الموضوع: اللي ناوي رومانيا هذاالصيف يرفع رايته ياشباب تبادل خبرات

اخواني الكرام نظرا لقلة المواضيع المكتوبه عن رومانيا ...... او بالاحرى اغلبها تتحدث عن البلد بشكل عام ... ودي ان نتحد لجمع المعلومات عن هذا البلد الذي يكاد كون غامض للكثير من الاعضاء .... عبر الاسئله الاتيه

متى ناوي تسافر ؟؟؟ عن طريق اي خطوط .؟؟؟ كم سعر التذكره ؟؟؟؟ وش سويت في امور الفيزا ؟؟؟؟
كم ميزانيتك وكم شخص رايح معك ؟؟؟؟؟ كم المده ؟؟؟؟ اين مواقع السكن التي تنوي السكن فيها ؟؟؟؟؟؟ ماذا عن جدول الرحله واي المناطق التي تنوي زيارتها؟؟؟؟؟؟ الموضوع مفتوح للجميع ..... وسوف اكتب بعد مشاركتكم في الردود

مغليكم

مواضيع عشوائيه ممكن تكون تعجبك اخترناها لك:

• اليونان المرجع الأول
• دليل السياحة في جورجيا
• قبرص رحلة مقترحة صيف
• عاجل استفسار يخص هولندا وبلجيكا
• ارجو من الجميع المشاركه
• أين تذهب؟ وماذا ترى؟ في بلاد الحضارة والسحر
• المصحات الطبية في التشيــك
• لي شهرين في برلين وودي اروح بولندا كراكوف
• روح اوروبا
• سؤال لمن سافر جورجيا للأهميه
• هل بولندا من ضمن دول الشنغن؟
• ممكن فيزا مضمونة لاوروبا او كندا في السعودية
• بأخذ فيزا من سفارة التشيك واروح فرنسا بس
• جرينلاند من سافر لها
• طيران رخيص وكوبس
• اوكرانيا تأشيرة الدخول إليها
• فلاي دبي تدخل السوق الأوكرانية بثلاث وجهات الى كييف وخاركوف ودونيتسك في سبتمبر
• رومانيا؟؟أو؟؟بلجيكا؟؟ تكفون
• روسيا البيضاء بيلاروس Беларусь
• إستفسار عن بولندا من لدية خبرة فلا يبخل علينا بالمعلومة

هلا أخوي وجيه ..

أجل جازم خلااااص ؟؟

أنا والله بأرفع نص الرايه ... والنص الثاني باقي عليه شوي ...

بديت في اجراءات الفيزا ... لكن لسا ما ارسلتها للرياض ...

المدة راح تكون إن شاء الله حوالي 20 يوم .

التذكرة على التركية تقريبا 2900 ريال .


أما الميزانية فوالله ما حسبت حسابها لسا ...

انا وحدي طبعا .. قالوا لي شباب ... خذ معك ألف يورو كاش ... وإذا ما كفاك ... اسحب من هناك ...

هذا مالدي حاليا ..

لك كل الود .

هلا بالغالي اخوي مسافر متزن ,,,,,,,,,, بالنسبه لي اعتبر تأكيدك لرحلتك لرومانيا هي دعم لفكرتي كلها خاصة ان البلد بصراحه رغم حلاوته الا انه يضل غامض في نظر الكثير من الاخوان وذلك لقلة المواضيع المكتوبه عنه ,,,,,,,, على العموم تمت الاضافه وانا بأنتظارك .............. مغليكم

حتى نصحتني وحده من اهلي اروحها والصراحه انصدمت انها رخيصه وهي في اروبا وقررت اروحلها في شهر العسل

متى ناوي تسافر ؟؟؟
24-7 الي ماعرف ما حددت المده اسبوعين اول اقل

عن طريق اي خطوط .؟؟؟

شكلي بروح عالتركيه او الاماراتيه تكون دايركت بدون ترانزيت

كم سعر التذكره ؟؟؟؟

بعدني ما حجزت

وش سويت في امور الفيزا ؟؟؟؟

بعدني ان شاء الله اول شهر 6

كم ميزانيتك وكم شخص رايح معك ؟؟؟؟؟

انا وزوجي شخصين

كم المده ؟؟؟؟
اسبوعين او اقل

اين مواقع السكن التي تنوي السكن فيها ؟؟؟؟؟؟

بعدني ماعرف شي

ماذا عن جدول الرحله واي المناطق التي تنوي زيارتها؟؟؟؟؟؟

بعدني ما اعرف معلومات كافيه

شكرا اخوي عالموضوع والصراحه اتمنى اصحاب الخبره يفيدونا

السلام عليكم ,,

شدني الموضوع وحبيت اشارك فيه ,,

الاحظ قله المواضيع المتعلقه برومانيا وانا ناويه السفر لها بالصيف هذا ان شاء الله ,,

وينقصني بعض الامر المتعلقه فيها واواجه صعوبات بخصوص هذي الدوله وراح اقولها لكم ,,

اولا : انا ناويه السفر ان شا الله بشهر جولاي , مده السفر 25 يوم , مع العائله 5 افراد ,,

ثانيا : الحجز عن طريق الخطوط التركيه , والفيزه والسكن لسى مابديت وراح اتعامل مع الطيار ,,

الميزانيه تختلف ولا اقدر احددها ,,

بالنسبه للاماكن تكلمت مع المكتب وحددلي اماكن وجاري البحث عن الاخر ,,

اهم الاسئله اللي ابي الاجابه عنها وارجو التفاعل وهي ,,

السؤال الاهم * هل هي مدينه صالحه لسياحه وخصوصا (( العائله و الاطفال )) وهل يوجد مناظر مخله؟؟

* الطقس برومانيا بارد ام معتدل (( ورانيا تجهيز السفر ))؟؟

* بحكم ان الاغلبيه بنات بسالكم عن التسوق فيها كيف ؟؟ ولوجد طفلين ياحرام نبي نفرحم هل يوجد اماكن تناسب لهم ؟؟

وبشكل عام هي مدينه سحرتني وعجبتني بس الله يستر عساها تعجب اهلي وانا خايفه لاني ماحصلت معلومات عنها ,,

كل الشكر للاعضاء والقراء ,,

خالص الود ,,

ناوي بس بدون معلومات وابحث عنها اذا موجودة

مع الشكر للجميع

السلام عليكم q8kiwi يحييكم من الكويت بخصوص رومانيا آنا سافرت لها سنة 1998 وانشالله إذا الله كتب راح اسافر لها في هذا الصيف شهر 8 . طبعا رومانيا حاليا أنظمت للأتحاد الأوروبي ويمكن القوانين تغيرت عن سنة 98 بس أقدر أفيدكم بالجو العام لرومانيا :
العاصمة( بوخارست) مافيها شي يستاهل أغلب المصايف في مناطق خارج العاصمة وأشهرها منطقة (براشوف) وهذي منطقة تحيط فيها الجبال وفي موسم الشتاء الناس تسوي سكي (التزحلق علي الجليد) وبالصيف للراحة والاسترخاء كون أنها منطقة خضرة وبين غابات خصوصا منطقة صغيرة تبعد عن سنتر براشوف بالسيارة تقريبا نص ساعة صعودا للأعلي أسمها (بويانا براشوف) فيها فنادق ومنتجعات وتلفريك وبعض المطاعم والديسكووات يعني للي يفضل الهدوء والخضرة والاشجار والابتعاد عن الزحمة والازعاج عليه ببويانا براشوف
نرجع حق منطقة ثانية أسمها( نيبتون) وهذي منطقة ساحلية علي البحر تبعد عن براشوف بالقطار تقريبا من 6 إلي 7 ساعات هذي منطقة مصيف للرومانيين والأوربيين بشكل عام وفي منطقة قريبه لها اسمها (مامايا ) بس بالضبط ما أعرف جم تبعد عنها . للتنويه حق المصطحبين معاهم عائلاتهم المناطق هذي ماتنفعهم وخصوصا إلي معاهم أطفال . لانة البشر هناك علي الشواطئ نص عراة وبعض الأحيان عراة الأ ربع بس أنها تمتاز بالزحمة والسهر خصوصا بالصيف والمطاعم والمقاهي والبسطات علي جانب الطريق في وسط المنطقة . منطقة مامايا آنا مازرتها بس أتضحلي من التصفح والبحث عن طريق الانترنت أنها أكبر من نيبتون وأطلعت علي صور عديدة لها وتكثر فيها الفنادق والمقاهي مباشرة علي شاطئ البحر وفيها مدينة مائية وأحواض سباحة وطرطشة وفرفشة وضروري يكون معاك مايو للسباحة ونظارة شمسية وكريم حماية من اشعة الشمس لأنة بالنهار وايد التشمس زين هناك بس طبعا ماتوصل الحرارة مثل حرارة شمس الخليج
وعلي فكرة من ناحية الأكل رومانيا كلها تفتقر من المطاعم العربيه او الذبح الأسلامي ومن ناحيتي آنا شخصيا ماكنت ارتاح حق أكل المطاعم العادية أو الغير معروفة وكنا دائما نتجه للمكدونالدز او البيتزا او السندويتشات الخفيفة . ومن ناحية المعاملة طبعا 80 بالمئة لا يجيدون الانجليزية بس ماكنا نحتاج انه نسولف معاهم بس طبعا الكل تقريبا يفهم الارقام بالانقليزي حق التكسي او المطعم او التسوق اما الفنادق ماكان في مشكلة . حصلت لنا بعض المشاكل فى أول الرحلة بس عموما ماتستاهل الذكر الأن كون أحنا سواح أغلب الرومانيين يحاولون أستغلالنا وهالشي موجود في كل الدول السياحية تقريبا . ومن ناحية التسوق ما أقدر أعطي معلومات من هالناحية بالوقت الحالي لانة أحتمال حاليا فتحت مولات او اسواق ماكانت موجودة سنة 98 بس سمعت من بعض الاصدقاء القادمين من رومانيا مؤخرا إنه البضائع لا تستحق الشراء وكل شي موجود في دول الخليج هيه هيه تقريبا نفس البضائع الا البضائع الصناعة اليدوية او التحف لمن يهتم بهذا الامر . وأنشالله أكون عطيت معلومات تفيدكم يا أحبابي
ومن يرغب بمعلومات آنا لم أذكرها أو صور من البوم رحلتي إلي رومانيا علي الرحب والسعة
ويقدر يتواصل معاي علي الإيميل :
mailto:[email protected]
mailto:[email protected]
الرجاء عدم الإظافة بالمسنجر التواصل عن طريق الايميل فقط

بسم الله الرحمن الرحيم
أبي أسأل كم أجار الشقة أو الفلة في الشهر وهل هي آمنة

الاخوة خبراء رومانيا اين تقع المناطق الجبلية في رومانيا وهل ترانسلفانيا بعيدة عن العاصمة؟

اهلين اخواني ,,,,,

بالنسبه للاخت ليان ما ادري اي مدينه سألتي عنها ,, بس يمكن تقصدين الدوله ككل .

الدوله حلوه ودوله سياحيه ,, سواءً للعائله او الافراد ,, من ناحية المناظر المخله بتلاقون في البحر طبعاً على الشاطئ بس باقي الاماكن ما فيها شيء مخل ,, , طبعاً بالنسبه لنا مخل منظر بنت لابسه بنطلون او لابسه قصير والحاجات زي كذاا ,, بس في بلدهم هذا شيء عادي وهذا هو الشيء الوحيد الي اقدر اقول مخل بالنسبه لنا البنطلون واللبس القصير ,

بالنسبه للجو ,, يمر عليهم الاربع فصول ,, من جون إلى اعسطس , يعتبر جو حلو وصيفي ,

بالنسبه للتسوق , ما عندك احد تلفين السوق رايحه جايه بحجابك ولا احد يقول شيء ,, لان العرب والمسلمين كثير في رومانيا ,, وللاطفال فيه حديقة حيوان حلوه صراحه ,, وفيه مدينه مائيه ,, بس مشكلتها مختلط ما تنفع لنا , يعني لاتروحون هناك ,,, مدينة العاب , ملاهي يعني ,, ما اتوقع فيه , بس مثلاً لو تطلعون المول يقدرون يلعبون هناك في الاعاب الالكترونيه ,,

وياليت تحددين المدينه الي تتكلمين عنها الي سحرتك ولا حصلتي معلومات عنها ,,

يعطيك العافيه هلى معلوماتك أخ q8kiwi

ابو وليد ,,
في اي منطقه تقصد الشقه او الفله ,,,

على كل حال الشقق , تختلف فيه اربع غرف وفيه غرفتين وفيه غرفه وكل وحده لها سعر ,,

1غرفه = 250 إلى 300 يورو
2 غرفه = 300 إلى 400 يورو

الفلل غاليه شوي ,, يعني من الـ 1000 يورو وانت طالع تقريباً لان ما عمري استأجرت فله ,, بس كذا اسعارها تقريباً .

ومن ناحية الامان ,, ميه ميه ,,, بعد الله سبحانه

السلام عليكم ورحمة الله .......... ياسلام عليك اخوي عزوز كفو والله بردودك الجميله

الاخوان ان شاء الله استفادوا زي ماانا استفدت من خبرتك

الا وينك عن المسنجر مااشوفك عسى المانع خير وتمنى انك عامل شغل كويس في دراستك

تمنياتي لك بالتوفيق

مغليكم

بسم الله الرحمن الرحيم
جزاك الله خير يا أخي azuzule على المعلومة
لكن يا أخي هذه في الشهر معقولة يعني تقريبا 100دينار بس
كم سعرها الشقة هناك
وجزاك الله خير مقدما

الاغ عزوز
امل توضيح المسافات بين المدن التالية
بوخارست-براشوف
براشوف - سينايا
براشوف - بويانا براشوف
بوخارست - مامايا
بوخارست - نيبتون
مامايا - نيبتون
كما أنه توجد مدينة ساحلية في الخريطة لم تتطرق اليها ممكن توضح لنا دروها السياحي - كونستانتا

اهلين اخوي ابو وليد //

انا اقول لك الاسعار بشكل عام ,, يعني ممكن تلاقي اغلى بعد ,,, بس هذي الي بشكل عام الاسعار حالياً ,

سعر الشقه للبيع يعني اذا تقصد ,, توصل لـ 120,000 يورو وفيه اغلى وفيه ارخص .

اهلين اخ ريكاز ,,

بخارست - براشوف 166 كم

براشوف- سينايا 40كم.... لكن سينايا تكون قبل براشوف وانت جاي من بخارست ,

براشوف -بويانا براشوف , مو كثير اتوقع 12 كم

بخارست- مامايا , 240 - 300 كم تقريباً .

بخارست - نيبتون و مامايا نيبتون , ما عمري رحت لنيبتون , كل روحاتي كونستانتسا ومامايا .

تسأل عن كونستانتسا . هي مدينه ساحليه , وسياحيه في نفس الوقت قريبه من مامايا ,

الفرق بينها وبين مامايا . ان مامايا مدينه سياحيه بحته , يعني كلها فنادق ومطاعم , اما كونستنتسا , فأقدر اقول هي العاصمه الساحليه , يعني مع ان فيها اماكن سياحيه , الا انه بعد فيها ميناء تجاري ومؤسسات حكوميه وماشابه . وبرضو توجد مساجد من عهد الاتراك لما غزو رومانيا , عشان كذا تلاحظ فيه عدد مسلمين , واكثرهم من الاصول التركيه ,

صوره لمسجد .

وهذي صوره لكونستانتسا

السلام عليكم

اشكر لكم الرد والتعاون وماقصرتوا ,,

وبخصوص المناطق ياعزيز سمي بالله وابداء معي ,,

براشوف غنيه عن التعريف طبعا ,,

تيمي شوارا timi soara عن براشوف 7 ساعات,,
قريت عنها بس لازال بعض الغموض يسيطر عليها وقالوا انها جميله وفيها سنتر كبير,,

منتجع بورشا الجبلى
وهو يقع في شمال رومانيا وبالأحرى في منطقة (ماراموريش)
وهذا مدحوووه كثير وفيه مميزات كثيره اقولها اذا حبيتوا ,,

منطقة فاكاراش
وفيها استمتاع بتسلق الجبال ,,

سيبيو,,
سينايا ,,
جبال كاربات ,,

الاستفسار هنا !!
مده الرحله 25 يوم وياعزيز والاعضاء الكرام ايش اختار الافضل من بين الموجود يعني الجمال موجود والوقت مايكفي احترت فعلا محتاره ,,
علما باني الغيت كل السواحل ,,

ملاحظه "" بالنسبه للمناظر المخله ""
انا لما قلت الكلمه هذي اقصد فيها المناظر المخله للادب وليس بلبس البنطلون او التنوره القصيره شي بقد مايكون بلباس البحر من تعري هذا قصدي,,

كل الود والاحترام ,,

اهلين اخت ليان ,,,

الوقت حلو ,, يعني حتى لو تقسمون خمسه ايام في كل منطقه راح تزورون خمس مناطق ,,,,

انتو مثل ما فهمت اكثركم بنات وتبغون السوق بعد فوق الطبيعه ,,, بالنسبه للسوق والمولات هذي تلاقونها في العاصمه بخارست ,,, كثير يذمونها ويقولون مو حلوه ,, بس بالعكس فيها اماكن حلوه انا جالس فيها ومبسوط , فيه اكبر حديقه في شرق اوروبا حديقة الهوريسترو ,, وغيرها حدائق كثير وحديقة حيوان,

وبعد تروحون لبراشوف , وبويانا براشوف ,,, و سينايا ,, وجبال كاربات هذي على حد علمي في براشوف

ومنطقة ماراموريش هذي حلوه صراحه , لكن براشوف وسينايا وسيقشوارا هذولي قريب من بعض ,, يعني لو تخلونها في البدايه ,بعدين تطلعون للشمال لماراموريش , وبعدها تقضون نهاية طلعتكم في بخارست 3 ايام إلى يومين ,,,

وعاد الشيء راجع لكم وش تختارون .. او كيف تنضمون جدولكم ..

وبالنسبه للمناظر اذا عن لباس البحر ما راح تحصلون غير في الاماكن الساحليه ,, وفيه المسابح والحداشق المائيه ,, غيره كل شيء تمام ...


ملاحظه ,, بالنسبه للتنقل القطار احسن شيء ,,, عشان تتفرجو في الطبيعه وانتو ماشين ,, ولا تاخذون غير رحلات في النهار ,, واذا فيكم شجاعه استأجرو سياره وخلوها رحله على اصولها .

وقبل ما تسألون ,, بالنسبه للحجاب في رومانيا ما فيه اي مشكله ولا احد يقول شيء ,, لان الجاليه العربيه والمسلمه كبيره في رومانيا ........

الاخ عزوز
كيف الحال
اشكر لك اجتهادك في الرد على اسئلة الجميع
سؤال بعد اذنك
هل استطيع التنقل بين بخارست واسطنبول بالقطار
وكم المسافة بينهم وكم يستغرق مني وقت وهل المرور من بلغاريا الى يحتاج فيزا بلغاريا
أمل الافادة باسرع وقت ممكن

بين اسطنبول وبخارست مافيه قطار الي اعرفه ,,, بس تقدر تروح بر ,, المسافه تقريباً 400 كيلو ,, يعني بالطياره 45 دقيقه ,,

بالنسبه لبلغاريا اذا راح تمر فيها مرور وعندك فيزا لبلد وراها , ما يبغالك فيزا ,, هذا الي اعرفه ,, بس اذا راح تظل فيها ,, لازم فيزا .

عزوز يالعضو النشيط تشكر على الرد الدقيق ,,

ومايهونون باقي الاعضاء فيهم الخير والبركه ,,

ابداء اتكلم وتحملوني ياكثر كلامي ,,

بسم الله,,

تقسيم الرحله ,,

بخارست ,, بويانا براشوف ,, بورشا في ماراموريش ,, sighetul Marmatsiei ,, بوخارست

اللي اسئل عنها يا عزوز هي تيمي شوارا مو سيجي شوارا (timi soara ) مو ( sihgi soara )

تيمي عن براشوف 7 ساعات اما سيجي قريبه من براشوف ,,

هذا اللي قريته طبعا :106:

ابي معلومات عن تيمي :101:

بالنسبه لخطه السير مثل ماهي موضحه عندكم بالترتيب ,,

ويله سلامتها ام حسن واسفه على البربره والتطويل ,,

كل الود ,,

اهلين اخت ليان ,,,

انا عارف ان قصدك تيمي شوارا بس مدري من وين جات سيقشوارا في الموضوع ,,,

تيمي شوارا مدينه حلوه صراحه ,, ونظيفه ,, وتستحق الزياره ,, ومعروفها بأنها اول من قام بالثوره ضد الحاكم تشاوشيسكو ,وماتو ناس كثير فيه ايام الثوره ,, بس ما يهمكم هذا ,, متأسف ماعندي معلومات زياده

وجدولكم حلو ,, بس ليش ما تروحون بعد لسينايا هي على طريقكم لبويانا براشوف ,, فيها مناظر حلوه وقصر اسمو ,, بالتش فيه اشياء تراثيه وحواليه طبيعه تجنن ..

سينايا وبران والشلال الكبير والشلالات اللي تبعد عن براشوف 20 كيلو وكذا مكان جنب براشوف ,,

راح نطلعلها رحله يوم لكل مكان ,,:106:

ومشكور ياعزيز على الرد ,,:101:

وبارك الله فيك ,,

وفقك في امورك كلها ,,

كل الود ,,

ممكن اخ عزوز
تعطينا معلومات عن الفلل الموجودة في بويانا
وايهما افضل السكن في سينايا او بويانا
لا تنسى اسعار الفلل وكيفية الحصول عليها

اهلين اخ ريكاز ,,,,

بالنسبه للفل في بويانا براشوف ,, انا شخصياً ما سكنت فيها ,, لكن سكن فيها ناس اعرفهم وزرتهم فيها ,, هي فلل صغار دورين الدور الاول صالة طعام ومطبخ ,, والثاني غرف نوم وجلسه صغيره |,والفله موقعها في زي المنتزه مسور ,,وسعرها 200 رون لليوم ,,يسكن فيها 5 اشخاص ,

بالنسبه لفلل سينايا , طبعاً اكبر بكثير ,, تكون فله مستقله بحوش وغرف نوم توصل لعشر غرف نوم وصاله كبيره وكل غرفها كبار , هذي اتكلم عن الي سكنت فيها ,, الغرفه الوحده تشيل شخصين ,, و إيجار الغرفه يومي ,, 60-80 رون ,,, طبعاً الفله كبيره وفيها غرف ,,, واذا كنتو قليل وتبغون فله ,, تستأجرون كذا كم غرفه راح تستخدمونها , والبيت كله لكم ,, ما عدا اذا جاء احد وسكن في غرفه ثانيه ,, راح يشارك في المطبخ والصاله ,, بس تقدرون تتفاهمون مع راعي البيت وتقولون لا احد يجي يسكن . ,,


الملخص ,, اشوف السكن في سينايا افضل ,,, لان الفلل والشقق متوفره بكثره ,, فأكيد بتكون اسعارها ارخص من بويانا ,,, لان بويانا السكن فيها أقل من سينايا ,, لازم حجز من قبل فتره ,,

بس ما يعني هذا ان بويانا ما تستحق الزياره ,,

ان شاء الله اكون افدتك

ممكن سؤال ياشباب
انا عندي تامين طبي للعمل بالشركة التي اشتغل فيها
هل يكفي اصور لهم كرت التامين حق التعاونية
ام ماذا يقصدون بتامين السفر في التاشيرة الرومانية

الاخ عزوز ...

تسلم على هالمعلومات القيمة ... ومشكور على تواصلك وجهدك معنا ...

عندي استفسار بسيط اذا ممكن ...

انا ناوي اجي لرومانيا بعد اسبوعين ان شاء الله ... 3 شباب زكرت :24: وراح نجلس لمدة 10 ايام فقط ...

وجميعنا لاول مره نجي رومانيا ...

وين تنصحنا نروح خلال هالمدة وكيف نجدول هالرحلة ...

وشكرا لتواصلك مرة اخرى ...:113:

هلين اخ ,, انــا ,,

عشره ايام ,, يعني ما بتكفي تزورون اماكن كثير ,, بس قضوها جبل وبحر اذا كنتو من هوات البحر ,,,

الجبل ,,, بويانا براشوف وبراشوف وسينايا ,, هذي تستحق الزياره ,,, البحر مامايا ,, وكونستانتسا ..

بأختصار ,,, توصلون بخارست ,, تريحون تجلسون يوم تتمشون في العاصمه ,, في الحدائق وتتفرجون على البلد وحظارته ,,عقبها تمشون لسينايا تجلسون في سينايا يومين ,, اليوم الثاني تحركون على براشوف ,, 3 ايام في اليوم الثاني تطلعون لبويانا براشوف ,, لانها مو بعيده , نص ساعه بالسياره إلى 20 دقيقه ,,, تمشو اطلعو الجبل ,, وارجعو لسكنكم في براشوف ,, اليوم الثالث بعد ما تتمشون وتخلصون ,, حركو على مامايا ,, وبكيفكم تسكنون في مامايا او كونستانتسا ,, هي اقرب تكون مدينه وحده بس مامابا كلها مطاعم واماكن سياحيه وفنادق ,, كونستانتسا فيها الميناء وهي العاصمه الساحليه نقدر نقول ,, تظلون في مامايا 3 ايام ,, ,,, إلى الحين قضيتو 9 ايام ,,, باقي يوم بكيفكم تبغون تحطونه في اي مدينه ,,, وبعدها ترجعون على بخارست والمطار ,,

هذي فكرتي ,, وانتو عاد بكيفكم ,,, بس عشان وقتكم قصير اختصرت عليكم المناطق ,, بس كفايه برضو ماعليكم ,,,

اخوي عزوز ....

الف شكر على تواصلك وتسلم ياعيوني ...

بالنسبة للوقت انا ودي اقعد 100 يوم مو 10 ايام:11ight: بس الظروف بتحكم ياعم...:108:

واحنا قررنا ناخذ بشورتك بس راح نكتفي بممايا ونستغني عن كونستانستا وراح نخلي ممايا 4 ايام لاني احس من صورها انها شي:x1: ...

مره ثانية شكرا لك... وافدتنا كثير ياغالي ...