الموضوع: افيدوني عن اوكرانيا ولاتخلوني

:110:الى جميع الاخوه والاخوات في المنتدى ابي اي معلومع عن اوكرانيا ترى والله تفييييييييد عن طبيعة السكان وهل يتكلمون النجليزيه ام لا وهل فيها امن وامان وكيف يكون الجو في شهر 7 و8 الخ الخ الخ وشااااكر لكم مقدما والله اني بحاجتكم لاتخلوني:110:

مواضيع عشوائيه ممكن تكون تعجبك اخترناها لك:

• الله يعطيكم العافيه ياجماعة الخير حبيت اعرف معلومات عن بلجيكا
• بـــــــــراغ ؟؟؟؟؟؟؟؟؟
• شو الدوله الاروبيه الي ماتحتاج فيزا مثل تركيا بس لما توصل للمطارهم يطلبون؟؟
• كل من لديه معلومة عن البوسنة والهرسك فإني بحاجتها جزاه الله الجنة
• استفسارات السويد شهر عسل
• ايهم افضل من ناحية السفر البوسنه ام تركيا
• بلجيكا والدول المجاورة
• طرافة تهم السائحين في سيبيريا
• ماذا تعرفون عن ايسلندا
• تكفون ياشباب وين عشاق التشيك؟
• مساعدة الله لا يهينكم ضرروي جداً
• اوكرانيا جواب لكل سؤال
• السفر للمجر
• عاجل مصريه عايزه فيزا شنغن
• بدعم سعودي الحياة الإسلامية تعود إلى بلغاريا
• موعد رحلات سفر الاعضاء
• لخبراء السويد لو سمحتوا عااااجل جدا
• استفسارات عن جمهورية التشيك
• صيفنا مع البوسنه أحلى ابشركم اخذت الفيزا وابشرو بالتقرير؟؟
• والله تعبت امستردام يقولون اتخرع ؟ روتردام؟عااااجل

انا كنت في كييف في الثلث الاخير من مايو الماضي قعدت فيها اربع ايام
الجو حلو ومشمس
والامان موجود حيث كنا نتمشى على
طول الاربع ايام محد ضايقنا او تعرض لنا واياض استعملنا المترو ليلا وكل شي طبيعي
بالمحلات والمطاعم نعن تلاقي من يتحدث الانجليزيه
الشعب من الشباب يطقطق انجليزي بس لا تحط هذي انها مشكله

اشكرك اخوي بس ودي اسئل عن العمله اي عمله يستخدمون وبالنسبه الى لبس النساء النقاب عادي ولا منبوذ وهل يوجد لحم ودجاج حلال وبالنسبه للمواد الغذائيه هل هي متوفره وترى رااح اأذيك بكم سؤال بس بعد ماتجاوبني على اسئلتي وشاااكرلك على الاهتمااام

المشاركة الأصلية كتبت بواسطة كوويتي مسافر
http://www.arabtravelersforum.com/tr...8/#post2985658

عن العمله اي عمله يستخدمون



عملتهم اسمها غريفين

وفي كل مكان تقدر تصرف من دولار الى غريفين او من يورو الى غريفين







المشاركة الأصلية كتبت بواسطة كوويتي مسافر
http://www.arabtravelersforum.com/tr...8/#post2985658

وبالنسبه الى لبس النساء النقاب عادي ولا منبوذ



الحجاب موجود
بس النقاب ممكن يكون شي غريب عليهم والكل راح يطالعك ويخزز فيك !!







المشاركة الأصلية كتبت بواسطة كوويتي مسافر
http://www.arabtravelersforum.com/tr...8/#post2985658

وهل يوجد لحم ودجاج حلال وبالنسبه للمواد الغذائيه هل هي متوفره



في اوكرانيا ما شفت مطاعم او مواد غذائيه حلال
بس في موسكو وروسيا في ومتوفر بشكل كبير

اعتقد في كييف ممكن تحصل بس لازم تدل اماكنهم , انا خبير في روسيا بس اوكرانيا اول مره اروحلها في شهر مايو الماضي
ممكن تستغني عن اللحم والتوجه للسمك والخضروات , خلك صحي جم يوم :101:







المشاركة الأصلية كتبت بواسطة كوويتي مسافر
http://www.arabtravelersforum.com/tr...8/#post2985658

وترى رااح اأذيك بكم سؤال بس بعد ماتجاوبني على اسئلتي وشاااكرلك على الاهتمااام



افا عليك اذني كثر ما تقدر
والشي اللي اعرفه راح اجاوبك عليه

والله انك اخجلتني بردك السريع واشكرك على وسع صدرك بالنسبه للعرب ينصحوني بالمنتدى بعدم التعامل معاهم بسبب الاستغلال انت شتقول يعني اتعامل معاهم ولا لأ والسكن عندهم نظيف ولا لك عليه والاسعار اشلونها رخيصه ولا غاليه والمطار اشلون عنه اموره سهاله ابي تفيدني عنه وهم ترى راح اأذيك بكم سؤال اذا اخطرت الاسئله على بالي وشاكرلك على الاهتمام بصراحه انت جيتلي من السماء شاكرلك

المشاركة الأصلية كتبت بواسطة كوويتي مسافر
http://www.arabtravelersforum.com/tr...6/#post2985896

والله انك اخجلتني بردك السريع واشكرك على وسع صدرك بالنسبه للعرب ينصحوني بالمنتدى بعدم التعامل معاهم بسبب الاستغلال



احنا ما نقول كل العرب بس الغالبيه نعم
محد يخدمك لله هناك
كلهم يبون فلوس
من الافضل الابتعاد عنهم
طبعا احنا ما نطعن بالكل بس هذا هو الواقع







المشاركة الأصلية كتبت بواسطة كوويتي مسافر
http://www.arabtravelersforum.com/tr...6/#post2985896

والسكن عندهم نظيف ولا لك عليه والاسعار اشلونها رخيصه ولا غاليه



السكن على حسب المكان تلاقي السعر والنظافه
اسعار الفنادق متوسطه تقريبا بالنسبه للاسعار في اوربا
تقدر تضبط سكن من مكتب سياحي بالكويت وهو الوكيل للطيران الاوكراني اعتقد يعطيك خيارات للسكن

الاسعار بشكل عام مقارنه باوربا وموسكو , في كييف رخيصه ارخص موسكو بشكل كبير وملاحظ








المشاركة الأصلية كتبت بواسطة كوويتي مسافر
http://www.arabtravelersforum.com/tr...6/#post2985896

والمطار اشلون عنه اموره سهاله ابي تفيدني عنه



المطار ليس كبير , تنزل من الطياره وتركب الباص يوديك لبوابه كونترول الجوازات , اول ما تدخل المطار عليك بتعبئه ورقه موجوده تكتب فيها اسمك ومعلوماتك المطلوبه , وكم يوم بتقعد في اوكرانيا وعنوان السكن (اهم شي عنوان السكن).
طبعا الورقه مكونه من وجهبن دخول وخروج , انت تعبي الوجهين , الموظف سيختم على الاوراق وعلى الجواز ويعطيك ورقه الخروج , وعند انتهاء السفره والمغادره عليك بتسليم الوقه الى موظف الجوازات (لاتضيعها).

طبعا انا وم حضرت لكييف بس سألني سؤال واحد موظف الجوازات , قالي هالعنوان , عنوان فندق , قلت له نعم .
وبس

مشكووووووور ماعليك امر المكتب السياحي وين عنوانه بالكويت؟ الموظفون بالمطار يتكلمون انجليزي؟ والورقه هل هي بالانجليزي؟تعرف احنا بالكويت مانعرف غير الانجليزي اقدر امشي نفسي فيه ولا لازم اربع وعشرين ساعه معاي مترجم؟تعرف الواحد هم وده يمشي بروحه هل اقدر اسلك معاهم؟هل لديهم رز يعني بالكويتي عيش؟ وهل متوفر البسمتي هذا السؤال من المداااام؟؟؟ بالنسبه للمترو هل متوفر بكثره ولا لازم اأجر سياره اوتكسي واسف على كثرة الاسئله بس مثل ماقلتلك انت طحت علي من السماء ومحتاج منك معلومات وسامحني ترى بواصل اتعبك كل ماخطر في بالي سؤال هااا صج بالنسبه لسلع الاطفال متوفره من المميات والاحفاضات وهم هذا السؤال من المداااام ؟؟؟ واحنا شااااكرين تعاونك معانه.

المشاركة الأصلية كتبت بواسطة كوويتي مسافر
http://www.arabtravelersforum.com/tr...4/#post2993494

ماعليك امر المكتب السياحي وين عنوانه بالكويت؟ .



مكتب النصرالله في الديره , بجانب دوار الشيراتون , تدخل دخلت شارع مجمع الصالحيه وتمشي مع الشارع تلاقي المكتب على يمينك اخر شي.

المكتب ايضا يقوم بعمل الفيزا الاوكرانيه بسهوله .







المشاركة الأصلية كتبت بواسطة كوويتي مسافر
http://www.arabtravelersforum.com/tr...4/#post2993494

الموظفون بالمطار يتكلمون انجليزي؟ والورقه هل هي بالانجليزي؟تعرف احنا بالكويت مانعرف غير الانجليزي اقدر امشي نفسي فيه ولا لازم اربع وعشرين ساعه معاي مترجم.



نعم يتكلمون انجليزي , والورقه فيها انجليزي .
ولا تحاتي حتى الاماكن السياحيه مكتوب لافتات بالانجليزي والمطاعم عندهم منيو بالانجليزي , اسامي الشوارع بالانجليزي , بالمترو اسامي المحطات بالانجليزي .







المشاركة الأصلية كتبت بواسطة كوويتي مسافر
http://www.arabtravelersforum.com/tr...4/#post2993494

معاهم؟هل لديهم رز يعني بالكويتي عيش؟ وهل متوفر البسمتي هذا السؤال من المداااام؟؟؟ .



في عيش انواع , بس مو اخياش مثلنا في اكياس بوجم كيلو , 2 كيلو و 1 كيلو
وفي انواع وارناق , بالنسبه للبسمتي ما ادري بالاصل ما اعرف حق العيوش







المشاركة الأصلية كتبت بواسطة كوويتي مسافر
http://www.arabtravelersforum.com/tr...4/#post2993494

بالنسبه للمترو هل متوفر بكثره ولا لازم اأجر سياره اوتكسي .



ايه المترو يوصل لاغلب الاماكن المهمه بالعاصمه كييف
طبعا التكسي مطلوب
تأجير السياره ما انصح لانك ما تدل الا اذا في نافيقيتر عندهم , بصراحه ما اقدر افيدك في هالامر .
خلك على التكاسي والمترو .







المشاركة الأصلية كتبت بواسطة كوويتي مسافر
http://www.arabtravelersforum.com/tr...4/#post2993494

صج بالنسبه لسلع الاطفال متوفره من المميات والاحفاضات وهم هذا السؤال من المداااام ؟؟.



كل شي موجود
مميات وحفاظات ودلاغات ههه



حياك الله اخوي باي وقت

مشكوووووووووووووووووووووووور على الردود الجميله بس لوسمحت خلك متواصل مع الموضوع لان من الممكن اسئلك كم سؤال بالايام القادمه واشكرك على وسع صدرك

المشاركة الأصلية كتبت بواسطة كوويتي مسافر
http://www.arabtravelersforum.com/tr...3/#post3001383

مشكوووووووووووووووووووووووور على الردود الجميله بس لوسمحت خلك متواصل مع الموضوع لان من الممكن اسئلك كم سؤال بالايام القادمه واشكرك على وسع صدرك



افا عليك انا متواصل معاك
وكل يوم اشيك على موضوعك هذا

على فكره في اعلان بجريده الراي العام اليوم الثلاثاء 9 يونيو
مكتب مسوي عرض تذكره وفندق ما اذكر كم بالضبط بس تقدر تشيك عليهم تشوف

اشكرك على الاهتمام والتواصل وعلى فكره اليوم انا واصل لباريس وقدامي برج ايفل والمنظر رائع وانشالله ارجع الكويت نهاية الشهر واذ توصي على اي شي طبعا غير الجو ههههههههه ترى انا حااااضر وعلى يمنااااك

المشاركة الأصلية كتبت بواسطة كوويتي مسافر
http://www.arabtravelersforum.com/tr...8/#post3008548

اشكرك على الاهتمام والتواصل وعلى فكره اليوم انا واصل لباريس وقدامي برج ايفل والمنظر رائع وانشالله ارجع الكويت نهاية الشهر واذ توصي على اي شي طبعا غير الجو ههههههههه ترى انا حااااضر وعلى يمنااااك



افا
هديت اوكرانيا :112:

لا اتغشمر معاك
بالسلامه واستمتع بوقتك

وترجع لنا بالسلامه للغبار والحر

مايصير تجيب لي معاك برج ايفل؟ وبعد جيب معاك شوية مطر خخخخخخخخخخ

أنا الآن في أوكرانيا، الجو حار مثل جدة ودبي