تحية طيبه لاخواني المشرفين والاعضاء والزوار
كما.................
وها أنا عند وعدي بكتب تقرير ...................عن البوسنة والهرسك "سراييفو "
وحب اشكرك اخي العزيز /أحلى الاماكن الذي هو من خلى راسي يدررج بالسفر للبوسنة والهرسك بتقريرة الرائع وايضا ابوسناك وابو بـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــدر الذي لا نسى تواصله اليومي معي وانا هنااااااك ........لحسة دماااااااااااااااااااغه البوسنة مالومه
البداية كانت في شهر شوال الدخول على بوابة السفر الى دول اوربا الاخرى وقراءت بعض المواضيع وخاصة رومانيا وجورجيا لان جورجيا بدون تأشيرة فكان التخطيط يتجه نحوها ..وفجاءه
قلت لنفسي اشبك علقت على جورجيا حرك البوصلة شوي باتجاه البلقان ثم قرات لاخي الرائع والمبدع أحلى الاماكن تقرير عن البوسنة والهرسك فعجبتني المناظر الطبيعية الجميلة
ثم ذهبت لصديقي العزيز قوقل ايرث لاتفحص اكثر واكثر عن البوسنة والهرسك " للتحديد ماقراءته ومعرفة البلد
..ثم قررت اانني اسافر للبوسنة والهرسك وتحديد سراييفو الجميلة
ولكن كان صعوبة استخراج التأشيرة لان فيها شرط " ملعون جدف... "....الدعوة لا تتم الابالاتي:-
1- اما ان ترسل لك دعوة من صديق بوسني يكفل سكنك واياقامتك في البوسنة "قلت ويش يعرفني ببوسني والعالم هناك توها بتاكل عيشها ورايحه في حال حالهم .....قلت طنش هذا مستحيل نشوف اللي بعده هااات
2- او تحجز في مصحة علاجية لمدة 6 ايام ..وهم يتكفلون بارسال الدعوة عاااااد سكنت ماسكنت مايخصهم
"عجيب والله ذحين الله منعم على بصحة وعافية اروح اتفاول على نفسي بالمرض ..لابوووك من سفرة امرض نفسي حتى اروووح ..لا ياحبيبي مع انفسهم
3- او تراسل مكتب يحجز لك فنادق ويسوي لك برناااامج سياحي وتتفقون على السعر ويرسل الدعوة حقتك على السفارة في الرياض ...............هذا معقول لكن حشى يحدد الفندق بنفسة وحشى يجرجني ببرناامجه مع الاصباح يدقدق بواري علي يزعجني تقاااال عندي دوام .....افا العلم...."
راسلت المكتب وقلت له بالحرف الواحد اذا طلبت منكم
تحجز
لي الفندق اولد تاون 3نجوم .......وفندق كوناك 4نجوم هل ترسلوا لي دعوة"..........رد المكتب على في اقل من ساعه طيب البرنامج .......قلت له ياسيدي انا لا اريد أي برنامج ....فرد على الاخ الفاضل والحبيب بكل احترام نيرمين !!! الاسم !!!
بكل تاكيد سوف نحجز لك الفنادق ونرسل لك الدعوة على السفارة البوسنية في الرياض .ولكن ارسل على ايميل الشركة صورة التذاكر وصورة الجواز.....وفي اقل من يوم قال سدد المبلغ عن طريق بنك الراجحي وارسل لي رقم حساب الشركة على الايميل ......وتم تسديدهم........وبعد تقريبا يومين جاني ايميل من المكتب بان الدعوة ارسلت الى الرياض.ومن ثم
بدئت اكمل الاجراءات للتاشيرة البوسنية:-
1- بعد ذلك عبئيت الابلكيش " استمارطلب التاشيرة البوسنة" ..
2- صورتين مقاس 4 *6 بشماغ او بدون شماغ عادي اهم شي صور ملونة حديثه وخلفيتها بيضاء
3-الجواز لابد من صلاحية سارية أي لاتقل عن 3اشهر ........90يوم
4- صورة اللتذاكر +وصورة للجواز ايضاً
ثم ذهبت الى مكتب DHL في المدينة المنورة واعطيتهم جوازي والابكيشن و2صورتين فقال الموظف ترسلها فين قلت للسفارة البوسنية في الرياض وهم بينهم اتفاقية "عندهم العنوان" ..رسوم التأشيرة لاتدفعها .........تعطيهم 180ريال فقط حقت DHL .........السفارة تاخذ من DHL رسوم التأشيرة وبعد اربع ايام اتصل على موظف السفارة قال تعال خذ جوازك
قلت ارسله مع DHL وفعلا بعد يوم تم ارساله وتم استلامة وتسديد المبلغ عند مكتب DHL : كلها تقريبا 400ريال
اسم الشركة بيس تورس تقدر تراسلهم على الايميل .........وهذا رابط الشركة
وهذا الابكيشن "أستمارة طلب تأشيرة"..
مواضيع عشوائيه ممكن تكون تعجبك اخترناها لك:
رد مع اقتباس
المفضلات