الموضوع: تـقريـر رحـــــــــلة الـى أســـبانيا الشـمال والــشرق

يـا كل أعضائنا الغالين أهديكم شكر بالدور

بقلبي كلكم غالين يا ربعـي وأعز ناسي




هذا أول تقرير لـــي في المنتدى وصــراحة كنت متردد كثير في كتــابته لأني

ماعندي خبره بكتابة التقارير ومتخووف من الفشل من أول تجربة لكن قلت نقدم

هالتقرير البـــسيط شكــر وعرفــان لمشرفنا الشاب لمساعدته لنا في رحلتنا عن

طريق مكتب شذونة والى الأعضـــاء اللي ماقــصروا معنا بالرد على

الاستفـــسارات قبل الرحلة.




لـــماذا أســبانيــا ؟؟



لم أكن مخطط لرحلة أو سفر في هذا الوقت ( أي بعد إجازة عيد الفطر ) لاني كنت

مخطط للسفر في إجازة الصيف لكن حصلت ظروف ولم أسافر فيها فقلت راحت

علينا هالصيفية ونسيت الموضوع.



لكن في رابع أيـــام شهر رمضان أتصل بي ولد خالي وذكرني بموضوع السفر

فدخلت الفكرة رأسي من جديد وأكدت له موافقتي ( ماصدق على الله أبو

الشباب) :109:


لكن لم نحدد جهة السفربعد !!!



فذكر لي مــــاليزيا أو تـــركيا واغلقنا المكالمة وكان لابد أن نقرر بسرعة لان

الموعد الي حددنا السفر فيه بعد عيد الفطر وبعض الامور ستأخذ وقت مثل

الموافقة على الاجازة من جهة العمل وحجز الطيران و التأشيـــرة وغيرها.




ففكرنا وقلنا ماليزيا يمكن ماتصلح لاننا شباب فركزنا على تركيا وأحد الزملاء ذهب

لها قبل شهر فقلت نستفيد منه في بعض الاسئلة عن بلاد الأناضول لكن بعد التجول

في المنتدى ودخـــول بوابة أســـبانيا وقرأة عدة تقارير للشاب عن أســبانيا وخاصة

تقرير مـــايوركا وقرأة تقرير للأخت سفريات وبرشلونة الســاحرة للرائع المنقلب

ومااخفيكم الي مركز عليه من فترة وكان حلم من أحــلامي زيــارة " برشــــلونة "

سواء ملعبــها الشهير أو ناديهااا أو المدينة نفســـها. فقلت نحاول نحقق هذا الحــلم


لكن قلت قبل كل شئ لابد من أستشارة رفيق دربي أولا .


فــأخبرته بالفكره وعجبته :24:


وبدينا بالبحث والسؤال و بعدها كان كل تركيزنــــا على أســـبانيا وبعد دراسة حددنا

برشلونة وجزيرة مـــايوركـــا وجـــهتنا في أســبانيا مع ان المدة تكفينا لزيارة أكثر

من هالمدينتين لكن بالنسبة لنا حبينا التركيز على برشلونة ومايوركا للتعرف عليهما

بشكل كامل وأنا شخصيا ماأحب التنقل كثيرا بين المدن. أمـا عن سبب أختيار

المدنتين بالذات .. فبرشلونة أعتقد كل من يريد الذهاب لأسبانيا لابد من يزورها

وزادنــا تمسكا فيها حضور مباراة في معــقل الكامب نو ..





أما مايوركـــا ..

فرغبة مني في السفر عن طريق العبارة لأول مره ومشاهدة الطبيعة الخلابة في

أسبانيا وهذي الصفات متوفرة في مايوركا.. لذا بعد مشاهدتي لمــايوركــا أقتنعت

أنها رومنسية لأبعد درجة.. وحقيقة لم نندم على أختيارنا للمدينتين .




فذهبــنا لمكتب شذونة وقدمنا لهم الاوراق لأستخراج التأشيرة :112: ( التأشيرة لها حكاية

والله يطــول بعمرك يــا " ســوزان " ) حبـــيتها !!! :106:


المهم حددنا مخطط الرحـــلة وكـــان كالآتــي :

25 _ 30 أكــــتوبر بـــرشــــلونة ( 6 أيــام )

30 _ 3 نوفــــمبر جزيــــرة مـــــايوركــــا (5 أيــام )

3_ 6 نوفـــــمبر بــــرشـــــلونة (3 أيــام )



طبعا عدد الاشخاص : 2

خـط الطيــران : الرياض _ميـــلان _ مدريد _ برشلونة _ الرياض


الخـــطوط النــاقلة





العـــبــــارة : برشـــــــلونة _ مـــــــايوركـــــا _ برشــــلونة


الشـركة النــاقلة












قــيمة تذاكر الطيران الدولي والداخلي: 4162 ريال للشخص

قيمة العبارة : 71 يورو للشخص





نشــــــووف ردوود الحـــلوين أول وبعـــدين نكـــمل .. وش رأيكــــم ؟؟

:114:

مواضيع عشوائيه ممكن تكون تعجبك اخترناها لك:

• استفسارات بسيطة ارجوا الإفادة
• مساعدة بخصوص حضور مباراة لبرشلونة في النوكامب؟
• محدثكم من مدريد
• أول سفرة لأاسبانيا في اكتوبر واحتاج المساعدة
• سؤال بخصوص فنادق سان سبستيان
• تعالو رتبو معي برنامجي حق اسبانيا تكفون
• فندق برشلونه
• دليل برشلونة السياحي Barcelona tourism
• رياض باريس باريس برشلونه ارجو المساعده
• بسررررررررررعه ابي اروح من اسبانيا الى لندن بسرع وقت ساعدوني
• شقق عائليه في اسبانيا
• قطار
• ارجو الافادة بخصوص الموقع والمطاعم ضروري
• سؤال بخصوص الابلكيشن ضروووري
• خيخون هل من معلومات سياحية ؟؟
• خطة السير عندي فيها مشكلة المسافات ارجوا المساعدة
• هل اقدر اخذ العزبه
• تخطيط رحلتي لاسبانيا
• رحلة جماعية لأعضاء المنتدى لإسبانيا
• افيدوني يا اصحاب الخبره عن برشلونه

مرحبا أخي

كل ه\او بعدك متردد عن الكتابة
بصراحة بدية ممتازة أتمنى أن تواصل
فانا عندي خطة اني اروح لي أسبانيا في ابريل
راح أزور كل من برشلونة مايوركا و مدريد

في أنتظار باقي التقرير.

بداية موفقة أخي بيور لايف


وشكل رفيق دربك سنايدي وشقردي في السفر والله لايفرق بينكم....


متابعين لك بقوة وبداية رائعة لقرير قادم وبقوة على الساحة الأسبانية....


دمت بود

المشاركة الأصلية كتبت بواسطة alhadiibrahim
http://www.arabtravelersforum.com/tr...2/#post1754762

مرحبا أخي

كل هاو بعدك متردد عن الكتابة
بصراحة بدية ممتازة أتمنى أن تواصل
فانا عندي خطة اني اروح لي أسبانيا في ابريل
راح أزور كل من برشلونة مايوركا و مدريد

في أنتظار باقي التقرير.



تســلم يالغـالي..

وبمــا أنك أول واحـــد رد على هالتقــرير .. ترا طلبــاتك أوامــر :109:

وانشاء الله أقــدر أفيدك بهالتـــقرير لرحــلتك ..










المشاركة الأصلية كتبت بواسطة النسر المهاجر
http://www.arabtravelersforum.com/tr...2/#post1755212

بداية موفقة أخي بيور لايف


وشكل رفيق دربك سنايدي وشقردي في السفر والله لايفرق بينكم....


متابعين لك بقوة وبداية رائعة لقرير قادم وبقوة على الساحة الأسبانية....


دمت بود





مــرحــبا بالنسر المهــاجر الغــالي

فــعلا أسعدتنــي مشاركتك.. وتقريرك هو الي حمسني للمــشاركة بهالتقــرير المتــواضع


لكن تقريرك بكل أمــانة ..أكــل الاخضـر واليــابس علينـــا :109:


وبالنسبة لرفيق الدرب .. افااا عليك بس

ينــحط على الجرح ويبرى .. :24:


والحمد لله .. فــكان خير العون لي وأعتبــره من أهــم أسباب نجاح هالرحــلة











لكــن هالبداية ماتحمس بالنســبة للردووود .. !!! :112:

عندي لك اقتراح بسيط

أتمنى منك تغيير عنوان الموضوع ليكون جذاب أكثر

فمثلاً : تقرير رحلة pure live ورفيق دربه إلى الشمال الشرق الإسباني


مجرد أقتراح بسيط

تـــــــسـلم على المتابعة والاقتـــراح الحــلوو


وممــكن كــلامك صح من نـــاحية الموضوع ..


وباخذه بعين الاعتــبار .. بس اذا ممكن طريقة التغيــر ؟؟..

بدايه موفقه..لاكن لون الخط,,!!!

لاتبطي...

الحمدلله على السلامة ..

ياليت تستعجل بالتقرير أخوي .. باين أنه رائع مثل أسلوب صاحبه .. ولا تنسى تحدد تكاليف الرحلة بالتفصيل

والتكاليف اللي من غير التذاكر والسكن ..

وركز أكثر على مايوركا لأني ناويها إن شاءالله قريب وهل تشوف أنها مناسبة لشهر عسل

مع أنكم اثنين شباب اللي رايحين لها يعني تماسيح خخخخ

يعني هل تمنيت أنك تسبدل خويك بزوجة ولا لا .. ؟


وفعلاً لون الخط أتعبنا

بداية موفقة لتقرير شكله راح يكون قوي و مفصل

بانتظار ابداعاتك اخي العزيز

ماشاءالله عليك

كل هالزين و كنت متردد..

كلام مرتب و منسق ..

و بدايه مره حلوه..


اما سالفة التأشيره احسها حرقت اعصابك ... احس التأشيرات اكره شي في السفر..


و علشان كذا ابي اخلصها من بدري بدري..



متابعه معك اخوي ..

pure live

بداية مشوووقة
وتقرير بأسلوووب رهيب
شكله فله بيصير
كمل اخوي وحنا متابعينك (:


تحياتي لكـ

المشاركة الأصلية كتبت بواسطة mzoon
http://www.arabtravelersforum.com/tr...0/#post1758270

ماشاءالله عليك

كل هالزين و كنت متردد..

كلام مرتب و منسق ..

و بدايه مره حلوه..


اما سالفة التأشيره احسها حرقت اعصابك ... احس التأشيرات اكره شي في السفر..


و علشان كذا ابي اخلصها من بدري بدري..



متابعه معك اخوي ..




الحــلـو .. مروورك ومتـابعتك معنـآ

والله انك صادقة .. التأشيرة هي الي تكرهك بالسفر

والمشكلة اني دفعت كامل حجوزاتي .. يعني لو ماطلعت التاشيرة راحت هالمــبالغ !!

:24::24::24::24:

المشاركة الأصلية كتبت بواسطة نمرو
http://www.arabtravelersforum.com/tr...1/#post1760051

اخي الكريم متابعين معك الرحله

وبداية جميله جدا




هــلا بمســتشارنـا الغــالي.. صـراحة أسعدنـي مرورك ومتـابعـتك للتقرير

وأنت من الاعضاء الي أستفدت منهم لرحـلتي .. والقادم أجمل بإذن الله ..


فشــكرا لك :24:

المشاركة الأصلية كتبت بواسطة تورا بورا
http://www.arabtravelersforum.com/tr...7/#post1760297

يعطيك العافية اخي بيور لايف على هالتقرير اللي باين عليه من البداية روووووعة
وشكرا لك ((((((((يافتى اسبانيا ))))))))باسميك من الان ورايح





يسلموو على كـلامك العــسل .. يــاعسل ..

وحــلوووة " فــتي أسـبانيا "...

أحـس أنها لايقة علي :106:

يوم حلو ماشاءالله..


متابعين

ممتاز أخي pure

بصراحة شوقتنا لزيارة برشلونة

هل جربت غير هذا الفندق
اذا تقدر تحط أسماء فنادق غير تحس أنها ممتازة وأسعار مناسبة

فنتظار باقي التقرير

:x1::x1::x1::x1::x1::x1::x1::x1:


أحسنت يا بيور لايف


وزين عدت معك سالفة التأشيرة لأن الوقت كان ضيق ساعتها وشكل سوسو لطيفة مرة بعكس ما سمعت عنها أنها شديدة كثير وما تخدم.....


وشكل المغربي هذا نصاب محترف وغريبة السلطات هناك ما حسوا فيه مادامه مطول هناك في المطار....


وتراك هزيت على أوتار الشوق والحنين اللي فيني لشارع الرامبلا


متابعين معك للنهاية


دمت بود

الله يازين برشلونه زيناه ****************ماشفتها بس حب النادى ذبحنى

أمممـ ياليت تكلمنا عن الفنادق الراقيه هناك نبى مستوى خوان كارلوس بصراحه انا بروح لها بس بالصيف بأذن الله خوان كارلوس حلو حيل بس موقعه بعدين عن السنتر اذا شايف ماجستيك كلمنا عنه

وبأنتظار بقيه التقرير

المشاركة الأصلية كتبت بواسطة mzoon
http://www.arabtravelersforum.com/tr...8/#post1761938

يوم حلو ماشاءالله..


متابعين



الاحــلى مـتابعتك.. :24:

المشاركة الأصلية كتبت بواسطة Al-Mustabsher
http://www.arabtravelersforum.com/tr...5/#post1761945

ما شاء الله ... تقرير حلو و ممتع

استمر فنحن نتابع معك




تســلم يالـغالي .. عــلى المـتابعة :113:

ماشالله على تقريرك الروعة.،
شكلك ماقلت لمكتب السياحة ان السرير اللي تبغاه سريرين منفصلين وليس مزدوج.،

عـ العموم لن ولم أفكر بـ فندق في الرامبلا..الشارع ماشالله حركته الدايمة وازعاجه مستمر من كثرة الناس.،
لكن موقعه أليم..فـ تمشي عشر دقايق توصل للشاطئ

عالعموم مطعم برجر كنج عرفته وهو في أول الرامبلا...ومزدحم جدا جدا جدا....تغديت فيه مرتين




كانت هناك فرقة تعزف في نفس المكان..بـ ألات جميلة جدا..تشبه الابواق..،
أنغامهم كانت رائعة جدا جدا جدا...تدمت أنني لم اشتر السيدي..فقد كان هناك شخص معهم يبيعها للناس.،

وماشالله تبارك الله...الناس كانت تشتري...حتى يالله لقيت وقت وسط الزحمة عشان أسأله عن سعر السيدي ههههه.،

بانتظار بقية تقريرك..هي متى كانت سفرتكم.؟ مااعتقد هالسنة..لان برشلونة حتى هذا الوقت بعده مالعب مع مايوركا
رح يلعب معاه السبت...تحياتي لك

المشاركة الأصلية كتبت بواسطة alhadiibrahim
http://www.arabtravelersforum.com/tr...0/#post1762070

ممتاز أخي pure

بصراحة شوقتنا لزيارة برشلونة

هل جربت غير هذا الفندق
اذا تقدر تحط أسماء فنادق غير تحس أنها ممتازة وأسعار مناسبة

فنتظار باقي التقرير




هـلا فيـك هــلا .. برشــلونة ببساطة مدينة الاحــلام

وفندق الرويال هو الوحيد الي سكنت فيه في برشلونة

وكان مقابل للفندق يوجد فندق ريفولا رامبلا .. وهو أفخم شوي وأحسن من الرويال


صورة لمدخل فندق ريفولا رامبلا صورتها من غرفتنا في الرويال

المشاركة الأصلية كتبت بواسطة النسر المهاجر
http://www.arabtravelersforum.com/tr...4/#post1762424

:x1::x1::x1::x1::x1::x1::x1::x1:


أحسنت يا بيور لايف


وزين عدت معك سالفة التأشيرة لأن الوقت كان ضيق ساعتها وشكل سوسو لطيفة مرة بعكس ما سمعت عنها أنها شديدة كثير وما تخدم.....


وشكل المغربي هذا نصاب محترف وغريبة السلطات هناك ما حسوا فيه مادامه مطول هناك في المطار....


وتراك هزيت على أوتار الشوق والحنين اللي فيني لشارع الرامبلا


متابعين معك للنهاية


دمت بود




لالا من الحين وراايح لاأحد يخطئ عـلى " سوسو " فعلا كانت المرأة المناسبة في المكان المناسب ..:109:

أما المغربي تصدق الى الحين أفكر فيه .. أحس عنده واسطة بالمطار :114:

وآآآآه يالرامـــبلا .. فــعلا هالشارع سياحه لوحده :24:

فارس ميوركا pure live

بداية حماسية لموضوع اتصور انه راح يكون قوي و احساسي ان كلامك عن ميوركا بيكون اضافة جديدة

تصدق متحمس حق ميوركا اكثر من برشلونة

متابع للنهاية

بالمناسبة حبيت اسالك عن كيفية اخفاء معالم الوجوه في الصور بهذه الطريقة اللطيفة و كذلك عمل الاطار بما اني خبرتي محدودة في الفوتوشوب و شنو البرنامج اللي احتاجه لعمل هذا الشئ و شكرا

المشاركة الأصلية كتبت بواسطة Almoravid
http://www.arabtravelersforum.com/tr...0/#post1763230

فارس ميوركا pure live

بداية حماسية لموضوع اتصور انه راح يكون قوي و احساسي ان كلامك عن ميوركا بيكون اضافة جديدة

تصدق متحمس حق ميوركا اكثر من برشلونة

متابع للنهاية

بالمناسبة حبيت اسالك عن كيفية اخفاء معالم الوجوه في الصور بهذه الطريقة اللطيفة و كذلك عمل الاطار بما اني خبرتي محدودة في الفوتوشوب و شنو البرنامج اللي احتاجه لعمل هذا الشئ و شكرا




شــاكر لك علـى مــتابعتك ..

صح أن المدة الي جلست في برشلونة أكثر منها في مايوركا .. لكــن إن شاء الله أقدر أفيد

بما فيه الكفاية عـن هالجــزيرة الرومنسية ..


البرنامج الي عملت فيــه الاطار ..FastStone Photo Resizer

برنامج إخفاء الوجوه .. ArcSoft PhotoStudio 5.5

سلامة الاسفار وبداية لتقرير رائع اخي العزيز
تكفى توصى لنا بالتقرير والله ناوين السفر ان شاء الله
بس طلب صغير نبي التكلفة لنفس برنامجك هذا واللغة كيف اخوك ميح

المشاركة الأصلية كتبت بواسطة اورنس البحر
http://www.arabtravelersforum.com/tr...9/#post1764479

سلامة الاسفار وبداية لتقرير رائع اخي العزيز
تكفى توصى لنا بالتقرير والله ناوين السفر ان شاء الله
بس طلب صغير نبي التكلفة لنفس برنامجك هذا واللغة كيف اخوك ميح




الله يســـلمك من كل شر ..

وإن شاء الله التقرير يعجبك .. أما التكلفة .. بحاول اضع مبالغ الصرف بقدر المستطاع ..


واللغة اذا معاك انجلش .. لا تخاف لان اغلب الاماكن المعروفة كالفنادق والمطارات يتكلمون فيها

لكن مو معناة هالكلام كل الناس تعرف انجلش ..

خطيره الصور..



ياحلوك يا برشلونه ..


الله يرزقني زيارتها قريب قول امين يلا



كمل اخوي و انا متابعتك

قايلك يا بيور لايف هيضت الوجدان.....

والله راعي المطعم مو شايف أحد لو أنا صاير لي هالشي مع أهلي كان تركت المطعم ومشيت



وسلملي على خويك الذيبان



وواصل إبداعتك يالغالي ترانا ننتظر بكل لهفة وشوق

ما شاء الله

تقرير رائع

وكويس اني لحقت عليه بدري نوعا ما

قبل يصير بالطعشات خخخخخ

ضحكت كثير على لابوكوريا وسبت كوريا هههههههههههه

وما شاء الله عليك منزل صورة محلي ليه ؟؟!!!

اول شي اسـتأذن خخخخخخخخخخخخخخخ

[size="5"]




ضحكت كثير على لابوكوريا وسبت كوريا هههههههههههه



ما فهمت إلا توني هههههههههههههههههه


يعطيك ألف عافية أخوي

تقرير حلووو

ننتظر البقية ..

يا رب ترزقنا سفره حلووه لأاسبانيا ..

وبالنسبة للعباية ..

والله أستأنست

الله يوفقها دنيا وأخره مثل ما حفظت حجابها برا ما سوت مثل غيرها

والله يهدي الجميع

المشاركة الأصلية كتبت بواسطة النسر المهاجر
http://www.arabtravelersforum.com/tr...7/#post1765757

قايلك يا بيور لايف هيضت الوجدان.....

والله راعي المطعم مو شايف أحد لو أنا صاير لي هالشي مع أهلي كان تركت المطعم ومشيت



وسلملي على خويك الذيبان



وواصل إبداعتك يالغالي ترانا ننتظر بكل لهفة وشوق





صادق والله .. أشتقنــا والله أشتــقنا .. يابرشـــلونة !!


ثاني شئ .. لايكون معجب بخويي علـــشان النـــووم !! :112:


عــندي إحســاس يقول إنــك مـــثــله :109:

المشاركة الأصلية كتبت بواسطة خيّال
http://www.arabtravelersforum.com/tr...4/#post1766844


هـذا الشارع مشهور جدا..وجميل جـدا..،
فيه كل أنواع الماركات الفخمة جدا جدا جدا...تحس انك ملك يوم تدخل هـ المحلات:109:..تلقى أحد يستقبلك..ويفتح لك الباب..وانت ماتدري وش الهرجة..،

نصيحة لـ كل الشبابالمكافح اللي وجهته برشلونة لشهر العسل..،
لا تقربون ذا الشارع خير شر:109:..مالها داعي تتفرغ جيوبكم مـن أول يوم:110:




اللي راح برشلونة وماذاك اي عصير بـ هـ الصور فاته نص عمره:11ight:
والله يافيها لذة ونعنشة غير طبيعية...شرح لي أحدهم أن الفواكه اللي يجيبونها من الامازون تجي..،

تصدقون ودي ارجع برشلونة عشان هـ العصير اللذيذ:110:

تحياتي لك بيور لايف...عجل علينا بتكملة التقرير
تحياتي لك.،








صحـيح شــارع باسيج دي غارسيا غــالي .. خاصة مع وجود الماركات العالمية فيــه

فــهو المــكان المنــاسب لمحبيــن التــسووق ..



والـــعصيـر.. وااااااااااااااااااااو

روووووعـــة .. وحــتى سعره يعتبر قليل..


تـــســلم " خـــيال" على هالمتــابعة المــستمرة :113:


نسيت أقول لك .. مبرروك فوز البرشا :24:

المشاركة الأصلية كتبت بواسطة لوي فيتون
http://www.arabtravelersforum.com/tr...9/#post1766889

ما شاء الله

تقرير رائع

وكويس اني لحقت عليه بدري نوعا ما

قبل يصير بالطعشات خخخخخ

ضحكت كثير على لابوكوريا وسبت كوريا هههههههههههه

وما شاء الله عليك منزل صورة محلي ليه ؟؟!!!

اول شي اسـتأذن خخخخخخخخخخخخخخخ







هـلا فــيك .. ونور التقرير بـمتابعــتك :24:

وش رأيـــك بالــدعـــاية الي سويتها للمـــحل ؟؟ يالله أبي نصيبي :109:


وعلى فكرة ماعندك وظيفة بالمــحل .. أبيها بفرع برشــلـونة بس :109:



شــاكر لك متابعتك .. ولا تبخــلين علينا بتعليقااتك :24:

المشاركة الأصلية كتبت بواسطة انا عشقي الرياض
http://www.arabtravelersforum.com/tr...2/#post1767372

[size="5"]

ما فهمت إلا توني هههههههههههههههههه


يعطيك ألف عافية أخوي

تقرير حلووو

ننتظر البقية ..

يا رب ترزقنا سفره حلووه لأاسبانيا ..

وبالنسبة للعباية ..

والله أستأنست

الله يوفقها دنيا وأخره مثل ما حفظت حجابها برا ما سوت مثل غيرها

والله يهدي الجميع





الأحـــلى .. مروورك ومتــابعتك


والله يرزقك لسفرة حــلووة لأســبانيا .. يالله عاد قولي آآمين

يعطيك العافيه اخوي ع التقرير الحلو

وع الصور الاحلى

شكلها كانت رحله حلوه

هالفندق انا سكنت فيه بالصيف ومثل ماقلت احلى مافيه موقعه وطلته ع الرامبلا

انا رقم غرفتي كان 1

بس نظامها كان غير عن غرفتكم كانت ديزاين مب عاديه


وواصل ابداعك اخوي

تحياتي لك

بيور لايف

بصراحة تقرير جميل و فية معظم التفاصيل
صور رائعة
وتراك شوقتنا لسفر

يعطيك العافية............

المشاركة الأصلية كتبت بواسطة boos3ood
http://www.arabtravelersforum.com/tr...9/#post1768479

يعطيك العافيه اخوي ع التقرير الحلو

وع الصور الاحلى

شكلها كانت رحله حلوه

هالفندق انا سكنت فيه بالصيف ومثل ماقلت احلى مافيه موقعه وطلته ع الرامبلا

انا رقم غرفتي كان 1

بس نظامها كان غير عن غرفتكم كانت ديزاين مب عاديه


وواصل ابداعك اخوي

تحياتي لك




الله يعافيك من كل شــر..

وبالنسبة للفندق أنــا ماعجبني اللوبي الي فيه ابدا :108:

والاستقبال ملوا منا كل شوووي نطلب بطاقة جديدة لفتح باب الغرفة ومحتفظ فيها الى الحين :24:

والنت كان غالي .. 30 يورو باليــووم :112:

المشاركة الأصلية كتبت بواسطة alhadiibrahim
http://www.arabtravelersforum.com/tr...6/#post1768836

بيور لايف

بصراحة تقرير جميل و فية معظم التفاصيل
صور رائعة
وتراك شوقتنا لسفر

يعطيك العافية............




تــسلم .. على الاطراء الحلوو

ومتابعتك .. هي الي تضيف للموضوع الشئ الكثير

تقرير مميز واسلوب ممتع :24: يوسع الصدر :109:
ينطيك الف عافية خيو
وسلجني من المتابعين

المشاركة الأصلية كتبت بواسطة بنت البحرين
http://www.arabtravelersforum.com/tr...3/#post1769383


تقرير مميز واسلوب ممتع :24: يوسع الصدر :109:
ينطيك الف عافية خيو
وسلجني من المتابعين








أسعـــدتيني متــابعتك للتقريــر .. :24:



بس عــندي طــلب .. !!

شـد أنتــباهـي عبارة أفضل صوورة لعام 2004

غالي والطلب رخيص :115:

بدورها لك وبرفعها للمنتدى مره ثانية :101:

بس راحت علينا هذا الموضوع كان 2004 الحين ماشاء الله طلعوا فطاحلة بالتصوير :109:

pure live

والله اسلوووبك فله
وصور جنان وتفاصيل مشوووقه
وتنوع بالرحلة يعني ماشالله عليك (:
أما النوم صراحة ماينلام خويك
الجووو يساعد للنووووم (:
تحياتي له


متابع كمل
فديتك
وفديت قلبك اللي هاوي الشرقيـة (:

اجل الزين نجدي .. والدلع شرقاوي
حلوووين.. (:

ابشر يا بيور لايف

بوظفك مدير بعد بس تعطيني شنطه خخخخخخخخخخخخ ---- ما عندك احد

بس ترا طولت ونبغى نشوف الجزء الجديد

حياك الله اخوي ........ pure live

تقرير رائع وصور روعه ماقصرت من بدري بقولها لك لأني بظل متابع للنهاية

هاه بشرنا عساك تصورت مع ميسي وبويان وجيوفاني نجوم المستقبل للبرشا اخوك برشلوني متعصب
http://www.3rbox.com
:109::109:

اما خويك( ولد الخال ) صاير مختلف معاك فكل شي مو بس في النوم :109:

حتى في اللبس انت مصيف وهو مشتي :109::109:

http://www.3rbox.com
سلم عليه وقله يشارك معك بالتقرير عشان يدافع عن نفسه واذا كان نايم اتركله مسج ولاقام يقراه :109:

المشاركة الأصلية كتبت بواسطة بنت البحرين
http://www.arabtravelersforum.com/tr...9/#post1769499

غالي والطلب رخيص :115:

بدورها لك وبرفعها للمنتدى مره ثانية :101:

بس راحت علينا هذا الموضوع كان 2004 الحين ماشاء الله طلعوا فطاحلة بالتصوير :109:




تـــــسلمين ..

المشاركة الأصلية كتبت بواسطة خوالي أسبان
http://www.arabtravelersforum.com/tr...8/#post1769898




pure live

والله اسلوووبك فله
وصور جنان وتفاصيل مشوووقه
وتنوع بالرحلة يعني ماشالله عليك (:
أما النوم صراحة ماينلام خويك
الجووو يساعد للنووووم (:
تحياتي له


متابع كمل
فديتك
وفديت قلبك اللي هاوي الشرقيـة (:

اجل الزين نجدي .. والدلع شرقاوي
حلوووين.. (:




أنت كــلك فــلة .. :101:

وفديت متــابعتك .. وفــديت قلبك أنــا

مـــاتشووف قلبنااهاا مصاارحــة .. :36_11_6:

وصدق من قال.. الزين نجـدي والدلع .. شرقــاووي :113:

المشاركة الأصلية كتبت بواسطة لوي فيتون
http://www.arabtravelersforum.com/tr...7/#post1770117

ابشر يا بيور لايف

بوظفك مدير بعد بس تعطيني شنطه خخخخخخخخخخخخ ---- ما عندك احد

بس ترا طولت ونبغى نشوف الجزء الجديد




لا لا مــــــاتفقنــا .. !!


ياااااشين المصلحجيـــــة .. ماعندنا شنط اهاا بس :109:


واليوم إن شاء الله بنزل اليوم الثالث .. تسلمين على المتــابعة :24:

حــــياك الله أخــووي .. واخــاسيدي


التصوير مع اللاعبــين .. صعب شووي وخاصة خلال وجودنا هناك كان في ضغط بالمباريات :105:


بس اللحظة الي شفت اللاعبين فيها .. كانت باليوم الرابع :24:


وسأذكر تفاصلها بوقتهاا ..


وحلوة الملاحظة على هالصورة :24:

.. و الصراحة هناك الجو معتدل ومره يميل للبرد ومره للحر نوعا ما

يعني أغلب الاحـيان ألبس لبس صيفي ويكون معاي الجاكيت احتياط


وبــعدين..ياااااااشين الي يحبوون الشر !! :109:

خويي يهددني الحين بالفضائح .. يعني لايسمعك .. بعدين يفضحنا وارووح فيهاا :109:

لا يـكثر يـ بيور لايـف:105:
عـجل علينا بـ بقية التقريـر..ولا قسم بالله نطلع خويك من تحت الارض:109:..نخليه ينشر غسيلك مـثل ماقاعد تنشر غسـيله هـنا:109:ههههههههههههه

تقرير اكثر من رائع اخي الكريم

وخاصه انه الى الان عن برشلونه

برشلونه الساحره الفاتنه سمها ماشئت

تحياتي لك على مجهودك

وفي انتظار النوكامب معقل البرشا

برشلوني فور ايفر

تقرير بطل


مع اني ماشفت الا هالصفحة ..
بس ان شاءالله برجع اشوف الصفحات اللي قبل واكتب تعليقي


بانتظار البقية .. :24:

اخوي ... pure live

فديتك وفديت قلبك واحد يسمع بالمصارحة وبيقلد بس صاير من جنبها

:109::109::109:

اما ولد خالك تووووحفه متربع وصاير زووول
http://www.3rbox.com
كنه يقول ياخي خلينا نقعد حتى لو البنطلون اتعدم مابيهم المهم مانقف تاني .. آآآآي :109:

اعجبتني يوم تصور افراد العصابة تنفع تصير مخبر ( عميل سري ) :109:

متلهفين للبرشا ومعقل النوكامب ... في الانتظار يالغالي

لقيتها :109:

سم طال عمرك :115:

ترى لول ما فوقنا فوق على أيام 3 ميجا بكسل :109:
أحين ماشاء الله وصلنا 12 ميجابكسل :115:

الصورة كانت في ماليزيا وبالتحديد لنجاوي ( القرية الشرقية )

ما شاء الله جزء حلو وطويل

بس حسيته حر مره عندهم ---- عاد انتو مقطعكم البراد خخخخ

وما قلت لنا وش سووا بالاستعراض ؟؟؟ ---- ما افوت شي خخخخخخخخ

تسلم ايدينك اخوي

اهنيك على الموضوع الممتاز والاحلى تعليقك على الصور :24: :24:

المشاركة الأصلية كتبت بواسطة نمرو
http://www.arabtravelersforum.com/tr...3/#post1771103

تقرير اكثر من رائع اخي الكريم

وخاصه انه الى الان عن برشلونه

برشلونه الساحره الفاتنه سمها ماشئت

تحياتي لك على مجهودك

وفي انتظار النوكامب معقل البرشا

برشلوني فور ايفر





هــلا بالــغالي ..

شاكر لــك .. بوضـع بصــمتك عــلى التقرير :113:


بــرشــلونة .. فعــلا عـــــالم آخر :24:









المشاركة الأصلية كتبت بواسطة Rima
http://www.arabtravelersforum.com/tr...6/#post1771206

تقرير بطل


مع اني ماشفت الا هالصفحة ..
بس ان شاءالله برجع اشوف الصفحات اللي قبل واكتب تعليقي


بانتظار البقية .. :24:

شكلك متعودة على المــطامر .. مثــلنا :109:


حـنا بإنــتظار .. تعلقـاتك

بس لــيش زعــلانة ؟؟ :114:

المشاركة الأصلية كتبت بواسطة واخاسيدي
http://www.arabtravelersforum.com/tr...0/#post1771320

اخوي ... pure live

فديتك وفديت قلبك واحد يسمع بالمصارحة وبيقلد بس صاير من جنبها

:109::109::109:

اما ولد خالك تووووحفه متربع وصاير زووول
http://www.3rbox.com
كنه يقول ياخي خلينا نقعد حتى لو البنطلون اتعدم مابيهم المهم مانقف تاني .. آآآآي :109:

اعجبتني يوم تصور افراد العصابة تنفع تصير مخبر ( عميل سري ) :109:

متلهفين للبرشا ومعقل النوكامب ... في الانتظار يالغالي





:109: :109:

خــذ راحتــك .. صــارح ولا يهــمك أحــد

يالله عاد تلقــى أحد يقول لك هالــكلام غــــيري .. :101:

المشاركة الأصلية كتبت بواسطة بنت البحرين
http://www.arabtravelersforum.com/tr...8/#post1771508

لقيتها :109:

سم طال عمرك :115:

ترى لول ما فوقنا فوق على أيام 3 ميجا بكسل :109:
أحين ماشاء الله وصلنا 12 ميجابكسل :115:

الصورة كانت في ماليزيا وبالتحديد لنجاوي ( القرية الشرقية )






:113: :113: :113:

WOOOOOOOOOOOOOOOOOW



كــــــل هــالزين وتقوليــــــن .. الصورة قديمة يمكن مو حلوة الحين :112:

الصرااحــــــة أبداااااااع .. وأسمحيــلي بحطها خلفية لسطح المكتب عندي


شــاكر لك مجهوودك بالبحث عن الصوورة :x1: