السلام عليكم
كيف الحال يا اخواني عساكم بخير
انا الحين في بنجلور وحبيت اوفيكم بتقرير عن رحلتي القصيره المكونه من 10 ايام
يوم المغادره من دبي الاربعاء الساعة 12 بتوقيت الامارات الموافق 19-12-2008 اول ايام عيد الاضحى
طبعاً سافرنا على خطوط طيران الامارات زمن الرحله 3 ساعات و20 دقيقه
وصلنا مطار بنجلور الساعه 4 تقريباً,,,, ماتوقعت جي مطار بنجلور معاملت الموظفين مب حلوه ابد اول ماوصلنا هزئنا الضابط هناك
وبعد تأخرت الشنط وايد وضاعت وحده من الشنط
المهم استلمونا الحماليه لين الباص ولا بعد واحد منهم يقول عطوني فلوس بالدولار!!
كان في استقبالنا شخص من بنجلور صديق العائله وزوجته رحبو فيها ووصلونا الين السكن
الجو كان ممطر وبررررد ودرجة الحراره كانت 12
سكنا في Brigade Residences يعني المكان حلو ونظيف نوعاً ما وهذا موقعهم
http://www.brigadegroup.com/
في اليوم الاول كنا تعبانين ونمنا من وقت,,,
اليوم الثاني ,,, الخميس 20 -12-2007
صحينا الصبح ورحنا سوبرماركت قريب من رسول ماركت وتشرينا اغراض للبيت
والعصر سرنا مركز تسوق حلو وتشرينا بنجابي وقمصان وهالسوالف
ورجعنا البيت الساعة 6 ونص المغرب ,,, وطبعنا بسرعه وتعشينا قبل الساعه 8 وصمنا عشان اليوم الثاني الصبح كان عندنا موعد في المستشفى.. وعشانا يعنا وايد رقدنا من وقت.
اليوم الثالث... يوم الجمعه 21-12-2007
صحينا من النووم الفجر الساعه 6 وتلبسنا ونزلنا تحت لقينا الباص ينتظرنا و انطلقنا الى المستشفى وهو كولومبيا اسيا وهذا موقعهم عالنت
http://www.columbiaasia.com/country_...pe=MI&code=IND
سوينا تحاليل وكشوفات وشيك اب كامل ما شاء الله كنا 13 شخص وما خلصنا الا الساعه 5 العصر تقريباً. ورجعنا الشقة وما طلعنا ,, ووصلت الشنطه اللي ضاعت في المطار ويابوها لين السكن.
اليوم الرابع,,, السبت 22-12
اليوم العصر طلعنا لاحد مراكز التسوق وكان المركز كبير وخذنا عندهم بنجابي وقمصان طوال وكرمتو نعول حلوه وخذنا عشا من ماكدونالدز ورجعنا الشقه
اليوم الخامس,,, الاحد 23-12
اليوم طلعنا من العصر ورحنا اول شي لمحل اقمشه اعراس اسمه samyakk
والاهل خلصوا الاقمشه اللي في المحل ماشاء الله,, وبعدها سرنا فندق ليلى بلس فيه مركز تسوق راقي واشترينا هدايا للاهل وتعشينا في مطعم راقي
هذا الجزء الاول
وانشاء الله راح اوفيكم بالجزء الثاني مع الصور
والقاكم على خيرمواضيع عشوائيه ممكن تكون تعجبك اخترناها لك:
- استفسار بسيط جدا جدا في كيرلا
- رايـــــــــــــــكم في البكج انتظركم
- ارغب بالذهاب الي كيرلا واحتاج المساعده من اعضاء المنتدى واتمني الافاده للايعاز
- احتاج مشورتكم بخصوص جدول شهر العسل
- للضروره ارجو من الاخوه الاعزاء مساعدتي ارجو دخول كل الاعضاء لتعم الفائده
- الجو في كيرلا شهر أكتوبر
- كـــــيرلا الهنديـــــة
- ضروري يا اخوان لحد يدخل ويطنش رقم سواق في دلهي
- تكفون بغيت فزعتكم السفرة قربت ولا اعرف شي
- فزعتكم ابوي وكلني بترتيب السفرة لسيرلانكا وابي مساعدتكم
- كيرلا الهنديه فنادق شلاالاات مولات منتجعات الملاهي المائيه ارجو المساعده
- رحلة ال يــــوم من مكه الى كسب
- المساعدة في ترتيب برنامج لمدة يوم في كيرلا
- حماه القديمه قصر العظم
- أرجو إفادتي ولكم جزيل الشكر
- استفسار عن كيرلا
- ايام سيريلانكا شباب نصايحكم
- رايكم بالبرامج والاسعار
- سائق في سيرلانكا مسلم و أمين و مترجم و خدوم و حبوب
- استفسار عن رحلات الرافتنج في سيرلانكا
المفضلات