أروع تقرير مع منتجعي وغيرهم

**ahmed3** · 01-15-2015, 12:13 AM

رحلتي الى تايلاند
المسافرون العرب

سلام على الجميع ..

وعلى طول وبدون مقدمات .. :106: هذا تقريري لرحلتي لتايلاند بالتفصيل في الصيف .. وعذرا على التأخير لأسباب خارجة عن إرادتي ..

المهم (كني طولت) :108:

وان شاء الله .. أقدر افيدكم ولو بشي بسيط .. وأرد للمنتدى القليل من الكثير الي استفدت منه ..
يالله انقلكم تجربتي ..

مع قطعة سكر

اولا تخطيط الرحلة :

الرحلة فيها اثنين .. أنا وزوجي .. وهدفنا كان الراحة وبس بعد عناء العمل و إزعاج الصغار ..:surf

وكل شي كان عن طريق النت .. من حجوزات للطيران والفنادق .. و خصوصا الحجز من مواقع الفنادق الرسمية .. لأنها في نظري ثقة أكثر من غيرها ..

وكانت طريقتي اني ادخل المنتدى واشوف تقارير الأخوة الأعضاء وثم ابحث في عدد من المواقع السياحية عن المعلومات .. والأسعار ..
ومن أفضل المواقع الي جربتها في الحجوزات موقع asia travel ..
و من أفضل المواقع في المعلومات موقع swadee ..

وانا شخصيا أفضل مواقع الفنادق نفسها في الحجز حتى لو كانت أغلى شوي بس أضمن ..
وموقع ترب أدفيزور

http://www.tripadvisor.com/

أحسه ذوق أجنبي شوي .. بس مو اشكال نأخذ فكرة ..

خط سير الرحلة :

1/ الرياض - أبوظبي- بانكوك وعلى خطوط الاتحاد .. الدرجة السياحية .. واللي كانت عادية في كل شيء ..

2/ واصلنا الرحلة الى بوكيت بدون انقطاع على خطوط اير آسيا ..
http://www.airasia.com/site/th/en/home.jsp

لابأس بها ومواعيدهم مضبوطة .. بس عيبهم (من سبق ..لبق ) في موضوع الجلوس في الطائرة .. وأنا حليت الإشكال بأني أخذت ما يسمى بالإكسبرس express مع اني بصراحة ما حسيت بذاك الفرق لكن الي معاه أطفال أو عائلة كبيرة ويفضلون الجلوس مع بعض .. حلو جدا لهم ..

أكثر شي تعبنا منه هو الانتظار في المطارات .. رغم انه لا يتجاوز 2 الى 3 ساعات .. لكن كرحلة دولية طويلة نوعا ما وقبلها رحلة وبعدها رحلة ..لابد انها تجيب الصداع غصب (لكن من يبي الدح ما يقول اح ) :109:

ما اخفيكم وصلنا بوكيت واحنا مانشوف الطريق ..

الرحلة :

ليلتين في فندق الكاتاثاني
ليلتين في فندق the racha
ثلاث ليال في الموفينمبك
ليلة في البنيان تري banyan tree

كان أول خيار لنا فندق الكاتاثاني على كارون بيتش .. وكان ولله الحمد خيار موفق جدا .. أخذنا joiner suit .. عن طريق موقع swadee بحدود 480 ريال ..
أجمل ما في الفندق ان له شاطئ خاص .. وبشكل عام الفندق نظيف .. وان كان قديم الأثاث نوعا ما لكن معتنى فيه .. والموظفين فيه جدا متعاونين ..:24: والاستقبال ممتاز بالورد والعصير المنعش والفوط الباردة.. رغم ان وقت وصولنا كان متأخر ولم نرتب مسبقا أمر النقل من المطار .. لكن لما طلبنا منهم التوصيل من المطار كانوا متعاونين جدا و أرسلوا لنا سيارة ب700 بات .. هذا السعر الي اكتشفنا بعدين انه سعر ممتاز ..

الفندق يبعد عن المطار حوالي 45 دقيقة ..
و يبلك تاكسي للباتونق بيتش بحوالي 400-500 بات .. يعني حوالي 20-30 دقيقة

وهذا السرير .. كانوا بانتظارنا .. وريحة الفواحة والليمون والورد في كل مكان ..

وهذه الكيكة .. والورد ..

وهذه عدة الحمام .. وأحسن مافيه (الشطاف) أعزكم الله ..

ومفتوح على الغرفة .. بينهم حاجز خشبي ..

صباح اليوم التالي .. اخذنا جولة على الفندق والشاطئ ..

بعد ذلك قررنا نروح لسفاري الي فيها الفيلة .. وذلك تحقيقا لأحد أحلام زوجي بركوب الفيل ..

طبعا فيه عروض كثيرة لأنواع من رحلات السفاري بس أنا ما حبيت اني أطول (العلاقة مو ذاك الزود مع الحيوانات) ..

أخذنا رحلة متأخرة من 3-5 العصر ومدة الركوب نصف ساعة مع توصيل من و إلى الفندق .. وكان خيار موفق .. والجولة رائعة .. فيها مناظر حلوة .. وما فوت عدة لقطات جميلة جدا .. شي مع الفيلة وشي مع الطبيعة الأكثر من رائعة .. خاصة مع منظر البحر ..

بداية الجولة ..

بعد انتهاء الجولة كان فيه عرض لصغار الفيلة baby elephant show وكان بصراحة خفيف دم ..

و على طول طيران على الفندق واستعداد للانطلاق لعرض الفانتاسيا fanta sea .. وطبعا الي ما يروح للفانتاسيا .. ما كأنه راح لبوكيت .. لو بسوي تقرير رحلتي الى بوكيت بيكون أجمل الأماكن الي زرناها ..

وللي ما يعرف الفانتاسيا .. هو عبارة عن مدينة ملاهي متكاملة .. فيها بيع وشراء ومطاعم وفندق أيضا .. وأهم مافيها العرض المسرحي .. العالي المستوى .. استعراض لتاريخ البلد كاملا في قالب جميل ..

اليوم التالي :
شوبنج من صباح الله بعد الفطور على طول .. رحت لمركز البيج سي .. بس بيني وبينكم .. أحسن ما فيه ملابس الأطفال مرة رخيصة ب200 بات وفيها ..

بعد الغداء اتجهنا لشاطئ الباتونق .. تمشينا فيه وتعشينا .. وتمسجنا .. مسااااج .. كنا بأمس الحاجه له ..
وجدنا هذا المحل بعد عدة لفات وجولات .. ارتحنا له من ناحية الأسعار والشغل المضبوط ..
ساعة لمساج الأقدام ب250 بات ..
أكثر ما عجبنا في المحل .. انه فيه مكان يغلق بستائر .. يعني أنا مأخذه راحتي على الآخر ..:36_2_65:

اليوم التالي :

استيقظنا متأخر لأن ورانا تغير فندق .. بعد الفطور .. انتظرنا السارة تقلنا الى الفندق التالي the racha

سبق و طلبنا السيارة من فندق the racha وفعلا كانت بانتظارنا على الوقت وتم نقلنا أولا الى مكتب لتجمع بقية السياح حتى يتم نقلنا بالبوت الى جزيرة racha . . السيارة كانت مرسيدس .. وفيها موية باردة في عز الظهر وبعد فوط باردة ..:36_7_9:

هذا موقع الفندق http://www.theracha.com (الي كان حجزنا من خلاله)

وصلنا المكتب وتم استقبالنا بالعصير والسندوتشات والبسكويت والبتي فور .. وعدد من الألعاب الخشبية والشطرنج .. وتم سؤالنا عن ما نفضله من روائح في الغرفة وشامبو و جل الشاور ..

ركبنا البوت .. وكان بالفعل سريع .. و استغرقت الرحلة حوالي 40 -35 دقيقة .. عند وصولنا الى شاطئ الجزيرة .. وكان عبارة عن شاطئ صغير ترسو عليه القوراب .. يقع خلف الفندق ..

اول ما وصلنا الى اللوبي كان مفتوح في الهواء الطلق .. والشاطئ صافي الماء والرمل أبيض .. يعني حتى الآن نفس الصور الي في الموقع ..

استقبلونا كالعادة بالورد والعصيروالفوط الباردة ..
كان الحجز ليلة فيلا grand suit وليلة في junior suit .. وهنا أتوقف لأحكي قصة الصدمة ..