الموضوع: ممكن ترتبون لي هالجدول لرحلة من ثمان دول

السلام عليكم ورحمة الله وبركاته


باذن الله هالسنه ناوين جوله شبابيه الى دول اوروبا بالسياره

وتشمل الدول التاليه حسب المخطط والترتيب



1- ألمانيا ( استئجار سيارة من المطار )

2- بولندا

3- التشيك

4- النمسا

5- ايطاليا

6- سويسرا

7- فرنسا

8- بلجيكا

وفالأخير العوده الى ألمانيا ومنها الرجوع الى أرض الامارات حفظها الله

==

فياريت اخواني تعطوني وجهات نظركم في مخطط السير وهل هو مناسب أو لا

واذا ماكان مناسب ياريت لو تعطونا أفضل خط سير

ومنها تعطونا أفضل المناطق لزيارتها في كل دوله

==

علما بأن مدة السفر حوالي 3 أسابيع

ونحن شباب وماعندنا مشكله في كثرة التنقلات ولله الحمد

==


بانتظار آرائكم


اخوكم



أبو مانع

مواضيع عشوائيه ممكن تكون تعجبك اخترناها لك:

• مساعدة بمتطلبات تأشيرة بولندا
• ارجو افادتي بالرد يسرعه
• شروط الحصول على تاشير الدخول إلى البوسنة من دول الخليج
• ممكن معلومات وصور عن مدينة بيترسبرغ قي روسيا ؟؟؟؟
• مسافر لتشيك وابي مساعده ظرورية
• تبي تصير طبيب ؟؟؟ الصعوبات ؟ القبول ؟؟ الجامعات ؟؟ ادخل وتعرف
• الصيف قرب واثينا كان لها نصيب الاسد من اصواتنا
• زيارة امستردام في ثمان ساعات
• رحلة بالسياره الى الشيك المانيا بولندا بلغاريا
• الدراسه العسكريه في اوروبا
• أيهما أفضل في التنقلات بين بروكسل ثم امستردام ثم بروج ثم من بروكسل لكولون
• اسعار ؟؟؟
• اريد مساعدة بارك الله فيكم ممن ذهب الى بلغاريا
• البوسنه ام سويسرا
• معلومات عن قبرص
• سأل عن بلغاريا
• أستفسار لأهل الخبره
• سافر الى اوربا بالسيارة مع كاكا ـــ النمساء
• ما هي شروط فيزا السفر الى هولندا امستردام بالنسبة الى السعوديين
• شيراتون بروكسل

اخوي انت جدولك انا اشوفه حافل وراح تمر على كل دوله من غير ما تزور الاماكن السياحية , فيها وبحسبه بسيطه نحسبها عندك 21 يوم وبتقسمها على 8 دول يعني راح تقضي في كل دوله يومين ونص, ولوشلت منها يوم او يومين اللي بيكونون يوم الوصول ويوم تسليم السياره والمغادره وساعات النوم راح تلقى ان ايامكم نصها ضايعه , من رأيي انك اما تزيد المده وأما تقلل عدد الدول, وخلي ترتيب رحلتكم اما من الشمال الى الجنوب او العكس او من الشرق الى الغرب أو العكس بحيث لما توصلون الى اخر دوله تسلمون السياره فيها , وحتى تذكرة السفر خلي بلد الوصول هو بلد استلام السيارة وبلد االرجوع لوطنكم هو البلد اللي بترجعون فيه السياره ولا ترجعون الى نفس الدوله ويضيع عليكم الوقت , صحيح انك راح تدفع فلوس اكثر لأنك بتسلم السياره في بلد ثاني بس اريح لكم , حتى لو قلنا انكم شباب حرام تقضون وقتكم كله في السياره وما تشوفون شيء في هذي الدول غير الشوارع الدوليه فيها والا وش رأيك ؟

المشاركة الأصلية كتبت بواسطة أم دليم
http://www.arabtravelersforum.com/tr...7/#post2853811

اخوي انت جدولك انا اشوفه حافل وراح تمر على كل دوله من غير ما تزور الاماكن السياحية , فيها وبحسبه بسيطه نحسبها عندك 21 يوم وبتقسمها على 8 دول يعني راح تقضي في كل دوله يومين ونص, ولوشلت منها يوم او يومين اللي بيكونون يوم الوصول ويوم تسليم السياره والمغادره وساعات النوم راح تلقى ان ايامكم نصها ضايعه , من رأيي انك اما تزيد المده وأما تقلل عدد الدول, وخلي ترتيب رحلتكم اما من الشمال الى الجنوب او العكس او من الشرق الى الغرب أو العكس بحيث لما توصلون الى اخر دوله تسلمون السياره فيها , وحتى تذكرة السفر خلي بلد الوصول هو بلد استلام السيارة وبلد االرجوع لوطنكم هو البلد اللي بترجعون فيه السياره ولا ترجعون الى نفس الدوله ويضيع عليكم الوقت , صحيح انك راح تدفع فلوس اكثر لأنك بتسلم السياره في بلد ثاني بس اريح لكم , حتى لو قلنا انكم شباب حرام تقضون وقتكم كله في السياره وما تشوفون شيء في هذي الدول غير الشوارع الدوليه فيها والا وش رأيك ؟



رايج عين الصواب اختي أم دليم ومانستغني

واقتراحج جميل جدا بالنسبه لخط السير المستقيم من الشمال للجنوب أو من الشرق للغرب أو عكسهم

لكن نحن اخترنا هالخط لأن بعض الدول اللي لابد نمر عليها في اتجاهات متعاكسه

مثلا بولندا لابد نروحها وعندج التشيك والنمسا وبلجيكا بعد لابد نروح لهم

فقلنا بما أن الدول الباقيه بتكون بينهم بنخليهم فمخطط سيرنا

وألمانيا خليناها بدايه ونهايه لأن آخر دوله بتكون بلجيكا وهي قريبه من ألمانيا

بتكون رجعتنا ألمانيا للتسوق لمدة يومين لاغير

ونحن حددنا هالخط فقط من واقع المواقع في الخريطه

فكل اللي نبغيه تصحيح لخط السير لو كان في غيره أو ترتيب للدول من حيث البدايه والنهايه

فياريت لو حد يتكرم علينا بوضع لمسات تنير لنا خط سيرنا

اخي الكريم اذا كان لازم تمر على الدول اللي ذكرتها من رأيي تزيد فترة السفر اريح لكم لأن مثل ما قلت الدول اللي انت بتزورها صايره فوق وتحت ويمين وشمال وفي هذه الحاله لازم تمشي مثل ما انت مخطط بالارقام يعني تمشي على شكل دائري حتى تروح كل الدول وما في تخطيط احسن من اللي انت مسويه بس مثل ما قلت لك زيدوا المدة اريح هذا اذا كان في استطاعتكم .

المشاركة الأصلية كتبت بواسطة أم دليم
http://www.arabtravelersforum.com/tr...7/#post2858027

اخي الكريم اذا كان لازم تمر على الدول اللي ذكرتها من رأيي تزيد فترة السفر اريح لكم لأن مثل ما قلت الدول اللي انت بتزورها صايره فوق وتحت ويمين وشمال وفي هذه الحاله لازم تمشي مثل ما انت مخطط بالارقام يعني تمشي على شكل دائري حتى تروح كل الدول وما في تخطيط احسن من اللي انت مسويه بس مثل ما قلت لك زيدوا المدة اريح هذا اذا كان في استطاعتكم .



يزاج الله خير اختي الكريمه

شاكر ومقدر لج ردج ومتابعتج للموضوع

المشكله طال عمرج بالمده صعب نزيدها لأن الباقي بنخليه سفرة للأهل ان الله رد

بس ان شاء الله بشوف الجماعه لو في مجال نقلل من الدول عشان نختصر المشاوير

مع ان فخاطرنا هالمخطط حتى لو نضغط على بعضنا فيه

==

شكرا مره ثانيه

وتمنياتي لج بدوام التوفيق