السلام عليكم ورحمة الله وبركاته ...
ابسفرتنا هالسنه لبرشلونه حرامي لهف الفيزا والبوك من زوجي .. وهذا كان ابشارع الرامبلا المعروف بالعروض اللي يقومون فيها بعض الناس من عزفهم للموسيقى او لبسهم لملابس أي شخصيه مثل جندي او مصاص دماء وغيره ويسوون حركات تجذب الناس .. ولما كان زوجي يصور ومندمج بتصوير الفيديو لهالشخصيات تغافله واحد ومد ايده اشوي اشوي داخل جنطه زوجي اللي رابطها على خصره من غير ما يحس بالمره ( ايدهم خفيفه ) وباق اللي باقه .. والحمد الله عرفنا ابسرعه واتصلنا على البنك بالكويت ووقفنا الفيزا .
وبيوم ثاني ابمحل للملابس ، اختي اتدور بين التيشيرتات علشان تشتري منهم ولا حرمه اتمد ايدها ابجنطة اختي والحمد الله انتبهت اختي عليها ان في شي يتحرك تحت ايديها .. ولا المره تقول نعم شنو انا ما سويت شي .. وعاد دام ماكو شي ابايد هالحرمه ما تقدرون اتقولون انها باقت لانها ممكن اتبلى علينا وتقول ان احنا نتهمها ابشي ماصار لان ماكو مستمسك عليها .. وندش بعدها ابمشاكل ( شنقول بعد ديرتهم مو ديرتنا )
وبيوم ثاني وللمره الثالثه ومع وحده من اهلنا مسافره معانا بعد ولا حرمه اتمد ايدها ابجنطتها وجكتها ابسرعه وقالت لها what are you doing? ولا ترفع هالحرمه ايدها ابسرعه من الجنطه اشكره وتقول بعد what what وبكل وقاحه جاكينها و عادي عندها ولا خايفه ولا كأن صاير شي ..
المقصد .. برشلونه معروفه بالبوق اشكره عينك عينك والصراحه انا ما كنت امشي اصلا ابجنطه لا قبل ولا بعد هالسرقات .. ماشفت لها ضرورة اصلا .. وان كان لابد من لجناط لأي سبب .. خلوها خاليه من الاغراض الغاليه .. ولاحظنا ابرشلونه ان الرياييل اهناك كانوا مو لابسين اجناط الظهر على اظهورهم كالمعتاد لأ .. كانو لابسينها على بطونهم ، وما ينلامون .مواضيع عشوائيه ممكن تكون تعجبك اخترناها لك:
- ضرووووووووووووووري جدا جدا جدا مابقى وقت تكفون
- فنادق قريبة من مترو مدريد
- سعر الباص من ملقا إلى ماربيا
- جبال سييرا نيفادا باسبانيا
- ارجو المساعده يامسافري اسبانيا راح ازورها في صيف أقترحـوا ؟؟
- أفضل 10 أنشطة في ملاهي وارنر بروس مدريد
- ماهي اجراءات قيادة اسليارة في اسبانيا؟ هل احتاجج الى رخصة دولية؟ وكيف استخرجها
- اريد مشورتكم جزاكم الله خيرا
- تم الحجز وننتظر فزعتكم
- أستفسار عن تكاليف السفر الى أسبانيا
- خبراء اسبانيا وإيطاليا
- عااااااجل جدا من ملقا حاليا
- استفساااار للي جااي من اسبانيا قريب
- يرجى مساعدتي في خطة رحلتي لأسبانيا
- صباح الاحساس والمترو او الباص من المطار الي الفندق
- بعض الاستفسارات لسفرتي ملقا وبرشلونه وجزر الكناري
- التنقل بين الدول المجاورة لاسبانيا
- الليل و النهار يهمنى رايك
- الف الف الف مبروك مشرفنا الجديد
- الزي الرسمي لسفينة كروز؟
المفضلات