الموضوع: بلجيكا والدول المجاورة

السلام عليكم ورحمة الله وبركاته
مبارك عليكم الشهر مقدما :101:


عدنا من بلجيكا والحمدالله كانت سفرة موفقة


وأحب اشكر كل الي ساعدوني في ترتيب رحلتي واولهم هذا المنتدى الرائع :24:




وراح اكتب تقرير انشاءالله عن اهم الاماكن الي زرتها ببلجيكا والدول المجاوره لها :bounce8:




بسم الله الرحمن الرحيم :



أول شي الطيران طبعا الاتحاد لأن اتوقع اهوا الطيران الوحيد الخليجي الي يودي لبروكسل
سعر التذكرة 285 دينار كويتي وطبعا احنا حاجزين متأخر عشان جذي السعر غالي شوي يعني احسن لو واحد يخطط مبجر ويحجز مبجر ممكن يلقاها 245 دينار
بس الحمدلله :114:





الشيراتون :24::24:

انصح فيه وبشدةةةةةةةةةةةةةةةةةةة

طبعا ليش؟؟؟؟

1- الفندق خمس نجوم وفيه حمام سباحة وهذا الشي نادر في الدول الباردة وطبعا الحمام داخلي بس مو وايد كبير بس يكفي

2- موقع الفندق اكثر من رائعععععععع :24: اول ما تطلع من الفندق درج المترو جنبك واسم المحطة
ROGIER

3-جنب الفندق سوبر ماركت لا بأس فيه .

4-على بعد شارعين مجمع تجاري اسمه سيتي تو وجنبه شارع كله محلات تجارية واخره ساحة الجراند بالاس.

5-محطة Brussels nord واهيا احد المحطات الرئسية ببروكسل تقع على بعد 10 دقائق مشي فقط ويمكن اقل انت وسرعتك عاد :114:

6-سعر الفندق واهوا لا بأس فيه بالنسبة لكونه خمس نجوم وباوروبا
سعر الليلة 46 دينار كويتي بس بدون فطور
سعر الفطور من الفندق تقريبا 10 دينار للكبير والي تحت 8 سنوات سعره 5 اتوقع
بس الفطور مافيه زود
سعر الغرفة مع الفطور 62 بس اشوه ان ما اخذناه لان البوفيه مافي زود والجمعية جنبك تغنيك وحتى السوق الي يمك فيه وايد مطاعم وراح يطلع عليك ارخص خصوصا اذا معاك اطفال ماراح يقومون عشان البوفيه :108:

والفندق فيه خليجيين وعرب يعني أمان


يتبع

مواضيع عشوائيه ممكن تكون تعجبك اخترناها لك:

• سوال مهم لخبراء سلوفاكيا
• هل توجد جبال جليدية في التشيك
• أم المدن الذهبية التشيك
• فندق الماريوت في امستردام مهم جداً
• ايش افضل وارخص طيران من جده الي براغ
• للمعيشه في اليونان كم متوسط الفرد شهريا
• ساعدوني ابي جولة أوربية
• سؤال مهم الى خبراء براغ
• زيارتي العائلية ارمينيا يوليو 2016
• هل يمكن المرور ببلجيكا
• طلب برنامج مقترح لجورجيا
• استفسار عن أوكرانيا
• استفسار عن أطباء المخ والاعصاب في بلجيكا
• بخصوص قبرص ياليت تساعدوني
• استفسار الى من سافر الى روسيا؟؟؟
• استفسار عن الطقس في النمسا وايطاليا وفرنسا
• العربية تنطلق لموسكو وإيكاترينبرغ
• الله يخليكم ساعدوني بسررررررررررررعه
• سؤال عن جورجيا
• مـــعـــــومات فريده من نوعها عن رومانيا

الحمد لله على السلامه ...


و شكراً على المعلومات المهمه

السلام عليكم

أسفة على التأخير بس خذيت وقت على ما عرفت شلون أنزل الصور :114:

بس الحمدالله فهمت :24:


أول شي صور الفندق :

مدخل الفندق





هذا الفندق الي على اليسار والمبني الي على اليمين وايد حلو بليل




ممر الغرف

المنطقة المحيطة بالفندق

مجمع السيتي تو مجمع حلو وصغير واسعاره معقوله وبالسرداب فيه سوبرماركت كارفور :24:





وبجانب السيتي تو شارع كله محلات حلوه واخر الشارع السنتر (الغراند بالاس)


Brussels Nord واول ما تطلعون من الفندق على اليسار محطة

ومن محطة القطار هذي تقدرون تروحون كل المناطق الي داخل بلجيكا واتوقع امستردام كولون بس باريس تروحون لها من محطة ميدي :101:




تقدرون تروحون المحطة مشي واهيا قريبة حيل وهم تقدرون تروحون لها من الترام عن طريق المترو من محطة روجير المحطة اهيا الي بآخر الشارع

الأسواق في بروكسل


السيتي تو والشارع المجاور له

طبعا اذا انتو ساكنين بمكان بعيد عن السنتر فشارع السيتي تو تقدرون توصلون له بالتاكسي او بالمترو بالنزول في محطة روجير

وهذي بعض الصور للشارع :

هذا المحل بأول الشارع واهوا ممكن تدخلونه من السيتي وله باب من بره اسمه INNO والصراحه من احسن المحلات ببروكسل من الجودة والأسعار فيه الغالي وفيه المعقول



وهذي صور للشارع :











ومن الأسواق ايضا شارع Galleries st hubert واهوا موجود بأخر الشارع وبعد الجراند بالاس وجنب الهاقن داز الشارع مافيه زود وصغير بس تكثر فيه محلات الككاو وفيه محل بأخره يبيع شنط حلوه وماركات

وهذي صور الشارع :






والي قريته اهني بالمنتدى ان هذا الشارع اهوا اول سوق مسقف في اوروبا والله اعلم :114:

واذا بتروحون له بالمترو فأقرب محطه له اسمه De brouckere أو Bourse beurse انشاءالله التهجئه عدل بس اهيا بخريطة المترو تحتها واهما على العموم اقرب محطتين للغراند بالاس للأسف هذا الي لاحظته مل عندهم محطة مترو يم الاماكن المهمه دايما لازم تمشي :114: بس الحمدالله الجو يساعد

thxxxxxxxxxxxxxx

المشاركة الأصلية كتبت بواسطة ahlawy_catalony
http://www.arabtravelersforum.com/tr...5/#post2315895

thxxxxxxxxxxxxxx



uwwwwwwwwwwww :101:

وايد حلو شكل السوق ..

عسى تكون لي رحلة لبلجيكا السنة الجاية يارب .. :101:

المشاركة الأصلية كتبت بواسطة redjoory
http://www.arabtravelersforum.com/tr...4/#post2316304

وايد حلو شكل السوق ..

عسى تكون لي رحلة لبلجيكا السنة الجاية يارب .. :101:

مشكوورة على الرد وانشاءاالله تكون لج رحلة لها
وترى سوقهم ما فيه زود انشاءااله راح اقولكم وين السوق الحلو

تابععععع السوووق فيي بلجيكاااااااا


وين تلقون الماركات ببلجيكا؟؟؟؟ !!!!! ماكو وايد الصراحة وما تلقون بوتيكات يعني وكالات لأ تلقون محل كبير يايب من كل ماركة جم شغلة بس يعني !!! يعني نادر ما تلقون الماركات فيه شانيل بس الصراحة شكيت انه يكون وكالة وانا ماحب هلنوعية احس يزيدون بالاسعار حيل مادري :108: المهم تبون الماركات والملابس الراقية تلقونه
بشارع لويزا تقدرون توصلون له بالمترو وتنزلون بمحطة Louzia

وبعد فيه سوق الاوتليت وانا ما انصح فيه وايد لان مو زود بس الي مثلا ما عنده مكان يروحله ومل ممكن يروحله بس الي مثلا رايح الاوتليت في ميلان ترى الي هني ما يطلع نصه
واحنا رحناله بالقطار وما انصح فيه لان لما توصل المحطة يبيلك تاكسي للسوق تقريبا نص ساعة واصلا نادر ما تلقى تاكسي واذا انتو وايد يبيلكم فان وتعال شوف جم ياخذ احنا تقريبا خذا منا 70 يورو روحة و70 رده وايد ما يسوى الصراحة لا واحنا رايحين حده حده يعني لازم تروحون مبجر احسن لكم واتوقع فيه باص يودي من المحطة للسوق بس ما اعرف له :114: .......بس في طريقة اخرى للذهاب وللأسف احنا ما خذيناها والافضل ان تستغلونها الا وهي ان تروحون مع الفندق مثلا بالشيراتون يسوون رحلات للسوق واكيد راح يطلع ارخص عليكم اذا ماني غلطانة الكبير ب14 يورو ورحو مع الفندق اوفر واريح عن البهذله :112: واتوقع بكل الفنادق سألو الكونسيرج ويقول لكم

اسم السوق Maasmechelen village وهذا موقعهم http://www.maasmechelenvillage.com


وانشاءالله يعجبكم


هذي كل الاسواق الي رحتلها في بروكسل والي خارج بركسل اهوا الاوتليت وانشاءالله في اسواق ثانية خارج بروكسل :24:

بااااااااااااااك

ساحة الجراند بالاس ساحة جميلة وتعتبر السنتر عندهم بس ترى مو مثل الدومو بميلان ولا الشانزيليزيه ولا الدام سكوير اهدى منهم للأسف : ومافيها وايد مطاعم بس في مطاعم وايد في الشوارع المتفرعة منها يعني في شارع كله مؤكولات بحرية ويمدحونه وايد بس للأمانة ما جربت اكلهم


المهم الحمدلله ان صادف وجودنا هناك سجادة الزهور :24: واهيا باختصار رااااااااااائعةةة وكبييرة وااااايد ويفرشونها بالجراند بالاس كل سنتين بتاريخ 15 اغسطس ولمدة يومين والورد ترى مو زراعة قاطينه قط وراح احطلكم صور لها انشاءالله:

ليش ماكو تشجيع الله يسامحكم :110:

كل الشكر على التقرير الرائع .. ذكريتنا بالأيام الحلوه اللي كانت في بروكسل .. تابع التقرير .. موفق إن شاءالله

nuhayer

منظر الساحة وسجادة الورود تجنن ..

ماشاء الله شكلها سجاة طبيعية ..

مشكوريييييييييييييين على الردود وانشاءالله راح أتابع تقريري :101:

السلام عليكم


رديت بكمل انشاءالله تقريري عن بلجيكاااااااااا الهادية وااااااااايد الي يحب التطمش والخز لا يروح :108:


[SIZE="5"]راح أتكلم عن احد الأماكن الترفيهية في بروكسل وهيا ميني يورب

والي تقدرون تروحون لها بالمترو او بالتاكسي وبامترو مدت الرحلة ربع ساعة تقريبا وارخص لكم وايد من

التاكسي والمحطة قريبة حيل يعني من المترو للحديقة مشي بس واسم المحطة Heysel بس الي رايح

ميني يورب بمكان ثاني باوروبا مو ضروري يروح مافيه زود بس احنا رحنا لان صادف في العاب نارية ومهرجان

وفي يم الميني يورب سينما كبيرة وحديقة مائية بس مادخلناها وبس [/SIZE/

موقعهم http://www.minieurope.com/

وجنب الميني يوروب اهوا الاوتيموم واهوا احد أهم المعالم في بلجيكا



وانشاءالله راح احط صور للمكانين :106:

الحمد لله على السلامة أختي nuhayer

تقرير جميل وصور حلوة

:24: :24: :24:

:113::113::113:

ماشاء الله عليك

حسيت كأني رديت ثاني أمشي في شوارع بروكسل

وبالنسبة لصور السجادة فأنا أشكرك شكر خاص لأني كان نفسي أشوفها
خاصة لأن رحلتي كانت شهر سبعة ( يعني يوم كانت الساحة فاضية )

أماّ عن التشجيع فواصلي متابعينك

وأنا حاسة بتعبك لأن كتابة التقرير شئ مو سهل

وموفقة إن شاء الله

المشاركة الأصلية كتبت بواسطة خبيرة سفر
http://www.arabtravelersforum.com/tr...4/#post2330354

الحمد لله على السلامة أختي nuhayer

تقرير جميل وصور حلوة

:24: :24: :24:

:113::113::113:

ماشاء الله عليك

حسيت كأني رديت ثاني أمشي في شوارع بروكسل

وبالنسبة لصور السجادة فأنا أشكرك شكر خاص لأني كان نفسي أشوفها
خاصة لأن رحلتي كانت شهر سبعة ( يعني يوم كانت الساحة فاضية )

أماّ عن التشجيع فواصلي متابعينك

وأنا حاسة بتعبك لأن كتابة التقرير شئ مو سهل

وموفقة إن شاء الله

مشكورييين على التشجيع وانشاءااللله مواصله باذن الله

وترى لا تعب ولا شي :101:

يعطيك العافيه تكفين واصلي تراني رايح على العيد لبروكسل وابغى اعرف كل التفاصيل عن هالبلد

سجليني متابعة

تسلمين على التقرير الجميل

المشاركة الأصلية كتبت بواسطة بين الحروف
http://www.arabtravelersforum.com/tr...7/#post2337607

سجليني متابعة

تسلمين على التقرير الجميل





حياج الله :106:

راح احط لكم صوره من الميني يورب واهيا سجادة الزهور بس طبعا هذي المصغره



وهذي صور للاوتيموم بليل




بس ترى هذي مو مصغره هذا الاصلي


وانشاءالله راح احط لكم صور زيادة للميني يورب بعدين :106:

هلا عزيزتي ..

طبعا منطقة أنتيروب يقطنها اليهود، وهم الذين يتاجرون بالالماس ..

المطعم شكلة رائع جدا ..

تسلم يدينك على التقرير الرئع .... متابعه معك ..

المشاركة الأصلية كتبت بواسطة انستـــازيا
http://www.arabtravelersforum.com/tr...0/#post2366130

تسلم يدينك على التقرير الرئع .... متابعه معك ..



الله يسلمج

يعطيج العافيه اختي.. تمنيت معلومات اكثر عن مدينه الالماس

المشاركة الأصلية كتبت بواسطة Kewl
http://www.arabtravelersforum.com/tr...1/#post2378151

يعطيج العافيه اختي.. تمنيت معلومات اكثر عن مدينه الالماس



هلا فيج
أنا اسفة ما عندي معلومات كثيرة عنها لان زيارتي قصيرة لها وانا أايد ان الواحد يسكن فيها جم يوم عشان يكتشفها عدل

السلام عليكم ورحمة الله وبركاته
اختي nuhayer
مشكورة ع التقرير الرائع والصور الحلوة بس احنا للأسف ما جفنا السجاده لانه احنا رحنا لبلجيكا قبل ..... وللأسف بعد ما رحنا مدينه الألماس لانه كان مافي وقت المدة قصيرة ويسلمو ان شالله مرة ثانية نعوض الروحة لما روح بلدة ثانية اروح مدينه الألماس
وشكرا
وسجليني متابعة وننتظر تكمله التقرير بفارغ الصبر

المشاركة الأصلية كتبت بواسطة MISS maytha
http://www.arabtravelersforum.com/tr...0/#post2395510

السلام عليكم ورحمة الله وبركاته
اختي nuhayer
مشكورة ع التقرير الرائع والصور الحلوة بس احنا للأسف ما جفنا السجاده لانه احنا رحنا لبلجيكا قبل ..... وللأسف بعد ما رحنا مدينه الألماس لانه كان مافي وقت المدة قصيرة ويسلمو ان شالله مرة ثانية نعوض الروحة لما روح بلدة ثانية اروح مدينه الألماس
وشكرا
وسجليني متابعة وننتظر تكمله التقرير بفارغ الصبر



حياج الله وشكرا على المتابعة وانشاءالله اكمله

اذا سافرت مره ثانيه بروكسل وسكنت نفس الفندق ما انصحك وانت طالع منه تلف يمين وبعد تلف يمين وتدخل هذاك النفق المظلم وبعدين يسار
نصيحة اخو والف شكر على موضوعك الحلو

المشاركة الأصلية كتبت بواسطة لاتعاتبني
http://www.arabtravelersforum.com/tr...5/#post2409895

اذا سافرت مره ثانيه بروكسل وسكنت نفس الفندق ما انصحك وانت طالع منه تلف يمين وبعد تلف يمين وتدخل هذاك النفق المظلم وبعدين يسار
نصيحة اخو والف شكر على موضوعك الحلو




مافهمت لووووول شنو هالمتااهة

العفو :106:

يعيطك العافيه اخوي راحه ما قصرت


بس حبيت اسالك بلجيكا تنفع فالشتاء ولا بااااااااارد واايد

المشاركة الأصلية كتبت بواسطة الجنيبي
http://www.arabtravelersforum.com/tr...2/#post2412212

يعيطك العافيه اخوي راحه ما قصرت


بس حبيت اسالك بلجيكا تنفع فالشتاء ولا بااااااااارد واايد





الله يعافيك
والله انا رحتلها بالصيف بس وكان الجو رائع يعني احست جو من الدول الاوربية الي زرتها بالصيف درجة الحرارة بين 17 وال 20 شنو احسن من جذي
بس الي اعرفه ان الدول الاوربية باردة حيل بالشتا مادري والله

مشكوره عزيزتي

احلى ذكريات في بلجيكا

وعليها ريف خياااااااااااااال

الي يحب الطبيعه والهدوء

ياخذ له فيلا في الريف على حدود فرنسا

ويصبح ويمسي يسبح الله على جمال الطبيعه

المشاركة الأصلية كتبت بواسطة الجنيبي
http://www.arabtravelersforum.com/tr...2/#post2412212

يعيطك العافيه اخوي راحه ما قصرت


بس حبيت اسالك بلجيكا تنفع فالشتاء ولا بااااااااارد واايد

بعد اذنك أختي ... أنا الآن موجود ببروكسل درجة الحرارة تتراوح من 10 -إلى 4 ومع ذلك الجو بالنهار إلى أول الليل جداً حلو بس لازم تثقل الملابس .. وعلى طاري الملابس الدنيا كلها خصومات كبيرة على غير العادة يعني مو وقت خصومات بس الأزمة لعبه فيهم يدورون سيولة ويحثون الناس على الشراء والاقبال ضعيف والفرص كثيرة.. وتراها حلوة بالشتاء .

السلام عليكم
وينج يا nuhayer مختفية ؟؟؟

نتظر الباقي

اخوي اش رأيك بتأجير سيارة وسياقتها في بروكسل وما حولها؟
تنصح فيها ولا المترو والباصات افضل للتنقل علما بأن معانا الوالدة وخبرك تعودت على راحة التنقل بالسيارات الخاصة هني !! نصيحتك اخوي

صراحة تقرير أكثر من رائـــــــــــــــــــــع:113::113:

عقبالي انشأالله لما اسوي تقرير عن بلجيكا

:36_1_37:

مراحب لكل اللي يحبوا بلجيكا واللي يخططوا يسافروا لها هذا الصيف
شاركونا بليز بافكارككم للسفرةاشقرتا واذا ممكن ترتيب جدول للرحلة لمدة اسبوعين يكون ممتاز
وايش عن تأجير السيارات في بروكسل؟؟!!

والله حلوة بروكسل يعطيك العافية ويارب يكتبلنا ونروح

جزاك الله خير

يعطيج العافيه أو يعطيك العافيه


عندي طلب آنا حاليا توني واصل بلجيكا والصراحه أبي مطاعم مثل كنتاكي برجر كنج آنا وصلت أمس بتارخ 5/1

وياريت تعطيني عنواين الشوارع والمحلات لأني أجرت سياره اليوم وعندي نفجيشن ومشكور

أو مشكوره حتى لوترسلي على الخاص أو تضيفني بالمسنجر وشكرا

تقرير رائع

كل الشكر

يعطيج العافيه تقرير حلو