الموضوع: كويتي لاول مره في مسقط

يعطيكم العافيه

انا ناوي ازور مسقط الحبيبه في اواخر شهر يناير وهذي الزياره الاولى

حبيت اعرف عن الاجواء في مسقط هل طقسها بارد مثل الكويت ؟ ولا جوها معتدل ؟

ضروري ابي الرد علشان اخذ احتياطاتي للملابس وخصوصا الاطفال

وشنو الاماكن اللي تنصحوني بزيارتها في مسقط ؟

مواضيع عشوائيه ممكن تكون تعجبك اخترناها لك:

• لو سمحتو أبغى رد سريع
• تقرير الريح الاحمر رحلة رائعة وخدمة اجتماعية مابين مدينة النهضة ودماء والطائيين
• الحل الأكيد للسكن في صلالة
• يا أهل صلالة تكفوووووووون أنتم واللي زاروا صلالة من السعوديين
• الفزعة ياهل مسقط فديتكم
• بليز شباب ابي اسعار الفنادق والشقق المفروشه في مسقط
• ارجو المساعده
• ممكن برنامج سياحي لمسقط لمدة 3 ايام
• تحية إجلال وتقدير وافتخار وتعبير لصلالة وشعبها الشهير
• قرية سمرهم صلالة
• ولاية ضلكوت
• ليش ما يقبل أصحاب الشقق الحجز المبكر؟
• صور لصلاله التقطت اليوم الأحد يوليو م
• زيارة إلى حصن جبرين سلطنة عمان
• رحله عايليه
• كم استفسار على الطاير والجاي اسئله ياكثرهآ
• الخريطة السياحية لمحافظة مسقط
• مسيناكم مسونا مقتطفات من ايام في صلنفة الجمال مبااااشر
• سؤال لاهل مسقط الكرام
• طلب مساااعدة

لا والله البرد هني مو قارس مثل الكويت، بالعكس انا اوصفه "جو عليل" ، بالنسبة للكبار عادي بس بالنسبة للأطفال يفضل سويترات "جاكيتات مو وايد ثقيلة" واكيد السوكس وجوتي الرياضة هو أنسب شي لهم، الجو بس يبرد بليل ولكن الظهيرة حتى مافي داعي سويتر، فقط قمصان بكم طويل.


بالنسبة بالنسبة للسنترات الي فيها تسوق وبنفس الوقت اماكن للعب الأطفال تقدر تروح "سيتي سنتر" أو "مركز البهجة" والمجمعين قريبين من بعضهم.

اما بالنسبة لفعاليات مهرجان مسقط فجزء كبير منها راح يكون في حديقة القرم الطبيعية، الجو بيكون حلو والقريات المتنوعة بتكون بادية فعالياتها "القرية التراثية والسحر والعروض المسرحية والغنائية والحيوانات والأزياء والمرأة الخ الخ"


حدائق الصحوة بيكون فيها عروض الشخصيات الكرتونية و عروض الدفاع المدني والقرية التعليمية والمعارض،

ممكن تشوف كل الفعاليات واوقاتها وتواريخها في موقع مسقط فستفل دوت كوم،تم تحديث الموقع مؤخرا

مطاعم الوجبات السريعة في كل الاحياء التجارية، واكيد المطاعم الأخرى ايضا منتشرة، عادة في الفنادق يوزعون في الغرف كتيب "ولكم تو عمان" يسجل لك كل المطاعم واسعارها واذا كانت تناسب العوائل والا لا

تمنياتي لك برحلة موفقة

مرحبا اخوي,,


الجو هل الفترات يكون بارد,, بس ما اعتقد يوصل للكويت
بس حاليا خصوصا في هل السنة,, نسبة الجو متغيرة جدا
ولا احد يتوقع التغيرات في الطقس,,
نصيحتي اخذ ملابس معتدلة,, ولا تكثروا من الملابس الثقيلة,,

الاماكن في مسقط تختلف من مراكز ومولات,,
الى مطاعم راقية,,
ومن ثم معالم البلد اللي لا يستغني عنها الزائر


لي عودة بعد تجميع معلومات دقيقة,,


بالتوفيق

اهلا وسهلا فيك اخوي
الجو معتدل والحمدلله أقل برود من الكويت .... بخصوص اماكن الزيارة افضل انك تطلع على المواضيع الاخرى في نفس المنتدى أما بالليل راح يكون عندك مهرجان مسقط ويفضل تتمشى في حديقة القرم الطبيعية ... وحدائق الصحوة وشاطي العذيبة
اذا حبيت تاخذ فكرة عن فعاليات مهرجان مسقط تقدر تدخل موقع بلدية مسقط عالرابط التالي
http://www.muscat-festival.com/

مرحبا بك في ديرتك الثانية

الســـــــــــلام عليكم

مثل ما ذكروا اخواني من قبلي و خاصة الاخ الدوحاني .. الجو في مسقـط معتدلمب مثل برد الكويت .. يعني بالكثيـر اذا انخفضت درجة الحرارة في الليل راح تكون من 16-17 درجة ..

اما بخصوص الاماكن في مسقـط .. فأنت ان شاء الله الفترة اللي رح تجي فيهـا رح تكون فترة مهرجان مسقط ..

يعني رح تكون هنالك الكثير من الفعاليات و المهرجان يبدا بتاريخ 21 يناير .. و بإمكانك الاطلاع على فعاليات المهرجان من خلال الموقع اللي وضعه الاخ الدوحاني ..

و غير المهرجان و فعالياته .. انصحك بزيارة سوق مطــرح اذا كنت من محبي الاسواق الشعبية
و اذا على المجمعات التجارية فأنصحك بمسقط سيتي سنتر و مركز البهجة في منطقة الموالح في مسقط ..
كذلك بإمكانك الذهاب للمنطقة التجارية بمنطقة القرم ..

و اتمنى قبل ما تجي مسقط تراسلني عالخاص عشان اقوم بالواجب معك اول ما توصل ان شاء الله ..

و مرحبا بك في بلادك الثانية ..

مشكور ه اختي مسقطيه على المعلومات القيمه
اخوي عماني عز وفخر ما قصرت هذا من طيب اصلك وهالشي موغريب عليكم يا اهل عمان

أمس كانت امطار حلوه في مسقط
عموما الجو في في مسقط وايد حلو ومعتدل

مشكورين على التواصل الرائع

حبيت اسأل عن فندق golden oasis اشلون مستواه ؟ درجه نظافته ؟ موقعه ؟ جديد ولا قديم ؟

على فكره الفندق مكانه في الوادي الخبير اشرايكم تنصحوني فيه ؟

golden Oasis
أول مرة اسمع عنه ... واعتقد تقصد الوادي الكبير وليس الودي الخبير ..... الوادي الكبير وسط ما راح ترتاح بسبب الحركة المرورية وبعدين شوي بعيد عن الاماكن السياحية ... افضل انك تسكن في مدينة القرم او الخوير ... في وسط محافظة مسقط .... خبرنا اي فئة من الفنادق تريد وان شاء الله بنوافيك بالمناسب

لالالالالا، وادي الكبير؟ ما انصحك وخلك من الاسم ههههههه، شكله فندق هنود.


الفنادق الرخيصة ولكن نظيفة "وتصلح للعائلات" الي انصح فيها:

فندق سفير كونتيناتال : الخوير
فندق سفير انترناشونال: الخوير "بجانب السابق


رامي جست لاين: شاطئ القرم مقابل فندق كراون بلازا، بقرب المطاعم والسينما وحديقة القرم الطبيعية التي تحتضن فعاليات مهرجان مسقط(مسافة 5 دقايق بالسيارة)

فندق الشاطئ: شاطئ القرم، يطل مباشرة على المطاعم وهو مقابل انتركونتينانتال مسقط


فندق بوشر في منطقة الغبرة مسافة 7 دقائق من فعاليات المهرجان الواقعة في شاطئ العذيبة

على فكرة، موقع pamuscat.com يذكر لك الفنادق من 3 نجوم فما فوق، وكلها جيدة

مشكورين الدوحاني

مسقطيه


سبارتاك
على تفاعلكم الحلو وباقي يومين واكون في مسقط العزيزه