السلام عليكم ورحمة الله وبركاته ...
ابسفرتنا هالسنه لبرشلونه حرامي لهف الفيزا والبوك من زوجي .. وهذا كان ابشارع الرامبلا المعروف بالعروض اللي يقومون فيها بعض الناس من عزفهم للموسيقى او لبسهم لملابس أي شخصيه مثل جندي او مصاص دماء وغيره ويسوون حركات تجذب الناس .. ولما كان زوجي يصور ومندمج بتصوير الفيديو لهالشخصيات تغافله واحد ومد ايده اشوي اشوي داخل جنطه زوجي اللي رابطها على خصره من غير ما يحس بالمره ( ايدهم خفيفه ) وباق اللي باقه .. والحمد الله عرفنا ابسرعه واتصلنا على البنك بالكويت ووقفنا الفيزا .
وبيوم ثاني ابمحل للملابس ، اختي اتدور بين التيشيرتات علشان تشتري منهم ولا حرمه اتمد ايدها ابجنطة اختي والحمد الله انتبهت اختي عليها ان في شي يتحرك تحت ايديها .. ولا المره تقول نعم شنو انا ما سويت شي .. وعاد دام ماكو شي ابايد هالحرمه ما تقدرون اتقولون انها باقت لانها ممكن اتبلى علينا وتقول ان احنا نتهمها ابشي ماصار لان ماكو مستمسك عليها .. وندش بعدها ابمشاكل ( شنقول بعد ديرتهم مو ديرتنا )
وبيوم ثاني وللمره الثالثه ومع وحده من اهلنا مسافره معانا بعد ولا حرمه اتمد ايدها ابجنطتها وجكتها ابسرعه وقالت لها what are you doing? ولا ترفع هالحرمه ايدها ابسرعه من الجنطه اشكره وتقول بعد what what وبكل وقاحه جاكينها و عادي عندها ولا خايفه ولا كأن صاير شي ..
المقصد .. برشلونه معروفه بالبوق اشكره عينك عينك والصراحه انا ما كنت امشي اصلا ابجنطه لا قبل ولا بعد هالسرقات .. ماشفت لها ضرورة اصلا .. وان كان لابد من لجناط لأي سبب .. خلوها خاليه من الاغراض الغاليه .. ولاحظنا ابرشلونه ان الرياييل اهناك كانوا مو لابسين اجناط الظهر على اظهورهم كالمعتاد لأ .. كانو لابسينها على بطونهم ، وما ينلامون .مواضيع عشوائيه ممكن تكون تعجبك اخترناها لك:
- استفسار عن الدهاب لبرشلونة
- برنامج فالنسيا
- الفزعة ياخبراء أسبانيا و إيطاليا
- اتمنى احد من الاخوة الاعضاء إفادتي عن مسار الرحلة
- ايش رايكم في خطة السفر هذه ؟
- ترتيب رحلة يوم في اسبانيا
- طلب مساعده لرحلتي لأسبانيا فرنسا
- اهل الخبره في برشلونا ،،
- تكفون ياخبراء برشلونه تعالوا هنا
- مين راح برشلونه قبل كده ياليت يفيدني
- اسبانيا ممكن تتفضلو
- اول مره بروح اسبانيا ...ابي فزعتكم
- استفسار عن السفر الى اسبانيا في الشتاء ( يناير )
- استفسار عاجل لاهنتـو
- انصحوني بليز اروح لشمال اسبانيا ولا اروح للجنوب؟
- حلولي مشكلة خطوط
- من جرب مؤخرا شركه ترفل جيغسو
- طريقة اخذ فيزاء لاسبانيا عاجل يااخوان
- تكفووون افيدووووني ولا تخلوووووني
- طلب احدث نموذج للفيزا الشنجن اسبانيا
المفضلات