انا عضو جديد والله ماخلاني اسجل بالمنتدى الا هذا النصاب انتبهوا منه هذي قصتي :
قبل سنه دخلت للمنتديات ابي احجز لشهر العسل واشوف العروض طاحت عيني على عرض بمكتب ( ترحال العربيه ) قدر الله علي ومشيت للرياض قبل زواجي بأسبوع تقريبا ورحت للمكتب وجلس يعلمني على العروض اللي عندهم ... حجزت لمالزيا وكان سعر السفره 11100 لشخصين 14 يوم حولت المبلغ بنفس الوقت وقال خلاص بكرى افتح ايميلك واسحب التذاكر قلت حلو .... مشيت ورجعت لديرتي يوم ويومين انتظر التذاكر كل يوم يقول بكرى النت فيه مشكله الطابعه فيها مشكله جاء يوم زواجي ولا اخذت التذاكر جلست يومين بعد زواجي وكل يوم يقول انتظر بكرى اخر شي حجزولي غير الحجز اللي طلبته وكل يوم اصبر بكرى نعدله وبالاخير يقولون الخطوط ضيعوا تذاكرك يمين ويسار راحت اجازتي وراحت تذاكري وراحت فلوسي لي اربع شهور ادق عليهم وكل يوم يصرفونن قال راعي المكتب انا الحين ماعندي فلوس مستعد اقسط لك المبلغ قلت مافي اي مشكله بس يرجع حقي اول شهر 1500 ريال ثاني شهر 1500 ريال ثالث شهر1000 ريال ولي اربع شهور ساحب علي ادق عليه مايرد محول جواله على موظفات بنات عنده ويقولون هو الحين بدبي كلمت هيئة السياحه قالوا المكتب هذا غير مرخص ( ومعي خطاب الهيئه للتوثيق ) وهذا ثاني مكتب غير مرخص له الحين ابغى منه سبعة الاف ريال ولا قادر اطلعها والحل ؟؟؟؟
وشكرااااااااا
اسم المكتب يحمل اسمين ( ترحال العربيه ) او ( فرص الاعمال ) مخرج 5 حي المصيف شارع ابن سينامواضيع عشوائيه ممكن تكون تعجبك اخترناها لك:
- غيرت حجم شنطتي الكبيرة واستمتعت بسفر مرييييييييييييح
- تركيا او لبناان ؟
- موقع لـ مقارنة خطوط الطيران العالميه من و إلى
- شقق مفروشة في المدينة المنورة
- للمهتـميـن باسعار صـرف العملات الريال واليـورو
- معذرة، حالياً لا يمكن إجراء حجز لهذا الفندق انقر هنا لمشاهدة الفنادق القريبة
- برنامج سياحي في ماليزيا لشهر العسل 7 ليالي و 8 ايام
- وين احصل المواقع المقارنه بالاسعار الخطوط ، الفنادق
- نصائح للمرأة الحامل عند السفر
- افضل موقع لحجز الفنادق وسعر منافس ويوجد كود خصم
- نصيحه من تجربه
- الرجاء المساعده وين اسافر هالعطله والسبب
- ليالي في ماليزيا كافيه بعد العيد؟؟
- تبغى حجز ولا حصلت داخل السعودية
- استفسار للي عنده مديونيه لشركة الاتصالات ويبي تسافر
- تصويت اوربي
- الخطوط البحرية
- ماليزيا أم تركيا لشهر عسل ابريلي ؟
- ولدي قطع تذكرة ل الخطوط السعوديه الداخليه
- توقعات الطقس
المفضلات