الموضوع: الان انا فاضي لكم يازوار صلالة

بعد انشغال طويل رديت لكم حبايبي رواد العرب المسافرون

صلالة الان في ابهى حللها

الامطار مستمره والجو روعة


اعوضكم الان على تاخيري بس والله بسبب الانشغال الكثير وارجو من الكل المعذرة والحمد لله انو فيه شباب قدموا الكثير للمنتدى وانا بصراحه كنت واثق انهم ماكانو ليقصروا

المهم اي استفسار انا جاهز

مواضيع عشوائيه ممكن تكون تعجبك اخترناها لك:

• اللي يحب يزور عمان حياه الله احنى فالخدمة
• لمن لم يشاهد صلاله تفضلفيديو
• سؤال عن التخييم
• الى اهل صلاله
• ابي برنامج الى صلاله لمدة ايام
• اين تقع هذه الصوره
• متى يبدأ الخريف في صلالة؟
• لو سمحت ممكن تدخل وتعطينى خبرتك
• أهل عمان أنا أشهد أنكم حرامية تسرقون القلوب من الصدور
• سالم بن سيف ابو حازم جميع من يتوآجد في هذ المنتدى ممكن ؟
• سكن بصلالة من
• كيف صلاله وعمان بصفه عامه بشهر ميلادي
• شقة في مسقط أم ؟؟؟؟؟؟؟؟؟
• أول مره لي في مسقط ومحتاج مساعده
• عائلة كبيرة ماهي نصيحتكم بالنسبة للسكن
• ممكن خريطة المواقع السياحية في صلالة
• هديةمني لكل من يقصدصلالةلازم تدخلووون
• استفسار حول السفر الى سلطنة عمان
• طلب مساااعدة
• انا جاي مسقط يوم السبت عندي استفسارات لو سمحتوا

عودا حميدا اخ صلالة 99
غياب نجمك الساطع اثر كثيييير على المنتدى
ومع ذلك كنت حاضر فتقاريرك الماضية وردك على الاسفسارات السابقة استفد منها كثير في رحلتي
وكما ذكرت الشباب ماقصرو من فتى ظفار وعمان 44 وغيرهم وغيرهم ...
والسلام

سلامات أخوي صلالة 99 وعسى المانع خير وحياك الله نورت المنتدى

أهلا بك أخ صلالة 99


و الحمد لله على السلامة


نووورت المنتدى بعودتك

يابوعبدالرحمن يااسير القلوب

اولا انا اشكرك على على تعابيرك وكلماتك الجميله والتي تدل على رقي نفسك وطيبتها

واشكرك على الترحيب الحار

واتمنى من الله انو تكون انت الي سبقتني وجبت الغنايم وانو تكون امورك كلها تمام

اما عن زيارتي لهذي الصين فزياره كانت حلوه وممتعه والاستكشاف فيها مفيد للغاية

الا اني ياخوي خسرت مبلغ كبير فيها وخذيت بضائع كذا فوضه بدون محسب حساب والحين مكدسه عندي البيت معرف كيف امشيها على العموم كانت تجربة حلوه


وانشاء الله التقرير جاي بس بعد مده بتكون شوي طويله


تحيتي لي



فتى ظفار اشكرك على المرور والترحيب وجهودك خلال الفترة الماضية تحمد عليها وانا اعرف دوما طبعكم يالظفارين رجال وقت الشدايد وناس يعتمد عليها



اخوي تركي 22

مرورك كان اشد وقعا على نفسي وانا احيك بكل تقدير انت تستاهله واتمنى لك التوفيق

وانشاء الله لايحرمنا من طلتكم الحلوه دوووم

هلا والله بالغالي بو سالم ..


ان غنايمي حتى الآن ..

مسافر يوم السبت ان شاء الله ...

وبخصوص الخسارة ... لاتشيل هم اخوي ...

راح يفرجها ربك ,,,

وبعدين هاي اكبر مشكله لما تودي معاك الحكومه ...

مافي توقف للشراء ...

خبرك .. الاسعار مغرية ....

عالعموم .... تمنياتي لك اخوي بالتوفيق وان شاء الله تصرف بضاعتك ..

وبخصوص التقرير ... عذرك غير مقبول ....

نبي تقريرك بأسرع وقت ممكن ...

مع الصور طبعا ..

واذا مافي صور ...

شنسوي .. أمرنا لله ... راح نقبل بالتقرير من غير الصور ...

المشاركة الأصلية كتبت بواسطة اسيرالدوحه
http://www.arabtravelersforum.com/tr...4/#post1527154

هلا والله بالغالي بو سالم ..


ان غنايمي حتى الآن ..

مسافر يوم السبت ان شاء الله ...

وبخصوص الخسارة ... لاتشيل هم اخوي ...

راح يفرجها ربك ,,,

وبعدين هاي اكبر مشكله لما تودي معاك الحكومه ...

مافي توقف للشراء ...

خبرك .. الاسعار مغرية ....

عالعموم .... تمنياتي لك اخوي بالتوفيق وان شاء الله تصرف بضاعتك ..

وبخصوص التقرير ... عذرك غير مقبول ....

نبي تقريرك بأسرع وقت ممكن ...

مع الصور طبعا ..

واذا مافي صور ...

شنسوي .. أمرنا لله ... راح نقبل بالتقرير من غير الصور ...



زين بس

انشاء الله لما ترجع بالسلامة يجيك تقريري


اهتم بنفسك جيدا


وبعدين لاتشتري الا لما تلف كل المحلات


ادعو لك تعود بالسلامة

السلام عليكم ورحمة الله وبركاته
اهلا وسهلا بعودتك الحمدلله انك رجعت قبل ما اسافر .. بدخل بالموضوع على طول .. انا سلمك الله بسافر صلالة يوم 2 سبتمبر وودي اسألك بعض الاسئلة ..
1/هل التاريخ هذا ممتاز ؟ وهل الاجواء رائعه بهذا الوقت يعني امطار وبرد؟؟
2/الاسعار تنزل والا لا؟
3/يحتاج اجيب ملابس شتويه للاطفال؟؟
4/هل 5 ايام كافيه للرحلة يعني اقدر ازور كل الاماكن والا لا؟؟
6/ياليتك تتكرم بجدول لرحلتي لاني لفيت المنتدى لف لكن ماني عارف ارتب الجدول لاني ما ادري وين المواقع المتجاورة يصير اخليها بيوم واحد . وماني عارف الاماكن اللي اصلا خارج حدود صلالة لاني ما ابي ابعد.. والشور شورك الله يجزاك الف خير وسامحني على الاطاله ..
باقي اخر طلب سمعت ان الخطوط العمانيه بتنزل عرض بسبتمبر بالنسبة للتذاكر بس الى الان ما وصلنا العرض ياليتك تسأل عندكم يمكن تعرف شيء؟؟
وشكرا لك

الاخ / صلالة 99 حمدلله على السلامة

انا الان في صلالة وارجو منك افادتني عن الاماكن التي يوجد بها شلالات ومياه جارية عدا دربات ولك جزيل الشكر

المشاركة الأصلية كتبت بواسطة ابو مصعب
http://www.arabtravelersforum.com/tr...9/#post1529409

السلام عليكم ورحمة الله وبركاته
اهلا وسهلا بعودتك الحمدلله انك رجعت قبل ما اسافر .. بدخل بالموضوع على طول .. انا سلمك الله بسافر صلالة يوم 2 سبتمبر وودي اسألك بعض الاسئلة ..
1/هل التاريخ هذا ممتاز ؟ وهل الاجواء رائعه بهذا الوقت يعني امطار وبرد؟؟
2/الاسعار تنزل والا لا؟
3/يحتاج اجيب ملابس شتويه للاطفال؟؟
4/هل 5 ايام كافيه للرحلة يعني اقدر ازور كل الاماكن والا لا؟؟
6/ياليتك تتكرم بجدول لرحلتي لاني لفيت المنتدى لف لكن ماني عارف ارتب الجدول لاني ما ادري وين المواقع المتجاورة يصير اخليها بيوم واحد . وماني عارف الاماكن اللي اصلا خارج حدود صلالة لاني ما ابي ابعد.. والشور شورك الله يجزاك الف خير وسامحني على الاطاله ..
باقي اخر طلب سمعت ان الخطوط العمانيه بتنزل عرض بسبتمبر بالنسبة للتذاكر بس الى الان ما وصلنا العرض ياليتك تسأل عندكم يمكن تعرف شيء؟؟
وشكرا لك



مرحبا بيك اخوي
1- بجاوبك على طول الوقت مناسب جدا لك كسائح لانو الضباب بيقل وتقدر تروح وتشوف الخضار بالجبال
2- الاسعار تنزل الى النصف تقريبا
3- ماتحتاج ملابس شتويه ابدا الملابس الي تلبسها عادية جدا
4- نعم خمس ايام تكفيك
5- الجدول مايمديك لانو زياراتك تعتمد على طبيعة الجو فاذا كان ضباب بالجبال راح تزور اماكن ساحليه واذا مافيه راح تزور الجبل انت خليك على اتصال بي قبل ماتطلع كل يوم الصبح وانا راح ادلك وين تروح وخذ ايميلي من الموقع
بالنسبة للعرض انا كلمتهم ويقولون ماشي حتى الحين بس ممكن خلال الايام الجايه تتضح الامور هذا رقم تلفونهم واتصل عليهم يوم 31 اغسطس او 1 سبتمبر للتاكد 24707222 00968

رحلة موفقه لك

المشاركة الأصلية كتبت بواسطة abdthan
http://www.arabtravelersforum.com/tr...5/#post1530055

الاخ / صلالة 99 حمدلله على السلامة

انا الان في صلالة وارجو منك افادتني عن الاماكن التي يوجد بها شلالات ومياه جارية عدا دربات ولك جزيل الشكر



حياك الله اخوي

انت تصدق انو في صلالة 360 عين ماي نصفها جاري الحين !!!!!!

بس المشكله --

انو ماله طريق الا القليل منها كلها بوديان سحيقة واماكن صعب الوصول لها

الي قريب هي عين اثوم وطبرق وعين دربات وعين جرزيز وصحلنوت وارزات وهذي قريب على صلالة

فيه عين ماء جاريه بالمغسيل وانت رايح الى ضلكوت اسم المنطقة وادي المغسيل بس بعد 180 كيلوا لاكن اذا معك وقت فانا انصحك بزيارة ضلكوت مناظر جميله جدا راح تنسك المشوار الي قطعته وفيك ترد بنفس اليوم الى رخيوت وتنام هناك بالفندق بقية العيون المائية ماتصلح الا باكتوبر برحلات خلوية يعني شيل عدتك ودقها مشي بين الاحراش والطبيعة رحله ممتعه بس مو كل واحد يقدر عليها


الله يوفقك

1000 سلامة اخوي صلالة 99

حمد لله على السلاامه

استفسار بخصوص زيارة لصلالة ( 4 نوفمبر2007 ) مناب ولا لاااااا ؟

المشاركة الأصلية كتبت بواسطة أبو السعد
http://www.arabtravelersforum.com/tr...4/#post1566704

حمد لله على السلاامه

استفسار بخصوص زيارة لصلالة ( 4 نوفمبر2007 ) مناب ولا لاااااا ؟



انا اعتقد انو مابيكون مناسب الا اذا كنت من النوع الي يحب الطبيعة والرحلات الخلوية وشخص اجتماعي جدا بحيث تتواصل مع المواطنين في الارياف وتعمل معاهم علاقات كويسة

ايضا الوقت هذا بيكون مناسب للخبراء بصلالة والي جوها اكتر من مره وانا اعرف واحد كويتي يقضي سبتمبر واكتوبر بصلالة بس هذا عمل له معارف كثير وماعنده مشكله ولا يشعر بملل ابدا لكثر الاصدقاء

اما كعائلة فايضا يعتمد على حبكم للطبيعة بالشكل الاول

واذا تبي نصيحة اخوك فلا تجي اذا كانت زيارتك الاولى الا اذا لديك صديق هنا فقد تستانس كثيرا

ممكن سؤال اخوي ..
انا ناوي اجي عمان ... وما في حجوزات من السعودية الى عمان الا في مسقط ..
هل في اماكن سياحية في مسقط ؟؟؟
ممكن ادلني عليها ؟؟؟
الفنادق ... اكتفي ب 4 نجوم ... وين الاقيها ؟؟في مسقط ..؟؟
ممكن تعطيني جدول سياحي لعشرة أيام تقريبا ...
بالاماكن السياحية والترفيهية ومناسبة للاطفال بعد ...
مادري شكلي كثرت اسئلة ..
كيف الجو لثلاث اسابيع قدام يعني تقريبا 17 اكتوبر ..؟
هل نحتاج نحمل شتوي والا نكتفي بملابسنا الصيفية ؟؟
ترى في بالي اسئلة كثير
بس انتظرك ردك على هدول

لي عودة عزيزي ...

كنت اسال
وجهتي بتكون من السعودية الى مسقط
كيف الجو في تاريخ 17 اكتوبر تقريبا
بارد او كيف ؟ يعني نحتاج ملابس كيف ؟؟
عندنا عشرة ايام تقريبا
وين تنصحنا نروح ؟؟
يعني نبغاك ترتب لنا جدول .. مع الفنادق او الشقق المفروشة ؟؟
مو مشكلة لو كانت 4 نجوم .. الاسعار اهم شي تكون مناسبة
اماكن ترفيهية سياحيه طبيعية سحر وجمال ...
شاليهات عائلية واذا كان في جزر
مو مشكلة
رتب الجدول وان شاء الله نشوف

اخوي صلاله 99 يعطيك العافيه على ماتبذله من جهود ونفع الله بك , اخوي ليت تجاوب على استفسار اخونا vip8797 لأن سؤال مثل سؤاله ويستثنى المده تكون اقصر وانا عزابي شباب ياليت ترد ولك جزيل الشكر ونحن بنتضارك.

يامرحبا ترحيبة البدو بالسيل حيا الله أخونا العزيز صلالة 99 شغلتنا عليك والله وسألنا عنك كثير

أسأل الله أن يوفقنا وإياك لمايحب ويرضى وعوداً حميداً
(يقولون من طول الغيبات جاب الغنايم)

الاخ / صلالة 99 حمدلله على السلامة

اخوي صلاله انا رايحه انشالله صلاله قريبا يعني على نهاية شهر واحد وحبيت اسال هل الجو مناسب والا بجمدي من البرد وخاصه ان معي طفل عمره سنه يعني درجة الحراره كم بتكون وهل فيه مطر وضباب كثيف يمنعنا من التمتع بالخضره؟؟؟؟؟؟؟؟؟
الله يعطيك العافيه على تقريرك وننتظر الباقي

المشاركة الأصلية كتبت بواسطة ملاك وبس
http://www.arabtravelersforum.com/tr...6/#post1789686

اخوي صلاله انا رايحه انشالله صلاله قريبا يعني على نهاية شهر واحد وحبيت اسال هل الجو مناسب والا بجمدي من البرد وخاصه ان معي طفل عمره سنه يعني درجة الحراره كم بتكون وهل فيه مطر وضباب كثيف يمنعنا من التمتع بالخضره؟؟؟؟؟؟؟؟؟
الله يعطيك العافيه على تقريرك وننتظر الباقي



اختي صلالة الضباب والخضرة فيها تظهر بس في الصيف .... يعني من 21 يونيو الى نهاية شهر سبتمبر
وباقي الايام مثل اي مدينة خليجية .... والبرودة فيها عادية بس يفضل تشيلون ملابس ثقيلة شوي خصوصا حق الطفل ....

واهل صلالة راح يفيدونك اكثر

ممكن تجين مسقط اذا حبيتي مهرجان مسقط يبدا اليوم 21 يناير الى 20 فبراير

وفي الصيف سافري لصلالة بتلاقينها ان شاء الله جنة