الموضوع: برنامج الأقـــرع في برشلونة ومدريــد

أخواني وأخواتي أضع بين أيديكم البرنامج المبدئي الخاص برحلتي إلى برشلونة ومدريد والي راح تكون من يوم الجمعة 2 أكتوبر إلى يوم الجمعة 9 أكتوبر ..أتمنى تعطوني رأيكم أثبت الجدول ولا لا ؟؟
وعلى فكرة أنا حطيت البرنامج ولا أدري عن أغلب المواقع هل هو سهل الوصول لها ولا لا وأقات الزيارة ؟؟!!

اليوم الأول:
الوصــول إلى مدريد ومبـاشرة الذهاب إلى برشلونة عن طريق الطيران الداخلي.
* راح يكون هذا استكشاف للمنطقة المحيطة بالفندق في شارع gran vía de les corls catalanes ..
اليوم الثاني:
* زيارة وسط المدينة السياحي و المتمثل في ،،
1- شارع الرامبلا Las Ramblas.
2- ساحة كتالونيا Plaza de Catalonya.
3- سوق ماريماقنم Maremagnum.
4- حـوض الأسمـاك Aquarium.
اليوم الثالث:
1- El Mercado de la Boqueria سوق الفواكه .
2- زيارة سوق La Maquinista. صباحا".
3- مسائا" حضور مباراة في الكامــب نــــو ..
برشلونة Vs ألميريا
اليوم الرابع:
* زيـارة أهم المعالــم ومنهـا ،،
1- Sagrada Familia كنيسة العائلة المقدسة و هي من أبهر الفنون المعمارية في العالم.
2- La Pedrera و هي من أجمل الفنون المعمارية في برشلونة.
3- Pueblo Espanyol القرية الإسبانية وهي قرية شعبية تجمع مختلف الثقافات في اسبانيا, و يوجد فيها محلات للتسوق و مطاعم و مقاهي.
4- Museo Nacional المتحف الوطني, ومنها مشاهدة مدينة برشلونة بالكامل من أعلى في منظر جميل و خلاب.
5- ملعــب ومتحـف الكامب نــو.
اليوم الخامـس:
زيارة لملاهي تيبيدابو Tibidabo و هي الملاهي الموجودة في أعلى قمة في برشلونة أو يوم مفتوح لزيارة LA ROCA VILLAGE والذي يقع خارج برشلونة و على بعد 38 كم.
اليوم السادس:
الاستعداد للمغادرة إلى مدريد والوصول سيكون عند الساعة الثانية ظهرا" استكشاف المنطقة والذهــاب إلى السنتياغو برنابيـو ( معقل الملوك ) ..
اليوم السابع:
الذهاب إلى شارع قران فيا أو الشارع العظيم بالإسبانية وقد صمم ليربط بين بوابة ألكالا أو القلعة وساحة إسبانيا كما يتوسطه ساحتي ديل كلاو وسيبليس.

يا أخـوان اتمنى تفيدوني متى تبدأ ساعات العمل أو ساعات الزيارة في إسبانيا ومتى تنتهي مثل الذهاب إلى متحف ملعب الكامب نو أو البرنابيو مثلا" الأسـواق والمتاحف يعني متى يفتحون ومتى يسكرون ؟؟!!

تقبلو تحياتــي ،،

مواضيع عشوائيه ممكن تكون تعجبك اخترناها لك:

• رايح لوحدي برشلونه
• برنامج الرحله الفيزهاستشااره
• ارجو مساعدتي لعمل برنامج لرحلة في اسبانيا لمدة اسبوعين
• مجلس احلى من العقد للمسافرين الى اسبانيا
• محتاجة مساعدة من الخبراء
• استفسار بخصوص الاوراق المطلوبه في السفاره الاسبانية
• جدول سريع لبرشلونة
• ممكن اسامي المواقع المضمونة لحجز التذاكر الي اسبانيا
• أريد الحجز لزيارة قصر الحمراء عبر النت، كيف؟
• مسافر اليوم باذن الله لبرشلونة ممكن اسماء اهم الاماكن السياحية
• مافيه وقت تكفووون
• لأهل اسباانيا
• ممكن تساعدوني مشكورين عن افضل اماكن شمال اسبانيا باسرع وقت سفرتي قررررربت
• ياليت من سافر لأسبانيا ينور الموضوع برأيه
• اسم الحي
• مساعدتكم
• هل يوجد سائق يوصلني من مطار مدريد الى كارتاخينا
• رحلتي الي اليكانتي للعلاج
• للخبراء اسبانيا عن طريق المغرب
• التخطيط إلى أوروبا

* راح يكون هذا استكشاف للمنطقة المحيطة بالفندق في شارع gran vía de les corls catalanes ..



كان ودي لو يطلع اسم الفندق صح علشان أعرف المنطقة الي يقع فيها





اليوم الثاني:
* زيارة وسط المدينة السياحي و المتمثل في ،،
1- شارع الرامبلا Las Ramblas.
2- ساحة كتالونيا Plaza de Catalonya.
3- سوق ماريماقنم Maremagnum.
4- حـوض الأسمـاك Aquarium.



ماله داعي تخصص يوم كامل لرامبلا و ساحة كاتولينا ... لأنه اصلا ممكن تزورة كل يوم .... لا تنسى الحي القوطي من الزيارة

اليوم الرابع عندك مزحوم ... حط في الثاني زيارة Sagrada Familia و La Pedrera






اليوم الثالث:
1- El Mercado de la Boqueria سوق الفواكه .
2- زيارة سوق La Maquinista. صباحا".
3- مسائا" حضور مباراة في الكامــب نــــو ..
برشلونة Vs ألميريا



حلو و جدول خفيف و مناسب لأن وراك مباراة






اليوم الرابع:
* زيـارة أهم المعالــم ومنهـا ،،
1- Sagrada Familia كنيسة العائلة المقدسة و هي من أبهر الفنون المعمارية في العالم.
2- La Pedrera و هي من أجمل الفنون المعمارية في برشلونة.
3- Pueblo Espanyol القرية الإسبانية وهي قرية شعبية تجمع مختلف الثقافات في اسبانيا, و يوجد فيها محلات للتسوق و مطاعم و مقاهي.
4- Museo Nacional المتحف الوطني, ومنها مشاهدة مدينة برشلونة بالكامل من أعلى في منظر جميل و خلاب.
5- ملعــب ومتحـف الكامب نــو.




مثل ما قلت لك الجدول مزحوم .... الأول و الثاني انقلها لليوم الثاني .... و 3 و 4 و 5 كلها في منطقة وحدة ممكن تضيف لها تلفريك أو في المساء تاخذ جولة في السفينة

راح أعــدل على الجــدول ،،

أمــا بالنسبة للسكــن كنت مو متأكد موقعه بالضبط بــس لما تأكدت هو يقــع على شارع carrer de padilla واسم الفندق Ayre Hotel rosellon تقريبا بجانب الكنيسة ..


بس لا تنســى الله يخلييك مواعيــد الزيــارة في إسبانيا وساعات العمــل كـم ؟؟!!

مساك الله بالخير أخوي الأقرع والله يوفقك في سفرتك اللي طولت ومابعد جاء تاريخها ياخوي رحت وجيت ورجعت وبروح الحين مره ثانيه وانت مابعد جا موعد رحلتك ( ياخي ماادري ليه احس انها بتتفركش رحلتك خخخخخخخخخ)

شف وأنا اخوك أولا بالنسبه لبرشلونه :
أول شي انت في أي ساعه بتوصل برشلونه ؟؟
- اليوم الأول (يوم الجمعه ):

تبي رأيي علشان تستغل الوقت ابدأ من أول شارع Gracia طبعا شارع تسوق ومحلات تجاريه منها الفخم ومنها المتوسط ومنها العادي
وعلى نفس الشارع هذا بتلقى Le Pedrera وكمل المشي لين تجي في ساحة كاتالونيا وبتلقى في الساحه El Corte Ingles كبييييييييييييير لايفوتك تسوق منه لان فيه كل شي ( وماله داعي تروح La Maquinista لأنه بعييييييييييييييييد ومحلاته عاديه بتلقاها في وسط المدينه مثل زارا وماسيمو دوتتي وغيره يعني مايستاهل مره مقارنه بالمشوار )
واذا وصلت لساحة كاتالونيا انزل مع شارع الرامبلا تفرج على الشحاذه وعلى الأشكال المشبوهه بس انتبه لأغراضضك زين زين زين وبتمر على سوق الفواكه والخضار Boqueria في الشارع يعني ماله داعي تخصص له زياره لأنه يكفيه نص ساعه مع الأكل بعد لو تبي

وكمل المسيره على شارع الرامبلا لين تطيح عند ميدان كولومبوس عند البحر وخذ لك جوله على سوق Maremagnum واذا خلصت قص تذكره وادخل Aquarium لأنه ملاصق للسوق تماما

اتوقع كل اللي قلته لك تو يكفيه يوم واحد وتكون قنصت عصافير بحصى وحده

اليوم الثاني (يوم السبت ):

زيارة منطقة Montjuic وزيارة المتحف الوطني للفنون وبرضه جنبها Pople Espanyol ومر على الملعب الاولمبي حق نادي اسبانيول سابقا وشف المنطقه الأولمبيه واركب التلفريك لو تبي
وقبل غروب الشمس وقف وتفرج من عند المتحف الوطني وشف المنطر الحلو مع النوافير ( بس عساهم يشغلونها)

اليوم الثالث (يوم الأحد ):
بيكون يوم الأحد وكل شي مسكر يعني
قم بزيارة الملعب ومتحف النادي قبل المباراه وادخل صالة التزلج في النادي خذ لك شوطين ومن بعدها شاهد المباراه
سعر تذكرة جوله على الملعب مع المتحف 17 يورو ومواعيد العمل :
اذكر يوم الأحد كان من الساعه 10 الصباح الى الساعه 14.30

اليوم الرابع ( يوم الأثنين ) :

اذا ودك تروح لقرية La Roca Village بس مادري عن نظامك انت رجال تصحى بدري
كل شهر لهم دوام بس مايختلف كثير
من الاثنين الى الخميس من 11 الصباح الى 8.30
والجمعه من 11 الصباح الى 9
والسبت من 10 الصباح الى 10 بالليل
والأحد مسكرين

اعمل حسابك اذا بتروح بالباص (بيكلفك لين المحطه 2.25 يوروعلى مااذكر ) فيه باص مخصص يروح لهذي القريه دايركت بس يبي لك تروح عند محطة الباصات اللي عند محطة ميترو Fabra i Puig (الخط الأحمر) والبااص اذكر موعده 12.30
أو إنك تركب القطار Renfe وتركب القطار اللي يروح لـ Granollers وتوقف هناك وتاخذ لك تاكسي (بيكلفك تقريبا 17 يورو) وإلا باص (بيكلفك 1.25)

والرجعه نفس الشي بتلقى عند القريه محطه الباص ومواعيد ساعات العوده

اليوم الخامس ( الثلاثاء) :

قم بزيارة Sagrada Familia ومن ثم التوجه لمنطقة Tibidabo

وتبي نصيحتي لاتفوتك ملاهي Port Aventura هذي يبي لها يوم كامل ويالله يكفي
وتبعد عن برشلونه ساعه بالقطار تقريبا ولها محطه مستقله يوقف عندها تماما القطار

ومن ناحية مواعيد الدوام وغيرها
العاده المحلات اغلبها فاتحه الساعه 10 وتسكر الساعه 21
والأحد كللللللللل شي مقفل ماعدا سوق Maremagnum اللي على البحر

تحياتي لك وقد يكون شي سقط سهوا بس هذا رأيي المبدأي وتحت أمرك بأي وقت

وانتظر مني جدول مدريد

ــا بالنسبة للسكــن كنت مو متأكد موقعه بالضبط بــس لما تأكدت هو يقــع على شارع carrer de padilla واسم الفندق Ayre Hotel rosellon تقريبا بجانب الكنيسة ..



الفندق قريب من Sagrada Familia ... ممكن تزورها في اليوم الأول





بس لا تنســى الله يخلييك مواعيــد الزيــارة في إسبانيا وساعات العمــل كـم ؟؟!!



في الغالب من 9 صباحا حتى 9 مساء يمكن يزيد ساعة ... الأحد ما يسكرون

السلام عليكم ورحمة الله وبركاته

أخوي الكريم بالنسبه لتخطيط اللي قلت لك تقدر على كيفك تغير على حسب المزاج والوقت انا مجرد عطيتك ترتيب على حسب القرب من بعضها البعض يعني مثلا
انت بتوصل برشلونه الساعه 4 وفندقك قريب من Sagrada Familia بس تراه يسكر الساعه 18 وآخر دخول دائما قبل نص ساعه من وقت الإغلاق

غير كذا الأحد ترا كللللللللل شي مسكر حتى الأسواق ماعدا زي ماقلت لك سوق Maremagnum والمتاحف طبعا تظل فاتحه بس بيني وبينك كل ماشفت متحف تبي تدخله الله يعينك على الصرفيه تبي شوري

ادخل Sagrada Familia والمبنى الثاني اللي على شاع Gracia وكلهم لنفس المصمم والبقيه تفرج عليها من برا

وبالنسبه لأماكن السهر والله بيني وبينك آخر وقت جلسته كان الساعه 23 وما أنصح تجلس أكثر من كذا المغاربه في كل مكان سرقوا الناس في النهار وشلون في الليل

شف الفندق اسهر فيه افضل لك

السلام عليكم ورحمة الله وبركاته

حبيبي بالنسبه للأسواق الشعبيه مافيه بس تلقى أيام الأحد عند الأسواق الكبيره مثل Maremagnum وساحة كاتالونيا وشارع الرامبلا زي البازارات كشكاااااات ويبيعوووون بضاعات محليه ومنها أشياء شعبيه بس والله ياهي غاليه