مع الاكل اكل تقدر تاكله عكس شرق اسيا اللي الريحه بس اتجيب لك المرض الله يعز النعمه

سلبيتهم فنادقهم مش بفخامة شرق اسيا

اتمنى اني قدرت اساعدك في اختيار وجهتك انت فكر وشوف تقارير اوروبيه وتقارير شرق اسيا وشوف شنو اتحب ويميل له قلبك .. انا احس المالديف حلوه حق بعدين لما يجيكم بيبي اتروحون انت وزوجتك اتجددون الحب فيها بس كا معاريس احسها شوي ممله ومادري هاذي وجهة نظري والقرار لكم

وبالتوفيق يارب

مبروووك اخوي والله يتمم لكم على خير

انا من راي مراقبتنا ام عزيز

موفقين يارب

يسعدك اخوي الكريم ربي يتمم عليك ونفرح فيك باذن الله
انا رأيي من رأي اخوي فهد المالديف والتسوق تخلونه يومين بدبي
ربي يبارك لك

السلام عليكم ورحمةة الله وبركاته ...
اخواني اخواتي .. اسعد الله اوقاتكم ب الخير والمسسرات ..
معكم اخوكم عبدالعزيز القحطاني .. انا اول مره ب حياتي ادش منتدى بس سجلت لاني بسافر ل اول مره ل اوروبــآا وب التحديد لـ { باريس } ..
فـ لاحظت ان فيه كثير منكم عندهم خبره ومعلومات يمكن تفيدني فـ ياليت تساعدون اخوكم وصدقوني مالكم الا الدعاءء الصادق لاني ما اعرف شي ابددا ..
بسسس فكرةة انا وزوجتي نعملها مغامرره يعني ب العاميه { نروح على عماها .. ونخبط } بس حاب اعرف كم تكفيني الميزانيه حقت المشاوير الداخليه بس ..
طبعا انا سفري ل مدة 7 ايام ف باريس . حجزت ف فندقين هناك . اول واحد اسمه حلم القلعه ف ديزني لاند .. والثاني ف الشانز .وأكدت حجزي بس ابي اعرف كم يمكن تكفيني ميزانيه وسعر الصرف شلون يعني 20 الف ريال يمكن تكفي حقة مشاويري الداخليه ؟؟يعني التكاسي والميترو ... سفري ب يكون تقريبا ف شهر 7 ميلادي تقريبا يوم 7
اسئل الله انه يوفق ويسعد كل من يساعدني .... وسامحوني اذ1 شفتوني { دخلت عرض } بس صدقوني ماعرف شلون ابدا ف المنتديات يعني سجلت واقرب مربع كتبت فيه