السلام عليكم ورحمة الله وبركاته ..
شلونكم ؟؟ عساكم بخير ؟؟
أحب أصبح و أمسي على الجميييييييع
كنت ناوي أنزل ( تقرير عن زيارتي إلى دولة باكستان ) قلت خلني أأجله إلى بعدين لأن يحتاج إلى تعديل في بعض الصور ..
فجت هذي الاجازه و تعرفون هذي الاجازه .. لازم الواحد يستغلها .. في روحه من هنا أو من هناك ..
المهم ... قررت أسافر .. و أروح لدولة اليمن ..
بحكم أن أخوي يشتغل هناك .. في السفاره .. قلت فرصه .. نتعرف على اليمن وأهلها ..
توكلت على الله .. وحجزت على الطيران السعودي .. طبعاً قالوا مافيه إلا مره في الاسبوع وهي كل جمعه .. وكان سعر التذكره 1700 ريال سعودي
قلت مافيه مشكله ..
طبعاً قبل ما أروح .. حاولت أحصل على معلومات عن اليمن .. علشان الواحد يكون على بصيره .. بس ما لقيت شيء .. يبرد الكبد ...
طبعاً الفلوس كل ريال سعودي بسعر 53 يمني .. و عشرين ريال سعودي بألف يمني ..
طبعاً يوم رحت .. لاحظت بعض الاشياء .. خلوني أختصرها في بعض النقاط ..
أولاً : شعب اليمن
شعب طيب لأبعد الحدود
ويحبون يساعدون أي شخص .. أما بوصف أو معلومات عن شيء معين .. وإذا كنت في السوق بعضهم يتبرع ويروح معك حتى توصل إلى المكان إللي تبي .. طبعاً فيه ناس تبغى فلوس وفيها ناس حسن نيه ..
طبعاً الفقر واضح في البلد .. وعند كل إشارة ( يشحذون ) مالا يقل عن ثلاثة أشخاص عند كل إشارة
الشرطة .. ما تدور في الشوارع .. بس تلقاهم واقفين في مكان معين ( توفير للبنزين )
الاشارات قليله جداً .. ولكن الاشارة هي رجل المرور أو الشرطة معه عصا واقف في وسط التقاطع .. ويشر للسيارات ..
مافيه ( براميل زبايل عند البيوت ) أكرمكم الله .. بس تجي سيارة البلدية معه ( بوري ) يفجر الاذان تطلع وتعطيه الزباله .. وإذا لقوا عند بابك زباله ( يقولون أنهم يعطون مخالفه )
هذا في المدن الرئيسية .. لكن في القرى حدث ولا حرج ..
كل واحد مدد أسلاك كهرب إلى بيته .. بطريقته الخاصة .. بدون شركه ولا شيء .. ( يعني فوضى )
المهم .. هناك شيئين لو تم إستغلالها .. كانت اليمن من أغنى الدول ..
( السياحه و الزراعة )
عندهم أماكن سياحيه .. غرييييييييبه مره ورااائعه جداً وشيء يفوق على دول السياحه بمليون مره ..
لكن عدم الاهتمام بها .. وستلاحظون بعض الصور .. وتعرفون معنى كلامي ..
وأيضا مشاكل القبائل هناك .. ومناطقهم .. من أسباب ترك السياحه في هذا البلد ..
أما الزراعة .. للأسف أكثر زراعتهم هي شجرة ( قات ) وعندهم مزراع المنقى و الموز و اللوز و المناحل و العنب وأشياء كثيره .. لكن للأسف قليله جداً لأن القات مصيطر على الوضع
ولكن في النهاية ..
البلد يستحق الزيارة بلا شك ..
لا أريد أن أطيل عليكم .. خلونا نبدأ الرحله ..
توكلنا على الله وركبنا الطياره .. وهذي صورة من الجو .. للغيوم ..
وهذي صورة ثانية للغيوم وكانت منظر .. رااااائع جداً
وصلت المغرب إلى صنعاء .. ولقيت أخوي في إستقبالي .. طبعاً المطار .. صغييييييييير مره ..
المهم .. شلت عفشي .. وطلعت ..
وصلنا .. البيت ودخلت بيت أخوي .. وأعجبني المجلس و الزخرفه .. إللي فيه ..
قلت خلني .. بطلع عند الباب .. أشوف وأتفرج .. وكان في الصباح .. تقريباً الساعه 9 لقيت واحد معه ( عربية ) يبيع ( منقى ) وكان يقول الكيلوا .. بـ 2500 ريال يمني
يتبع ..مواضيع عشوائيه ممكن تكون تعجبك اخترناها لك:
- لأول مرة الى عمٌان
- طلب افضل عيادة للانف في عمان الاردن
- اخدموني ارجوكم ابي اعرف عن تونس
- رحلة سياحية الى تونس
- اربــد اربــد لو سمحتم مساعدهــ
- ماهو السر في تونس عدم وجود مطاعم الشركات مثل ماكدولدز وغيره
- وين احصل بخور باربد او عمان
- دراسة الماجستير بالدول العربية المعترف بهاساعدوني
- أطلب المساعدة
- جراءت تجديد الجواز
- شهر العسل ما غايته في اليمن؟؟
- يا خبرااااااء الأردن أفيدونا أفادكم الله
- يا اهل اليمن السعيد واهل الخبره ممكن
- مساعدة
- ساعدوني في تخطيط رحلتي الى ايران حمامه الواديبنت الشرقيهالمغامر و البقيه
- تعرف على تونس العاصمة مكان مكان مع اخوكم تونسي
- محمية حوف الطبيعية جنة علي الارض
- استفسار عاجل عن العمل والحياة في طرابلس ليبيا
- نظرة على فنادق مشهد
- أبحث عن شقق فندقية في طبربور
المفضلات