يا أهل عمان يا اهل الكرم
او اهل السعودية الي اخذ شغالته معاه
انا من الرياض
انا ناوي اروح لصلالة عوايل سيارتين ان شا الله بدايه اغسطس
الطريق وكيف والمسافات الاخوان ما قصروا اشبعوها بحثا
لكن عندي كم استفسار مالقيت في المواضيع جواب او احد تكلم عليها
1-عندي شغاله اندنوسية باخذها لزوم العيال هل لازم افييز لها (تاشيرة دخول)ومن وين وهل المكاتب السياحية تفيز لي
والشغالة مب باسمي باسم ابو العايلة الثانية الي بتروح معي بس ابوهم الي باسمة كفالة الشغالة مو رايح هل لازم تفويض او شي الي جرب او يعرف مكتب او مخلص يدلنا الله يرضا عليكم
2-السيارة الثانية باسم واحد :أخوه الي بيسوقها هل لازم ياخذ تفويض من المرور لاخوه ومن وين بالرياض
3-الاستمارة جديدة لكن بدون فحص هل لازم فحص اتوقع لا لكن سؤال احتياط(ما ابغا اتورط في الحدود بشي نص الي معي اطفال رضع)
4- المخالفات هل لازم تسدد ولا مالها دخل
5-عشان معي عايلتين مسؤول عنها لازم نتواصل خوف الضياع ومو بصير اكلم بجوالي السعودي دولي ..
ابغا اول ما ادخل اخذ شريحتين عمانية
هل مثلنا بالسعودية ب 70 ريال بدون اسم تاخذها من المحل والا شديدين وغالين
6-العايلة الثانية مو رايح ابوهم وفيهم الي عمره 12 و 15 و17 سنه هل لازم تفويض من ابوهم او اذن عشان يطلعون والا عادي
7-انا ناوي انام بعبري بدل العين عشان افتك من حدود عمان واقطع 130 كيلو تريحني عند الانطلاق لصلاله
وهنا سؤالين
هل فيه شقق منام بعبري وهل هي متوفرة ورخيصة
السؤال الثاني من عبري فيه طريقين
الاول عبري الى نزوى 130 كيلو ثم ادم ثم الغابة..الخ
والطريق الثاني عبري الى تنعم ثم الغابة مباشرة دون مرور نزوى وانه يختصر فوق 100 كيلو
هل اسلكه او مضيعه ترا معي سيارتين كلها عوايل واطفال
انتظر اجابتكم على احر من الجمر
تم كتابته اليوم الاربعاء 6-7-1429مواضيع عشوائيه ممكن تكون تعجبك اخترناها لك:
- مسافر الي صلالة مساعدتكم الله يجزاكم خير الجزاء
- أختكم من الرياض ومحتااجة مساعدتكم تكفون
- المدرسة العثمانية الرضائية في حلب بعدسة عسل
- المغسيل وغياض في ظفار، بتاريخ
- استفسار بسيط
- هل اغلب مناطق صلالة يحتاج لها جيب ؟؟؟؟؟؟؟؟؟؟؟؟؟؟؟؟
- اسألني ماهو افضل وقت للسفر ؟
- ما ارقام هواتف تويوتا؟
- استفسار عن طريق صلاله ومدى توفر الامن والمساعده فيه
- ابغـي برنامجعرسان ضروري
- عندي استفسارات وياليت أجد لديكم الرد الشافي
- مسقط هالأسبوع
- رئيس بلدية ظفار لجريدة السياسة نرحب بالاستثمارات الكويتية
- مول فيه سينما قريب للمطار
- مجمعات مسقط
- ياهل الخير دلوني على سكن
- سمهرم أو بيت الحانة صلالة
- من هونج كونج الى ماكاو
- ابغي ازور صلاله ايام ممكن جدول للرحله
- سعر التذاكر من الرياض لصلالة
المفضلات