مدام السالفه فيها تقرير جديد بالبوابة
ما اوصيك الصور الصور الصور
صور كل شي تشوفه
كل شي يلفت أنتباهك
عن نفسي بآخر تقرير كتبته سجلت كل الملاحظات عندي بالتيلفون أسرع عشان ما انسى ولا فتفوته 
كل مرة أركب التاكسي كنت اسجل بالتيلفون بقسم الملاحظات
كم كلفني
أو
اصور الفاتورة عشان ما انسى كم ولو ان عندي ملاحظه وعتب كبيرررررر على المنتدى
ان طريقه تنزيل الصور
بالمنتدى للأسف كثير معقده مب مثل باقي المنتديات
انا كنت أكتب تقريري بهالمنتدى ومنتدى 2 نسائي
عشان أنزل الصور بمنتدى العرب المسافرون أخذ عاادي مب اقل من ساعتين
واعصابي تتلف علي
وبالمنتدى الثاني ما شاء الله باقل من ساعه انزل الصور كلها نازله
مع التقرير
المفروض منتدى معتمد اعتماد كبير على الصور
ان يسهلون سالفه تنزيل الصور
روح اللألبوم ونزل الصور وبعدين دش على كل صورة مرة ثانيه
وأخذ الرابط لووويه الله يهديهم
طبعا في طرق ثانيه ان تنزل الصور ببرامج غير
بس لأن انا أول تقرير كتبته وتعبت عليه
بعد سنه راحت الصور كلها أختفت
وضاع تعبي كله هدر 
فنصيحه
الصور لازم تنزلها بالمنتدى اظمن
نرجع لسالفتنا أدري طلعت عن الموضوع وشكلي بعد حبطتك
خخخخخخخ
هذا اذا ما غيرت رأيك الحين
المهم يا اخوي
سجل كل ملاحظاتك وصور كل شي كل شي
ولي رجعت بالسلامه اقعد قعده حلوة ورايقه
وأكتب لنا أحلى تقرير
وان شاء الله تروح وترد بالسلامه
وتكتب لنا أحسن تقرير لسنه 2013
رد مع اقتباس
المفضلات