الموضوع: رحلتي إلى دولة اليمن صنعاء وتقرير مفصل لأكثر من صورة رائعة جداً

السلام عليكم ورحمة الله وبركاته ..

شلونكم ؟؟ عساكم بخير ؟؟

أحب أصبح و أمسي على الجميييييييع

كنت ناوي أنزل ( تقرير عن زيارتي إلى دولة باكستان ) قلت خلني أأجله إلى بعدين لأن يحتاج إلى تعديل في بعض الصور ..



فجت هذي الاجازه و تعرفون هذي الاجازه .. لازم الواحد يستغلها .. في روحه من هنا أو من هناك ..


المهم ... قررت أسافر .. و أروح لدولة اليمن ..

بحكم أن أخوي يشتغل هناك .. في السفاره .. قلت فرصه .. نتعرف على اليمن وأهلها ..

توكلت على الله .. وحجزت على الطيران السعودي .. طبعاً قالوا مافيه إلا مره في الاسبوع وهي كل جمعه .. وكان سعر التذكره 1700 ريال سعودي

قلت مافيه مشكله ..

طبعاً قبل ما أروح .. حاولت أحصل على معلومات عن اليمن .. علشان الواحد يكون على بصيره .. بس ما لقيت شيء .. يبرد الكبد ...

طبعاً الفلوس كل ريال سعودي بسعر 53 يمني .. و عشرين ريال سعودي بألف يمني ..

طبعاً يوم رحت .. لاحظت بعض الاشياء .. خلوني أختصرها في بعض النقاط ..

أولاً : شعب اليمن

شعب طيب لأبعد الحدود

ويحبون يساعدون أي شخص .. أما بوصف أو معلومات عن شيء معين .. وإذا كنت في السوق بعضهم يتبرع ويروح معك حتى توصل إلى المكان إللي تبي .. طبعاً فيه ناس تبغى فلوس وفيها ناس حسن نيه ..


طبعاً الفقر واضح في البلد .. وعند كل إشارة ( يشحذون ) مالا يقل عن ثلاثة أشخاص عند كل إشارة

الشرطة .. ما تدور في الشوارع .. بس تلقاهم واقفين في مكان معين ( توفير للبنزين )

الاشارات قليله جداً .. ولكن الاشارة هي رجل المرور أو الشرطة معه عصا واقف في وسط التقاطع .. ويشر للسيارات ..


مافيه ( براميل زبايل عند البيوت ) أكرمكم الله .. بس تجي سيارة البلدية معه ( بوري ) يفجر الاذان تطلع وتعطيه الزباله .. وإذا لقوا عند بابك زباله ( يقولون أنهم يعطون مخالفه )

هذا في المدن الرئيسية .. لكن في القرى حدث ولا حرج ..

كل واحد مدد أسلاك كهرب إلى بيته .. بطريقته الخاصة .. بدون شركه ولا شيء .. ( يعني فوضى )


المهم .. هناك شيئين لو تم إستغلالها .. كانت اليمن من أغنى الدول ..

( السياحه و الزراعة )

عندهم أماكن سياحيه .. غرييييييييبه مره ورااائعه جداً وشيء يفوق على دول السياحه بمليون مره ..

لكن عدم الاهتمام بها .. وستلاحظون بعض الصور .. وتعرفون معنى كلامي ..
وأيضا مشاكل القبائل هناك .. ومناطقهم .. من أسباب ترك السياحه في هذا البلد ..


أما الزراعة .. للأسف أكثر زراعتهم هي شجرة ( قات ) وعندهم مزراع المنقى و الموز و اللوز و المناحل و العنب وأشياء كثيره .. لكن للأسف قليله جداً لأن القات مصيطر على الوضع



ولكن في النهاية ..

البلد يستحق الزيارة بلا شك ..


لا أريد أن أطيل عليكم .. خلونا نبدأ الرحله ..

توكلنا على الله وركبنا الطياره .. وهذي صورة من الجو .. للغيوم ..



وهذي صورة ثانية للغيوم وكانت منظر .. رااااائع جداً




وصلت المغرب إلى صنعاء .. ولقيت أخوي في إستقبالي .. طبعاً المطار .. صغييييييييير مره ..

المهم .. شلت عفشي .. وطلعت ..

وصلنا .. البيت ودخلت بيت أخوي .. وأعجبني المجلس و الزخرفه .. إللي فيه ..



قلت خلني .. بطلع عند الباب .. أشوف وأتفرج .. وكان في الصباح .. تقريباً الساعه 9 لقيت واحد معه ( عربية ) يبيع ( منقى ) وكان يقول الكيلوا .. بـ 2500 ريال يمني




يتبع ..

مواضيع عشوائيه ممكن تكون تعجبك اخترناها لك:

• لأول مرة الى عمٌان
• طلب افضل عيادة للانف في عمان الاردن
• اخدموني ارجوكم ابي اعرف عن تونس
• رحلة سياحية الى تونس
• اربــد اربــد لو سمحتم مساعدهــ
• ماهو السر في تونس عدم وجود مطاعم الشركات مثل ماكدولدز وغيره
• وين احصل بخور باربد او عمان
• دراسة الماجستير بالدول العربية المعترف بهاساعدوني
• أطلب المساعدة
• جراءت تجديد الجواز
• شهر العسل ما غايته في اليمن؟؟
• يا خبرااااااء الأردن أفيدونا أفادكم الله
• يا اهل اليمن السعيد واهل الخبره ممكن
• مساعدة
• ساعدوني في تخطيط رحلتي الى ايران حمامه الواديبنت الشرقيهالمغامر و البقيه
• تعرف على تونس العاصمة مكان مكان مع اخوكم تونسي
• محمية حوف الطبيعية جنة علي الارض
• استفسار عاجل عن العمل والحياة في طرابلس ليبيا
• نظرة على فنادق مشهد
• أبحث عن شقق فندقية في طبربور

متابعينك يابوتميم
تم علينا شرح رحلتك بداية مشجعة

الحمد لله على السلامة
شوقتني للمنقا

شكرا لكم على التقرير ومن المتابعين ان شاء الله







المشاركة الأصلية كتبت بواسطة abotmaim
http://www.arabtravelersforum.com/tr...2/#post1958764

.

طبعاً الفلوس كل ريال سعودي بسعر 53 يمني .. و عشرين ريال سعودي بألف يمني ..




قلت خلني .. بطلع عند الباب .. أشوف وأتفرج .. وكان في الصباح .. تقريباً الساعه 9 لقيت واحد معه ( عربية ) يبيع ( منقى ) وكان يقول الكيلوا .. بـ 2500 ريال يمني

ما شاء الله يعني الكيلو بخمسين ريال سعودي :108:

في انتظار بقية التقرير

تحياتي

وعليكم السلام ورحمه الله


اخي العزيز
ابو ثابت

الحمد لله علي السلامه
ويعطيك العافيه علي التقرير والصور الجميله
والسياحه كما قلت هي ثروه في اليمن ولكن
عمليات الخطف والمطالبه با الفديه اضرت السياحه بشكل كبير...
وفي انتظار باقي الاوراق..
سلمت يداك ياغالي..

كل الود والاحترام...

تحيااااااااتي

السلام عليكم

موضوع من بدايته واضح إنه موضوع رائع

استمر اخي الكريم فنحن معك ....


لي تعليق على بائع المانجو.....

اتوقع أنه عرف انك سعودي فحب أن يستغل ذلك.... اسأل الله أن يهديه

ولا المانجو اليمنية توصل إلين جيزان وما ينباع الكيلو بأكثر من 20 ريال هذا إذا طارت اسعارها

مانجو الكيلو بـــ2500...... هههههههههه

استمر أخي الكريم

دمت بود

محمد901

الحمد لله علي السلامه

تقرير من بدايته اكثر من رائع وبالتوفيق

ومنتظرين باقي التقرير

قلنا بنروح ( لوادي قها )

وحنا .. في الطريق .. لقينا .. مويه نازله من الجبل .. مويه طبيعة .. بس حاطين لها ( ماصورة ) علشان تنزل قويه شوي



وحاطين ( تانكي ) مويه .. من نفس المويه علشان إللي يبغى يشرب .. وسبحان الله مويه بااااااارده مره



وحنا في الطريق .. شفت بيوت حصى ؟؟ قلت أيش هذي قال هذي عندها مويه ( عيون ) يستأجرون هذي الغرف ويتسبحون فيها ..



وحنا في الطريق .. لقينا بقاله .. بس .. شكلها .. شيء ثااااااااني وشوفوا اللوحه حقت البقاله هههههههه




وهذي صورة لأحد العيون .. طبعاً هم مغطينها ..



ولقينا المويه تدخل الجبال .. قلنا خلنا ندخل .. ونمشي معها ..



وهذي صورة ثانية من داخل بين الجبال



طبعا كان الجو حااااااااااااار مره والسبب أنا نازلين كثير وبين جبال .. تغدينا .. وعينا من الله خير

وحنا راجعين .. لقينا ناس تغسل ( بطانياتهم و ثيابهم .. في نفس المويه )



وهذي صورة وحنا راجعين




دخلنا .. صنعاء ..

وشفنا .. افضل بناء في صنعاء .. وهو مسجد علي عبدالله صالح

وكان بناء .. فعلاً رائع جداً




وهذي صورة من زاوية ثانية




قررنا .. نروح .. إلى أفضل مكان في صنعاء .. وهو


( باب اليمن )

وأنا أقول إللي ما راح إلى باب اليمن .. فهو ما زار اليمن

هذي صورة قبل ما نوصل إلى باب اليمن




وهذا هو باب اليمن ..




وهذي صورة من داخل الباب



وهذي صورة من الداخل لخلف باب اليمن



وهذي صورة لعملية ( عصر السمسم )




يبتع ...

يعطيك العافية
في انتظار بقية الرحله

وهذي صورة لبعض المحلات ..



وهذي صورة لبعض المباني الرائعه في باب اليمن



وهذا محل يبيع .. الهديا .. ويبيع أسلحه قديمة



دخلنا محل .. يبيع ( جنبيات )




وهذي صورة لأحد شوارع السوق



وشرينا بعض الهديا .. ( نخليها تذكار )



وهذي صورة ثانية لأحد شوارع السوق



طبعاً يبعون صور جاهزة ... ورائعه إللي يبغى تذاكار ..




وهذي أحد المفارق الطريق للسوق



وهذا مسوي لوحة محل .. بس بطريقة راااااااائعه .. مسوي قماش بصورته وصورة عياله




وصلنا .. إلى مكان غريب مره ؟؟ تعرفون أيش هو ؟؟

( كعبة إبرهه )

إللي بناها .. لأهل اليمن علشان ما يروحون إلى الكعبه في مكه ؟؟

هذا هو السور الدائري هي كعبة إبرهه



وهذي الصورة لداخل .. كعبة إبرهه




يتبع ...

انا زرت اليمن خمس مرات وكل مره احسن من اول روعه بس يبغالها يروح الواحد معاه 2 او ثلاثه يعني ما يصلح الواحد لوحده ولوكان عندك صور عن اب وتععز كان تمام
بارك الله فيك

يعطيك العافية abotmaim

في انتظار بقية التقرير

تقرير رائع
الف شكر
ننتظر البقية

رائع جداااااااا منتظر بقيه التقرير و الصور
اتحفتنا يا اخي وينك كمل التقرير
سلمت يداك

تقرير رائع وجميل

منتظرين على احر من الجمر نرجوا اكمال الرحلة اخي ابو تمام