أهلييين أعضاء المنتدى
حبيت أخبركم عن قصة صارت لي وأنا في سويسرا لأخذ الحيطه والحذر فقط
الصيف اللي فات كنا في سويسرا وأثناء ما كنا بنركب القطار لتنقل في أنحاء سويسرا
في البداية بعض عيالي ركبو القطار قبلي وبقيت أنا ولدي وأثناء ما أنا بركب القطار متأكده إن ولدي من خلفي عشان يركب على طول معاي ولكن للأسف سيدة سحبت ولدي وقالتله لا أنا أول
هو ما شاء الله ريال عمره 18 سنة سكت عنها وخلاها تركب قبله بس هي كانت مخططه لشي ثاني
المهم أنا كنت حاطه الشنطه على كتفي والذكيه إن الشنطة مفتوحه
حسيت في حد يلعب في ظهري من ورا كأن حد يدفعني للأمام في البدايه طنشت لأن ولدي عليه حركات فكرت هو اللي يدفعني كنوع من المزح
بعدين حسيت بالحركة أكثر ألتفت معصبه وكنت بتفاهم مع ولدي عن هالحركات البايخه
ولكن شو حصلت؟؟؟
سيدة أجنبية حاطة الجاكيت مالها من النوع الخفيف على كتفي من ورى وهي حضرتها كانت تلعب في الشنطة تبى توصل للمحفظهّ!!!
أول ما التفت عليها قعدت تقولي نو ميسو نو ميسو فعرفت وعلى طول نزلت من القطار قبل لا يتحرك
شكلها كانت تبى توصل للمحفظه لكن بفضل الله ما قدرت والحمدلله إن الله نبهني أشوف شو صاير من وراي
أتأكدت من المحفظه ولقيتها موجوده ولا فيها شي ناقص الحمدلله
كتبت هالموضوع حبيت أنبهكم إن لا تحطون في المحفظه كل شي يعني خلو مبلغ صغير في المحفظه وبطايق الإئتمان وزعوهن في أماكن متفرقه في حقيبة اليد
وبعدين حفظو رقم البطاقة ورقم تلفون البنك اللي تتعاملون معاه في بلدكم في جوالكم عشان لو يصير ما يصير يكون عندكم رقم البطاقة وعلى طول تتصلون ع البنك عشان يوقف تفعيل البطاقة
وبعدين تقدرون تروحون للسفارة اللي تابعه لدولتكم وأكيد ما راح يقصرون معاكم
الله يحفظكم ويحفظنا وجميع المسلمين
وسفرة ممتعه إن شاء اللهمواضيع عشوائيه ممكن تكون تعجبك اخترناها لك:
- مساعده ضرورى فى تذكره السفر فى شركه مصر للطيران
- كيف أسافر بالقطار
- بالي او لنكاوي
- فندق ديسول سي بيتش مع اجازتنا للسياجة
- قرية هولندية بدون شوارع
- عاجل جداً استفسار مهم الله يوفقكم جاوبوا
- سفرتي لشهر العسل في شهر اكتوبر ابي رأيكم
- مشكله في حجزي
- حقيبة سفر البيبي موضوع مهم لكل مسافر مع الرضع
- أجهزة السكانر بالمطارات
- استفسار فلاي دبي
- شكر وتقدير واحترام وسوال
- الفيزا الاماراتيه ضروري الرد
- من جرب موقع في حجز الفنادق وخاصة في دول اسيا
- الاجازة الصيفية
- موقع يجمع جميع خطوط الطيران
- جواز السفر قبل الزواج
- اريد الغاء الحجز على الخطوط السعودية هل يذهب علي مبلغ التذاكر؟
- جزيرة .الباريلا بايطاليا جنة لا يعرفها الكثير
- المساعده واستفسار عن كيفية انزال الصور في الموقع
المفضلات