أهلييين أعضاء المنتدى
حبيت أخبركم عن قصة صارت لي وأنا في سويسرا لأخذ الحيطه والحذر فقط
الصيف اللي فات كنا في سويسرا وأثناء ما كنا بنركب القطار لتنقل في أنحاء سويسرا
في البداية بعض عيالي ركبو القطار قبلي وبقيت أنا ولدي وأثناء ما أنا بركب القطار متأكده إن ولدي من خلفي عشان يركب على طول معاي ولكن للأسف سيدة سحبت ولدي وقالتله لا أنا أول
هو ما شاء الله ريال عمره 18 سنة سكت عنها وخلاها تركب قبله بس هي كانت مخططه لشي ثاني
المهم أنا كنت حاطه الشنطه على كتفي والذكيه إن الشنطة مفتوحه
حسيت في حد يلعب في ظهري من ورا كأن حد يدفعني للأمام في البدايه طنشت لأن ولدي عليه حركات فكرت هو اللي يدفعني كنوع من المزح
بعدين حسيت بالحركة أكثر ألتفت معصبه وكنت بتفاهم مع ولدي عن هالحركات البايخه
ولكن شو حصلت؟؟؟
سيدة أجنبية حاطة الجاكيت مالها من النوع الخفيف على كتفي من ورى وهي حضرتها كانت تلعب في الشنطة تبى توصل للمحفظهّ!!!
أول ما التفت عليها قعدت تقولي نو ميسو نو ميسو فعرفت وعلى طول نزلت من القطار قبل لا يتحرك
شكلها كانت تبى توصل للمحفظه لكن بفضل الله ما قدرت والحمدلله إن الله نبهني أشوف شو صاير من وراي
أتأكدت من المحفظه ولقيتها موجوده ولا فيها شي ناقص الحمدلله
كتبت هالموضوع حبيت أنبهكم إن لا تحطون في المحفظه كل شي يعني خلو مبلغ صغير في المحفظه وبطايق الإئتمان وزعوهن في أماكن متفرقه في حقيبة اليد
وبعدين حفظو رقم البطاقة ورقم تلفون البنك اللي تتعاملون معاه في بلدكم في جوالكم عشان لو يصير ما يصير يكون عندكم رقم البطاقة وعلى طول تتصلون ع البنك عشان يوقف تفعيل البطاقة
وبعدين تقدرون تروحون للسفارة اللي تابعه لدولتكم وأكيد ما راح يقصرون معاكم
الله يحفظكم ويحفظنا وجميع المسلمين
وسفرة ممتعه إن شاء اللهمواضيع عشوائيه ممكن تكون تعجبك اخترناها لك:
- الأحساء و العلا ترحب بكم
- شهر عسل اوروبا او امريكا
- وحشتوني موووووووووووووووت
- طــيران الامـــارات والطيـــران التــايلندي
- اسعار بوكنج تتغير بعد الحجز؟
- شهر عسل في فبراير
- صيف ه الى اين تتجه الانظار
- رأيكم و إستشاراتكم حول السفر الى تركيا
- تبغى حجز ولا حصلت داخل السعودية
- مدينة مثل ماليزيا ؟؟
- انصحوني بمدينة للسفر اليها
- مصر للطيران تُطبق “تأشيرة السودان”
- خبرتي بالسّفر ونصائح مهمة لحجوزات الفنادق والطيران ومواقع مجربة جدا
- أفضل مطارات عام
- النمسا او تركيا
- عطون رايكم مصر بتكفلة ولا اندونيسيا ولا شو
- اريد المساعده في اختيار وجهه للسفر حسب ميزانيتنا
- لندن او سويسرا؟؟
- هل ضروري كل عطلة نسافر ؟؟
- محتار يا شاباب ممكن تساعدوني
المفضلات