-
شهر عسل م
السلام عليكم ورحمة الله بوركاته
اخواني الاعزاء بعد تفكير طويل قررت الذهاب الا اسبانيا لقضاء شهر العسل لمدة مايقارب من ( 12 ) الى ( 14 ) يوم ولعدم خبرتي بالسفر ارجو منكم ترتيب لي بكج كامل واجمل الاماكن للزيارة وافضل الخطوط واريد ان ازور مدريد _ برشلونا _ ماربيا.
وعن افضليه السفر من الدمام ام من البحرين.
مواضيع عشوائيه ممكن تكون تعجبك اخترناها لك:
-
مشرفنا الغالي الليل والنهار الله يبارك فيك.
الله يجزاك خير على ترتيب المدن عندي بس الكلام وين الاماكن السياحية واهم شي ( الملاهي ) و ( المولات ) ابي اعرف كل منطقه وش فيها من اماكن سياحية
وكيف طريقه التنقل بين هل راح يكون بالتكسي او بالميتروا او القطارات او الطيران مدري كيف التعامل معهم.
-
الروابط الي حطيتها لك فيها كل الي تبيه
كيف تتنقل على حسب رغبتك
-
مشرفنا الغالي ابي اعرف كيف طريقه التنقل في المدن وماهي افضل الاماكن السياحية...
-
هلا والله وغلا ابن العم مشتاق
والله يجزاك خير ويرزقك الذريه الصالحه
لو تكرمت تجيبلي روابط الفنادق من موقع بوكنق ماحصلتها.
وكيف كانت طريقه حجزك انا بخاطري احجز التذاكر الداخلية من المكتب بالسعودية او احجز التذاكر الداخليه من هناك بحيث يكون فيه تغيير من الطيارة مثل الميترو من وش رايك بالنسبه لي ماعندي لغه الا تمشيه حال.
وراح يكون ترتيبي مدريد 3 ايام ومربيا 4 ايام وبرشلونه 5 ايام
-
بالنسبه للفنادق بحجزها من المكتب بالسعودية وش رايك هم يخلصوني علشان مااتورط
-
بالنسبه للفنادق بحجزها من المكتب بالسعودية وش رايك هم يخلصوني علشان مااتورط
أهم شئ الي يريحك أنت
أذا تفضل المكاتب السياحية و تحس أنها أريح لك فتوكل على الله .
-
والله انا كل حجوزاتي من الانترنت
وميزه الحجز من النت تشوف موقعها وتفتح على الخريطه وتعرف موقعه وشلون شكله وين تروح ووين تجي
ودايم الحجز من النت ارخص بكثيررررررر
انت شف النت كم بيعطيك السعر ثم رح للمكتب وشف كم بيعطيك بس ركز على نوع الغرفه عشان تقارن الاسعار صح
وميزه النت في " الغالب "انهم مايسحبون منك فلوس الا اذا سكنت بس لازم تنكسل قبلها بيوم او يوميا حسب سياسه الفندق اما المكتب خلاص دفعت ومافيه امل ترجع فلوسك (( سالفه ماتتورط )) وش قصدك عشان ماتورط بالعكس الاجانب ابرك من المكاتب الي يهمه الربح ولا يسكنك بعيد انت بس اعرف المواقع المهمه في المدن واسكن فيها
مثل برشلونا تقريبا السكن في المنطقه الي فيها الساحه الكاتلونيه وشارع رامبلا شي مميز لانه شارع حيوي واوله الساحه الكاتلونيه واخره البحر وجنب البحر فيه سوق كبير ورااايق غير ان الساحه الكاتلونيه فيها سوق من 11 دور والمطاعم العالميه كلها جنبك يعني بتنبسط باذن الله وغير كذا فيه الباص السياحي يبدا من الساحه الكاتلونيه بيكون السكن في السنتر خصوصا انك ماتفهم في هالديره بتنبسط
ومدريد كذالك شارع قران فيا تقريبا جدا ممتع وحلووو وفيه مثل برشا بس مافيه بحر
اما ومربيا بصراحه ماعندي اي معلومه عنها
اما بخصوص التذاكر الداخليه والله حجزتها من النت فيه موقع رايق تكتب المدن الي بتسافر لها مثلا تكتب مدريد الى برشلونه والعدد الاشخاص يعطيك كل الخطوط الي بتسافر واسعارها واوقاتها انت تختار الوقت الي يناسبك والسعر وطبعا الدفع كله بالفيزا وهناك بس تدخل المطار يقولن لك هات جوازك ثم يعطيك البوردنق وخلصنا
روابط الفنادق
حق برشلونه بعد ماتدخل ادخل على الخريطه عشان تشوف وش الساحه الكاتلونيه وشارع رامبلا وتشوف نهايته البحر عشان تكون لك صوره في راسك قبل ماتسافر
http://www.booking.com/hotels/hotel/...62&aid=1329869
في مدريد فيه واحد شفته وانا كنت اتمشى وتحسفت اني ماسكته موقع كان رايق مرره
واشوف صوره في النت شكلها بعد حلوووه
http://www.booking.com/hotels/hotel/...62&aid=1329869
بس انتبه ترى فيه فندقين vincci انت خذ الي على قران بيا او يسمونه قران فيا
وان كانك تبي فخامه مرره مرره ودلع والفلوس ماتهمك
فيه فندق يعتبر على نفس شارع قران بيا
وسكنت فيه وبصراحه مرره فخم ورايق مرره مرره بس بشرط تاخذ نوع الغرفه Grand Premium Double Room لان فيها جاكوزي كبير ومطل على مدريد ((جو رومنسي بصراحه ))
http://www.booking.com/hotels/hotel/...62&aid=1329869
واي شي تبيه يابن العم لا يردك شي ومشرفنا وحبيبنا بعد مهوب مقصر الليل والنهار وباقي الاعضاء الي فادوني كثير
-
ماقصرت مشرفنا الليل والنهار...
ولا تهون ابن عمي وبيض الله وجهك
والله يعينك علي من كثر الاستفسارات
-
اخواني بالنسبه للفيزا ( الشنجن ) سيتم استخراجها من فرنسا بدون مقابله ودبل القيمة؟
هل فيها مشكلة لما اروح فيها اسبانيا.
اتمنى الافادة منكم يااخوان
-
بصراحه انا طلعتها من فيزا لاايطاليه ودخلت الاسبانيه ولا قالو اي شي بس كانت رحلتي من الرياض الى ميلان توقف عشان ركاب ينزلون "ترانزيت" ساعه وحنا في الطياره مانزلنا ثم راحت لمدريد مدري هل عشان كذا ماقالو لي شي !!؟؟؟؟
او انت وحظك يا يستقعدون لكـ يا تمشي امورك تماام
-
الله يستر لا يرجعونا..
وماقصرت ابن العم
ضوابط المشاركة
- تستطيع إضافة مواضيع جديدة
- تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
المفضلات