الموضوع: انوي الذهاب الى عمان

السلام عليكم
انوي الذهاب الى مسقط بالسيارة طبعا من البحرين فبغيت من الاخوان ان يشرحون لي الطريق بالتفصيل والمدة الزمنية والسرعة المناسبة والاماكن الي يمكن ان اتوقف فيها

مواضيع عشوائيه ممكن تكون تعجبك اخترناها لك:

• استفسار جزيره مصيره
• أريد العلم الأكيدهل أستطيع الدخول بالبطاقة الشخصيه إلى عمان؟؟
• السكن في صلاله ؟؟
• الطريق من مسقط الي صلاله؟
• من دبي الى نزوى العُمانية
• إستفسار عاااااااااااجل عن صلالة
• صحلنوت، غير، شير، شيحيت، جوجب في ظفار، بتاريخ
• فله نظيفه
• المغسيل، شعت، ضلكوت، إتين، في ظفار، بتاريخ
• هل يمكن الدخول ببطاقة الاحوال للسعوديين
• صور رائعة من صلالة
• هل صلالة آمنه ؟؟
• الطريق إلى صلالة كيف نبدأ وماذا نعمل ؟
• زبدة صلاله
• الطريق بالتفصيل الممل من الرياض الى صلالة او دبي
• قـائمـة مطاعم صلالــه بالــصـــــور
• الطيران العماني وميناء صلالة يعلنان عن منافذ جديدة
• هاااام اسعار حديثة للفنادق والشقق ومكاتب تأجير السيارات في صلالة
• ممكن يا أهل مسقط؟
• أضخم مشروع سياحي لعام في سلطنة عمان

انا رحت البحرين و جيت و وصلت الى الكويت

اذا تنتظر من عيوني باكر اكتب لك

شوف الموقع اللي فيه الخرائط http://www.athagafy.com/maps/

طاقه من المشرف :109:

اخ سالم اليس الذهاب الى مسقط عن طريق العين اسهل وأقصر من المرور عبر دبي؟؟؟؟

العين اسهل من دبي

المشاركة الأصلية كتبت بواسطة aaastandard
http://www.arabtravelersforum.com/tr...4/#post2478504

اخ سالم اليس الذهاب الى مسقط عن طريق العين اسهل وأقصر من المرور عبر دبي؟؟؟؟



أنا عن نفسي أشوف ان احسن طريق هو طريق دبي - حتا - صحار - مسقط ، وهو طريق ممتاز ومزدوج ، والخدمات فيه طيبة ، والمسافة تقدر بـ 390 - 400 كلم تقريبا .

أفضل من الذهاب عن طريق العين ، وأنت براحتك يا غالي :24: .


تحياتي

والله حيرتوني بس على اي حال ما تقصرون

مايصير اروح عن طريق الحدود السعودية ؟

المشاركة الأصلية كتبت بواسطة bh cool
http://www.arabtravelersforum.com/tr...2/#post2481002

مايصير اروح عن طريق الحدود السعودية ؟

حسب ضني أن الطريق البري الواصل بين السعودية وعمان الى الآن لم يتم إفتتاحه من الجانب السعودي بالرغم من إنتهاء الأعمال في الطريق من الجانب العماني ، وسيعبر الطريق وسط الربع الخالي عبر طريق بطحاء / شيبة / ام الزمول بطول ( 570 ) كم حتى الحدود العمانيه الى منطقة عبري ، حيث يمكن هذا الطريق المسافرين من المرور بين السعودية وعمان مباشرة بعكس الطريق القديم الذي يجب المرور فيه على دولة الامارات .

يعني خذ الطريق من البحرين ثم السعودية ثم الإمارات ثم عمان حسب الترتيب :24: . ، ويا ريت لو فيه حد يقدر يحدد لك المناطق التي راح تمر عليها لحد الوصول الى عمان .

تحياتي

استخدم الجي بي اس وارتاححححححح

طالما انك جاي عن طريق الحدود السعودية منفذ البطحاء ..راح تمر بابو ظبي ومن ثم اقرب لك العين عن دبي وبعدها كمل طريقك من العين الى البريمي - صحار - مسقط هذا الطريق الاقصر
واتمنى لك رحلة امنة و سعيدة

اسمع مني او اقول اقرأ مني :109:

اول شي قبل لا تجي عمان جيب معاك متّاي :11ight:

سلامي للبحرين و اهلها الطيبين

تطلع من البحرين و تاخذ الطريق مباشرة الى الهفوف ( الاحساء ) اما عن الطريق السريع او عن طريق المحاذي للبحر يعني شوي قريب للبحر و كلهم ترى نفس الوقت بسرعه معتدله ما تزيد عن 130 كيلو بساعتين من عمق المنامه الى الهفوف و اذا كثرت ساعتين و نص :24:

من الهفوف تسلك طريق قطر يعني من الهفوف توصل الى سلوى بمسافة تقريبيه 135 كيلو تزيد تنقص و من سلوى تاخذ يمين لا تروح على طول و الا تروح الدوحه :109: تاخذ يمين تروح الى الامارات الطريق من مفرق سلوى الى حدود البطحاء السعودي و بعدها لمركز حدود الغويفات الاماراتي و بعدها شوف هالرابط http://www.arabtravelersforum.com/post2474954-14/

و توصل بالسلامه ان شاء الله :24:

اما عن اي طريق افضل

طريق العين افضل بكثير للأسباب التاليه
اقرب بحوالي 250 كيلو
تخلص من زحمة دبي

السلبيه ان الشارع في بعض الاماكن يكون شارع واحد و هذي الاماكن حاليه فيها توسعه

بخصوص ال GPS
بامكانك استخدام تلفون نوكيا navigator 6110 يفي بالغرض
او اذهب الى المراكز التجارية في محلات الالكترونيات واسال عنه وانصحك باستخدام منتجات GARMIN
تعتبر الافضل عالميا

يا كول ما عليك انت من الجي بي اس صدقني اعتبرني الجي بي اس و اسأل على كيفك يا اخوي و اذا بغيت بالتفصيل صدقني من عيوني

و صدقني الشارع ما يضيّع ابد هو شارع واحد بس

مشكور اخوي (وين رايح ) بس انا اول مرة اطلع طبعة طويلة وبغيت التفصيل الطريقمن اولماطلع الجسر الى مسقط

مشكور اخوي ماقصرت

و تتحرك بهدوء تقريباً مسافة 30 كيلو و انت بمركز حدود الغويفات الاماراتي بصراحه طيبين و شي ( مو دايماً بس اغلب الوقت )

اخ وين رايح لو توضح اكثر المقصد؟؟؟؟:114:

اوضح لك ليش لا

بالنسبه لجميع مراكز الحدود في العالم فيه اجناس و اشكال

و انا راح اتكلم عن مراكز الخليج اللي مريت عليها

يعني السمه العامه ( مع إعتذاري للأخوه العوديين ) في مراكز الحدود السعوديه انهم غير متعاونيين الا على جسر الملك فهد بصراحه و لا مره حصلت منهم تعامل جاف اما بقية المراكز مثل البطحاء و الخفجي فنادراً احصل التعامل الحلو ( عاد سامحوني على الصراحه ) و لكن بعد الدنيا ما تخلى من الطيبين مثلاً آخر زياره لي للسعوديه وصلت الساعه 12 منتصف الليل بتوقيت السعوديه و درجة الحراره صفر بالبطحاء تقريباً خلاني واحد من ضباط المركز امش من اول المركز لآخره علشان اصرف الريال العماني الى سعودي من مكتب التأمين شفت كيف و هالحركات احصلها من البعض

و الحال مثله مع بقية المراكز و لكن العكس ان الأغلب بهالمراكز طيبين و لكن هذا ما يمنع بسفرتك تحصل واحد مو مترقي و يعاملك مو شي نفس الحاله بقية الحدو

هذا قصدي طال عمرك

في الخدمه يا كول

مشكور اخي (وين رايح)
الحق معك في اي شئ تقوله والواحد من يشوف مركز الحدود تنسد نفسه والزين والشين موجودين مثل ماتفضلت ولكن الحمد لله لحد الان لم اواجه مثل هذه المواقف في جميع سفراتي الى دول الخليج .

اعتقد اذا كنت راح تطلع من البحرين فالافضل انك تطلع في الليل (اذا كنت من هواة القيادة بالليل وتعرف الطريق وهذا مهم)
لانك راح تصل الى الحدود العمانية في الصباح وتكون قيادتك داخل السلطنة بالنهار وتستمتع بالمناظر الطبيعية .
وعندي اسباب لذلكك:
1- انك تستطيع البحث عن سكن(اذا ماكنت حاجز اصلا) في النهار لان وحسب نصائح المشرفين والاعضاء ان كل شيء يغلق بعد الساعة 10مساء.
2- اغلب الطرق في السعودية والامارات صحراوية(رمل في رمل) يعني المناظر ماتسوى.
3- الطريق يكون فاضي مافيه شاحنات وهذا أأمن على عكس النهار اللى يكون مليان خصوصا من الهفوف الى سلوى( الطريق تجرى توسعته ولكنه لم ينتهى ) وعلمي به من عيد الفطر وكذلك طريق سلوى - البطحاء مليان شاحنات وانت وراحتك
وهذا رأيي ورجو ان تقبله او لا
ودمتم سالمين

تبغي راي يا البحريني كول

للعلم شوف الآراء بهالأمور تتغير كل يقول رأيه و امشي على اللي انت تشوفه يناسبك

بالنسبه لي اقول لك اطلع الساعه 10 الصبح من البحرين ( الدنيا شتا يعني الشمس هاديه ) توصل بإذن الله الهفوف قول حول الساعه 1 الظهر لا توقف كمل طريقك الى سلوى حول الساعه 2:15 بإذن الله انت بسلوى صب بترول و لا توقف كمل طريقك الى مركز حدود البطحاء حول الساعه 3:30 قبل المركز عندك ساسكو عبي بترول و صلي الظهر و العصر و لا توقف ادخل الحدود و اطلع على حدود الامارات بتوصل حدود الامارات الساعه 5:00 المساء ( اوف اما انها بعيده :109: ) لا تخاف الوقت هنا يتغير راح تقدم ساعتك ساعه :109: تخلص من حدود الامارات توقف تشوف لك مطعم تاكل منه و تريح الى الساعه 6 يكون المغرب أذن و تصلي المغرب و العشاء و تعطيها السياره بعد ساعتين تقريباً و بإذن الله سبحانه انت في الطريف يعني حول الساعه 8:30 مساءً توقف في محطة ادنوك تريّح و ترتاح و الساعه 9 بالليل تطلع من الطريف الى العين توصل العين بإذن الله الساعه 11 بالليل شوف غرفه و نااااااااااااااااااااااااااااااااااااااااااااااااا اااااااااااااااااااااااااااااااام و ارتاح تقوم الصبح و انت طازج :109: و حياك بعمان

يا جماعة صندرتوا بالرجال ...... bh cool تعال بالطيارة وريح نفسك
واذا عالطريق ترى دول الخليج ما مثل هونج كونج ما تغيب يعني وبتوصل بسلامة واسال مجرب
وناوي ان شاء الله هالمرة نزوركم البحرين بالبر وباقي دول الخليج
بخصوص الحدود الحمدلله ما واجهت اي مشكلة مع كل النقاط ولا تحاتي اهم شي اسمع ونفذ وخليك كووول صديقي

اخ وين رايح طولت السالفة خلها سمته واحدة والراحة تكون في مسقط بدل الوقوف المتكرر.......مجرد راي

ههههههههههههههههههههههههه

تراني عارف نفسي زين انا من النوع اللي يحب يرقد ههههههههههههههه

و قلت ان المسألة تختلف من واحد للثاني

انا عندي صاحبي ما شاء الله ما يحب يسافر الا بالليل

والله من طول الموضوع من أخوي وين رايح وأخوي aaastandrad الظاهر أخونا بحريني كوول هون يسافر بر هههههههههه وبصراحة المعلومات وافية وشاملة تسلمون الغاليين بس شوي شوي على أخونا بحريني كوول والمسألة والله سهلة جدا أتبع اللوحات وماتضيع بإذن الله أول شئ تتبع لوحة الأحساء أو الهفوف وبعدها أتبع لوحة قطر الأمارات عمان سهلة جدا وواضحة بالتوفيق للجميع

:108:انا عن نفسي خلاص وقفت وما راح اعلق:108::101::baaa2:

إعذروني على التطفل ،

أنا من البحرين وجربت الخط من عمان للبحرين ، يعني في شخص كان جايب لي السيارة بالبر لعمان وبعدها رجعت بها :

المهم كان أول مرة أمشي خط في حياتي طلعت من عمان 2 الفجر ( بتوقيت مسقط ) ووصلت للحدود ( حتا ) الساعة

4:20 الفجر بالضبط ، وبعدها طبعاً أكبر مسافة تقطعها في الإمارات ، الساعة 8:30 إحنه بالغويفات - البطحاء

خلصت الإجراءات 9:00 ومن دخلت السعودية كان الوضع ( مقطعة ) صحراء قاحلة والرمل المتحرك وكان على حظي

إنه كان داير هواء وغبار في كل دول الخليج فما بالك بالخط قريب البطحاء واللي زاد الطين بله إنه كنت بحط فيري على

السيارة في البطحاء بس كان زحمة وماجت على بالي فكرة إنه أحط بروحي ( النتيجة إنه المصابيح راح لونها

وصبغة السيارة شوي تغيرت ) ، كفاية طول الطريق لازم تحاسب للرمل مغطي نص المسار الأيمين في بعض

المناطق ، هو أهم شي تحاسب وتكون واعي ومنتبه وخلاص

وتميت في السعودية تقريباً 5 ساعات بالرغم من أنه المسافة أقل من الإمارات بس الشارع مايساعد واجد على السرعة

ووصلت الجسر 2 الظهر تقريباً

عموماً بعد اللي جفته في خط البطحاء - جسر الملك فهد من عدم وجود إنارة في معظم الخط ووجود الجمال قريب سلوى

والشوارع الغير مستوية في أغلب المناطق أخذتها قاعدة إنه خط السعودية لا تقطعه إلا في النهار حتى لو كنت حافظ

الشارع ومتعود عليه ، في ناس بتقول الليل أفضل عن الشمس وأريح للسيارة بس اللي أنا أقوله لك الليل والجمال والرمال

المتحركة أخظر بمليون مرة من تعب السيارة والخ !

أستغرب من اللي يعشق السفر بالليل وينصح الكل بهذي الطريقة ، مع إحترامي للجميع وآرائكم على راسي


نصيحة لصاحب الموضوع ، إطلع من البحرين الصبح قد ماتقدر من وقت الفجر مثلاً حتى مايصير المغرب إلا وإنته بعمان

ومايحتاج توقف في العين ولاشي أهم شي تكون نايم عدل الليلة اللي قبلها وتوكل على الله

رونالدو

انت قطعت الطريق بالصيف و الاخ يبغي يقطع الطريق بالشتاء علشان كذا ما نبهته على مسائل الرمل و الغبار

و الشتاء نهاره اقصر يعني الساعه 5 بتوقيت البحرين الا و هو ظلام و ليل

بس بعد رايك جميل

اضم صوتي للاخ وين رايح.... نحن في فصل الشتاء والرياح قليلة-ليلا ونهارا- ان لم تكن معدومة والا في الصيف راح اقول مرة اخرى السواقة بالليل اريح .....مافي رياح وعج واللى تتكلم عنه وماتحتاج تحط على السيارة اي شيء انا قطعت طريق سلوى الاحساء بالليل وفي فصل الصيف والوضع كان تمام التمام .....وكل واحد له رايه مع احترامى لرأيك
دمتم في امان الله

عن نفسي أفضل السفر بالليل مثل الأخ aaastandard
وعندي اسبابي:
- الليل اريح للبصر فأعصابك ما تتعب بسرعة
- الجو ابرد بالنسبة لمحرك السيارة فبالامكان قطع مسافات طويلة من دون خوف وايضا بامكانك اطفاء مكيف الهواء احيانا لتقليل الضغط عالمحرك
- الخط الطويل يزيد من احتكاك الاطارات بالإسفلت لذلك في النهار يزيد خطر انفجار احد الاطارات
- اذا صادفك اي عطل بالسيارة تقدر تنزل من السيارة وترتاح او حتى تنام للصباح كون الليل ابرد اما بالنهار الشمس بتشويك
- بلدانا الخليجية ما من كثر المناظر الطبيعية على الخطوط الطويلة كلها صحراء وجبال يعني لو ماشفت شي بالليل ما فاتك شي مهم

يسلم فومك.....يالدوحاني111 جبتها في الصميم:24::24::24::36_1_11:
هذا اللي كنت اقوله واردده ولكن لاننسى في ناس تحب النوووووووووووم :36_1_50::36_1_50:او نظرها ضعيف :shocking:ولذلك
اختلاف الرأي لايفسد الود اخواني
ودمتم في امان الله

احم احم من تقصد نظره خفيف :109:

انا النوم صراحه هوايتي يعني اذا جاتني الرقده خلاص :109: راح يوم يعني :109:

المشاركة الأصلية كتبت بواسطة وين رايح
http://www.arabtravelersforum.com/tr...5/#post2513445

احم احم من تقصد نظره خفيف :109:

انا النوم صراحه هوايتي يعني اذا جاتني الرقده خلاص :109: راح يوم يعني :109:



وين رايح :114: ..جرب تسافر معي وبتنسى النوم فالطريق ههههها
ما اخلي احد ينام ... واذا نمت بشيلك وبنزلك من السيارة واخليك تنام جنب الشارع واحط عليك لافته مكتوب عليها "جاهز للدفن في اقرب مقبرة" خخخخخخخخخخخخخخ :109:

الدوحاني

انا اذا احد يسوق مكاني السيت اللي وراء على طول لو اني انا وياه تلاقيني نايم و لا عندي خبر :109:

يالدوحاني111
شيل السيت اللى وراء اذا سافر معك راييح وين :109::109::109:

مشكلة فلفل حااار ...... مقلب مرتب

المشاركة الأصلية كتبت بواسطة ronaldo4ever
http://www.arabtravelersforum.com/tr...4/#post2516374

حتى لو أنه بيقطع المسافة في الشتاء ، أهم شي يقطع خط السعودية ( جسر الملك فهد - البطحاء ) في النهار
فيقدر يطلع الفجر من البحرين مع بداية شروق الشمس 5.30-6.00 الصبح وبالكثير المغرب هو في عمان !

أنا عندي سؤال لك ولكل من يحب السفر بالليل :114:

ندري أنه الليل أريح للسيارة وإنه الخط يكون أقل زحمة ، لكن ماتخافون من الجمال ؟ في جمال لونها أسود
أول مرة أجوفها في حياتي عند سلوى وهذي مادري شلون تبين في الليل ، ولو قلتون إنه مافي شاحنات في الليل ، بس بعد الصبح تقدر تتفاداها وتمشي في المسار الأيسر ، كل هذا ولاسياقة الليل في خط السعودية !

إذا في شي مهم نورونا الله يخليكم ، وإعذروني على الإطالة :surf



كلامك ماخوذ به يا رونالدو ..... الليل فيه سلبيات والنهار كذلك بس يعتمد عالشخص نفسه وشو اللي يريحه ...وممكن تجمع الوقتين ...يعني تطلع بالنهار وتوصل بالليل او العكس
يعني بالنسبة للاخ صاحب الموضوع افضل يطلع بالنهار عشان يتفادى الجمال ويوصل في الفترة المسائية لانه المساء راح يمر على مدن خالية من الجمال ورحلة موفقه ان شاء الله

اللى اعرفه انه هناك تنبيه على اصحاب الجمال ان لاتسيب في الليل ويضعوها في الحظائر ليلا ....والله العالم.... ولكن الوضع مايخلى سواء في الليل او النهار
اما بالنسبة للشاحنات فخط الهفوف سلوى و خط سلوى البطحاء فهو خط رايح جاي والشاحنات تمشي فيه زي القطار والتجاوز صعب ويتعب الاعصاب جدااااا:112: وبعض سائقي الشاحنات تقول انه في حلبة سباق:120: وليس طريق محدد السرعة يعني توصل 140كلم/س ماتقدر تتجاوزه والبعض يمشي في الطريق كأنه ملك له وحده و...و...:bounce8:

المشاركة الأصلية كتبت بواسطة الدوحاني 111
http://www.arabtravelersforum.com/tr...7/#post2518267

كلامك ماخوذ به يا رونالدو ..... الليل فيه سلبيات والنهار كذلك بس يعتمد عالشخص نفسه وشو اللي يريحه ...وممكن تجمع الوقتين ...يعني تطلع بالنهار وتوصل بالليل او العكس
يعني بالنسبة للاخ صاحب الموضوع افضل يطلع بالنهار عشان يتفادى الجمال ويوصل في الفترة المسائية لانه المساء راح يمر على مدن خالية من الجمال ورحلة موفقه ان شاء الله



بالضبط كما وضحت سابقاً

المشاركة الأصلية كتبت بواسطة aaastandard
http://www.arabtravelersforum.com/tr...1/#post2518481

اللى اعرفه انه هناك تنبيه على اصحاب الجمال ان لاتسيب في الليل ويضعوها في الحظائر ليلا ....والله العالم.... ولكن الوضع مايخلى سواء في الليل او النهار
اما بالنسبة للشاحنات فخط الهفوف سلوى و خط سلوى البطحاء فهو خط رايح جاي والشاحنات تمشي فيه زي القطار والتجاوز صعب ويتعب الاعصاب جدااااا:112: وبعض سائقي الشاحنات تقول انه في حلبة سباق:120: وليس طريق محدد السرعة يعني توصل 140كلم/س ماتقدر تتجاوزه والبعض يمشي في الطريق كأنه ملك له وحده و...و...:bounce8:



بالنسبة للجمال في الليل ، فأعرف أشخاصاً يسافرون ليلاً ودائماً الجمال تكون سائبة ولاأحد يعمل بالتنبيه ! :105:

تصحيح للمعلومة التي ذكرتها خط الهفوف سلوى + سلوى البطحاء إثنينهم مسارين لكل إتجاه
يعني شارعين رايحين وشارعين راجعين وبينهم فاصل رملي عدا تحويل لمسافة قصيرة يمكن ربع ساعة
قريب من سلوى وأما عدا ذلك فهو مزدوج هذا الكلام من آخر سفرة لي في الصيف ,,,

نتمنى نسمع المزيد من آراء اللي يحبون السفر في الليل :106:

زي ماقلت الوضع مايخلى
اما بالنسبة للشوارع فكلامك صحيح ...ربما خانني المقصد...وطريق سلوى الهفوف تحت التوسعة ...ومع ذلك تجد صعوبه في التجاوز لان كثير من سائقي الشاحنات يتجاوزون بعضهم كأنهم في سباق والسيارات الصغيرة تقول قطعة جبن في سندويش هههههههههه.
و أود ان اقول ان السفر في الليل افضله للمسافات البعيده اما سفراتي للبحرين....الكويت....قطر ...الرياض.... فدائما تكون بعد صلاة الفجر ولكن في العودة افضل القيادة في الليل.