الموضوع: مساعدة بخصوص تأجير السيارة في رومانيا

السلام عليكم ورحمة الله وبركاته

الأخوة / خبراء رومانيا

بصراحه انا طالع ان شاء الله بعد 25 يوم تقريباً وأحتاج نصيحتكم
اقامتي لمده 8 أيام وماراح اجلس في بخارست الباقي الظاهر بروح لنبتون او ممايا
وش رايكم استأجر سيارة من المطار او عن طريق النت وطلبات استأجار السيارة هل يطلبون بطاقه فيزا والا تأمين مبلغ والا ما يطلبون شي والا اروح بالقطار عددنا اربعه ان كانهم راحو معي

ولا تبخلون علي بنصايحكم

مع اني العام استأجرت سيارة من فيينا مع واحد من الاصدقاء وطلعنا ميونخ وسالزبورق وانسبروك وزيلامسي يعني لفه حلوه بس رومانيا ما ادري عنها


تحياتي ودعواتي

مواضيع عشوائيه ممكن تكون تعجبك اخترناها لك:

• تاشيرت فيزا اوكرانيا
• أي معلووومه لو بسيطه عن التشيكـ سوف تفيدني
• كيف اتلقى دعوه من احد مواطنين البوسنه
• بروكسل والعيد مارايكم ؟؟
• هل من معلومات عن التشيك من البحرين ؟
• حقائق ممتعة عن بحيرة بايكال
• ارجو المساعده سفري لبلجيكا بعد ايام
• اوكرانيا جنة الله على الارض
• الفيزا الى اذربيجان
• اخواني ساعدوني ببرنامجي الي سراييفو
• الي خبراء رومانيا نبتون
• رحلتي الى اوربا بالسيارة روح المغامرة والاثارة
• شراء ورود هولندا
• منو يقدر يفيدني بخصوص فارنا بلغاريا
• ©؛°¨¨°؛® الجــولـدن سـانـد بلغاريا ©؛°¨¨°؛® معلومات وصور
• ارجوا من خبراء كرواتيا الدخول والي يعرف عنها شي مهم جدا
• دينهاخكولونبروكسلباريس
• مطار براغ التشيكي في المزاد
• خطوط تودي تشيك
• مقهى ومطعم في بودابست

عزيزي انا رحت رومانيا 2005
بالنسبه للايجار انا سويت طريقه مااعرف اذا تناسبك او لا مع انها رهيبه وتوفر الكثير

صديق هناك عرفني بصديقه بالعمل وكان يبي يأجرنا سيارته وهو عامل عليها تأمين شامل
معاي رخصه امريكيه صورها راعي السيار وعطاني سيارته بتقريبا 15 دولار اليوم
وكانت من نوع دايو - مالتيز بس خلصت شغلنا وسافرنا عليها

جرب تشوف الاعلانات المبوبه بالنت او بالمحلات الكبيره مثل كارفور بوخارست يمكن تلاقي من يأجرك
المحلات غاليه جدا اذكر حدود 30 دولار اليوم
تحياتي

اهلين اخوي رياضي ,,,

بالنسبه للتأجير استأجر من البلد لما توصل ,, لا تاخذ من المطار لانه غالي شوي ,

الطلبات مو كثير ,,,اول شيء رخصتك الدوليه وان يكون عمرك فوق 21 .طبعاً مبلغ الايجار على عدد الايام ,, ومبلغ تأمين حدود 200 يورو ,, عشان لو مثلاً راح تجلس اكثر من الوقت المحدد ,ولما تسلم السياره يرجعون لك المبلغ حق التامين ,, والسيارات مأمنه تأمين شامل والكيلومترات فري , يعني تروح فيها محل ماتروح ,, نصيحه استأجرها من بخارست وروح محل ما تروح وانت راجع سلمها وامش على المطار ,, وساعار السيارات على حسب طلبك , فيه الغالي وفيه الرخيص ,, ارخص شيء تقريباً 25 يورو وفيه محلات تلاقي بالـ 15 يورو ,, بس تختلف على حسب المده الي راح تاخذها .

Lunatic
هلا والله وغلااا

طريقتك تخوف شوي




الف شكر

يا شباب رومانيا وينكم

اهلين رياضي ...

بالنسبه للطرق تضيع شوي ,, يعني يبغالك تكون مفتح ,, وتتابع بالخريطه زين ,, طرق السفر من مدينه لمدينه مرقمه على الخرائط وعلى الشوارع ,,, قيادهم لا بئس ,, سعر البنزين والديزل نفس الشيء تقريباً بس الديزل صرفه اقل ,, يعني اذا استأجرت استأجر ديزل اذا كانت مشاويرك كثير ,


المحلات في بخارست ,, بس متى ما قررت وش نوع السياره ومتى جاي بالظبط ,, بأكلمهم لك تلفون يحجزونها لك , والرسائل الخاصه مفتوحه عندي على ما اظن ,, بس بأشيك عليها .

هلا والله وغلاا بالطش والرش

أخوي عزوزولي

بالنسبة للوصول ان شاء الله في 15 جولاي الصبح الساعه 6 في بوخارست والسيارة بأخذها لمدة خمسة أيام

وبالنسبة لنوع السيارة اللي تشوفه كويس ورخيص وتوماتيك من الموديلات الجديده بس لا تكون من هالصغار مره مثل الدايو اللي مالها شنطه ترى معنا شناط وعددنا اربعه
وكم تتوقع أسعاراها وهل يفرق كثير عن المطار
وكم سعر التكسي من المطار الى بخارست وكم الوقت
وهل مكتب التأجير يأجر لي نفيقيشن ( قارمن او ماجلان ) وكم سعره مع السياره

أدري أن أسإلتي كثيره وأوجعت راسك لكن تحملني وبالنسبة للرسائل الخاصه ادخل على الاعدادات واطلب السماح بإستقبال رسائل خاصة من الاعضاء والمشرفين وحط عليها صح

ولا عدمتك يالغالي وان كان تبي اجيب لك خيشة رز ابو كاس وشاهي ابو جبل جبت معي تخبر خرمة الشاهي والكبسه

وجزاك الله كل خير

أخوي عزوزولي

تحملني يا بعدي

محطة القطار اللي تودي لكستناتا كم تبعد عن المطار وكم سعر التذكر ذهاب وعوده لكستناتا لان أحد الزملاء قال ان كستناتا جنب ممايا وتاخذها مشي في عشر دقايق وكذالك نبتون

ياليت تتأكدلي يا بعدي واسف على الازعاج

اخ رياضي ,,,

فيه Chevrolet Aveo هذي سعرها تقريباً 29 يورو اليوم ,, 5 ايام راح تكون عليك 205 يورو ,, بالنسبه لماجلان ما ادري اذا يأجرون ,, بس ما اتوقع ,, والاسعار بالنسبه من المطار ومن برى ما ادري ,, بس ما فيه فرق كبير يمكن ,

التكسي ماله سعر ثابت ,, يمشي على العداد , كل تكسي له سعره ,, بس يمكن يكون 50 رون تقريباً ,

بالنسبه للقطار ,,, يختلف على نوع القطار ,,, بس الزين يمكن يكون عليك بــ 70 رون روحه ورجعه ,,, ما عمري رحت بقطار عشان كذا ما اعرف الاسعار بالضبط ,, وبالنسبه لكونستانتسا ومامايا ,, هي تقريباً مدينه وحده ,, بس مامايا هي منتجع كلها فنادق ومطاعم ومحلات ترفيه ,.

احسن لك خذ قطار اذا روحتك بس بتكون لكونستانتسا ومامايا ,, تأخذ سياره لمدينه وحده ,, ماله داعي .

أرخص موقع لتأجير السيارات من خارج المطار هو http://www.eurocars.ro/romania/bucha...ll.php?place=1

أنا حجزت عن طريقه ولم يخصمون أي مبلغ على البطاقة الإئتمانية حتى وصولك , ويوصلون لك السيارة الى المطار مقابل 10 يورو

وبالتوفيق