بسم الله الرحمن الرحيم ..
أتمنى ان يكون الجميع بألف صحة وعافية ..
بعد ان أكملت الحلقة الاولى من التقرير " http://www.arabtravelersforum.com/travel389790/ "
أعود لكم من جديد في الحلقة الثانية .. والتي باذن الله تنال اجزائها ع اعجابكم ..
مدريد ..
هنا حين تعجز الكلمات عن الوصف ..
هنا حيث يتوقف القلب عن النبض ..
هنا حيث وجدت عشقي .. حيث انهار قلبي .. حيث انشرح صدري ..
مدريد .. كانت الحلم .. ومازالت العشق !
مدريد ..
هي كانت الوجهة الرئيسية في رحلتي .. هي الحلم الاول .. هي العشق الاول .. أول ما طرت في بالي فكرت السفر .. ما احترت في اختياراتي ... دايركت .. ابغى اروح مدريد .. و بحكم تعلقي الشديد بنادي ريال مدريد .. كنت ابغى اروح وقت مباراة تكون قوية .. منها اتنفس هواء مدريد .. ومنها امارس هوايتي في تشجيع مدريد على ارض الواقع ..
مدريد .. كانت حلم يداعبني منذ سنين .. والله ما كتب ليا الفرصة .. ومرت السنين .. وبعد ما توظف الواحد وعين الله خير .. اول ما يجي ع البال .. السفر ... طبعا ما احتجت اضيع وقت في التفكير فين اروح ؟! ..
أول فكرة جدية راودتني .. كانت في شهر اكتوبر .. لحضور مباراة مدريد وميلان .. بس وقتها تعارض مع مناسبة سعيدة لأخ غالي ( بس حقدت عليه ) .. ومن وقتها اترسخت فكرة مدريد بكل جدية في بالي .. ومن وقتها وانا اتصفح في النت واجمع معلومات .. واعيش القصص .. مر شهر وانشغلت في العمل .. وما مرت الايام الى ان تعود فكرت مدريد بكل جدية في راسي .. وبعد تقصي المعلومات .. لم اجد لا اجمل ولا احلى .. الا موعد كلاسيكو أسبانيا .. واقوى واشهر كلاسيكو في العالم ( ريال مدريد وبرشلونة ) .. كان موعدها 10 ابريل ( وقتها كنت في بداية شهر مارس ) .. حددت الموعد والهدف .. بدأت اجمع المعلومات واتابع الحجز .. حتى اني كنت اداوم لله .. كل دوامي وانا مسنتر ع النت في تقصي المعلومات .. ولما لقيت افضل اخ وصديق للسفر .. وحدث ما سبق ان ذكرته في الحلقة الماضية من خلال ادخال باريس في المخطط وزيارتها .. واكمال الرحلة الى مدريد ..
يعني طابع الرحلة الى مدريد .. يغلب عليها الطابع الرياضي .. وعشان أكون أكثر صراحة .. من اللي قرأته في النت عن مدريد .. وعن تجارب المسافرين الى مدريد كان محطم نوعا ما .. بس كنت أقول في راسي .. انها مدريد .. ولتكن كما تكن .. المهم ان احقق امنيتي .. ويكفي أشاهد الملكي .. واحضر ملعب سنتياغو برنابيو ..
والكلام عن الشعب الاسباني .. لايقل تحطيما عن وصف مدريد .. فهو شعب ثقيل دم .. ومتعصب .. ويكره العرب والمسلمين ..... الخ
وانا اقول ايش التحطيم هذا ..
بس ماسكة في راسي مدريد واسبانيا .. بروح بروح .. واللي يصير يصير ..
وصلت مدريد ..
كيف كانت مدريد ؟؟ كيف كانوا الشعب الاسباني ؟؟ ماذا عن ريال مدريد ؟؟
كل هذا وأكثر سوف يتخلل في تقريري البسيط القادم عن مــدريــد ..
ولا انسى في بداية هذا التقرير عن مدريد .. ان اخص بالشكر العميق لكل القائمين والكاتبين في قسم اسبانيا لا احب ان اخصص بالشكر احد ما .. ولكن هناك من يجبرك على ذلك ..لذا اخص بالشكر الكبير الاخ الليل والنهار .. والاخ زمان .. ع كل كلمة كانت لدي خير دليل في رحلتي .. سائلا المولى ان ارد ولو القليل بما جاد علي هذا القسم .. وكان خير معين في ترتيب رحلتي ..مواضيع عشوائيه ممكن تكون تعجبك اخترناها لك:
- ساعدوني انا حاليا في ماربيا
- الجو في اسبانيا شهرمارس؟
- قريت كل نصائكم وخططكم لاخط في نقص
- لوفتهانزا كيفها
- ملاهي برشلونه باقي عالسفرة يومين
- التسوق في اسبانيا
- أستفسار رحله عائليه
- شنو تنصحوني فيه
- تخطيط رحلة
- بليز بليز ردو علي بسرعه
- السنتياغوا برنابوا
- ارجو المساعدة استفسار عن بعض الفنادق
- اتمنى الحل
- موقع تذاكر نادي برشلونه معلق من اسبوع
- سؤال عن المسافات بين المدن الاسبانيه ؟
- المساعدة في اجازة اسبانيا
- بلييييز ممكن المساعدة
- سؤال
- استفسار هام جدااااااااا
- كلاسيكو اسبانيا بـ انتظارنا
المفضلات