الموضوع: اي سؤال انا حاضره بلغاريا

السلام عليكم .....

كيف الحال؟؟؟؟

انا توني رادا من بلغاريا واي سؤال انا حاضره


ونبذه عامه الديره اهيا حلوه وحاره الصبح وبارده بليل ودوله رخيصه في

اماكن وغاليه في اماكن ثانيه بس مو وايد

وانا جاهزه لاي سؤال

مواضيع عشوائيه ممكن تكون تعجبك اخترناها لك:

• تأشيرة قبرص من الكويت
• شرايكم في هولندا
• أود السفر الى شرق أوروبا وأحتاج مساعدتكم
• مرحبا ، مطلوب معلومات عن دولة فلندا
• تكلفة رحلة سفر من العراق الى اوكرانيا لشخصين
• استفسار اليونان
• رومانيابوخارست مدينة المتناقضاتوبراشوف المدينه البهيه
• بلجيكا معلومات عنها
• تكفون ابي احد يساعدني هولندا
• انا الان فى التشيك تبون شي
• هيئة تنشيط السياحة القبرصية تختار طيران الجزيرة لجذب السياح العرب الى قبرص
• بلغاريا ، فيينا ، سلوفينيا ثم الى كرواتيا
• أريد فيينا
• تحقيق صحفي حول معاناة السعوديين عند السفارة التشيكية
• أريدمعلومات عن كرواتيا
• نداء لأهل المعرفة بالشاحنات والسيارات وما نستغني عن المشرفين
• متطلبات اجراءات الاقامه فى هولندا مساعده لوجه الله
• صــــور رووووووووووعـــــه من روســــيــــــا
• استفسار من الأعضاء الكرام جدول للسفر لأي دولة أوروبية
• سؤال عن الدنمارك السويد النرويج

شكراً يا remoo على موضوعج هذا

وانا عندي كم سؤال عن بلغاريا وخصوصاً منطقه فارنا ..

كم متوسط اسعار الفنادق الاربع نجوم في فارنا ..

شو الافضل اخذ وياي دولار أم يورو ؟؟

وشو الاماكن السياحيه في فارنا اللي تستاهل الزياره ؟؟

هل فارنا آمنه ليلاً ؟؟؟

وتقبلي تحياتي ..

المشاركة الأصلية كتبت بواسطة اماراتي 1
http://www.arabtravelersforum.com/tr...3/#post2134423

شكراً يا remoo على موضوعج هذا

وانا عندي كم سؤال عن بلغاريا وخصوصاً منطقه فارنا ..

كم متوسط اسعار الفنادق الاربع نجوم في فارنا ..

شو الافضل اخذ وياي دولار أم يورو ؟؟

وشو الاماكن السياحيه في فارنا اللي تستاهل الزياره ؟؟

هل فارنا آمنه ليلاً ؟؟؟

وتقبلي تحياتي ..



هلا اخوي اماراتي اخوي سنتر فارنا غير عن المنتجعات الي تسمع فيها سني بيج والقولدن ساندس لان كل وحده تبعد ن الثانيه با الساعات

انا سكنت ب سني بيج وكانت معانا مرشده سياحيه بلغاريه وتتكلم انجليزي وكانت تقولنا الافضل السكن في المنتجعات وليس سنتر فارنا لان السنتر غالي مثال للتوضيح الماي بل المنتجع الي سكنت فيه سني بيج اماي بل السوبر ماركت 60 سنت وفي سنتر فارنا 2 ليفا شفت الفرق ؟؟؟وايد غاليه انا اقولك احنا فارينا بلغاريا من الجنوب ليه الشمال كلها رخيصه رخيصه بس فارنا ومنتجعاتها تعتبر عند البعض غاليه انصحك تسكن بل السني بيج ارخص من القولدن ساندس مثل ما قالتلنا مرشدتنا ....

اما الافضل انك تاخذ طبعا يويو وهناك تصرف على حسب حاجتك ليفا بس لاتصرف بفارنا لانها غاليه احنا صرفنا في المدينه الي فيليكو قبل لانشد الرحال لسني بيج

اخوي بالنسبه للامان انا اتكلم عن المنتجعات اماااااااااااااااااااااااااان ولا تخاف الحياة هناك 24 ساعه كل شي مفتوح والشرطه بكل مكان وكل واحد ماشي بروحه ومحد له خص بحد

والفنادق رخيصه انا سكنت في بلانيتا 5 نجوم مايقارب 10 دنانير كويتي بل اليوم بس الاسعار تختلف في شهر 7 و 8عن شهر 6 لان السياحه الفعليه عندهم شهر 7و8 بس مو هذاك الاختلاف

اما الاماكن
انا اتكلم عن السني بيج في جزيره نسيبرا واااايد حلوه قعداتها شرحه وسوقها عباره عن محلات صغيره بس حلوه وفي رحله ثانيهانا مارحتها بس الي معانا مدحوها وايد مثل قريه تبعد عن المنتجع ثلث ساعه عباره عن رقصات فلكلوريه واغانب بس ربعنا يقولون وايد حلوه وفيه السفاري جيبات روسيه تمشى فيك بل الجبل بس هم مارحتها لان مجرد التمشي وتاجير سيارات الغولف والتمشي فيها بل المنتجع متعه كل شي فيه المنتجع عجييييييييييييب بس ها حياة صاخبه لابعد الحدود اكيد انت فاهمني


وانشاله اكون فدتك

وشنو إنطباعك عن صوفيا هل ذهبت لها أو أحد من أصدقائك تكلم عنها أو زارها من ناحيت الأمان أو الناس... وفارنا في شهر 11 هل فيها حركه وهل فنادق المنتجع القولدن ساندس مفتوحه

بالنسبه للعاصمه صوفيا أنا حاب أزورها في شهر 11 شنو إنطباعك عنها هل عندك معلومات لها أو أحد أصدقائك ذهب إليها وما هي نسبة الأمان فيها والناس هل يتقبلون السواح خاصه العرب ...... وفارنا في شهر 11 هل منتجعاتها مفتوحه وفنادقها في أحد في سواح بهذا الشهر

كم سعر التذكرة ؟

وهل تحتاج فيزا ؟


وشكرا جزيلا

المشاركة الأصلية كتبت بواسطة الحرف الأول
http://www.arabtravelersforum.com/tr...8/#post2137408

كم سعر التذكرة ؟

وهل تحتاج فيزا ؟


وشكرا جزيلا



هلا اخوي اكيد تحتاج فيزا احنا عطيناها لمكتب الدبوس بل الكويت لانه اهوا متخصص ببلغاريا تقريبا 30 دينار للشخص

اما التذكره انا اخذتها نظام قروب 400 دينار شامل تذاكر وفنادق الاربعه ومواصلات من مكان ليه الثاني مع مرشده وهذا الي فادنا لان ناسها مايتكلمون انجليزي وايد بس هذي طبعا عروض شهر 6 لان الاسعار تتغير لشهر 7 و 8





وانشاله اكون فدتك

remoo

أول شئ حمدلله على السلامة ..

ثاني شئ .. ماعندي أي سؤال .. لكن ..

ليش ماشفنا تقريرك عن بلغاريا ..؟؟

نبى شي قوي في البوابة ... ممكن ..!!

مشكوره وما قصرتي على الإيضاح .... عندي سؤال عن منطقة كراكوف البولنديه هل زرتيها أو في أحد زارها وسمعتي عنها وشكرا

المشاركة الأصلية كتبت بواسطة remoo
http://www.arabtravelersforum.com/tr...3/#post2139213

هلا اخوي اكيد تحتاج فيزا احنا عطيناها لمكتب الدبوس بل الكويت لانه اهوا متخصص ببلغاريا تقريبا 30 دينار للشخص

اما التذكره انا اخذتها نظام قروب 400 دينار شامل تذاكر وفنادق الاربعه ومواصلات من مكان ليه الثاني مع مرشده وهذا الي فادنا لان ناسها مايتكلمون انجليزي وايد بس هذي طبعا عروض شهر 6 لان الاسعار تتغير لشهر 7 و 8


وانشاله اكون فدتك



يعطيك العافية اختي

ممكن تعطيني عنوان او رقم المكتب اللي يسوي الفيزا لان ماعندنا بالسعودية سفارة بلغارية

وشكرا

السلام عليكم

اختي اممكن اتقولين لنا شنو كان خط السير و الرحلات ..

و فارنا انا سمعت كلها بحر .. يعني تصلح لنا احنا محجبات ..

مفكرين فيها بس مترددين من البحر خوفج ماكو شي غير بحر و انشطه بحريه

ياريت اتفيدينا و مشكوره

المشاركة الأصلية كتبت بواسطة redjoory
http://www.arabtravelersforum.com/tr...0/#post2139750

remoo

أول شئ حمدلله على السلامة ..

ثاني شئ .. ماعندي أي سؤال .. لكن ..

ليش ماشفنا تقريرك عن بلغاريا ..؟؟

نبى شي قوي في البوابة ... ممكن ..!!

هلا بمشرفتنا انا كنت افكر بهل الشي بس ما اعرف انزل الصور وامسح صور الوجوه مع اني مسجله كل شي قلت عشان اذا احد يسالي ما ارده بس عن جد سوري ما اعرف انزل الصور

تحياتي

المشاركة الأصلية كتبت بواسطة hhadi
http://www.arabtravelersforum.com/tr...7/#post2140077

مشكوره وما قصرتي على الإيضاح .... عندي سؤال عن منطقة كراكوف البولنديه هل زرتيها أو في أحد زارها وسمعتي عنها وشكرا



هلا ا
هلا والله للاسف مارحت بولندا بس اكيد هل الديره حلوه انا سامعه جذي بس معلومات ماعندي
اي معلومه سوري

المشاركة الأصلية كتبت بواسطة Q8tya
http://www.arabtravelersforum.com/tr...6/#post2141856

السلام عليكم

اختي اممكن اتقولين لنا شنو كان خط السير و الرحلات ..

و فارنا انا سمعت كلها بحر .. يعني تصلح لنا احنا محجبات ..

مفكرين فيها بس مترددين من البحر خوفج ماكو شي غير بحر و انشطه بحريه

ياريت اتفيدينا و مشكوره



هلا حبيبتي كانت الرحله 4 اماكن اول شي العاصمه صوفيا وصراحه ما انصح فيها وايد لان مثل ما قلت حق اخونا اماراتي ان المنطقه مافيها شي هذاك المستوى بس احنا ماقعدنا فيها كلا رحلات فا كان عادي عندنا وبعدين رحنا جبال بمبورفو صراحه حلوه وايد للريلاكس والراحه و الاستجمام ممتازه لان كلش مافي ازعاج والرحلات كانت في البدايه كلا جبال نصعدها بل التلفريك وكانت روعه

وبعدين العاصمه القديمه تونس لويه ومطاعم واسواق وبهل المكان ماكنا نبي رحلات فا كتفينا بل الاسواق والمقاهي والمطاعم بس طبعا مافي حلال كلا خضروات بس ماشي الحال
اما فارنا او بل التحديد السني بيج الي سكنت فيه روعه ونااااااااااااسه 24 ساعه كل شي فاتح ولويه ووناسه بس الصبح على البحر تدرين الناس لابسه من غير هدوم لوووول انا انصحك اذا تبين تروحين سوي نفسي انا اروح الساعه 6 يكون المكان فاظي لان الي يتشمسون حزتهم الصبح ليه 4 العصر بل الكثير وبعدين تبدا الحياه بل المطاعم وما اقولج ان الجو يناسبنا لان تدرين كلا بارات وبنات يرقصون بس انا ما خليت هل الشي ياثر علي عادي وخري عن هل الاماكن وبس من جانب ثاني في كفيهات عاديه ومطاعم حلوه فيها ناس تغني بس بشكل رسمي وفي اسواااق عاديه بس نظرتهم قلت من قبل يخزونج خز واذا قنالهم كويتيين قالولنا واو مليارديريه... واحنا نضحك مايدرون شلون مسافرين بل التفق لوووول بس صراحه الي شجعني على هل الديره انها رخيصه

وانشالهكنت فدتكم

المشاركة الأصلية كتبت بواسطة الحرف الأول
http://www.arabtravelersforum.com/tr...7/#post2140307

يعطيك العافية اختي

ممكن تعطيني عنوان او رقم المكتب اللي يسوي الفيزا لان ماعندنا بالسعودية سفارة بلغارية

وشكرا



هلا اخوي مادري اذا يصير اكتب ارقام انشاله مسموح

مكتب الدبوس ورقهم 2416474 والرقم الثاني 2416467


لهم موقع الكتروني بس مال سنه 2007

واهوا http://www.ghd.jeeran.com

هذا الرابط قد يساعدكم في كيفية إنزال الصور ..

http://www.arabtravelersforum.com/travel178368/

المشاركة الأصلية كتبت بواسطة remoo
http://www.arabtravelersforum.com/tr...5/#post2132698

السلام عليكم .....

كيف الحال؟؟؟؟

انا توني رادا من بلغاريا واي سؤال انا حاضره


ونبذه عامه الديره اهيا حلوه وحاره الصبح وبارده بليل ودوله رخيصه في

اماكن وغاليه في اماكن ثانيه بس مو وايد

وانا جاهزه لاي سؤال



هاي
كيفك
انا ناوي السفر لبلغاريا في بداية شهر اغسطس، كيف احصل على الفيزا علماً بأني من سكان مدينة الرياض
ولكم تحياتي

المشاركة الأصلية كتبت بواسطة emada
http://www.arabtravelersforum.com/tr...6/#post2144796

هاي
كيفك
انا ناوي السفر لبلغاريا في بداية شهر اغسطس، كيف احصل على الفيزا علماً بأني من سكان مدينة الرياض
ولكم تحياتي



هلا فيك ماعندي علم بس انا حاطه رقم مكتب يسوي الفيز داخل الكويت وموقعهم اخذه وحاول تراسلهم او ادق عليهم

المشاركة الأصلية كتبت بواسطة redjoory
http://www.arabtravelersforum.com/tr...4/#post2143444

هذا الرابط قد يساعدكم في كيفية إنزال الصور ..

http://www.arabtravelersforum.com/travel178368/

هلا بمشرفتنا الغاليه للاسف حاولت بس ما ضبط معاي بس بستمر بل المحاوله على العموم شكرا على المساعده

وشكرا

المشاركة الأصلية كتبت بواسطة hhadi
http://www.arabtravelersforum.com/tr...0/#post2172710

وين أروح في بلغاريا في شهر 11 ما عندي إلا هذا الوقت لأني أكون متواجد في سلوفاكيا للدراسه وحاب أخطف رجلي على كلام أخواننا المصريين بالويك



صراحه مادري بس جرب تروح منتجعات الموجوده عى قمم الجبال الي تكون نشاطاتها كلا سكيتي واسترخاء وهل السوالف

اسعد الله مساءكم

بغيت استفسر اخواني

1 _ راح اسكن في فندق الشبكه في قولدن ساند مارايك فيه .


2 _ انا قاعد اسبوعين كم تكفي تقريبا 2500 دولار تكفي من غير السكن والتذكره ؟

3 _ هل المنطقه خاليه من العصابات واو بالرحى وضعها الامني ومعاملت الشعب للسواح ؟


ماهي الاماكن التي تنصح فيها التي يجب زورها

هل لديك برامج رحلات

واذا ممكن اريد ان اتحث معك على الايميل او الخاص لكن لا اعرف الطريقه

الحمدالله على السلامة
تقرير رائع وجميل ومفيد وصريح دون مجاملات
ممكن عنوان المكتب ورقم التلفون اذا امكن من اجل الفيزا

المشاركة الأصلية كتبت بواسطة نيوزيلندا
http://www.arabtravelersforum.com/tr...6/#post2211596

هل الذي عنده لغة إنجليزية يخارج نفسه في بلغاريا
هل يوجد قطارات في هذا البلد

وشكراً لك أختي,



هلا اخوي اسفه على التاخير فيها بس مشكلتهم قليل الي يتكلمون انجليزي

المشاركة الأصلية كتبت بواسطة akr
http://www.arabtravelersforum.com/tr...4/#post2214014

الحمدالله على السلامة
تقرير رائع وجميل ومفيد وصريح دون مجاملات
ممكن عنوان المكتب ورقم التلفون اذا امكن من اجل الفيزا




هلا اخوي انا كاتبه اسم المكتب ورقمه مكتب سفريات الدبوس رقم والموقع كاتبته بصفحه الاولى
وشكرا لك اخوي على مدحك للتقرير من ذوقك

المشاركة الأصلية كتبت بواسطة عجيبه
http://www.arabtravelersforum.com/tr...1/#post2211021

اسعد الله مساءكم

بغيت استفسر اخواني

1 _ راح اسكن في فندق الشبكه في قولدن ساند مارايك فيه .


2 _ انا قاعد اسبوعين كم تكفي تقريبا 2500 دولار تكفي من غير السكن والتذكره ؟

3 _ هل المنطقه خاليه من العصابات واو بالرحى وضعها الامني ومعاملت الشعب للسواح ؟


ماهي الاماكن التي تنصح فيها التي يجب زورها

هل لديك برامج رحلات

واذا ممكن اريد ان اتحث معك على الايميل او الخاص لكن لا اعرف الطريقه



هلا اختي للاسف ما اعرف هل الفندق لاني سكنت في السني بيج
التكلفه الديره مو غاليه وتعتمد على الشخص بس عموما مو غاليه

اما الامان لاتخافين اماااااااااااااااااااااااااااااااااااااااان لابعد الحدود خاصه داخل المنتجعات لان الشرطه بكل مكان ويهتمون عشان سمعه السياحه

تحياتي للجميع
ضيف جديد واتمنى بان لا اكون ثقـــــــــــــــيل عليكم
REMOO
حمدلله على السلامة وانشاء الله استانستي بلغاريا خصوصا ريوق الفلافل والحمص .
معلومات عامة لمن يود السفر الى بلغاريا:
1- بلغاريا شبيه بتركيا - وهي ارخص من تركيا بكثير .
2- الجو معتدل بالصيف بمعني لا تحتاج الى ملابس شتوية .
3- العملة ليفة - 100 يورو = 195 ليفة - 100 دولار = 125 ليفة ( صرف اليورو افضل لانه ثابت ) الليفة = 205 فلس-كويتي
4- بلغاريا دخلت الاتحاد الاوربي ولقد تطورت عن السابق - لا وجود للعصابات (المافية) ولكن الى الان لم تدخل في فيزا الشينغن - احتمال في 2010 تكون تابعة للشينغن و 2011 سوف يتم تبديل العملة الى اليورو .
5- توجد خدمة الانترنت بالغرف واللوبي مجانا باغلبية الفنادق .
6- الفنادق رخيصة - الاكل رخيص - المواصلات رخيصة مقارنة مع الدول الاوربية ( مثال تذكرة صعود التفريك 10 ليفة - بينما في كابرون 24 يورو ) .
7- الوكيل الحصري بالكويت سفريات الدبوس (اول رحلة بدأت 13-6 وآخر رحلة 22-8 ) بعدها سوف تتوقف الرحلات .
8- سفريات الدبوس لديها رحلات جماعية ورحلات فردية:
الجماعية سعرها في شهر 6 -399 وشهر 7و8 475دينار كويتي ( صوفيا - الجبل - العاصمة القديمة - فارنا ) تصلح للعوائل .
الفردية تبدأ من 199 لغاية 299 ( فارنا فقط ) شبابية فقط .
9- مدينة صوفيا - شبيهه بمنطقة اسطنبول التركية - منطقة تاريخية جميلة .
10- منطقة الجبل - للهدوء والراحة وللعلم اهي مدينة يقصدها السواح للتزلحق في الشتاء .
11- العاصمة القديمة - قريبة جدا من حدود تركيا - وهي مدينة تاريخية وتوجد فيها القلعة الملكية القديمة .
12- فارنا او بروجرس منطقة المنتجعات البحرية والرحلات البرية - لمحبين البراشوت-الجت سكي-الموزة-الالعاب البحرية فهي ممتازة جدا - واللي ما يحب البحر او الاختلاط مع الناس (free) في عدة امور للتسالي في المنتجع- الحنطور - السياكل - السيارات الصغيرة .
13- فارنا تبعد عن بروجرس ساعتين بالسيارة
14- المنتجعات اللي فارنا هي - قسطنطين - جولدن ساند- البينا .
15- المنتجع اللي في بروجرس - سني بيتش - وهو اكبر منتجع في بلغاريا - مساحة المنتجع 6 كيلو .
-----------------
هذي بعض المعلومات عن بلغاريا - ويمكنكم الاستفادة من مواضيع REMOO .
تحياتي للجميع

وااااااااوا اخ بي جود صراحه كفيت وفيت ومشكووووور وايد على المداخله الحلوه شكلك رايحلها اكثر من مره وشكرا واهلا فيك مره ثانيه








المشاركة الأصلية كتبت بواسطة Be_good
http://www.arabtravelersforum.com/tr...2/#post2222092

تحياتي للجميع
ضيف جديد واتمنى بان لا اكون ثقـــــــــــــــيل عليكم
REMOO
حمدلله على السلامة وانشاء الله استانستي بلغاريا خصوصا ريوق الفلافل والحمص .
معلومات عامة لمن يود السفر الى بلغاريا:
1- بلغاريا شبيه بتركيا - وهي ارخص من تركيا بكثير .
2- الجو معتدل بالصيف بمعني لا تحتاج الى ملابس شتوية .
3- العملة ليفة - 100 يورو = 195 ليفة - 100 دولار = 125 ليفة ( صرف اليورو افضل لانه ثابت ) الليفة = 205 فلس-كويتي
4- بلغاريا دخلت الاتحاد الاوربي ولقد تطورت عن السابق - لا وجود للعصابات (المافية) ولكن الى الان لم تدخل في فيزا الشينغن - احتمال في 2010 تكون تابعة للشينغن و 2011 سوف يتم تبديل العملة الى اليورو .
5- توجد خدمة الانترنت بالغرف واللوبي مجانا باغلبية الفنادق .
6- الفنادق رخيصة - الاكل رخيص - المواصلات رخيصة مقارنة مع الدول الاوربية ( مثال تذكرة صعود التفريك 10 ليفة - بينما في كابرون 24 يورو ) .
7- الوكيل الحصري بالكويت سفريات الدبوس (اول رحلة بدأت 13-6 وآخر رحلة 22-8 ) بعدها سوف تتوقف الرحلات .
8- سفريات الدبوس لديها رحلات جماعية ورحلات فردية:
الجماعية سعرها في شهر 6 -399 وشهر 7و8 475دينار كويتي ( صوفيا - الجبل - العاصمة القديمة - فارنا ) تصلح للعوائل .
الفردية تبدأ من 199 لغاية 299 ( فارنا فقط ) شبابية فقط .
9- مدينة صوفيا - شبيهه بمنطقة اسطنبول التركية - منطقة تاريخية جميلة .
10- منطقة الجبل - للهدوء والراحة وللعلم اهي مدينة يقصدها السواح للتزلحق في الشتاء .
11- العاصمة القديمة - قريبة جدا من حدود تركيا - وهي مدينة تاريخية وتوجد فيها القلعة الملكية القديمة .
12- فارنا او بروجرس منطقة المنتجعات البحرية والرحلات البرية - لمحبين البراشوت-الجت سكي-الموزة-الالعاب البحرية فهي ممتازة جدا - واللي ما يحب البحر او الاختلاط مع الناس (free) في عدة امور للتسالي في المنتجع- الحنطور - السياكل - السيارات الصغيرة .
13- فارنا تبعد عن بروجرس ساعتين بالسيارة
14- المنتجعات اللي فارنا هي - قسطنطين - جولدن ساند- البينا .
15- المنتجع اللي في بروجرس - سني بيتش - وهو اكبر منتجع في بلغاريا - مساحة المنتجع 6 كيلو .
-----------------
هذي بعض المعلومات عن بلغاريا - ويمكنكم الاستفادة من مواضيع REMOO .
تحياتي للجميع

المشاركة الأصلية كتبت بواسطة remoo
http://www.arabtravelersforum.com/tr...3/#post2226823

وااااااااوا اخ بي جود صراحه كفيت وفيت ومشكووووور وايد على المداخله الحلوه شكلك رايحلها اكثر من مره وشكرا واهلا فيك مره ثانيه




-----------------------
حياك اللـــه يا remoo
حاضرين ولك والاخوة والاخوات اللي حابين اي معلومة سياحية عن بلغاريا .
:113::24:

استفسار اخي بي قود

فارنا رخيصه

يعني جم اخذ معاي من غير التذكره والسكن مابيك تقول انت وصرفك

مع العلم اني بسكن بالقولدن ساند

واذا عندك برامج رحلات يكون افضل

المشاركة الأصلية كتبت بواسطة عجيبه
http://www.arabtravelersforum.com/tr...0/#post2230800

استفسار اخي بي قود

فارنا رخيصه

يعني جم اخذ معاي من غير التذكره والسكن مابيك تقول انت وصرفك

مع العلم اني بسكن بالقولدن ساند

واذا عندك برامج رحلات يكون افضل



--------------------------------------------------------------------

اهلا بالاخت- عجيبـــــة
دائما بالسفر ينقسم المصروف الى 3 اقسام
1-المصروف اليومي - الاكل والقهاوي والشغلات الخفيفة معدل الشخص الكبير 50 ليفة .
2- الرحلات - معدل الرحلة الواحدة 60 ليفة .
3- التسوق - طبعا يا اخت عجيبة - مثل ما يقولون انتي ومدت إيدك الكريمة - طبعا الزوج اهو اللي يدفع .
----------------------------------------
الرحلات:
1-رحلة الجيب الروسي - معدل السعر ما بين 60 الى 70 ليفة - حسب الشركات .
2- رحلة الجبل الفلكلور البلغاري مع العشاء (العشاء محسوب حتى لو لم تاكلي ) 60 ليفة .
3- رحلة الى الجزيرة (من الجولدن ساند الى الجزيرة ساعتين ) اللي بجانب سني بيش بالباص السياحي 10 ليفة .
4- الالعاب والدولفين حسب تذكرة الدخول .
-----------------------------------------------------
نصيحة:
استخدمي المواصلات العامة للتنقل من الجولدن ساند الى منتجع القسطنطين والى وسط فارنا فهي ارخص بكثير من التكاسي .
وانتبهي من الحرامية بالباصات لان ايدهم خفيفة - يعني لا تاخذين فلوس وايد معاك بالطلعات .
-----------------------------------------
انشاء الله تفيدك هالمعلومات واذا في شي آخر حاضرين .
:24:

السلام عليكم ..

يرجى العلم للجميع بأنه يمنع طلب أو إضافة الإيميلات الشخصية أو أرقام الهواتف

المشاركة الأصلية كتبت بواسطة عجيبه
http://www.arabtravelersforum.com/tr...0/#post2230800

استفسار اخي بي قود

فارنا رخيصه

يعني جم اخذ معاي من غير التذكره والسكن مابيك تقول انت وصرفك

مع العلم اني بسكن بالقولدن ساند

واذا عندك برامج رحلات يكون افضل



نصيحه اذا تقدرين تغيرين رحلتك لغير بلغاريا فالحقي عمرك

ممله جدا , يكرهون العرب موت , حتى اللي يوزعون الدعايات وهم وش كثرهم اذا شافوك عربي او عربيه مايعطونك ويصدون عنك
كل اللي شفتهم كانوا مالين ونادمين على جيتهم وبعضهم اختصر رحلته
تعاملهم سئ
فندق شبكا بعيد عن الشاطيء والشارع اللي عليه مزدحم بالماره لانه مليان اكشاك ويودي للبحر والفندق عادي

والله خساره ان الواحد يضيع اجازته السنويه بها الديره, وكل اللي راحو هذا رايهم بعضهم يقول العكس من باب التخفيف على نفسه
انا اقول هالشي وانا راعية خبره بالسفر لكثرة سفرياتي

وكلن عقله براسه

والله خساره ان الواحد يضيع اجازته السنويه بها الديره, وكل اللي راحو هذا رايهم بعضهم يقول العكس من باب التخفيف على نفسه
انا اقول هالشي وانا راعية خبره بالسفر لكثرة سفرياتي



على اي خطوط سافرتي من السعودية والفيزا من وين ؟

وش البلد اللي تقترحينها دام بلغاريا ماعجبتك ؟

المشاركة الأصلية كتبت بواسطة سفرياتي
http://www.arabtravelersforum.com/tr...9/#post2236039

على اي خطوط سافرتي من السعودية والفيزا من وين ؟

وش البلد اللي تقترحينها دام بلغاريا ماعجبتك ؟



شوف وانا اختك فعلا هي مااعجبتني بس مو انا لوحدي
كل اللي نشوفهم انا وزوجي كانوا مالين ومتضايقين من هالبلد , والله ان فيه كثير كانو حاجزين لاسبوعين وردوا بعد اسبوع وبعضهم حاول ومالقى حجز

واتحدى ان واحد راح ويقول انه انبسط في هالديره تدري ليش
لانه نصف الرحله لاي بلد في العالم انك تلقى تعامل زين ومريح للسايح في هالحاله يبقى النصف الثاني وهذي تعتمد على كل واحد وبرنامجه
لكن في هالبلد مافيه تعامل جيد مع السايح العربي بل انه غير مرغوب فيه ويتعاملون معه بجفاف وهالكلام للجميع, ياعزيزي والله تروح وتجي ماتبسم واحد بوجهك
انت رايح اجازه تبي خدمه وتعامل زين وامورك تحل وطلباتك يهتم لها لكن بها البلد ماتشوف من هالشي ابد

حتى اللي رايح بس حق استرخاء ينكدون عليه جلسته

اقولك شي ثاني, اكثر الخليجين اللي يروحون من اخوانا الكويتين , تصدق ان اكثرهم صارت تسليته انه ينزل اللب توب في اللبي ويشتغل على الكمبيوتر بالساعات من الطفش والا الحريم يجتمعون باللبي وخذ سوالف طول اليوم

في المنتجعات كلها شارع خمس كيلو تمشيه اليوم وتزهق منه بكره بسبب عدم الاهتمام للسائح العربي الغير مرغوب فيه
تصدق يمشي العربي او العربيه بالشارع مزدحم وفيه وش كثرهم اللي يوزعون الدعايات للعروض والمطاعم ويوزعون على كل اللي يمرون وينشبون فيهم واذا جاء العربي او العربيه صدوا عنه
مثل لما تزور واحد وييحسسك انك غير مرغوب فيك وكانه يقول هذا وش جابه بالله وش رايح يكون شعورك.

مع العلم ان ساكنه بفندق خمس نجوم ومن افضل الفنادق وروحتي بس للاسترخاء لكن من اللي شفته ومن احتكاكنا ببعض العوايل والشباب نقلت لك الصوره...

وخذها مني اكثر اللي يروحون لها علشان جوها ودوله اوروبيه وينضم لها المكتب عندهم بسعر رخيص مقارنة بالدول الاوربيه الثانيه واكثرهم يروحون بطريقة الرحلات الجماعيه ارخص .. لها السبب بس يروحون لها ولو مافيه هالشي والله ماحد يروحلها منهم وعشان تتاكد اكثر اللي يرحون لها يبغون يسافرون مثل الناس وميزانيتهم ماتكفي الا لمثل هالبلد,, لكنهم اذا راحو زهقوا منها واغلبهم مايقول,,
يعني اخواتي الكويتيات لما يكلمون ربعهم بالكويت يقولون والله زينه وانبسطنا واجلس معهم لاني من السعوديه ويقولون والله ديره ماتنفع وزهق وممله

تحياتي للجميع
بداية انا سافرت الى بلغاريا صيف 2006 وصيف هالسنة 2008
ولله الحمد استانست وايد بالسفرتين واجد في كلام الاخت نوع من المبالغة في وصف السياحة او الشعب البلغاري سوف اذكر بعض الملاحظات وهذي من مشاهداتي هناك:

اولا بلغاريا بلد متحرر من الشيوعية وانضمت الان الى الاتحاد الاوربي وللعلم البلد التي تدخل الاتحاد الاوربي لابد من شروط توافرها حتى تدخل على سبيل المثال - الامن - الديمقراطية - الاقتصاد وغيرها .
بلغاريا في السابق كانت العملة (الليفة لا تساوي شيئا - في السابق 1دولار واحد يساوي 1000 ليفة - الان 100 دولار يساوي 125 ليفة ) .
ثانيا بلغاريا لسيت فارنا فقط انما هناك صوفيا - الجبل - العاصمة القديمة - فهذه بعض المناطق التي زرناها وهي جميلة جدا وهادئة .
ثالثا ما اعتقد اننا تهاوشنا يوم من الايام مع احد اصحاب التكاسي لان هناك عداد والسعر ثابت وهذي مهمة جدا للسائح .
رابعا ولا اريد ان اطيل عليكم اعتقد هي اهم شي:
سفريات الدبوس لديه نوعين من الرحلات - رحلات جماعية ورحلات فردية
وسبق ان ذكرنا هذا الشي يا جماعة الخير
منتجعات فارنا ( قسطنطين - جولدن ساند - البينا - سني بيش ) لا تصلح للعائلات المحافظة
فاذا كنتي متحجبة او لابسة نقاب
فهل تعتقدين بان اصحاب المطاعم او غيرها في المنتجعات بان يعطوك بروشور او دعوة
( مطعم يبيع المشروبات ولحم الخنزير - باربكيو خنزير - ) وانتي متحجبة او لابسة نقاب كيف يعطيك الكرت أو يتكلم معاك .
ذهبنا الى جزيرة نيسابور بجانب سني بيش واغلب المطاعم هناك اكلات بحرية - والله بدون مبالغة الكل كان يتمنى بان ندخل المعطم لنأكل عنده - كانوا يرحبون بنا .
-----------------------------------------------------
وتبقى في النهاية بان الناس اذواق واصابع اليد مو مثل بعض .
-----------------------------------------------------

الاخ العزيز سفرياتي
بخصوص استفساراتك
سفريات الدبوس هي التي تقوم باستخراج الفيزا واعتقد بان الوقت الان متأخر لان جميع الرحلات اغلقت ز
فإنشاء الله صيف 2009 جهز حالك - فقط يحتاجون صورتين والجواز .
======================================

يعطيك العفافيه

بي قود

منتجع سني بيج
شلونه وناسه اهناك

وياليت احد يفيدنا بالفنادق

الموجوده هناك مع الاسعار

وتصنيف الفندق النظافه - الموقع - السيرفر

المشاركة الأصلية كتبت بواسطة عجيبه
http://www.arabtravelersforum.com/tr...2/#post2243842

يعطيك العفافيه

بي قود

منتجع سني بيج
شلونه وناسه اهناك

وياليت احد يفيدنا بالفنادق

الموجوده هناك مع الاسعار

وتصنيف الفندق النظافه - الموقع - السيرفر



----------------------------------------------------
يا اهلا وسهلا بالجميع
منتجع السني بيش حلو وايد والشي الزين فيه بانه شغال 24 ساعة وما يضيق خلقك فيه .
فيه جزيرة صغيرة وايد حلوة وهادئة .
ولكن يبعد عن منطقة ومطار فارنا ساعتين .( احسب حسابك عند العودة للمطار )
للعلم يوجد بالمنتجع حوالي 200 فندق
انا سكنت في فندق http://www.hotelplaneta.com/main/index.html
الفندق حلو ومصنف 5 نجوم ولكن الصراحة الروم سيرفس عندهم ضعيف مو جيد .
وموقع الفندق في وسط المنتجع .
توجد هناك الكثير من الشقق للايجار .
ادخل على هالمواقع واختار وشوف
Barcelo Royal Beach Hotel Burgas
هذا اغلى فندق موجود بالمنتجع وليلته حوالي 222 دولار
http://www.bulgariancoast.com/
اي شي تحتاجة موجود بهالعنوان .
-------------------------------------
تحياتي:24:

والله اخت وناااااااااااااااااااااااااسه لان 24 ساعه كل شي مفتوح بس ها اجواءغربيه انت فاهمه انا صراحه كنت اتمشى واطالع في امان وايد حلوه هاديه وقعدات على البحر وفي اماكن وصخه وبنات ورقص لووووووووويه حدا





المشاركة الأصلية كتبت بواسطة عجيبه
http://www.arabtravelersforum.com/tr...2/#post2243842

يعطيك العفافيه


بي قود

منتجع سني بيج
شلونه وناسه اهناك

وياليت احد يفيدنا بالفنادق

الموجوده هناك مع الاسعار

وتصنيف الفندق النظافه - الموقع - السيرفر

اخ بي قود شكك كنت معانا بقروبنا ا





المشاركة الأصلية كتبت بواسطة Be_good
http://www.arabtravelersforum.com/tr...7/#post2244507

----------------------------------------------------
يا اهلا وسهلا بالجميع
منتجع السني بيش حلو وايد والشي الزين فيه بانه شغال 24 ساعة وما يضيق خلقك فيه .
فيه جزيرة صغيرة وايد حلوة وهادئة .
ولكن يبعد عن منطقة ومطار فارنا ساعتين .( احسب حسابك عند العودة للمطار )
للعلم يوجد بالمنتجع حوالي 200 فندق
انا سكنت في فندق http://www.hotelplaneta.com/main/index.html
الفندق حلو ومصنف 5 نجوم ولكن الصراحة الروم سيرفس عندهم ضعيف مو جيد .
وموقع الفندق في وسط المنتجع .
توجد هناك الكثير من الشقق للايجار .
ادخل على هالمواقع واختار وشوف
Barcelo Royal Beach Hotel Burgas
هذا اغلى فندق موجود بالمنتجع وليلته حوالي 222 دولار
http://www.bulgariancoast.com/
اي شي تحتاجة موجود بهالعنوان .
-------------------------------------
تحياتي:24:

ممكن سؤال Remmo من أي ناحيه تقصد في صوفيا مولين هل القصد منها عصابات أو ما تصلح للمحافضين وشكرا

هلا اخوي هادي انت الظاهر فهمتني غلط انا قصدي مولين يعني مجمعين تجاريين وقتلك الصراحه هل المنطقه ما عجبتني من ناحيه التطور متاخره شوي عن عواصم اوربا الثانيه بس اما عصابات مادري انا ماشفت شي منهم بس للامانه كانت مرشدتنا تحذر ان في سرقات فا ديربالك لاتاخذ فلوس وايد معاك بل الطلعات وموفق انشاله





المشاركة الأصلية كتبت بواسطة hhadi
http://www.arabtravelersforum.com/tr...4/#post2249734

ممكن سؤال Remmo من أي ناحيه تقصد في صوفيا مولين هل القصد منها عصابات أو ما تصلح للمحافضين وشكرا

حبيبتي ريمووو
والله وانا اختك اني احب الكويتيات وايد وايد , واني ارتاحلهم اذا لقيتهم لانهم والله حبوبين ويدخلون مع الوحده بسرعه ماعندهم حساسيه ,

ولعلمك والله ان احسن مافي رحلتي اني تعرفت عليهم وقبل يومين جايه وحده منهم لنا بالرياض مع زوجها , والباقي بيني وبينهم اتصالات من رجعت وانت بعد وعايلتك لو بغيتي تجين للرياض فشرفيني ومحلك عيوني, فلا تفهميني غلط

تسلمين يا الغاليه وماصر شي كلنا اخوان صراحه كلج ذوق تسلمين





المشاركة الأصلية كتبت بواسطة (بنت الرياض)
http://www.arabtravelersforum.com/tr...4/#post2254604

حبيبتي ريمووو
والله وانا اختك اني احب الكويتيات وايد وايد , واني ارتاحلهم اذا لقيتهم لانهم والله حبوبين ويدخلون مع الوحده بسرعه ماعندهم حساسيه ,

ولعلمك والله ان احسن مافي رحلتي اني تعرفت عليهم وقبل يومين جايه وحده منهم لنا بالرياض مع زوجها , والباقي بيني وبينهم اتصالات من رجعت وانت بعد وعايلتك لو بغيتي تجين للرياض فشرفيني ومحلك عيوني, فلا تفهميني غلط

السلام عليكم
انا صراحتا مهتم بفارنا حيل وماعمري زرتها انا اخطط اني اروح لها هالصيف بس الكلام الي اقراه منكم اظاهر تغير الحين
اولاً سألت واجد بخصوص رحلة الى فارنا قالوا لي خلاص ماكو فارنا بس في مدينة جنبها تسافر لها وتقدر تروح لفارنا اسمها بورجاس!!!
ثانياً الاسعار الي قريتها عندكم مو نفسها يعني تذكره لبورجاس من سفريات الدبوس حق صيف 2009 شهر سبعه 235 دينار
انا ما اعرف الاسعار بس حبيت واحد يفيدني شلون اروح لفارنا دايركت مابي بورجاس؟
اتمنى احد يرد علي ولو مساعده بسيطة للعلم انا بروح شهر سبعه وابي فارنا
والتذاكر الي عند سفريات الدبوس تكون مضاعفات الاسبوع يعني يا تقعد اسبوع او اسبوعين ماكو اقل انا ابي عشر ايام
انا افكر اطير لأسطنبول وبعدها اخذ باص لفارنا بس هل فكره زينه ؟؟
وشاكر لكم