الموضوع: استمتع استفد من رحلتي لكوانزو في

:smile002:

السلام على كل اخواني وأخواتي في منتدى العرب المسافرون



اليوم التقي معاكم في تقرير جديد عن بلد جديده اول مره اسافر لها وهي الصين ، وبالتحديد



مدينة كوانزو التجاريه ، والهدف من رحلتي هي شراء اثاث واضاءه واكسسوارات لبيتي



الجديد ، والفكره جتني من خلالكم ، بالصدفه وانا اتفرج على بوابة الصين شفت مواضيع



الاخوان عن كوانزو وبعد بحث طويل وجمع معلومات وافيه قررت نسافر كوانزو ، ولكن



واجهتني صعوبه وحده وهي عدم اقتناع زوجي :110: ، وبعد عدة محاولات معه وبالزن على



الودان :109: ، يبنا راسه :115: واكثر شئ قنعه انه بيوفر اكثر من لو اشترى من البلاد خصوصا الغلا



عندنا صار ماله حدود ، وطبعا مع ضرب امثله من تجارب الاخوان. :24:

الاستعداد للرحله

1- حجز الطيران :





تم الحجز على الطيران الكيني من دبي الى كوانزو :36_15_17:



من تاريخ 21 / 12 / 2007 الى 30 / 12 / 2007 في آخر سنة 2007



المدة 9 أيام







2- المترجم :





المترجم المعتمد الأخت / حليمه ... مسلمه صينيه ورقمها 008613725252404



وتم الاتصال بها قبل سفرنا بفتره والاتفاق معاها والتأكد منها انها فاضيه :36_13_1: ، ثم ارسلنا



لها تفاصيل رحلتنا بالمسج .







3- حجز السكن :





تم اختيار فندق رويال مديتيريان Royal Mediterranean Hotel Guangzhou



وحجزنا فيه كل المده بسعر 460 درهم مع الافطار غرفه دبل ديلوكس :24:



عدد الاشخاص : انا وزوجي ( وهذا احلى شي في السفره :106: )

:106:عيشوا معاي تفاصيل رحلتنا يوم بيوم:106:

اليوم الاول : يوم السفر الي كوانزو



21 / 12 / 2007 يوم الجمعه

انطلقنا من البيت الساعه 5،5 الفجر لانه الاقلاع الساعه 8 الصبح ، وصلنا المطار دخلنا



الشنط ، حاول زوجي يحصلنا كرسيين جنب بعض في الطياره ومايكون حد ويانا ، وفعلا



خبراه الريال الموجود على الكاونتر انه حجزلنا في مكان زين.



دخلنا السوق الحره عقب دخلنا صالة مرحبا وتريقينا من البوفيه ، قلت لازم اصور اليلسه من



صالة مرحبا للمنتدى ، وطلعت الكاميرا واكبس ، يالنحاسه مافيها بتري :110: ، وطلبت من زوجي



يسير ياخذلي بتاري من السوق الحره ، وفعلا سار وللاسف ماحصل ،وحاولت احرك البتاري

وغيرت مكانهم واشتغلت :115: صورت صور بسيطه وقلت اخلي الباقي للطياره .



خلصنا ريوقنا وتحركنا باتجاه صالة المغادره للطياره ، وركبنا الباص ولما وصلنا عند سلم



الطياره ، بسرعه ظهرت الكاميرا ، واحاول اكبس وفيها شوية بتري ، والريال اللي واقف عند



سلم الطياره يقولي ممنوع قلتله بس صوره وحده لما ابتسملي قلت يلا قبل مايغير رأيه ،



واكبس والا ماتصور ، مره ثانيه وبعد ماتصور وقف البتري ياهي نحاسه :110: استسلمت وصعدت



ودخلنا الطياره .



وهنيه صار لنا موقف :

تذكرون الريال اللي على الكاونتر لما قال اوكيه انه نحن مع بعض ومحد عدالنا ، اكتشفنا



انه حطانا في الكراسي اللي في الوسط وهم 3 كراسي معنى هذا انه واحد بيكون ويانا ، وفعلا



كان في واحد صيني ، واللاين اللي عدالنا جنب الشباك في كرسيين واحد يالس عليه صيني



والثاني فاضي ، فقلت لزوجي كلمه نبدل الاماكن معاه ، توا زوجي يقوله بالانجليزي لو سمحت



والا يفز من مكانه ويتركلنا المكان ، اتاري الريال هذا مب مكانه ولما شافنا فكر انه المكان لنا



فنش وروح ، ضحكنا عليه ويلسنا في نفس المكان وقلنا اذا ييوا اصحاب المكان يحلها الف



حلال ، ومحد يانا ، وفرحنا بالمكان ولكن بعدين انقهرنا ، لانه الصيني اللي لازم كنا نيلس



عداله قام وسدح عمره على الكراسي الثلاث وهات شخير ، والمظيفه قومته قبل ماتطير



الطياره يلس لين ماطارت الطياره ، وعقبها سدح عمره ورقد ، قام وقت الاكل وكلا



وانسدح ورقد لين قبل مانوصل ، وانا طول الرحله اطالعه ومنقهره منه :112: واقول يالنحاسه



لويلسنا عداله جان قام هو من مكانه وترحرحنا انا وريلي ، لا والمصيبه انه اصلا مب



مكانه هنيه وانه الكرسي اصلا فاضي ، لانه زوجي خبرني انه الريال اللي على الكاونتر



قاله انه حجزلنا 3 كراسي بس محد عدالنا ، اصباح الخير بوالعيال توا ذكرت بعد ماخذه



مكانا وريح اخينا :112: ، يالا كل واحد بنصيبه .



الغريبه اول مره في حياتي ادخل طياره مافيها نظام وكل واحد يحجز الكرسي اللي يباه .



انطباعي عن الطيران الكيني :



الطياره كبيره ونظيفه ومب قديمه ، واكلهم زين وخدمتهم بعد بس يعيبها انه مافيها نظام



وانه الكينيين بعضهم وسخيين ، وهذا لاحظته عزكم الله في الحمام ، بالاضافه انه في نهاية



الرحله تشم اللي ماشميته في البدايه من ريحتهم :105: .



وفي الاخير افلام الفيديو مافيه تشكيلها حلوه عشان تقضي الوقت اذا ماتبا ترقد



عاد انا طلعت الللاب توب ويلست اكتب في الوورد احداث اليوم :36_1_37: ، وفي رجعتنا في الطياره بعد



كتبت شو صار آخر يوم لحد ماركبنا الطياره ، اما الايام الباقيه ماكان في وقت اكتب فكنت



اسجل في نوته ملاحظاتي عشان عقب اكتبهم بالتفصيل ، والحمدالله اني ماكتبت



صارلي مقلب ماتوقعته .



لما رجعت البلاد انصدمت صدمه يوم فتحت اللاب توب شفت كل الكلام اللي كتبته تحول باللغه



الصينيه :110: ، كيف ما ادري ، طبعا صارلي احباط وتأخرت في تنزيل التقرير ، وعقب فشل كل



المحاولات في ارجاع اللي كتبته استخلفت الله ورجعت اكتبه مره ثانيه .



نرجع وياكم لاحداث يوم السفر

..

قبل مانوصل عطونا كرت نملي بياناته ، ومن ضمن الاسئله اللي حاطينها سؤال يقول كم تحمل



معاك من العملات الاجنبيه ومن العمله الصينيه ، وصابتنا الحيره :114: هل نقول الصدق ، بس



نخاف يعرضنا للمشاكل ، طيب لو جذبنا ممكن نتعرض لمشاكل اكبر ، وتمينا في هاي الحيره



فتره ، وسار زوجي سأل المضيف عن هاي النقطه ورجع مش مستقر في الرأي ، وعقب



قلتله شوف نكون صادقين افضل مانكون جذابين ويكتشفون هذا الشئ وتصير مشكلتنا اكبر



وتوكلنا على الله وكتبنا كل المبلغ اللي عندنا ، ونحن ممقصرين ماخذين ويانا كاش



140000 الف درهم محوله بين الدولار والصيني :36_1_36: ، طبعا هذاغلط اللي سويناه ، المفروض



ناخذ 50000 الف درهم وندفع عرابين على البضايع ، ولما نرجع البلاد نحول للمكتب باقي



الفلوس وتنشحن الاغراض ، الا في حالة لو بتم فتره الى ان تجهزاغراضك وتشرف على



شحنها ممكن في هاي الحاله اعتقد انك تشل هذا المبلغ الكبير او تفتح حساب في البنك عندهم



ويحولون لك المبلغ ، بس بالنسبه لنا نحن ، بعد مادفعنا العرابين قالت لنا حليمه ارسلوا لي



المبلغ على حسابي في البنك ، وفعلا حولنا المبلغ عليها مع رسوم المكتب 5 % ولكن فلوس



الشحن لسه لين تتأكد من المبلغ المطلوب ، وهي بتشرف عل شحن البضاعه



( الله يستر مابرتاح لين توصل بضاعتي واتأكد منها).



وصلنا مطار الصين وكانت الاجراءات سهله وسريعه ، بس انا كنت خايفه يفتشونا ويحققون



ويانا على المبالغ الكبيره اللي ماخذينها ، وانا في قلبي اقرأ وأدعي انه مايفتشونا لين



ماعديناهم وعند الخروج اشر واحد لزوجي انه نروح عنده للتفتيش ، طبعا تخيلوا حالتي



صح نحن ممسوين شي غلط لكن الواحد يخاف في بلاد الغربه وخصوصا اول مره ، وبعدين



انا مستغربه منهم هم ليش يسألونا هاي الاسئله خصوصا انه بلادهم تجاريه وكلها اسواق



نتابع وياكم الاحداث ...



وصلنا عند نقطة التفتيش ،وطلب المسؤوول انه نفتح الهاند باك اللي في ايدينا ، ويلس



يفتشها وحصل فيها نوع من الفواكه الغريبه كان شارنها زوجي لي آخر يوم ومالحقت آكلها



فخذيتها ويايه ، وسبحان الله كأنها سبب الله حطاه النا ، وهي كميه قليله ، اصلا انا نسيت انه



في الشنطه فاكهه ، المهم اخينا بدون احم رمى الكيس في الزباله ، وقال يلا روحوا .



الحمدالله نقذتنا هاي الفاكهه ومرينا بدون مشاكل ، وعند خروجنا دورنا الاخت حليمه ، بس



ماشفناها ، وعقب اتصلت فيها وعرفت انه ماجت المطار لانها ماكانت متأكده من ييتنا



المهم اتفقت معاها نلتقى وياها في الفندق .



مقلب مع التاكسي .:105:..



طلعنا ندور تكسي يانا واحد قال تبون تاكسي ، ردينا يس ، سألنا وين تبون ، الحمدالله انه



عنوان الفندق عندي بالصيني ، قال تعالوا وراي ، المهم مشينا وراه مسافه لين ماابتعدنا عن



المدخل وعقب شفنا سياره شكلها مب تكسي كأنه سياره خاصه ، سألته بكم ؟ قال انتوا تعالوا



بس ، قلتله اقولك بكم ؟



بعد ماقال السعر بصراحه ما ارتحت فقلت لزوجي احسن ناخذ تكسي رسمي شكله هذا



يشتغل لحسابه ، وهاذيل مالهم امان ، وزوجي كان نفس الرأي .



رجعنا نجر شنطنا عند مدخل المطار وسألنا عن التاكسي ، وحصلنا موقف خاص بالتاكسي



وكل واحد يركب حسب الدور ، وهذاك الخايس خذانا على غفله من غير مانستوعب ونحن



مثل الاغبيه مشينا وراه :36_1_42: .



وصلنا الفندق ، وبصراحه روعه من برع :24: ، سوينا شيك ان ودخلنا غرفتنا ،وكانت المفاجأه



الحلوه.



ياسلاااااااااااام على هاي الغرفه بصراحه روعه وتشرح القلب وتخفف التعب من فخامتها



وايد وسيعه لانه نحن طالبين ديلوكس ، وفيها غرفة الدرسنج روم مع التسريحه ، وفيها



ركن للمكتب كامل مع خط انترنت مجاني ، وفيها كاونتر خاص للثلاجه وابريق الشاي مع



انواع من الشاي والقهوه طبعا مجاني ، هذا غير كل يوم لازم يحطون لنا دبتين ماي معدني



وصحن فواكه مجاني ، بالاضافه الى جلسات متنوعه في الغرفه ، وبعد طلبنا منهم طاولة



الكوي والكوايه وماقصروا من عطونا ياها ماخذوها لين ما روحنا ، والتلفزيون بلازما ولكن



مافيه قنوات عربيه ولكن البي بي سي موجوده ، وشهدنا هناك اخبار اغتيال بنازير بوتو ،



واخيرا عزكم الله الحمام يامحلاته كبير وقسم الشور والبانيو رهيب ومجهز بتلفزيون بلازما



وكل هذا ب 460 درهم وشامل الافطار ، وبعد حصلنا كوبون خصم للعشاء في مطعم الفندق



على السي فود ( طبعا نحن مافوتنا :109: ).



نتابع احداث اليوم ...



بعد ما دخلنا الغرفه ، سار زوجي للماكدونالد اللي عدالنا عشان يشتري عشا ويشتريلي بتاري للكاميرا



وانا يلست ارتب الاغراض ، وانتظر حليمه ، وبعد شوي وصلت حليمه ، تعرفنا على بعض واتفقنا انه باجر



بنبدأ بسوق الاثاث في شندو ، وهي بتحضر النا سياره تكون معانا طول اليوم ب 300رممبي



وصل زوجي وتعرف على حليمه ، وودعناها على انه باجر الساعه 9 بنطلع .



اللي يضحك في هذا اللقاء اللي وياها انه نتكلم وياها باللغه الفسحى ، وانا اضحك على عمري



وعلى زوجي لما نتكلم بالفسحى ، لكن اضحك على زوجي اكثر لانه احيانا يحول العامي فسحى



فأهلك من الضحك وما اقدر ايود نفسي :36_11_6: .







انتهى هذا اليوم واترككم مع الصور

الفندق من الخارج

حليمه طالعه في الصوره

الفندق من الداخل

مدخل غرفتنا

غرفة التسريحه

سامحوني ما قدرت اكمل تنزيل كل الصور ، لأني تفاجأت بصغر حجم الصور ، ياريت المشرف يساعدني ، واول ما أ حل المشكله برجع اكمل باقي الصور

مواضيع عشوائيه ممكن تكون تعجبك اخترناها لك:

• ساعدوني يا اخوان في رحلة عمان
• هل يوجد في صلالة ؟؟
• ستسافر الخادمة معنا بالطائرة ما هي الإجراءات ؟
• ليش ما يقبل أصحاب الشقق الحجز المبكر؟
• المشاريع السياحية الجديدة بمسقط
• استفسار عن توفر الديزل وكم أسعاره في السلطنة
• صلالــــــــــــــــــــــــة دانة بحـــــــر العرب
• فندق جراند في مسقط
• سلطنة عمان الكرم و الأمان
• هل توجد منطقة في عمان أسمها دارين ؟
• مطلوب شقة فندقية بصلالة
• استفسار عن الاراضى فى سلطنه عمان للأهميه
• تقرير سفرتي من ينبع الى شمال سوريا بالتفصيل ويالصور
• وشعاره سيفين
• مجموعة من الإستفسارات
• وصلنا بحمد الله إلى صلالة
• استفسار بشأن مطار مسقط
• حياكم عدنا من صلالة والعود احمد
• رأيي بكل صراحة في صلالة
• المهرجان السلطاني للفروسية والهجن

\r\n الاخت هداوه الحمد لله على السلامه 0000ونحن بانتظار التقرير لاني ابي اسافر للصين بس ودي اعرف اكثر وهل الامريستاهل العنوه ام لا وودي اعرف على اي اساس تم اختيار المشتريات وهذا هو المهم ؟هل المترجمه لها دور او انكم عندكم خبره في الي تبون تشترونه والجوده المطلوبه فيه0\r\n

المشاركة الأصلية كتبت بواسطة فزَاع
http://www.arabtravelersforum.com/tr...6/#post1789966

الاخت هداوه الحمد لله على السلامه 0000ونحن بانتظار التقرير لاني ابي اسافر للصين بس ودي اعرف اكثر وهل الامريستاهل العنوه ام لا وودي اعرف على اي اساس تم اختيار المشتريات وهذا هو المهم ؟هل المترجمه لها دور او انكم عندكم خبره في الي تبون تشترونه والجوده المطلوبه فيه0

الله يسلمك اخوي فزاع



والامر يستاهل العنوه من وجهة نظري



انا ركزت في سفرتي على كل من مايخص البيت من اثاث وغيره ، ولما سرت هناك انا طبعا مسوي



بحثي عن الاسواق وعناوينها ، واختياري للاشياء سواء اثاث او غيره تم حسب ذوقي ومن نظرتي



اعرف نوعا ما اميز الزين من الشين ، وبتعرف معلومات اكثر من تقريري خلال تقريري



اما حليمه كان لها دور في اخذنا للامكنه اللي مانعرفها وفادتنا في كثير من الامور ، وانا وايد



ارتحت وياها خصوصا انها حرمه فسهل اتعامل وياها وهذا وايد ريحني ، وغير جذي الحرمه



وايد امينه وصادقه



انتظر لنهاية التقرير عشان تستفيد من تجربتي



بغيت اعرف متى سفرك ؟



تحياتي لك

المشاركة الأصلية كتبت بواسطة ابوضرار
http://www.arabtravelersforum.com/tr...2/#post1790132

أخت هداوه



تم تعديل الصور وحجمها ممتاز جدا ولكن يبدو لي أن طريقة نقلك للصور كان غير صحيح

والطريقة المثلى هي :

-عند فتح الصورة في معرض الصور يجب الضغط على أيقونة (نسخ إلى الحافظة) السفليه وليس العلوية

- ثم لصق الصورة في المكان المطلوب في الموضوع مباشرة عن طريق (الكليك الأيمن) في الفأرة

وهذا كل ما في الموضوع

وبانتظار بقية التقرير

احب ارحب بأخونا ابو الضرار اللي مايقصر ويانا جزاه الله الف خير



ويشرفني مرورك على تقريري ، وماقصرت بتعديلك للصور الصغيره



واذا ممكن احذف الصوره المخفيه ، لأني كنت اجرب حجم الصور عقب حذفتها من البومي



فطالعه الخانه فاضيه وماخذه مكان على الفاضي



انتظرك تواصلك الدايم ويايه ، والف شكر لك



:smile125:

المشاركة الأصلية كتبت بواسطة ha101061
http://www.arabtravelersforum.com/tr...4/#post1790574

الحمدلله على السلامة , وبداية التقرير أكثر من روعة , وكأننا معكم بالرحلة ,

يعطيك العافية , ونحن بانتظار الباقي .

اهلا وسهلا فيك ويعافيك



والياي احلى انشاءالله



تحياتي لك

\r\n هداوه ...
\r\n
\r\nتبين تقصين علينا ؟؟
\r\n
\r\nوين الصور اللي صورتيها في مطار دبي ؟؟؟
\r\n
\r\nنبي الصور كلها ...
\r\n
\r\nمن أولها لين آخرها ...
\r\n
\r\nصورة روعة ... والاحلى التقرير نفسه ...
\r\n
\r\nوبانتظار تقريرج الى مدينة شنده ...\r\n

\r\n واصلي يا هدواة بلا هداوة , فتقريرك ممتع و مميز .
\r\nالله يعطيكِ العافية .\r\n

المشاركة الأصلية كتبت بواسطة الفضائي
http://www.arabtravelersforum.com/tr...3/#post1790673

واصلي يا هدواة بلا هداوة , فتقريرك ممتع و مميز .

الله يعطيكِ العافية .

الله يعافيك اخوي الفضائي



وخليني بالهداوه عشان اركز وما انسى تفاصيل مهمه



وبعد ابا اشوف اللي يتواصلون ويايه ، واعطيهم فرصه انه يسألون في كل جزء انزله عن اي



شئ خاص بهذا الجزء



تحياتي لك

\r\n موفقين ودعواتنا لكم\r\n

\r\n اخت هداوه انا ان شاء الله واذا الله سهل بيكون السفر في نهاية شهر ثلاثه0لان المقاول هذي الايام توقف عن الشغل بسبب البرد وانا مرتبط فيه ابيه يخلص مساح البيت(اللياسه)حتى اخذ مقاسات الابواب صحيحه0
\r\n
\r\n تحياتي لك بس لاتتاخرين علينا بالتقرير\r\n

المشاركة الأصلية كتبت بواسطة فزَاع
http://www.arabtravelersforum.com/tr...4/#post1791624

اخت هداوه انا ان شاء الله واذا الله سهل بيكون السفر في نهاية شهر ثلاثه0لان المقاول هذي الايام توقف عن الشغل بسبب البرد وانا مرتبط فيه ابيه يخلص مساح البيت(اللياسه)حتى اخذ مقاسات الابواب صحيحه0



تحياتي لك بس لاتتاخرين علينا بالتقرير

هلا اخوي فزاع



احب اطمنك اني اكيد بخلص تقريري قبل سفرك ، يعني بتلحق تعرف



مني بعض المعلومات:101:

\r\n
\r\nآهااااااا .. انا طبيت عليك :109: ، ويني عنك من زمان ، لا وجيران ولا نتزاور :109:
\r\n
\r\nاخوي هداوة
\r\n
\r\nموضوعك :24: جدا رائع
\r\nوبصراحة لو دريت عنه من الاول كان تلاقيني مسنتر ومرابط عليه
\r\nلكن هذا توقيع بتعهدي بمتابعة موضوعك .
\r\n
\r\nبس كلك نظر :36_1_15: ، وموضوعي محتاج تشريفكم :36_11_6:
\r\n
\r\nأمزح معاك :36_1_1: ، وانا والله احييك على شغلك المنسق
\r\n
\r\nتقبل تحياتي
\r\n
\r\nاخوكم / سعادة الدكتور \r\n

المشاركة الأصلية كتبت بواسطة سعادة الدكتور
http://www.arabtravelersforum.com/tr...0/#post1835630



آهااااااا .. انا طبيت عليك :109: ، ويني عنك من زمان ، لا وجيران ولا نتزاور :109:



اخوي هداوة



موضوعك :24: جدا رائع

وبصراحة لو دريت عنه من الاول كان تلاقيني مسنتر ومرابط عليه

لكن هذا توقيع بتعهدي بمتابعة موضوعك .



بس كلك نظر :36_1_15: ، وموضوعي محتاج تشريفكم :36_11_6:



أمزح معاك :36_1_1: ، وانا والله احييك على شغلك المنسق



تقبل تحياتي



اخوكم / سعادة الدكتور

:110: :110: :110:



حرام عليك بعد ( اخوي ) اختك ياابني اختـــــــــــك:112:



يبالك تقرأ تقريري مره ثانيه وتقرأ زين :36_6_1:



عقاب لك على هذا الخطأ :36_1_30:



الدخول في تقريري عشر مرات في اليوم لمدة 3 ايام :109::109:عشان يزيد رصيدي





نتكلم جد:101:



واخييرا دخلت تقريري ورديت عليه ، معقوله ماشفته قبل:36_1_12:



تسعدني زيارتك ومرحبابك في تقريري وانا جاهزه :36_6_7: للتنافس



اعتراف اخيييير:109::109:



ساعات ابا ادخل تقريرك بس اتردد اخاف يزيد رصيدك :36_11_6:



تحياتي لك وحياك الله دوم في تقريري



:36_3_11:

\r\n الله يعطيك العافيه
\r\nعلى هذا السرد المميز والراقي
\r\n
\r\nومشتاقين لباقي التقرير\r\n

\r\n اختي تقرير روعه انتظر البقيه
\r\nاظحكني كلامكم بالفصحى كاني اتخيله وضحكت انا والمدام
\r\nالله يخليكم لبعض\r\n

المشاركة الأصلية كتبت بواسطة البرنس 777
http://www.arabtravelersforum.com/tr...5/#post1793155

الله يعطيك العافيه

على هذا السرد المميز والراقي



ومشتاقين لباقي التقرير

الله يعافيك ، وحياك الله ونبا نشوفك في كل تقاريري:101:

المشاركة الأصلية كتبت بواسطة البسمة الحرة
http://www.arabtravelersforum.com/tr...3/#post1793503

موفقين ودعواتنا لكم

الله يبارك فيج واهلا وسهلا فيج في كل تقاريري :101:

المشاركة الأصلية كتبت بواسطة ساميو15
http://www.arabtravelersforum.com/tr...3/#post1793793

اختي تقرير روعه انتظر البقيه

اظحكني كلامكم بالفصحى كاني اتخيله وضحكت انا والمدام

الله يخليكم لبعض

ويخليكم انتو بعد لبعض ، وحياكم الله :101:

\r\n تقرير روعه ومستمتعين فيه... وخاصه إني راح أسافر مع زوجي في بداية شهر ثلاثه...فتقريرج يه في وقته وراح نمشي عليه إن شاء الله
\r\n
\r\nفي إنتظار المزيد\r\n

المشاركة الأصلية كتبت بواسطة sarah24_76
http://www.arabtravelersforum.com/tr...8/#post1794218

تقرير روعه ومستمتعين فيه... وخاصه إني راح أسافر مع زوجي في بداية شهر ثلاثه...فتقريرج يه في وقته وراح نمشي عليه إن شاء الله



في إنتظار المزيد

اهلا وسهلا فيج اختي ساره



واتمنى انكم تستفيدون من رحلتي وانا حاضره لأي سؤال اقدر اجاوبك عليك

\r\n يعطييييج العافية اختي هداوه ,,,
\r\n
\r\n
\r\nتدريت السوق اللي رحتوه اول مرة ...
\r\n
\r\nكان احسن من السوق الثاني ...
\r\n
\r\nعلى الاقل بالنسبة لنا ...
\r\n
\r\n
\r\nربعي اشتروا الاثاث .. من هناك ..
\r\n
\r\nوحتى بعد اشتروا كراسي مساج من هناك بعد ...
\r\n
\r\nأيام ..
\r\n
\r\n
\r\nوانا اشوف .. ليش ماتردين علي .. لما اكلمج عن صور دبي ....
\r\n
\r\nيالله ... الله كريم ...
\r\n
\r\nوالصور روعة اختي ...
\r\n
\r\nونبي نستفيد من خبرتج في شراء الاثاث ...
\r\n
\r\nلاني ان شاء الله .. سفرتي القادمة الى الصين ...
\r\n
\r\nستكون مخصصة للأثاث ...
\r\n
\r\nيعطيج العافية ..\r\n

\r\n

رووووووووووووووووووووعة
\r\n
\r\n:113: :113: :113:
\r\n
\r\nيعطيك العافية أختي (هداوه) على هالتقرير الراااااااااااائع والمميز..
\r\n
\r\nواصلي ... مــتــابــعــيــن مــعــاك..
\r\n
\r\nتــحــيــاتــي لــك..:101:
\r\n
\r\n
\r\n

\r\n

المشاركة الأصلية كتبت بواسطة أبوسامر6666
http://www.arabtravelersforum.com/tr...3/#post1796653

رووووووووووووووووووووعة



:113: :113: :113:



يعطيك العافية أختي (هداوه) على هالتقرير الراااااااااااائع والمميز..



واصلي ... مــتــابــعــيــن مــعــاك..



تــحــيــاتــي لــك..:101:

الله يعافيك اخويه ابو سامر



تدري انا وايد افرح واكون سعيده لما احس انه تقريري عجبكم



اشكرك واشكر كل اللي يتواصلون ويايه

المشاركة الأصلية كتبت بواسطة هيمان سفر
http://www.arabtravelersforum.com/tr...7/#post1836957

شو هالشي شوهالشي ،، وانا على ويهي المسكين داش ادور موضوعج بالصفحه الاولى مالقيته بالصفحه الثانيه مالقيته افااااااااا وحليلها هداوه اكيد محد امشارك في تقريرها ثرج امثبتين تقريريج بالبوابه والمواضيع المهمه هاهاهاهاها لابس بدون مجامله تقريرج مب شي هاهاهاهاها لا صراحه روووووعه



طمنيني اشحالج وشحال ابو العيال والصغاريه ان شاء الله اتكونون بخير الصراحه اتفاجئت بمرورج على موضوعي ببوابة النمسا انا يوميا اكون متواجد بالمنتدى بس كل شوي بلاد ..



تبين الصراحه ماكملت تقريرج كله بس ضحكت من خاطري يوم ييتكلمون بالفصحى هاهاهاها ويا المترجمه راد ان شاء الله وبكمل تقريرج الشيق تحياتي لج اختي الكريمه ولكل الاسره الكريمه

:50055: :50055: :50055: :50055:





اسفرت وانورت واخيرا شفناك مشرف تقاريرنا:101:



وينك انا قلت يمكن الهوا شلك هاك اليوم :109::109:



او تجمدت من البرد يوم يانا البرد حبتين :109::109:



انا متعوده عليك اشوفك بكل تقاريري ولو ماشي تقرير وماشي رمسه ندخل بس نتضارب



ونطلع ، والحين مره قطعت :110:





ولكن ما اقول غير حياك الله من يديد وعشانك بقول شئ ماقلته في التقرير



اللي ضحكك وايد رمستنا بالفصحى وريلي اللي يحول العامي الى الفصحى





فبخبرك عن موقف



كنا واقفين مره في الشارع نتريا السائق ، ا نا وحليمه وريلي ، وكان هو يالس



يسولف ويا حليمه ، ومره وحده سألها :



اختي حليمه : هل تأكلون الكلاب ؟



فردت وهي مسلمه :



نعم بعض من الناس تأكل الكلاب



فسألها السؤال التحفه :



وهل تأكلون القطو ( بنطق حرف القاف )



انا طبعا انفجرت:36_11_6: :36_11_6: :36_11_6: وحليمه فاجه حلجها مب فاهمه



ليش انا اضحك بحاله هيسيريه ، واحاول اقول لها يعني كات يعني قطه ههههههههه.









مايهون عليه بوعيالي بس ما قدرت في هذا الموقف افوتها له وكل العايله عرفوا وحاولت ايود



نفسي وما اطريه في المنتدى ، بس ما قدرت:109::109:



اترياك تقرأ تقريري كامل وتعطيني رايك



:smile125:

\r\n ماشاء الله عليك يا هداوه كل هذي مطاعم كليتي فيها ؟ انا الى الان محبط من الروحه لانك الى الان وانتي تعذربين مامدحتي غير الاكل والزين تقولين غالي 0يالله مالنا الا الصبر لين الاخير ونشوف0 راح يومين ولاشرينا شئ وبعد بتصير عطلة الاسبوع مافيها مشترى الله يعين اكيد الزحمه قدام نتابع0000 تحياتي\r\n

\r\n الحمدلله على السلامه ومنزل مبارك انشالله (:\r\n

\r\n الله يعطيك العافية\r\n

المشاركة الأصلية كتبت بواسطة تويتى75
http://www.arabtravelersforum.com/tr...5/#post1797455

الحمدلله على السلامه ومنزل مبارك انشالله (:

الله يسلمك تويتي



آمين ، ويسعدني مرورك :101:

المشاركة الأصلية كتبت بواسطة دعفس5
http://www.arabtravelersforum.com/tr...1/#post1797521

تقرير جميل والطرح رائع وواسع الخيال وبشوق لبقية التقرير والعرض المنظم الجذاب.

مرحبا اخوي دعفس5



عجبتني واسع الخيال وبعد استغربتها :114:

واهلا وسهلا فيك

\r\n

في معمعة البحث عن شقق لرحلتنا الموعودة اللي انتِ عارفتها
\r\n
\r\nتطلع لي رسالة تنبيه عن هالتقرير السنع :24:
\r\n
\r\nياقلبي ياهداوه مبدعه بكل شي :36_1_11:
\r\n
\r\nتصدقين توني ادري انج رحتي الصين ورجعتي ...
\r\n
\r\nالحمدلله على سلامتج يالغالية ..
\r\n
\r\nوعساه منزل مبارك .. وشوفي عاد لما يخلص البيت ..
\r\n
\r\nنبي عزومة عاد كيفج بييج من الكويت ركض علشان اشوف بيت الغالية
\r\n
\r\nاكيد اكيد اكيد بيكون روعة مثل راعيته ..
\r\n
\r\nوامانة عليج ياهداوه بس تخلصين من البيت قولي لي ..
\r\n
\r\nعلشان نقوم بالواجب .. ونرسل لج هدية البيت اليديد:36_3_11:
\r\n
\r\nكملي يالغالية وموضوعج كل يوم بمر عليه ..
\r\n
\r\nوابشرج رحلتنا انحاست فوق تحت تَغيـُرات جذرية
\r\n
\r\nالله يستر من هالسفرة .. آخرتها بحجز شاليه بالخيران ..

\r\n

:smile002:

السلام على كل اخواني وأخواتي في منتدى العرب المسافرون

اليوم التقي معاكم في تقرير جديد عن بلد جديده اول مره اسافر لها وهي الصين ، وبالتحديد

مدينة كوانزو التجاريه ، والهدف من رحلتي هي شراء اثاث واضاءه واكسسوارات لبيتي

الجديد ، والفكره جتني من خلالكم ، بالصدفه وانا اتفرج على بوابة الصين شفت مواضيع

الاخوان عن كوانزو وبعد بحث طويل وجمع معلومات وافيه قررت نسافر كوانزو ، ولكن

واجهتني صعوبه وحده وهي عدم اقتناع زوجي :110: ، وبعد عدة محاولات معه وبالزن على

الودان :109: ، يبنا راسه :115: واكثر شئ قنعه انه بيوفر اكثر من لو اشترى من البلاد خصوصا الغلا

عندنا صار ماله حدود ، وطبعا مع ضرب امثله من تجارب الاخوان. :24:

الاستعداد للرحله

1- حجز الطيران :


تم الحجز على الطيران الكيني من دبي الى كوانزو :36_15_17:

من تاريخ 21 / 12 / 2007 الى 30 / 12 / 2007 في آخر سنة 2007

المدة 9 أيام



2- المترجم :


المترجم المعتمد الأخت / حليمه ... مسلمه صينيه ورقمها 008613725252404

وتم الاتصال بها قبل سفرنا بفتره والاتفاق معاها والتأكد منها انها فاضيه :36_13_1: ، ثم ارسلنا

لها تفاصيل رحلتنا بالمسج .



3- حجز السكن :


تم اختيار فندق رويال مديتيريان Royal Mediterranean Hotel Guangzhou

وحجزنا فيه كل المده بسعر 460 درهم مع الافطار غرفه دبل ديلوكس :24:

عدد الاشخاص : انا وزوجي ( وهذا احلى شي في السفره :106: )

:106:عيشوا معاي تفاصيل رحلتنا يوم بيوم:106:

اليوم الاول : يوم السفر الي كوانزو

21 / 12 / 2007 يوم الجمعه

انطلقنا من البيت الساعه 5،5 الفجر لانه الاقلاع الساعه 8 الصبح ، وصلنا المطار دخلنا

الشنط ، حاول زوجي يحصلنا كرسيين جنب بعض في الطياره ومايكون حد ويانا ، وفعلا

خبراه الريال الموجود على الكاونتر انه حجزلنا في مكان زين.

دخلنا السوق الحره عقب دخلنا صالة مرحبا وتريقينا من البوفيه ، قلت لازم اصور اليلسه من

صالة مرحبا للمنتدى ، وطلعت الكاميرا واكبس ، يالنحاسه مافيها بتري :110: ، وطلبت من زوجي

يسير ياخذلي بتاري من السوق الحره ، وفعلا سار وللاسف ماحصل ،وحاولت احرك البتاري

وغيرت مكانهم واشتغلت :115: صورت صور بسيطه وقلت اخلي الباقي للطياره .

خلصنا ريوقنا وتحركنا باتجاه صالة المغادره للطياره ، وركبنا الباص ولما وصلنا عند سلم

الطياره ، بسرعه ظهرت الكاميرا ، واحاول اكبس وفيها شوية بتري ، والريال اللي واقف عند

سلم الطياره يقولي ممنوع قلتله بس صوره وحده لما ابتسملي قلت يلا قبل مايغير رأيه ،

واكبس والا ماتصور ، مره ثانيه وبعد ماتصور وقف البتري ياهي نحاسه :110: استسلمت وصعدت

ودخلنا الطياره .

وهنيه صار لنا موقف :

تذكرون الريال اللي على الكاونتر لما قال اوكيه انه نحن مع بعض ومحد عدالنا ، اكتشفنا

انه حطانا في الكراسي اللي في الوسط وهم 3 كراسي معنى هذا انه واحد بيكون ويانا ، وفعلا

كان في واحد صيني ، واللاين اللي عدالنا جنب الشباك في كرسيين واحد يالس عليه صيني

والثاني فاضي ، فقلت لزوجي كلمه نبدل الاماكن معاه ، توا زوجي يقوله بالانجليزي لو سمحت

والا يفز من مكانه ويتركلنا المكان ، اتاري الريال هذا مب مكانه ولما شافنا فكر انه المكان لنا

فنش وروح ، ضحكنا عليه ويلسنا في نفس المكان وقلنا اذا ييوا اصحاب المكان يحلها الف

حلال ، ومحد يانا ، وفرحنا بالمكان ولكن بعدين انقهرنا ، لانه الصيني اللي لازم كنا نيلس

عداله قام وسدح عمره على الكراسي الثلاث وهات شخير ، والمظيفه قومته قبل ماتطير

الطياره يلس لين ماطارت الطياره ، وعقبها سدح عمره ورقد ، قام وقت الاكل وكلا

وانسدح ورقد لين قبل مانوصل ، وانا طول الرحله اطالعه ومنقهره منه :112: واقول يالنحاسه

لويلسنا عداله جان قام هو من مكانه وترحرحنا انا وريلي ، لا والمصيبه انه اصلا مب

مكانه هنيه وانه الكرسي اصلا فاضي ، لانه زوجي خبرني انه الريال اللي على الكاونتر

قاله انه حجزلنا 3 كراسي بس محد عدالنا ، اصباح الخير بوالعيال توا ذكرت بعد ماخذه

مكانا وريح اخينا :112: ، يالا كل واحد بنصيبه .

الغريبه اول مره في حياتي ادخل طياره مافيها نظام وكل واحد يحجز الكرسي اللي يباه .

انطباعي عن الطيران الكيني :

الطياره كبيره ونظيفه ومب قديمه ، واكلهم زين وخدمتهم بعد بس يعيبها انه مافيها نظام

وانه الكينيين بعضهم وسخيين ، وهذا لاحظته عزكم الله في الحمام ، بالاضافه انه في نهاية

الرحله تشم اللي ماشميته في البدايه من ريحتهم :105: .

وفي الاخير افلام الفيديو مافيه تشكيلها حلوه عشان تقضي الوقت اذا ماتبا ترقد

عاد انا طلعت الللاب توب ويلست اكتب في الوورد احداث اليوم :36_1_37: ، وفي رجعتنا في الطياره بعد

كتبت شو صار آخر يوم لحد ماركبنا الطياره ، اما الايام الباقيه ماكان في وقت اكتب فكنت

اسجل في نوته ملاحظاتي عشان عقب اكتبهم بالتفصيل ، والحمدالله اني ماكتبت

صارلي مقلب ماتوقعته .

لما رجعت البلاد انصدمت صدمه يوم فتحت اللاب توب شفت كل الكلام اللي كتبته تحول باللغه

الصينيه :110: ، كيف ما ادري ، طبعا صارلي احباط وتأخرت في تنزيل التقرير ، وعقب فشل كل

المحاولات في ارجاع اللي كتبته استخلفت الله ورجعت اكتبه مره ثانيه .

نرجع وياكم لاحداث يوم السفر

..

قبل مانوصل عطونا كرت نملي بياناته ، ومن ضمن الاسئله اللي حاطينها سؤال يقول كم تحمل

معاك من العملات الاجنبيه ومن العمله الصينيه ، وصابتنا الحيره :114: هل نقول الصدق ، بس

نخاف يعرضنا للمشاكل ، طيب لو جذبنا ممكن نتعرض لمشاكل اكبر ، وتمينا في هاي الحيره

فتره ، وسار زوجي سأل المضيف عن هاي النقطه ورجع مش مستقر في الرأي ، وعقب

قلتله شوف نكون صادقين افضل مانكون جذابين ويكتشفون هذا الشئ وتصير مشكلتنا اكبر

وتوكلنا على الله وكتبنا كل المبلغ اللي عندنا ، ونحن ممقصرين ماخذين ويانا كاش

140000 الف درهم محوله بين الدولار والصيني :36_1_36: ، طبعا هذاغلط اللي سويناه ، المفروض

ناخذ 50000 الف درهم وندفع عرابين على البضايع ، ولما نرجع البلاد نحول للمكتب باقي

الفلوس وتنشحن الاغراض ، الا في حالة لو بتم فتره الى ان تجهزاغراضك وتشرف على

شحنها ممكن في هاي الحاله اعتقد انك تشل هذا المبلغ الكبير او تفتح حساب في البنك عندهم

ويحولون لك المبلغ ، بس بالنسبه لنا نحن ، بعد مادفعنا العرابين قالت لنا حليمه ارسلوا لي

المبلغ على حسابي في البنك ، وفعلا حولنا المبلغ عليها مع رسوم المكتب 5 % ولكن فلوس

الشحن لسه لين تتأكد من المبلغ المطلوب ، وهي بتشرف عل شحن البضاعه

( الله يستر مابرتاح لين توصل بضاعتي واتأكد منها).

وصلنا مطار الصين وكانت الاجراءات سهله وسريعه ، بس انا كنت خايفه يفتشونا ويحققون

ويانا على المبالغ الكبيره اللي ماخذينها ، وانا في قلبي اقرأ وأدعي انه مايفتشونا لين

ماعديناهم وعند الخروج اشر واحد لزوجي انه نروح عنده للتفتيش ، طبعا تخيلوا حالتي

صح نحن ممسوين شي غلط لكن الواحد يخاف في بلاد الغربه وخصوصا اول مره ، وبعدين

انا مستغربه منهم هم ليش يسألونا هاي الاسئله خصوصا انه بلادهم تجاريه وكلها اسواق

نتابع وياكم الاحداث ...

وصلنا عند نقطة التفتيش ،وطلب المسؤوول انه نفتح الهاند باك اللي في ايدينا ، ويلس

يفتشها وحصل فيها نوع من الفواكه الغريبه كان شارنها زوجي لي آخر يوم ومالحقت آكلها

فخذيتها ويايه ، وسبحان الله كأنها سبب الله حطاه النا ، وهي كميه قليله ، اصلا انا نسيت انه

في الشنطه فاكهه ، المهم اخينا بدون احم رمى الكيس في الزباله ، وقال يلا روحوا .

الحمدالله نقذتنا هاي الفاكهه ومرينا بدون مشاكل ، وعند خروجنا دورنا الاخت حليمه ، بس

ماشفناها ، وعقب اتصلت فيها وعرفت انه ماجت المطار لانها ماكانت متأكده من ييتنا

المهم اتفقت معاها نلتقى وياها في الفندق .

مقلب مع التاكسي .:105:..

طلعنا ندور تكسي يانا واحد قال تبون تاكسي ، ردينا يس ، سألنا وين تبون ، الحمدالله انه

عنوان الفندق عندي بالصيني ، قال تعالوا وراي ، المهم مشينا وراه مسافه لين ماابتعدنا عن

المدخل وعقب شفنا سياره شكلها مب تكسي كأنه سياره خاصه ، سألته بكم ؟ قال انتوا تعالوا

بس ، قلتله اقولك بكم ؟

بعد ماقال السعر بصراحه ما ارتحت فقلت لزوجي احسن ناخذ تكسي رسمي شكله هذا

يشتغل لحسابه ، وهاذيل مالهم امان ، وزوجي كان نفس الرأي .

رجعنا نجر شنطنا عند مدخل المطار وسألنا عن التاكسي ، وحصلنا موقف خاص بالتاكسي

وكل واحد يركب حسب الدور ، وهذاك الخايس خذانا على غفله من غير مانستوعب ونحن

مثل الاغبيه مشينا وراه :36_1_42: .

وصلنا الفندق ، وبصراحه روعه من برع :24: ، سوينا شيك ان ودخلنا غرفتنا ،وكانت المفاجأه

الحلوه.

ياسلاااااااااااام على هاي الغرفه بصراحه روعه وتشرح القلب وتخفف التعب من فخامتها

وايد وسيعه لانه نحن طالبين ديلوكس ، وفيها غرفة الدرسنج روم مع التسريحه ، وفيها

ركن للمكتب كامل مع خط انترنت مجاني ، وفيها كاونتر خاص للثلاجه وابريق الشاي مع

انواع من الشاي والقهوه طبعا مجاني ، هذا غير كل يوم لازم يحطون لنا دبتين ماي معدني

وصحن فواكه مجاني ، بالاضافه الى جلسات متنوعه في الغرفه ، وبعد طلبنا منهم طاولة

الكوي والكوايه وماقصروا من عطونا ياها ماخذوها لين ما روحنا ، والتلفزيون بلازما ولكن

مافيه قنوات عربيه ولكن البي بي سي موجوده ، وشهدنا هناك اخبار اغتيال بنازير بوتو ،

واخيرا عزكم الله الحمام يامحلاته كبير وقسم الشور والبانيو رهيب ومجهز بتلفزيون بلازما

وكل هذا ب 460 درهم وشامل الافطار ، وبعد حصلنا كوبون خصم للعشاء في مطعم الفندق

على السي فود ( طبعا نحن مافوتنا :109: ).

نتابع احداث اليوم ...

بعد ما دخلنا الغرفه ، سار زوجي للماكدونالد اللي عدالنا عشان يشتري عشا ويشتريلي بتاري للكاميرا

وانا يلست ارتب الاغراض ، وانتظر حليمه ، وبعد شوي وصلت حليمه ، تعرفنا على بعض واتفقنا انه باجر

بنبدأ بسوق الاثاث في شندو ، وهي بتحضر النا سياره تكون معانا طول اليوم ب 300رممبي

وصل زوجي وتعرف على حليمه ، وودعناها على انه باجر الساعه 9 بنطلع .

اللي يضحك في هذا اللقاء اللي وياها انه نتكلم وياها باللغه الفسحى ، وانا اضحك على عمري

وعلى زوجي لما نتكلم بالفسحى ، لكن اضحك على زوجي اكثر لانه احيانا يحول العامي فسحى

فأهلك من الضحك وما اقدر ايود نفسي :36_11_6: .



انتهى هذا اليوم واترككم مع الصور

الفندق من الخارج

حليمه طالعه في الصوره

الفندق من الداخل

مدخل غرفتنا

غرفة التسريحه

سامحوني ما قدرت اكمل تنزيل كل الصور ، لأني تفاجأت بصغر حجم الصور ، ياريت المشرف يساعدني ، واول ما أ حل المشكله برجع اكمل باقي الصور