هلا أخوي ..
العام رحت مع الشباب لرومانيا عن طريق قبرص .. قعدنا بقبرص كم يوم و بعدين طلعنا رومانيا عشان كان فيها حفلة روك لفرق ميتاليكا ..
بصراحه الديره ما تسوى .. و خاصة بوخارست ما فيها شيء ابد .. اللهم القصر الرئاسي (تشوفه من برا) و عندهم بحيره جنب الهارد روك ..
حضرنا الحفله .. و بعدين طلعنا لبراشوف و براشوف بونيا .. و كانت حلوه و الطريق غير ممل .. قعدنا فيها يومين .. بس للاسف التلفريك ما كان شغال بالجبل ..
الناس طيبين ببراشوف و البلد حليوه .. و ممكن تعجبكم لو كنتوا راعين كشتات ..
مامايا ما رحناها لانه ما كان فيها حجوزات .. و كنا مالين من البحر بحكم انا جايين من قبرص ..
الديره اغلى من السعوديه بس ارخص من اوروبا الغربيه طبعا ..
بوخارست ما انصح فيها إطلاقا و فنادق الخمس نجوم غاليه على غير سنع .. اذا انت مصر تزورها خذ شقه ..
بشكل عام و برغم ان براشوف كانت حليوه .. ما افكر ارجع لرومانيا ابد .. فيه دول واجد احلى منها .. و الله اعلم ..
على فكره رومانيا اخذت سمعتها بسبب الرخص الخيالي فيها اواخر التسعينات و بداية الالفيه .. بس الآن ما اشوفها تسوى ..
كل ما ذكرته أعلاه يعتبر رأي شخصي ..
المفضلات