الموضوع: تقرير مفصل سفرتي الى بلغاريا فارنا

:smile127:

ان شاء الله بسافر الى فارنا ورحلتي كالتالي بالتفصيل من الاول/

1 - بالنسبه للفيزا // حصلت عليها من السفاره البلغاريه بالكويتيه قمت بالاتصال عليهم وجهزت متطلباتهم كالتالي/ خطاب دعوه من بلغاريا او حجز فنادق - صورتين ملونه 4*6 - تامين صحي - واهم الشي الدراهم عندهم نظامين تبيها تخلص بأسبوع قيمتها 24 دينار كويتي او ب 3 ايام ب 48 دينار كويتي . المهم قالو لي مانتعامل الا مع شركات معينه اذا تبي ترسلها بالبريد السريع (يعني مو لازم تحضر شخصيا) وهي شركة: DHL, ARAMEX, TNT . المهم رحت الى DHL وخذو مني ضربه ارسال ورجعه ب 700 ريال وحق الفيزه 48 دينار كويتي . عليك الحساب...... المهم سلمتها ل DHL يوم الثلاثاء الساعه 5 العصر مادريت الا بعد بكره يوم الخميس داقين علي الظهر يقولون وصل جوازك تعال استلمه....ماتوقعت كنت مأمل على السبت.

وهذا ايميل السفاره يوم رسالتهم وهذي رسالتهم:

Dear Sir,

The address of the Bulgarian Embassy in Kuwait is:

Jabriya
Block 11, Street 1, House 272
Kuwait

Please send us the documents with a visa pack return service with either DHL, ARAMEX, TNT, or any other company that offers the service. FEDEX does not offer this service for sure.

Best Regards,

الايميل هذا في عنوانهم بالكويت وايميلهم / mailto:[email protected]

ورقم تلفون السفاره البلغاريه بالكويت / 009655314458


خلصنا من السفاره ودوشتها ولله الحمد

-----------------------------

2- بالنسبه للإعداد وتجهيزات الرحله // طبعا كأي شاب رحت لشارع العليا ورحت الى كم محل وشريت بدل بصراحه حلوه وخاصه الحين وقت تخفيضات اسعار حلوه الحمدلله

طبعا لازم الحين أجهز طيارتي الخاصه عشان أسافر وحجوزات وقروشه

هذي كلها خليتها ع جنب وسلكت طريق أخر (لازم جرب أنا -على قولة الهندي) قلت الباص مالك الا بالباص

طبعا لمعلوماتكم الباصات الي تغادر من الرياض الى انطاكيا مكانها مكان مكاتبهم يعني ماهي موجوده بمركز النقل العام الي ع طريق الدائري الجنوبي هي تكون في البطحاء
اما الباصات والشركات الي تروح حلب تحصلونها بمركز النقل العام اما الي انطاكيا لحالها مسكينه في البطحاء

وصف(كيف اذهب الى مكاتب الباصات التركيه بالبطحاء؟؟؟) اقولك// تمسك طريق البطحاء وانت باتجاه الشمال (لاتقول بعد مااعرف طريق البطحاء عشان أخمك بوقس) اذا ماتعرفه أسأل اي بنغالي بالشارع يعلمك (ههههههههه) المهم اتجاهك شمال جاي من الدائري الجنوبي جتك اول أشاره روح سيده حتى يجيك كباري تطلع فوقها وتنزل (زي حقات الشميسي--اختراع) المهم يجيك كبري المشاة الاول وتمشي سيده وترقى كبري ثاني وتنزل ويجيك كبري المشاه الثانيه المهم بعدها لاتقوم تطالع الي حولك خل عينك يسار بتشوف بنك سامبا (سبيد كاش ) والطازج بيصير على يسارك بعدها وانت تمشي بيجيك اشاره (الي هي ثاني اشاره) من الاشاره هذي سوي U-TURN يعني ارجع (ديور) وبيصر اتجاهك جنوب وبيصير الطازج وسامبا على يمينك بعد سامبا على طول او عنده تقريبا بتشوف كبري الشماه فوق راسك وسيارتك (هههه) بعد كبري المشاه على طول اول لفه او نافذ يمين ادخل يمين وثم بيوديك الطريق يسار اجباري بعدها اذا خذك الطريق يسار على طول خذ نفس اول وعد من 1 الى 3 ووقف تلقى مكاتبهم على يمينك ويسارك هناك تحصلهم . فيه مكتب GUNINE , NUR ومكاتب اخرى حول خمسه هذا الي حافظه منهم .


المهم انا خططت بروح على GUNINE تبع شركة الزامل قلت لهم ابي اسطنبول دايركت ماابي انطاكيا قالو الباص حقنا يروح انطاكيا ويضبطك السواق مع باص تطلع معه الى استطنبول قلت كم قالو من هنا الى اسطنبول ب 450 ريال

المهم حجزنا ان شاء الله الأقلاع يوم الثلاثاء 18 /8/ 2008 بكره ان شاء الله .الباص انطلاقته من مدرج النقل العام الساعه 5 عصرا يعني اكون متواجد الساعه 4 او 4.30 عشان أخذ البوردنج (هههههههه)

المهم سألت كيف الرحله قالو كالتالي/ ان شاء الله نحرك 5 العصر الثلاثاء نوصل انطاكيا من بكره الاربعاء بين 12 و 2 بالليل ونمسي هناك لان مافيه باصات تحرك الا بكره صباح الخميس (انا عاد قلت ليش أمسي أبخذ تكسي وأتمشى وأخلي عفشي عند مكاتب النقل لاحقين ع النوم قدمانا رحلة اسطنبول-هذا الي ناويه ان شاء الله) المهم يقولون يحرك الباص ماقالو الوقت الى حد اليوم مدري المهم الرحله تقريبا 16 ساعه من انطاكيا الى استطنبول

وبعدها بأخذ باص ان شاء الله من استطنبول الى فارنا تقريبا 4 الى6 ساعات

يعني ان شاء الله يوم الجمعه بالكثير وانا في فارنا .


والباقي بعدين اذا وصلت هناك ان شاء الله كملت لكم تحت هذا الشخط باسم 3-
----------------------------------------------------------
------------------------------------------------------------
-------------------------------------------------------
------------------------------------------------

:surfing:
:sofa:

مواضيع عشوائيه ممكن تكون تعجبك اخترناها لك:

• تغيير في الخطة من نيوزيلندا الى اوروبا مساعدة
• السفر قـــرب ومساعدتكم مطلــــب
• انا وجورجيا من فضلكم مساعدة
• حابه اسوي سبرايز للغالي باباتي ارجوا المساعده
• هنا تجد المعلومات عن السياحه والمنتجعات الطبيه في اوكرانيا
• عاجل وهام فزعتكم لا حرمكم الله الاجر
• ممكن طلب خدمه ؟
• فيديو كليب أصوات المدينة القديمة
• رحلت الى رومانيا
• اجيبوا تلطفًا
• هنا هولندا عاصمة الطواحين والزهور
• سيارة مع سائق في بلجيكا
• اماكن ترفيهية في التشيك
• مساعدة عاجلة عن السفر لجورجيا ام روسيا
• استفسارات عن هنغارييا المجر
• نريد الخبراء في التشيك
• استفسار عن السفر الى اوكرانيا
• ساعدووووووني في رحله شهر العسل ؟؟؟
• من بروكسل الى ديزني لاند
• ممكن مساعدة من خبراء المصحات بالتشيك

أخي The chemist

أتمنى لك رحلة موفقة وسعيدة إن شاء الله ..

وأيضا ..


أتمنى منك تقرير مفصل مدعم بالصور عن مدينة فارنا .. :24:

وبالسلامة يارب ..

ان شاء الله

شكرا لكي

وابشري بالتقرير الي يبيض الوجه والقلب والنفس بعد

رحلة الى بلغاريا بالباص اكيد راح تكون متعبة الله يعينك ويسهل طريقك.......
بأنتظار اخر اخبارك

سبحان الله نفس الشي لازلت أعد حق الفيزا راسلت السفارة البلغارية في الكويت وأعطوني الطلبات للفيزا وهي كالتالي:

1. The original passport - its validity (for EXPATRIATES – and the validity of the residence) should be not less then 6 months;
2. One photocopy of the passport, including pages with valid European, USA or Canadian visas if available;
3. A copy of the return air-way ticket;4. Original voucher for stay at Bulgarian hotel and photocopy of it. The duration of the stay equals that of the visa;
5. Statement from your personal bank account for the last month;
6. Two RECENT personal COLOUR photos – with size approximately 4 x 6 cm;
7. Application form for each person (filled carefully in English and signed properly);
8. International Medical insurance covering the travel period;
9. Letter from the company / institution that the applicant works for

كل شي تمام بس الي أشكل علي تذكرة الطيران طيب يعني الي بيروح بالباص وش يسوي؟
الشي الثاني الطلب رقم تسعة إلي ماهو موظف لكنه طالب ينفع التعريف الجامعي حتى لو هو بالعربي.

وتروح وترجع بالسلامة
وتحيتي لك,

انا اكلمك الحين من بلغاريا

ابشركم الحمدلله وصلت ونا حاليا بفارنا بالفندق وكل شي تمام

والتكمله للتقرير لما ارجع ان شاء الله

بالنسبه لاستفسارك اخوي انا عندي خطاب دعوه اي innvatation letter
وكلمت السفاره وارسلت الدعوه وبدون تذاكر وبدون حجز فنادق طلعوها لي

فيه مكتب الدبوس بالكويت يطلعها لك برضوه بس يمكن يبيك تاخذ من عنده التذاكر والفنادف
قل له ماعندي مشكله أباخذ من عندك الفنادف

وشيك على الفنادف على الانترنت كم سعرها وكم هو السعر الي يعرضه عليك الدبوس

لمفروض انه يطلع أرخص
هذا رقمه:

009652416467
009652416474

وهذا موقعه الالكتروني http://www.ghd.jeeran.com/

عنده برامج وعروض لفارنا
أذكر كلمته مره قالي بينزل لهم دعايه وعروض مسوينه الى فارنا بجريدة عكاظ ولاشفتا نسيت

بالسلامة ورحلة جميلة وسعيدة
ولاتنسانا من التقرير المبدع المدعم بالصور

حمدلله على السلامة ..

وكل عام وأنتم بخير ..

الحمد لله على السلامه

الحمدلله على السلامة
وننتظر تقريرك على أحر من الجمر,

شكرا لكم جميعا

وحقكم علي وانا اسف جدا جدا ع التأخير

بسبب ظروف العمار والمقاول ورمضان كنت مشغول جدا وابشركم صبينا السقف العلوي وان شاء الله قربنا نتهي

وبما ان بكره الخميس ان شاء الله اضيف كل شي
ووقت كتابتي الان ودي اضيف التقرير لكن انا خارج البيت ولامعي الاوراق الي مسجل فيها الرحله والتفاصيل

بس بكره ان شاء الله

واسف جدا

وشاكر لكم ومقدر

أخي The chemist

الحمدلله على السلامه
تجربه رائعه الذهاب من الرياض الى فارنا بالباص ونادره ما نراها هنا من ضمن رحلات الاعضاء :24:
عاد رايح بالباااص. لازم تعطينا وش فيها فاااااااااارنا نبي علوم كل داعوس وزاروق فيها :109:
وبعدين ابي انطباعك عن البلد اقصد بلغاريا ككل من الشعب ومعاملتهم وايضا لا ننسى البوليس
يعني حلوه للشباب وكيف اسعار الشقق هناك ويوفرون خادمه ولا شغل فنادق تقول في زنزانه
او فيه فلل ومجمعات حلوه. ونبي سواليف وعلوم الديره رخيصه غاليه الاكل الشرب فرندلي الشعب
ولا تنسانا من الصور او لقطات الفيديو..........الشهر عليك مبارك وكل عام وانت بخير








تحياتي

ياخي ما شاء الله عليك

صراحة لا أتحمل هذا التعب في باص كل هالمسافة

الله يعطيك الصحة مع التحية

عبدالوهاب

شكرا لكم ولردودكم

واعذروني التقرير لسى ااكتمل بس عندي روحه الشرقيه شغل وبجي ان شاء الله يوم الاحد يومين وجاي

وباقي ارقام بزودكم فيها ومعلومات اكثر بس ياليت تصبرون علي شو ي بس

ياليت المشرف يدمج موضوع خط الذهاب مع اول تعليق يعني مع كتابة الموضوع الاصلي عشان يسهل ع الواحد يحصل المعلومات المهمه في موضوع واحد ماتصير مبعثره بالردود ماعرفت اسويها فيه طريقه والا لا؟؟

وشكرا لكم جميعا

جميييييييييييييييييييل

The chemist

سلامة الاسفار

يعطيك العافيه

بالنسبه لبلغاريا /

تبعد فارنا عن الحدود تقريبا 250 كم

اول ماتدخل يجيك مدينه اسمها بورقاس Burgas

هذه المدينه بينها وبين فارنا بس كبري

لان برقاس هي الي فيها الميناء والمنطقه الصناعيه زي مانقول ومنطقة صناعة النفط وزي كذا

بعدها فارنا المدينه حلوووه وجميله شعبها طيب يتحدث الكثير منهم اللغه الانجليزيه

مطاعهم كثيره ورائعه جدا لو اقول ماتصدقووون اكلهم اطعم وألذ من أفخم مطعم بالرياض (بكيفكم بتصدقون والا براحتكم ههههههههه) أكل عربي موجود بتاكل مالذ وطاب


بالنسبه لسعر الصرف 100 دولار = 125 ليفه (عملتهم اسمها ليفه بتشديد الفاء)

يعطيك العافيه والحمدالله على سلامتك سفرتك هذه مغامره فعلا

بالنسبه للرجعه /

من فارنا الى اسطنبووول نفس الشركه السابقه

ومن اسطنبول الى انطاكيا نفس الشركه السابقه

ومن انطاكيا الى الرياض حصلت على شركة pan والمهم الاحداث الي صارت في خط الرجعه والمهمه قبل مايجي الباص كان وقته المفروض يجي الساعه 1 ظهرا كنت اسولف انا واحد من الي يعملون في الشركه وكان يمدح في باصهم ويقول هذي أحسن شركه عندكم بالسعوديه المهم جاء بخاطري انه العكس وعرفت وكنت متوقع الشي هذا المهم جت الساعه 1 ماجاء الباص الا الساعه 1.30 تأخر نصف ساعه ( لانى هذا الا في السعوديه اما تركيا ابن امهم يتأخرون)
وركبنا الباص كان عددنا فقط 5 أشخاص منهم 3 اتراك و2 سعوديون و 2 الشوفيريه (السواقين) يعني بهم نصير 7
المهم ركبنا واذا المكيف مايشتغل قلنا والله حاله المهم قالو بنروح الصناعيه قريبه ويركبون سير وبتضبط الامور رحنا واحنا مغلوبين على امرنا (لان الباص بيروح السعوديه وماعندك احد لاوزاره ولاغيره سيبه الدعوى مثل ماحنا عارفين لاجديد) والباص قديم موديل 98 المهم رحنا الورشه وتأخرنا ساعه كامله يصلحون فيه المهم بعدها الامور تمام وحركنا الرياض الحمدلله والمكيف صار تمام.

المهم وعندما دخلنا الحدود السعوديه صار معنا مشكله وهي ان زيت الدنفرس صار ينقص ويطلع للسياره صوت وصرنا كل 100 كيلو نوقف عند ورشه يعبون ويزيدون زيت الدنفرس الناقص يعني تاخذ وقت من 15 الى 30 دقيقه
والحمدلله ماصدقنا نوصل الرياض بالسلامه

وكان هناك ملاحظات راعي الباص يسرع ولاعليه من احد لانظام ولاوزاره ولاحكومه يعني (طز)

وحسبي الله ونعم الوكيل


فأنت بالسعوديه لاتتعجب

:112: ترك ملخبط العوده مع الدهاب اخوي ركز موضوعك من البدايه كان خلوووو ياخبيبي ولكن ضاعة الطاسه مع الباصات:110:

أخوي الله يرضى عليك ...وين الرحله ...باااصااات روحه وجيّه..
أنت رحت و رجعت فقط ؟؟ أو أقمت في فارنا كم يوم ..؟؟؟
نبي التقرير المفصل عن البلد ألي أنت رايح لها ..والله أن الباااصاات و هالسواااقين لحسوا مخك الله لايوفقهم ...
لو ما فيه تقرير مو مشكله المهم أنك رجعت لنا سااالم ..
الحمدلله على سلامتك يا حبيبي من رحلة العنى و التعب ...

اخوي سجلني من متابعين لتقريرك الرائع ولك تحياتي

ما اقول غير يعطيك الف عافيه على هذا التقرير الي اكثر من رائع
حيث ضم .
1- اسماء المناطق اللي زرتها
2- الفنادق والتي تنصح فيها
3- الاماكن السياحية
4- ايجابيات رحلتك وسلبياتها ( غير الباصات طبعاً )
5- ووووو


ملاحظة : يا اخي لما شفت وضع الباصات ما يسر جان راجع بطيران مو احسن لك من تعذيب نفسك في الحياه


ارجو تقبل تحياتي

عندي فكره زيارة بلغاري بس متردد