الموضوع: الى الخبير فوكس واللي عنده خلفيه

السلام عليكم ورحمه الله


اانا ناويه ان شاء الله على جنوب افريقيا قي بدايه فبراير

والله يخليكم ابي اجوبه على تساؤلاتي علما مده الاقامه 10 ايام لشخصين

1/ كم تقعد التاشيره عشان تخلص.؟
2/ هل ممكن اخذ بنتي عمرها 2 وشهرين معي او ما تايدون؟
3/ ابي افضل المدن (كيب تاون او جوهانسبيرج او صن سيتي او..؟ (لااويد التنقل الكثير الا لشى يستاهل)
4/في كل مدينه ابي فندق نظيف او شقه (مايهمني السكن لان اغلب الوقت برا)بس ابي يكون نظيف ومريح وامن
5/ هل الاسعار الان فيها غاليه الاكل والترفيه ؟


وجزاكم الله الف خير

مواضيع عشوائيه ممكن تكون تعجبك اخترناها لك:

• بلاك بيري في جنوب افريقيا
• احذروا من اجهزة الصراف
• ارجوا المساعدة في ايجار سيارة بنظام الشهري
• الخارجية» تحذّر المواطنين من الخروج ليلاً واستخدام التاكسي في جنوب أفريقيا
• اقتراحات لشهر العسل في جنوب افريقيا
• ادعموني في رحلة اقتصادية الى جنوب افريقيا
• تكلفة جنوب افريقيا
• فزعتكم يالنشاما استفسار الدراسة في كيب تاون
• سفاري جنوب افريقيا؟
• مشاهدة الحيتان وسمك القرش
• أعددت برنامج شهر عسل وأحتاج رأيكم
• بعد جهد جهيد توصلت الى هذا الجدول فهل من مزيد ؟
• رحلتي إلى اللؤلؤة السمراء جنوب أفريقيا
• منتجعات “وان أَند أونلي” تطرح عروضاً متنوعة
• أتمنى مساعدتكم
• استفسار بخصوص بكيب تاون
• سؤال عن الطيران من الكاب تاون الى ناميبيا
• اسئلة ضرورية الرجاء الدخول
• دليل السياحة في جنوب أفريقية2017
• مسافر لوحدي الى كيب تاون

ما شا الله عليك فوكس ما لحقت اكتب الاجوبة الا وانت كعادتك سباااق في المبادرة
هههههههههههههههههههههههههههه

على حسب الي قريته وفهمته من المنتدى انا زواجي في ابريل وقريت اغلب المواضيع

1/ كم تقعد التاشيره عشان تخلص.؟
ج1: اتوقع اسبوعين او ثلاث ايام نسيت بس اتوقع اسبوعين
2/ هل ممكن اخذ بنتي عمرها 2 وشهرين معي او ما تايدون؟
ج2: والله اغلب فنادقهم هناك عندهم حاضنه بس نصيحتي خليها بالبيت
3/ ابي افضل المدن (كيب تاون او جوهانسبيرج او صن سيتي او..؟ (لااويد التنقل الكثير الا لشى يستاهل)
ج3: جوهانسبرج لازم تروحين لها لو بتروحين على الخطوط السعوديه اما احسن شي كيب تاون تجلسين فيها 10 ايام وخلال هالايام تروحين هيرمانوس ومنطقة رأس الرجاء الصالح والمناطق الصغيره الي حوله وكل واحد ووجهة نظره انا اشوف كيب تاون هي اهم شي
4/في كل مدينه ابي فندق نظيف او شقه (مايهمني السكن لان اغلب الوقت برا)بس ابي يكون نظيف ومريح وامن
ج4: الفنادق انصحك تدخلين موقع بوكنق وتشوفين العروض وعلى فكره تراك رايحه بعز الموسم يعني يالله تحجزون من الحين وانصحك تقارنين بالأسعار ولا تستعجلين يعني لو جيتي بتحجزين من النت اختاري مثلا فندق هوليدي ان (مثلاً) وشوفي سعره وروحي مكتب سفريات وشوفي بكم راح يعطيك السعر
5/ هل الاسعار الان فيها غاليه الاكل والترفيه ؟
التذاكر من السعوديه سياحي
حدود 4300 للشخص
لو بتروحين افق اظن حدود 7000
سكن يومياً خلينا نقول من ثمانيه آلاف لحد 12 الف
(معدل سكن من 800-1000) في الليله
مصروف يومي معدل 800 ريال

يعني معدل 25/حتى 35 الف
تقدرون بالراحه تخلونها اقل او اكثر
جنوب افريقيا بحكم ماقريته فيها الاسعار
مرنه فيها وفيها كل الخيارات وبصراحه شفت
بالمواقع فنادق على ميتين ريال والله احسن من مليون فندق
عندنا بالخليج بشكل عام وانا انصحكم تروحون سياحي
وتوفرون مبلغ التذكره (حوالي 8آلاف) للسكن بفندق احلى
او انكم تشترون هدايا اكثر او اي شي آخر
نقطه نسيت اذكرها
جنوب افريقيا تقدرين تروحين لكيب تاون عن طريق الاماراتيه
والسياحي في الاماراتيه محترم يعني مهب شين ابد ومريح وطياراتهم
تعتبر جديده وفخمه وتقدرين لاجيتوا تحجزون تسألون عن نوع الطياره
الي راح توديكم لوجهتكم
(ماشالله بتروحون بأحسن وقت في أواخر الصيف)
الله يوفقكم وانشالله اني ما قصرت بأي شي واي استفسار حاضرين

التاشيرة اذا كان كل شئ تمام من المستندات ,
5 ايام بزبط
اذا في مشاكل او اشياء غامضة بتطول حتي يمكن تمد لشهر ,