السلام عليكم
كيف الحال يا اخواني عساكم بخير
انا الحين في بنجلور وحبيت اوفيكم بتقرير عن رحلتي القصيره المكونه من 10 ايام
يوم المغادره من دبي الاربعاء الساعة 12 بتوقيت الامارات الموافق 19-12-2008 اول ايام عيد الاضحى
طبعاً سافرنا على خطوط طيران الامارات زمن الرحله 3 ساعات و20 دقيقه
وصلنا مطار بنجلور الساعه 4 تقريباً,,,, ماتوقعت جي مطار بنجلور معاملت الموظفين مب حلوه ابد اول ماوصلنا هزئنا الضابط هناك
وبعد تأخرت الشنط وايد وضاعت وحده من الشنط
المهم استلمونا الحماليه لين الباص ولا بعد واحد منهم يقول عطوني فلوس بالدولار!!
كان في استقبالنا شخص من بنجلور صديق العائله وزوجته رحبو فيها ووصلونا الين السكن
الجو كان ممطر وبررررد ودرجة الحراره كانت 12
سكنا في Brigade Residences يعني المكان حلو ونظيف نوعاً ما وهذا موقعهم
http://www.brigadegroup.com/
في اليوم الاول كنا تعبانين ونمنا من وقت,,,
اليوم الثاني ,,, الخميس 20 -12-2007
صحينا الصبح ورحنا سوبرماركت قريب من رسول ماركت وتشرينا اغراض للبيت
والعصر سرنا مركز تسوق حلو وتشرينا بنجابي وقمصان وهالسوالف
ورجعنا البيت الساعة 6 ونص المغرب ,,, وطبعنا بسرعه وتعشينا قبل الساعه 8 وصمنا عشان اليوم الثاني الصبح كان عندنا موعد في المستشفى.. وعشانا يعنا وايد رقدنا من وقت.
اليوم الثالث... يوم الجمعه 21-12-2007
صحينا من النووم الفجر الساعه 6 وتلبسنا ونزلنا تحت لقينا الباص ينتظرنا و انطلقنا الى المستشفى وهو كولومبيا اسيا وهذا موقعهم عالنت
http://www.columbiaasia.com/country_...pe=MI&code=IND
سوينا تحاليل وكشوفات وشيك اب كامل ما شاء الله كنا 13 شخص وما خلصنا الا الساعه 5 العصر تقريباً. ورجعنا الشقة وما طلعنا ,, ووصلت الشنطه اللي ضاعت في المطار ويابوها لين السكن.
اليوم الرابع,,, السبت 22-12
اليوم العصر طلعنا لاحد مراكز التسوق وكان المركز كبير وخذنا عندهم بنجابي وقمصان طوال وكرمتو نعول حلوه وخذنا عشا من ماكدونالدز ورجعنا الشقه
اليوم الخامس,,, الاحد 23-12
اليوم طلعنا من العصر ورحنا اول شي لمحل اقمشه اعراس اسمه samyakk
والاهل خلصوا الاقمشه اللي في المحل ماشاء الله,, وبعدها سرنا فندق ليلى بلس فيه مركز تسوق راقي واشترينا هدايا للاهل وتعشينا في مطعم راقي
هذا الجزء الاول
وانشاء الله راح اوفيكم بالجزء الثاني مع الصور
والقاكم على خيرمواضيع عشوائيه ممكن تكون تعجبك اخترناها لك:
- احد يقدر يساعدني في حجز الفنادق لاني افدغ ومن جنبها
- اقل من يوم في سيرلانكا
- حمام العصياتي سنوات طويلة من الذكريات والنظافة
- استفسار مهم لا هنتووا اللي عنده علم في شركات سيرلانكا السياحية
- استفسار بخصوص رحله الى كيرلا
- غوا وما ادراك ما غوا
- المساعدة في ايجاد مصانع ملابس أطفال بالهند
- ما هو رأيكم بالسكن في مونار
- محتار ما بين ولايه راجستان و ولاية كيرلا
- رحلتي الرائعه الى سيرلانكا
- مشورتكم عن برنامج سيرلانكا
- تاشيره خياطه من سريلانكا
- كل عام وانتم بخير نرجو المساعدة
- النسيم الرطيب من أرجاء سرنديب بعدسة أبو بلقيس كاندي
- رايكم بترتيب الرحلة وسعر البكج ارجو التفاعل
- استفسار عن المقاهي في دمشق
- مسالة الفيزا كارد مشكلتها مشكله ارجوووو المساعده
- جاني عرض من شركة بس وش رايكم في الفنادق و السعر
- أنا ناوي أروح سيرلانكا ان شاء الله في الصيف وأبغى رايكم في البرنامج والفنادق والسعر
- ۩ ســريـــلانـــكـــا ۩ منكم السؤال وعلينا الجواب بإذن الله
المفضلات