+ الرد على الموضوع
النتائج 1 إلى 15 من 15

الموضوع: تقريري ملاحظات هامة قبل السفر هدية جنوب افريقيا

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    تقريري ملاحظات هامة قبل السفر هدية جنوب افريقيا


    السلام عليكم

    ومساكم الله بالخير جميعاً






    اول شيء و قبل ما ابدا موضوعي احب اقدم شكري الخالص للأخ فوكس على كل المعلومات اللي افادني فيها قبل سفرتي الناجحة 100 % الى جنوب افريقيا ، و اقول له ما قصرت و بيض الله وجهك و عساك على القوة


    طيب في البداية خلوني اقول موضوعي عبارة عن خربشات بكتبها و بسردها بشكل عام علشان يستفيدون منها الاعضاء و من بينها راح اقولكم عن رحلتي بتفاصيلها بس بدون صور - الا اذا احد حمسني -

    لأني طول عمري اسافر و ولاعمري فكرت انزل تقرير عن سفرتي لأني اتعيجز اضبط الصور و ارفعها و اقول دايم ما شاء الله على اللي ينزلون صورهم خخخخ




    فاسمحولي ابدا اقولكم بجدول رحلتي

    عدد المسافرين : 2 ( انا و زوجتي )

    سبب الرحلة : ترويح و تجديد - يعني مو شهر عسل هع -

    كانت سفرتي عن طريق طيران الاتحاد

    الدمام - ابو ظبي (الاقلاع الساعة 5.45 العصر و الوصول 8.05 الى ابو ظبي )

    ابو ظبي - كيب تاون ( الاقلاع الساعة 10.20 الليل و الوصول من بكره 8,30 الصباح )


    سعر التذكرة: بـ 3750 ريال سعودي للشخص

    الخيانة اللي تفاجئت فيها في مطار ابوظبي ان الرحلة مهي دايركت لـ كيب تاون ، راح تكون 8 ساعات تقريباً الى جوهانسبيرغ و بعدين توقف علشان تنزل ركاب لمدة ساعة و نص ، و بعدها تروح لكيب تاون - ساعتين و نص تقريباً - من دون ما ننزل من الطيارة

    مع اني لما حجزت و دفعت كل شيء عند طيران الاتحاد و في موقعهم ما حصلت اي شيء من هالقبيل

    عموماً

    كانت الرحلة 13 يوم , مقسمة كالتالي :

    6 ايام كيب تاون = فندق Protea hotel Victoria Junction - اربع نجوم

    وهذا رابطهم

    http://www.booking.com/hotel/za/prot...76&aid=1329869

    سعر الليلة: بـ 610 ريال سعودي تقريباً

    تقييمي للفندق بصراحة الفندق ضعيف - و قيمته مقابل السعر ما يسوى

    ولو تلاحظوا تقييم الناس اللي تصوت في بوكينق تلقونهم معطين القيمة مقابل المال تقييم ضعيف

    كل يوم من الساعة 6 الصباح يبدون يشتغلون و تسمع اصوات المطارق و الدريلات على مخك

    يعني غصباً عنك تقوم

    الفندق نظيف و فطورهم جداً رائع لكن الراحة ما تحصلها الا في الليل و كتصميم الفندق جداً عادي

    و لازم علشان تروح الواتر فرونت ، تروح بالسيارة ( 5 دقايق بالسيارة تقريباً )



    3 ايام في الجاردن روت = فندق The Rex Hotel - اربع نجوم

    وهذا رابطهم

    http://www.booking.com/hotel/za/the-...76&aid=1329869


    سعر الليلة : 420 ريال سعودي

    تقييمي للفندق - من افضل الفنادق اللي سكنتها

    فندق جداً جداً جداً راقي و غرفهم كانها سويت كبيرة جداً بصالة و غرفة نوم و حمام محترم و مطبخ صغير و ستايل مودرن رووعة

    ستايل الفندق بسيط و جمالها في بساطته بصراحة تفاجئت فيه واللي مو مصدقني يدخل يشوف التقييم في بوكينق جداً عالي

    الفندق في مدينة Knysna وجنب الواتر فرونت مسافة 4 دقايق تقريباً مشي

    عيبه الوحيد مافيه مطعم لكن حالين هالموضوع بفكرة حلوة

    بحيث ان الفطور يعطونك كوبون فيه 3 اختيارات مطاعم تختار اللي تبي و تروح تفطر فيه

    وبالنسبة لي ما همني كثير هالعيب لذلك الفندق جداً اعجبني

    اهم شيء اللي يبي يحجز فيه ياخذ غرفة رقم 204 لأنها الافضل خخخخخ




    4 ايام في جوهانسبيرغ = فندق Park Inn - اربع نجوم


    وهذا رابط الفندق

    http://www.booking.com/hotel/za/park...76&aid=1329869


    سعر الليلة : 510 ريال سعودي تقريباً


    الفندق حليو و مشكلتي سكنته بعد ريكس هوتيل ، فما اقدر اقيم زين

    Park inn موجود عندنا بالخبر و سكنت انا قبل كذا بالخبر و جداً جداً اعجبني

    اللي في جنوب افريقيا بوجهة نظري اضعف ، فطورهم حلووو و حتى مطعمهم حلوو و خدماتهم حلوة

    لكن كغرفة امممم يعني مش ولا بد

    قريب من السانتدون مسافة 5 دقايق بالسيارة تقريباً




    المواصلات

    استأجرت سيارة مثل ما نصح الاخ فوكس في مواضيعه

    و من اكثر الاشياء اللي خلت الرحلة ناجحة اني اخذت بهالنصيحة

    قيادتك للسيارة بنفسك متعة + وناسة + فلة + خصوصية + تروح وتجي وين ما تبي على كيفك + صعوبة أول يومين و بعدها تتعود


    اجرت سيارة صغيرة من شركة National Car Rental

    وهذا موقعهم https://www.nationalcar.com/

    السيارة هي Nissan Tiida

    اخذت جير توماتيك نظراً لأن نظام القيادة بريطاني يعني السواق على اليمين

    فما قدرت اني اتخيل اني اسوق جير عادي و ايدي اليسار هي اللي تعشق خخخ

    و الكيلومترات مفتوحة

    سعر اليوم الواحد : 250 ريال تقريباً

    و استأجرت من نفس المكتب جهاز GPS بسعر : 35 ريال سعودي لليوم الواحد تقريباً


    السيارة استلمتها في كيب تاون اول ما وصلت و جلست الـ 6 ايام حقتي في كيب تاون

    بعدها مسكت خط فيها لمدينة الجاردن روت و اللي تبعد عن كيب تاون مسافة 5 ساعات تقريباً

    و جلست في جاردن روت 3 ايام و بعدها سلمت السيارة في مطار جورج

    والشركة تاخذ على استرجاع السيارة لكيب تاون سعر 400 ريال تقريباً



    بعدها من مطار جورج كنت حاجز على طيارة الى جوهانسبيرغ

    على طيران 1time

    وهذا موقعهم https://www.1time.aero/

    سعر التذكرة للشخص الواحد : 510 ريال تقريباً


    الاقلاع كان الساعة 12,25 الظهر و الوصول 2,15 الظهر



    .......



    نبذة بسيطة عن الانشطة والاكتيفيتس في كل منطقة


    كيب تاون

    رحت تقريباً لكل الاماكن هناك ( خليج هاوت - حديقة عالم الطيور - شاطئ كامبس اي - حديقة الزهور - مجمع الكنال ووك - رأس الرجاء الصالح - مزرعة النعام - شاطئ البطاريق - رحلة هلكوبتر عن طريق مكتب في الواترفرونت - جبل الطاولة - هضبة الاشارة ..... الخ )


    المكان الوحيد اللي ما استسغته و ما عجبني ابداً ( هو حديقة الزهور ) ، ما عجبني ولا احد يسأل ليش خخخ

    بالنسبة لحديقة النعام ما انصح تروحون لها لأني تفاجئت بوجود النعام بكل مكان و بكل حديقة حيوان و بالسفاري و حتى بالخط لجاردن روت

    جزيرة روبن آيلاند كنت مقرود فيها ، حجزت و دفعت لها تذكرة في اليوم الخامس ، على اساس اليوم السادس راح امسك الخط لجاردن روت من الصبح

    يوم رحنا اليوم الخامس قالوا تكنسلت الرحلة بسبب الاحوال الجوية و خلونا نسترجع المبالغ

    و بالنسبة لملاهي راتنجا ايضاً ما رحت لها لأنها مسكرة وما تفتح الا بتاريخ 22 سبتمبر


    وباقي الاماكن كلها رحت لها و فيه شغلات كثيرة ايضاً استكشفتها بكتب لكم عنها لما اتذكرها خخخخ




    جاردن روت

    اغلب الانشطة كانت قريبة مني نظراً لاني ساكن في Knysna

    فرحت لـ رأس نايزنا- جنة عدن - كانقو كايفز - اطول زحليقة بالعالم ... الخ

    فيه برضوا اماكن رحنا لها ما اتذكرها


    بالنسبة لـ جنة عدن فهي نار عدن وليس جنة خخخخخ

    ابداً ابداً ابداً ما اعجبتني مجرد تمشي بالغابة ، حطوا للناس ممشى عبارة عن خشب تمشي عليه و بس

    غابة يا جماعة مافيها شيء اشجار ضخمة و تتمشى بينها ، طيب وبعدين ؟ خخخخ

    بنفس الطريقة ممكن تروح لأطول زحليقة بالعالم و اللي هي تجربة جداً رائعة , عبارة عن تنقل بالكيابل بين اشجار وانهار بـ 10 مراحل ، والطريق لها ساعة ونص تقريباً ، بس صراحة تجربة حلوة

    برجعتك من كانقو كيفز راح تجيك حديقة حيوان على يمينك نسيت اسمها ، جداً رائعة لا تفوتكم



    جوهانسبيرغ

    مركز كارلتون التجاري - مدينة جولد ريف - منتزه الاسود .... غيرها


    مركز كارلتون رووعة و فيها ساحة مانديلا

    مدينة جولد ريف ملاهي ضخمة وفيها جميع الالعاب الممتعة و تستاهل يوم لحالها

    و منتزه الاسود حاجة ثانية ، تدخل بسيارتك بين الاسود و فيه بينك و بينهم الا باب السيارة

    الجووو رهيييييبب ومخييييف و اكشن



    ممكن البعض يسأل معقولة 4 ايام ما رحت الا الثلاث اماكن ؟

    اقولكم بعد شوي ليش هع




    بالرد اللي تحت راح اكتب اهم الملاحظات المهمة قبل السفر الى جنوب افريقيا

    اضافة من الادارة :

    شاهد معنا افضل فنادق في ابو ظبي
    https://www.otlaat.com/best/abu-dhabi-hotels/

    مواضيع عشوائيه ممكن تكون تعجبك اخترناها لك:

    فنادق عطلات


    التعديل الأخير تم بواسطة Rana2016 ; 12-01-2020 الساعة 08:47 PM

  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    ملاحظات هامة قبل السفر الى جنوب افريقيا


    اخواني النقاط هذي بالنسبة لي اهم من كل شيء كتبته فوق

    لأني وقعت في مصائب بسببها


    اولاً : عند تأجير السيارة ، يوجد اكثر من 10 شركات لتأجير السيارات في جنوب افريقيا ، جميعها بلا استثناء ترفض قبول بطاقة الفيزا او الماستر كارد اللي ارقامها غير بارزة

    لاحظوا الصورة هنا

    http://acakadutdesign.files.wordpres...a_card_big.jpg

    الارقام مكتوبة كتابة ، لكنها غير بارزة وهذا النوع يتم رفضه من قبل كل الشركات


    وللمعلومية انا سيارتي الاولى اجرتها من شركة National Car Rental

    لمدة 9 ايام و كانت رافضة تماماً هذي البطاقة اللي ما كنت جايب الا هي ، وقبلتها بعد محاولات عدة معهم


    و في جوهانسبيرغ كنت حاجز سيارة عن طريقة شركة First Car Rental

    ورفضت السيارة تماماً انها تعطيني السيارة بالبطاقة هذي

    ولما رجعت لشركة الاولى في فرع مطار جوهانسبيرغ ايضاً رفضت لكن لما وريتهم الفاتورة حقت مكتب كيب تاون ، صارت بينهم وبين الفرع اللي في كيب تاون مصارعة بالتلفون ، و اضطروا انهم يقبلونها

    يعني انا مشت معاي بفضل من الله و لكن الاصل انها ما تمشي



    ثانياً : لكل شخص يبدا قيادة السيارة في كيب تاون ، حاول ان ما يكون مخططك في الايام الاولى الذهاب لـ رأس الرجاء الصالح ، نظراً لان الطريق للمنطقة هذي مخيف نوعاً ما كونه جبلي وكونك توك تحاول تتأقلم على القيادة هناك ، لذلك خل الذهاب لهالمنطقة بثالث يوم بعد ما تتعود على قيادة السيارة ، و علشان اسهل لك الامور ، في اول يوم حاول تلحق السيارات اللي قدامك علشان ما تلخبط و انتبه دائماً اذا دخلت الدوار لا تلخبط ، و اذا حسيت بلخبطة كمل دورة دورتين في الدوار لين تصيد دخلتك الصحيحة
    وخذها قاعدة في الشوارع اللي تكون رايح جاي ، الرصيف دائماً يكون على يسارك



    ثالثاً : لا تستخدم بطاقة الفيزا الا في المحلات الفخمة و الاماكن المشهورة وابعد عن الكشكات و احذر تغلط غلطتي و تخلي احد ياخذ صورة من البطاقة

    شركة اجار السيارات رفضت تستخدم بطاقة الفيزا لأن ارقامها مو بارزة لكن علشان تعطيني السيارة اشترطت علي انها تاخذ صورة من الجهة الامامية من البطاقة و وافقت مع اني كنت متخوف


    و بعد 10 اياام بالضبط صارت تجيني مسجات على جوالي انه في عمليات قاعدة تصير على بطاقتي مع انها معاي !

    الاخ اللي اخذ نسخة من البطاقة قاعد يشتري من مطاعم و سوبرماركت على حسابي !

    الا ان كلمت اخوي و اخوي كلم البنك خليتهم يوقفون البطاقة نهائياً ، الحرامي اشترى بأكثر من 1000 ريال على حسابي

    لذلك احذر كل الحذر انك تعطي احد نسخة من البطاقة




    رابعاً : سعر اجار السيارة في 9 ايام كان 2273 ريال ، بعد ما اجرت السيارة و انا متجه للفندق ، تفاجئت ان شركة اجار السيارات مسكت مبلغ 7000 ريال تقريباً و هذا الشيء انتبهوا منه

    الشركة تمسك هالمبلغ بحسابك و ما تقدر تستخدمه نهائياً و السبب يكون هالمبلغ مثل التأمين في حالة صار لك حادث او صاروا الشركة يطالبونك بأي شيء ، يسحبون من هالمبلغ

    المشكلة لما ترجع السيارة ما تسترجع المبلغ على طول ، يكون الاسترجاع اقل شيء بعد 4 ايام و هالشيء تقريباً يدمر اصحاب الميزانيات المحدودة.



    خامساً : مافيه شيء اسمه انترنت بلاش في جنوب افريقيا ، حتى في الفنادق 5 ستار - والله اعلم - و الانترنت عندهم غالي .


    سادساً : كل المناطق في جنوب افريقيا تجد الرحبية و الروح العالية و الابتسامة الحلوة في كل مكان ماعدا في جوهانسبيرغ الكل معصب - ما ادري ليش -


    سابعاً : مدينة صن سيتي خصصت لها يوم كامل بدون ما اسكن فيها ، وهي مدينة تبعد ساعتين و نص عن جوهانسبيرغ و مليانة انشطة لكن يوم واحد ما يكفيها و لازم تسكن ، لأن الطريق في الليل بالرجعة مظلم جداً و مخيف

    واغلب الانشطة اللي فيها مثل السفاري و ركوب البالون يبدون الساعة 5 ونص الصباح

    وانا وصلت لها الساعة 10 الصباح تقريباً


    ثامناً : مدينة صن سيتي - لا تصلح للمتزوجين - من وجهة نظري , مع ان الانشطة فيها جداً رائعة الا ان التفصخ والمناظر الخادشة للحياء في كل مكان مع اني توقعت ما اشوفها الا جنب البرك !


    تاسعاً : لمن يملك بلاك بيري و يحب يستخدم البلاك بيري ماسنجر بشريحة جنوب افريقيا ، عند شرائك لشريحة من شركة فودافون ، اطلب من صاحب المحل يفعلها لك و اطلب منه يشغل لك خدمات الانترنت و سعرها تقريباً بـ 35 ريال سعودي ، بعدا ما يشغلها سو ريستارت للجوال و راح تلقى خدمة البلاك بري شغالة مع العلم انها ما تستهلك شيء من رصيدك نهائياً حتى لو حملت روابط صور او مقاطع جوال .


    عاشراً : بالنسبة لاسترجاع الضرائب او الـ Tax في المطار ، نظامهم سخيف و غبي ، المطلوب مهو الفواتير بس ، المطلوب كل شيء شريته مع الفاتورة ، شريت تي شيرت ، تجيب التي شيرت مع الفاتورة ، يعني بالعربي لا تقفل شنطتك و هالشيء مستحيل طبعاً ، تجادلت معاهم على نظامهم الغبي ، يعني احنا يالله نسكر الشنطة تبين نفتحها علشان ضرايبكم ، عموماً وجب التنبيه خخخخ .


    هذا اللي اذكره و اذا تذكرت شيء ما راح اقصر معاكم

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    و اخيرا ً

    هديتي لكم يا اعضاء المنتدى



    رتب جدولك بكل سهولة

    ملف وورد لرحلتي كاملة بالتفصيل

    الجداول مرتبة و كل شيء مرتب على سفرتي

    ما عليك الا انك تغير التواريخ و تحط تواريخك و تغير اسامي الفنادق و تحط اسامي فنادقك وايضاً تغير اسماء شركات السيارات و تحط اسماء الشركات اللي حجزتها انت


    وبعدها راح تجيك صفحات للاماكن كل الانشطة في كل مدينة

    مدينة كيب تاون باللون الاخضر

    جاردن روت بالبرتقالي

    جوهانسبيرغ بالبنفسجي

    وكل مكان اسمه بالعربي و بالانجليزي - الانجليزي تستفيد منه اذا بحثت عنه بالـ GPS

    ومعلومات ايضاً عن المكان واسعار التذاكر - اذا كان فيه اسعار -


    تفضلوا حملوه على الرابط


    http://www.4shared.com/document/not1JObd/Harmony1.html




    ملاحظة كلمة تم بجانب بعض الاسعار كنت استخدمها اذا تم عملية الدفع ببطاقة الائتمان - علشان اعرف من اللي سحب مبلغه و مين اللي لسى -



    اتمنى اخواني اني ما ثقلت عليكم واني افدتكم ولو بشيء بسيط

    للأمانة اغلب معلوماتي كانت من الاخ فوكس الله يجزاه خير

    و انا حاضر لأي سؤال اخواني ولاي استفسار

    والان مع صور للجدول ....


























    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    يعطيك العافية اخوي معلومات قيمة ونصايح وملاحظات دقيقة ومهمة ،اكيد راح تفيد الاخوة المسافرين لجنوب افريقيا ، الف شكر لك...

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    اهلاً وسهلاً بالغالي هــــارموني ,,,

    اقسم بالله انك بطل يا شيخ ..... معلومات مهمة جداً

    ولا شكر على واجب يالغالي فهذا واجبي تجاهك وتجاه جميع الاعضاء

    والان يأتي دورك اخي هارموني في توجيه الاعضاء (الاستفسارات تناديك ...خخخخ)

    ******

    عجبني كثيراً جهدك الكبير والواضح لتنظيم رحلتك وتقليل الاخطاء بقدر الامكان

    وهذا دليل على حرصك على انجاح رحلتك وهذا باين من الجداول اللي سويتها

    واذا تحب اني انزل هذه الجداول على شكل صورة في تقريرك في نفس صفحتك

    انا حاضر ومستعد ...

    النقاط اللي ذكرتها مهمة جداً وطريقة عرضك للتقرير رائعة بذكرك للتفاصيل
    وتقييم الفنادق والروابط والاسعار وستكون اروع اذا كانت مدعومه بالصور ..


    ننتظر باقي التقرير والصور ...

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    نجمة النجوم

    الله يعافيك اختي ، وشاكر لك مرورك و تحفيزك

    تحياتي




    فوكس

    هلا بك يالغالي

    حاضرين لكل الاعضاء و حاضرين لأي استفسار


    والترتيب اللي سويته والجداول هذي كلها فادتني كثير

    وعلى فكرة سافرت كثير لكن ما عمري رتبت بهالطريقة الا هالمرة

    والسبب لأني ما اعتمدت على مكتب سفريات و رتبت شغلي وحجوزاتي كلها بنفسي



    الجداول لو تقدر تنزلها بطريقة صور تسوي خير

    كنت بنزلها بصور و ما عرفت الا طريقة تصوير الشاشة وبهالطريقة بتصير زحمة صور هنا

    الله يعطيك العافية فوكس ما قصرت



    و بالنسبة للصور ان شاء الله بأي وقت اروق ، بشتغل عليها

    تحياتي

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    االحمدلله على السلامه اخوي هارموني

    وربي ماقصرت تقرير مميز ..

    بس الي بالجدول كل هالبرنامج زرته والا إجتهاد منك ؛؛ ..

    تنصح الناس تزور جوهانسبرغ والا تكتفي بكيب تاون وحولها

    ميزانية السفره من الباب للباب كم كلفتك ..؟؟

    موفق يارب

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    فوكس

    الله يعطيك العافية اخوي ما قصرت




    شغب قلم

    الله يسلمك اخوي

    بالنسبة للأماكن اللي بالجدول هي تجميع مني للأماكن و المعلومات من نفس المنتدى هنا و ترتيبها بطريقة جدول

    و زرت اغلبها


    اما بخصوص جوهانسبيرغ ، فهي حلوة لكن قبل ما انصحك تروح لها او لا ، لازم اعرف برنامجك كامل

    لكن بشكل عام تستحق الزيارة و تعطيها 3 - 4 ايام


    ميزانية السفر كلفتني كاملة 30 الف ريال سعودي تقريباً

    وتسلم على مرورك وحاضر لأي استفسار ثاني

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    يعطيك العافية على المعلومات المهمه

    وبسالك بشكل عام كم يوم تحتاج لجنوب افريقيا وكم الميزانية لها

    السكن لازم فنادق 5 نجوم

    انا الصراحه اتمنى ازورها بس للاسف مافي تشجسع

    ومتى افضل وقت لزيارتها

    وكنت بقولك بنسبة لتاكس فري فهشي موجود حتى باوربا يعني بلندن والمانيا وفرنسا وغيرهم لازم الفاتورة والغرض الي شريته بعد لان ممكن يعتقدون انك تنصب عليهم لان الفاتوره مو اثبات مع ان معضم الفاواتير مختومه من المحل بس هم تفكيرهم غريب

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    وااااو !!! ما شاء الله تقرييير جبااااااااااااااار
    شكرا شكرا شكرا
    شكرا على التنظيم وشكرا على ملفات الورد شكرا على توضيح كل شي
    لا يسعني ان اقول الا ان الله يجزاك خير ويسعدك
    فعلا ساعدتني كثير

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    يعطيك العافية ماقصرت ممكن تفيدنا اكتر واكتر عن رحلتك انا ناوية اسافر مع زوجي واولادي الثلاثة صغار اكبرهم 7سنوات ايش الأماكن اللي تنصحنا نروحها او مانروحها وزوجي مصر لازم نروح السفارة السعودية في بريتوريا .كيف السفاري في كيب تاون احلى ولا جوهانسبيرج

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    يعطيك العافية

    تقرير رائع ومميز

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    معلومات مفيدة شكرا لك

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    يازين الكلام المختصر المفيد شكرا لك

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    تسلم اخويه على هذا المجهود الرائع والممتاز بصراحه اختصرت عليه الجهد في البحث والتخطيط
    راح اعتمد على الخطة المرتبة والنصائح الذهب الموجودة في هالصفحة

    فنادق عطلات


+ الرد على الموضوع

المواضيع المتشابهه

  1. تقريري في جنوب افريقيا بالصور
    بواسطة Robot في المنتدى بوابة السفر إلى الدول الأفريقية Africa
    مشاركات: 63
    آخر مشاركة: 02-02-2015, 05:09 PM
  2. لمن اراد السفر الى جنوب افريقيا
    بواسطة Robot في المنتدى بوابة السفر إلى الدول الأفريقية Africa
    مشاركات: 1
    آخر مشاركة: 02-02-2015, 04:21 PM
  3. السفر الى جنوب افريقيا للساحة
    بواسطة Robot في المنتدى بوابة السفر إلى الدول الأفريقية Africa
    مشاركات: 2
    آخر مشاركة: 02-02-2015, 01:46 PM
  4. بعض الاستفسارت عن جنوب افريقيا السفر
    بواسطة Robot في المنتدى بوابة السفر إلى الدول الأفريقية Africa
    مشاركات: 8
    آخر مشاركة: 02-02-2015, 12:38 PM
  5. ملاحظات هامة لمن يريد السفر لسريلنكا هذا العام
    بواسطة Robot في المنتدى الهند المسافرون العرب و سيرلانكا دليلك السياحي
    مشاركات: 41
    آخر مشاركة: 01-15-2015, 02:47 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X