الموضوع: برنامج شهر عسل

اولاً حياكم الله .. والف مبروك على الزواج ...
والحمد لله انك اخترت جنوب افريقيا لقضاء شهر العسل خصوصأ ان فترت رحلتك راح تكون بداية الموسم في جنوب افريقيا .. والاجواء خيالية ..






المشاركة الأصلية كتبت بواسطة MAlhajri
http://www.arabtravelersforum.com/tr...0/#post5692346

السلام عليكم

فالبدايه احب اشكركم كلكم بلا استثناء على هالابداع الي تقدمونه في هالمنتدى الي اكثر من رائع ومفيد للغايه انا بصراحه ما اخطي خطوه ولا اسافر الا ارجع لهالمنتدى الجميل واجمع المعلومات الي تفيدني.
على كثر ما اتابع واقرى بهالمنتدى الا اني اول مره اشارك
بس ثقوا تماما اني ماشاركت الا اني بأمس الحاجة لكم ولمساعدتكم.

انشالله باذن الله عرسي بتاريخ 2011/9/30
وقررت انه يكون شهر العسل في جنوب افريقيا.
طبعا افظل اني اسافر بتاريخ 2 اكتوبر الفجر
او 1 اخر الليل يعني ثاني يوم من العرس.
فالبدايه كنت حاب اني اروح لثلاث اماكن:

- سن ستي 3 ليالي
- كيب تاون 7 ليالي
- موريشوس 4 ليالي

بس شفت انه خط سير الرحلة راح يكون معقد خصوصا بعد ماقريت انه سن ستي الافضل انه الواحد يروح لها في الويك اند تلخبطت عندي بعض الامور. فترددت قلت يمكن لو اكتفي بس في كيب تاون وموريشوس
هذا شي ابيكم تنصحوني فيه حسب خبرتكم اخاف اروح تطلع الاماكن والنشاطات متكرره يعني ودي لو تعطوني البرنامج الكافي الوافي !!

اذا تبي نصيحتي خلك على جنوب افريقيا ارخص لك من موريشوس .. موريشوس قمة في الروعة بس غالية ..
واذا تبي معلومات اكثر عنها ادخل على بوابة الجزر وشوف موضوع ابو عزيز ..

ارشح لك هذا البرنامج : على اساس الوصول لجوهانسبيرج والعودة من جوهانسبيرج (طبعاً لو قدرت تخلي الوصول كيب تاون والعودة جوهانسبيرج او العكس افضل بكثير )

تطلع طيران داخلي الى الكيب تاون :
6 ايام الكيب تاون
وراح تستأجر سيارة في الكيب تاون وتسلمها في مطار جورج
4 ايام في مدن القاردن روت (ولدرنس)
تطلع طيران من مطار جورج الى جوهانسبيرج وعند وصولك جوهانسبيرج تروح للصن سيتي
2 الصن ستي
2 جوهانسبرج



شي ثاني ياجماعه الكل يعرف انه التذاكر صارت نار في هالوقت صح؟ يعني انا قبل شهر جيكت على موقع القطرية كانت التذكره كويت-كيب تاون-كويت في شهر 10 تقريبا 153 دينار الحين اجيك عليها في هالوقت يطلع لي 300 وشي ، هل هالاسعار علشان احنا الحين في الهاي سيزون وبعدين راح تنزل اخاف انتظر ترتفع اكثر. (هذا سؤالي الثاني)

تحتاج متابعة شركات الطيران .. ومتى ما لقيت الفرصة احجز على طول .. اعتقد ان 153 دينار كان سعر رائع
وان شاء الله تنزل الاسعار عن 300 دينار ..

الامر الثالث:
بالنسبه لكيب تاون على حسب ماقريت انه افضل الاماكن الي ممكن الواحد يسكن فيها وتر فرونت او سي بوينت طيب ابي الفنادق الراقيه والحلوه والي ممكن انبسط فيها بمناسبة اني رايح شهر عسل والافضل اني اسكن في وتر فرونت ولا سي بوينت
وياليت تدلوني شلون احجز عن طريق مكتب سياحي ولا من النت؟

السي بوينت منطقة مركزية جميلة ومناسبة للسكن (وجهت نظري)
الوتر فرنت قمة في الروعة والجمال ..

يمكنك تقسيم المدة يومين في الوترفرنت واربع في السي بوينت

اتمنى مراجعت المواضيع المثبته (التقارير + واهم الاستفسارات ) راح تساعدك كثير

بالنسبة لطريقة الحجز غالباً النت ارخص .. تحتاج تعمل مقارنة بين النت والمكتب ..



وبالنسبه لموريشيوس قريت مره عن الهلتون قالو حلو تدرون شنو المشكلة انه كل واحد راح فندق وكل واحد يمدح الي راحله وهالشي يجعلك في حيره ويصعب عليك الاختيار
وقريت مره عن فندق اسمه مالدافيا او اسم مقارب يقولون هو عباره عن اكواخ على البحر وفيها مسبح خاص
طيب ابي نصايحكم شتنصحوني فيه الدبره ياعيال تكفون
زر بوابة الجزر
ادري والله ياشباب طولت عليكم وازعجتكم بس انا بحاجتكم راح تفيدوني وتفيدون غيري بردودكم
واخوكم رايح شهر عسل وبلد اول مره ازوره لاتخلوني فديتكم



واي خدمة نحن حاضرون

كثير استفدت من اسئلتك لانه انا وزوجي بنروح بعيد الفطر لكيب تاون

لو تسال في بوابة الجزر عن موريشيوس افضل لك هناك عندهم خبرة اكثر بموريشيوس..
اما كيب تاون فاحنا بالخدمة...
فندق فكتوريا اند الفريد 5 نجوم في وسط الوتر فرنت فية اغلى وفية ارخص حدد ميزانيتك للليلة وراح نفيدك ان شاء الله..

مشكورة اختي نجمة النجوم على اهتمامج
انا جيكت على فكتوريا هوتيل الي نصحتيني فيه في موقع booking.com بس طلع غالي حيل سعر الغرفه سبع ليالي بحدود 600 دينار انا حدودي تقريبا 50 دينار لليلة
شرايكم في فندق
protea hotel see point
حصلته في نفس الموقع 266 لسبع ليالي*

ارفع لك القبعه اختي الفاضله ، بنت اوربا على مداخلتك الجميلة ..
حقيقة كل ماذكرتيه صحيح ، و لولا اختلاف الاذواق مثل ماتفضلتي لبارت السلع ، موضوع الامان قد اختلف معاكي فيه ، لان كل الدول فيها اماكن امنه واماكن غير امنه حتى اوربا ... والواحد اذا عرف فين المكان الغير امن ( انحلت المسأله ) ، يعني مثلا في جنوب افريقيا - جوهانسبرج - ليلا غير آمنه .... اما بقية المدن ومنها كيب تاون مثلا - لي الان فيها شهر - آمنه بالنسبه للي كنت اسمعه قبل المجيء .
في الختام اشكرك جزيل الشكر على اسلوبك الجميل و الراقي ،،

المشاركة الأصلية كتبت بواسطة بنت أوربا
http://www.arabtravelersforum.com/tr...8/#post5725928

انا ماسافرت وعلى فكره انا قريت تقارير لبعض الاشخاص صارت لهم مواقف هناك مرعبه وناس من اهلنا راحوا هناك لما ردوا يقولون الحمدالله وصلنا على خير يقولون رعب الواحد يطلع فالليل .. وانا اشوف كاشهر عسل اوربا افضل وهذا رايي ولولا اختلاف الاذواق لابارت السلع

تحياتي للجميع

أكرر أسفي من العريس الذي له الفضل هو و موضوعه في إثراء هذا النقاش الجميل و أعده بأن تكون هذه هي مداخلتي الأخيرة
أختي بنت أوروبا
فهمت منك أنك لم تذهبي لجنوب أفريقيا و حكمت عليها هذ الحكم القاسي
و على حسب كلامك أنك عرفت ذلك من بعض التقارير ، لهذا كان من الأفضل أنك قلت في ردك السابق أني قرأت و سمعت بأنها دولة غير آمنة
لكنك أنت حكمت حكم القاضي بأن فيها و فيها من الأساطير التي ذكرتيها
أختي لسنا في صف أوروبا و لا في صف جنوب أفريقيا ، و لكن أقلامنا مؤاخذين بما نسطر بها
إن كان حكمك على البلد من واقع " قالوا و سمعت " فاسمحي لي بأن أقول لك بأني سمعت أن هناك حوادث اغتصاب كثيرة في مترو لندن من المخمورين هناك ، و أن هناك مضايقات كثيرة للمحجبات في ألمانيا و هناك العديد من حالات الاعتداء في سويسرا
و لهذا الحكم على الشيء يكون بالمعرفة به لا بالسماع فقط
و لهذا أتمنى منك موافاتي بروابط تلك التقارير التي ذكرتيها والتي ذكرت حوادث الإجرام مشكورة
و من هنا أدعوك لمتابعة تقريري و أتشرف بمرورك عليه حتى تقرأين كما قرأت من قبل و تحكمين على البلد من نافذة أخرى ، و ستجدين أني سافرت من مدينة لمدينة طوال ظلام الليل ولم أجد ما يريبني من فضل الله
تحيتي

بنت اوربا مشكوره على النصيحه بس انا كلش مافكر اني اروح اوروبا لاني درست في اوروبا ولفيتها كلها وتغلب عليها الطبيعه وكلها تتشابه بالنسبه لي وتقدرين تقولين زهقت منها هذي نقطه وسبب تختياري لجنوب افريقيا وكيب تاون بالتحديد انه بلد تكثر فيه النشاطات واحس مدينيه حيه فيها حياة طبعا على كلام الناس الي راحولها والتقارير الي قريتها وثانيا مدن اوروبا احسها ميته وماتحيا الا بالويك اند او بالصيف وبالصيف تحديدا ماكو الا التمسس والخليجيين اخواننا كل واحد يكشخ على الثاني انا رحلتي مو بالصيف وابي مكان فيه نشاطات وحركه يعني ابي استانس موو رايح اترزر. هذي وجهة نظري طبعا.

اخوي حضرمي اصلع مشكور علي مداخلتك اعتقد من كلامي مع الاخت بنت اوروبا عرفت انه ماعندي اي مشاكل في اللغه لاني خريج بريطانيا.

اخوي ابو العصافير اولا مشكور على مداخلتك وثانيا بالعكس مايحتاج تعتذر استمتعت بالمناقشه ومن قالك اني مابيك تكتب بهالموضوع مره ثانيه بالعكس انا يمكن اكثر واحد محتاج انه يكتب انت لاني محتاج مساعتدك، انا اخوي ابو العصافير ماعندي مشكلة بالرنامج اليومي او شلون انظم رحلتي احس هالمعلوماات اقدر اجمعها من التقارير وانسق لي برامج وجدول علي حسل ايام رحلتي.
انا الي عندي مشكلة فيه ومحتاج مساعدتكم فيه اختيار السكن بالنسبة للفندق والمكان بس ومانستغني عن نصايحكم

ومشكورين كلكم واسمحولي ؛)

المشاركة الأصلية كتبت بواسطة حضرمي اصلع
http://www.arabtravelersforum.com/tr...6/#post5727296

ارفع لك القبعه اختي الفاضله ، بنت اوربا على مداخلتك الجميلة ..
حقيقة كل ماذكرتيه صحيح ، و لولا اختلاف الاذواق مثل ماتفضلتي لبارت السلع ، موضوع الامان قد اختلف معاكي فيه ، لان كل الدول فيها اماكن امنه واماكن غير امنه حتى اوربا ... والواحد اذا عرف فين المكان الغير امن ( انحلت المسأله ) ، يعني مثلا في جنوب افريقيا - جوهانسبرج - ليلا غير آمنه .... اما بقية المدن ومنها كيب تاون مثلا - لي الان فيها شهر - آمنه بالنسبه للي كنت اسمعه قبل المجيء .
في الختام اشكرك جزيل الشكر على اسلوبك الجميل و الراقي ،،




اشكرك على اسلوبك الراقي انت الوحيد اللي كلمتني باسلوب جدا راقي واشكرك بعد على تقبلك للراي والراي الاخر لان اللي في هاذي البوابه كلوني اللي يشوفوهم يقول ان هم افريقين علشان يدافعون عنها ويهاجموني الهجووم القوي .. والله خرعوني حسيت اني سابه بلد مقدس .. الدعوه سياحه وناس ميتين على باريس وناس لا الناس اذواق .. الله يهدي الجميع يارب ... وعموما اتمنى للكل سفره موفقه وربي يحفظكم وين ماكنتوا

المشاركة الأصلية كتبت بواسطة MAlhajri
http://www.arabtravelersforum.com/tr...2/#post5729902

بنت اوربا مشكوره على النصيحه بس انا كلش مافكر اني اروح اوروبا لاني درست في اوروبا ولفيتها كلها وتغلب عليها الطبيعه وكلها تتشابه بالنسبه لي وتقدرين تقولين زهقت منها هذي نقطه وسبب تختياري لجنوب افريقيا وكيب تاون بالتحديد انه بلد تكثر فيه النشاطات واحس مدينيه حيه فيها حياة طبعا على كلام الناس الي راحولها والتقارير الي قريتها وثانيا مدن اوروبا احسها ميته وماتحيا الا بالويك اند او بالصيف وبالصيف تحديدا ماكو الا التمسس والخليجيين اخواننا كل واحد يكشخ على الثاني انا رحلتي مو بالصيف وابي مكان فيه نشاطات وحركه يعني ابي استانس موو رايح اترزر. هذي وجهة نظري طبعا.

ومشكورين كلكم واسمحولي ؛)



الله يوفقك اخوي ويرزقك بالذريه الصالحه واتمنى لك زواج سعيد .. وربي يحفظكم ويسعدكم وين ماكنتوا في افريقيا او في اي مكان في العالم

تحياتي للجميع

أعتقد يا بنت اوربا انك اجحفتي في حق الاخوه ، بنت نجد و ابو العصافير ، الذين اعتقد ان كنت اتعلم من احد هنا اسلوب الطرح و النقاش ، فهو منهم ، بس انتي دخلتي حاميه شويه ، وفي الختام ،، اهم شي الاهلي جاب كاس الملك ، و تاهل لنهائيات كاس كيب تاون في الشطرنج ، نتمنى للمنتخب البرازيلي التوفيق في الاختبارات النصفيه وشكرا ..

استاذ الهاجري ، نفسي اخدمك بالنسبه للفنادق بس انا جالس مع عائله صراحه ، لو تحب اشوفلك شقه على البحر في السي بوينت مكان ما انا جالس ، من عيوني ... حياك الله وبياك

تصدق يا ابو العصافير ، انا في كيب تاون وجالس ادور على مثل هذا الموقع .. ماقصرت يا باشا