شلونكم أخواني وأخواتي ..
ان شاء الله بعد العيد بسافر أسبانيا .. وبصراحة هذي أول مرة بسافر لها .. ويريت تساعدوني بعمل جدول دقيق لها لمدة تسع ايام أو عشرة .. يعني مثلاً اليوم الاول اروح المكان الفلاني والفلاني والفلاني مع ذكر كيفية الوصول للمترو وأي محطة .. لأن انا وزوجي مانعرف حق المترو والمحطات .. وطرق حجز التذاكر الداخلية للمطار
لا تقولولي دوري بالتقارير لأن صايرلي أربع أيام أشوف التقارير وأكثرهم يتكلمون عن الرامبلا وميدان كولومبس والحي القوطي وكاتالونيا .. والي عرفته انهم كلهم بجانب بعض .. يعني اقدر اروحلهم بنفس اليوم ..
وبنسبة لمدريد مابي اروحلها ..
بس بخاطري اروح مكان ثاني غير برشلون .. يعني اقعد ببرشلونة خمس او ست ايام "على حسب كم يوم تحتاج" والباجي بمكان ثاني ..
انا وزوجي نحب مدن الملاهي والرحلات والتسوق .. ومانحب المتاحف وايد .. يعني انا شفت وايد تقارير كلهم زيارة متاحف وانا مو بخاطري أسافر عشان نص الرحلة تروح عالمتاحف .. إلا اذا متحف يستاهل اروحله
وودي اروح دولة قريبة لاسبانيا مثل فرنسا .. يعني اقدر اروح فرنسا بالقطار من الصبح وامر ديزني واقدر ارد بنفس اليوم ؟؟؟
وانا شفت باحد التقارير ان في عرض اسمه Flamingo Show ...
شلون اروح حق هالعرض ومن وين احجزله ووين صاير بالضبط
وهل
في عروض ثانية ومختلفة؟؟
بلييييييييييز ساعدوني بعمل الجدول الدقيق .. لأن بعد يومين لازم اروح احجز التذاكر
على فكرة قبل سنتين تقريبا سافرت لندن وكانت السفرة جداً سيئة بسبب عدم التخطيط للسفرة ورحنا على عمانا مانعرف نروح مكان غير اكسفورد استريت وكوفنت قاردن وتروكاديرو .. تخيلو شهر كامل واحنا مانعرف نروح غير هالاماكن .. كان ودي اطلع برة لندن بس ماعرفت شلون الطريقةمواضيع عشوائيه ممكن تكون تعجبك اخترناها لك:
- مابين مدريد وبرشلونة أيام وهي الوعد
- استفساراتي عن اسبانيا في عطلة الحج هـ فهل من مجيب ؟
- المسجد الجامع في دار العلوم قرطبة
- استشاره،،، شهر العسل
- هل يمكن استخدام الرخصة الدولية الاوروبية في اسبانيا
- الخطوط الاقتصادية الموجودة في بريطانيا
- مدريد
- استفسار عن مدينة فنخرولا
- تقديم فيزا الاوربية شنقن
- كم سعر تأشيرة الشنقن لشخصين بالغين وطفلين بجوازات مستقلة؟
- عناوين الاماكن السياحية في الأندلس
- الذهاب لملعب من مطار برشلونة لملعلب الكامب نو
- قطار مدريد
- استفسار افضل طريقة مواصل بين مدريد لباريس
- المسافـــات بين مدن ايطاليا وسويسرا واسبانيا؟؟ممكن تفيدووني
- حصلت على تاشيرة سياحة ولكن ؟
- الحصول على فيزا سياحية
- وين أسكن في قرطبة ولا ملقا ولا مربيا ؟
- استـفســار عن استـخراج الشــنغن من بريطــانيا
- كلام يخوف ارجو المساعدة
المفضلات