سبق ووضعت استفسار عن شنغن البزنس و التأمين للسعوديين لكن للاسف ما كان فيه تجاوب
عموما ً قدمت الطلب اليوم و تم قبوله بالمركز الموحد ..
و المطلوب كان :
ابلكيشن واحد : في السابق مطلوب 2
صورة جواز وحدة و صورة صفحة بيانات واحدة لاي فيزا شنغن سابقة
التعهدات عدد 2
تعهد التأمين الطبي
صورة من التأمين ( مع ملاحظة اني امنت عند شركة امريكية اونلاين بـ11 دولار يغطي 100 الف دولار و اخلاء طبي 500 الف دولار .. ) و قلت خليني اجرب اذا قبلوه كان خير و فعلا قبلوه المركز . بس الله يعيين السفارة وش تقول عنه .
حجز السفر مو مطلوب
خطاب من الشركة الداعية
تعريف من العمل ..
طبعاً لاني كنت ما ادري وش الطبخة دفعت 150 زيادة و دخلت عال vip service على اساس الموظف يساعدني ببعض الاشياء و يجاوبني على بعض الاستفسارات . الخدمه حلوة خاصة وانه مافيه انتظار و صالة منفصله و تاخذ وقتك في تدقيق الاوراق بدون عجله ولا الموظف يكون مستعجل ولا شي .. و يوصلون لك الجواز لين بيتك بارامكس .
الموظفه افادتني انه الجواز استلمه ان شاء الله بعد 4 ايام . !!!
و بالنسبة للتأمين ممكن البعض يقول لي ليش ما اخذت تعاونية ..! صراحة بعد ما قرات الاتفاقية عافت نفسي حسيت انه تسلييييييييييك .. مجرد تامين صوري قدام السفارة انك مأمن .. و لا يفيدك بأي شي .! اجل 125 ريال هو الحد الاقصى الي يدفعونه لك على الغرفة يوميا في حالة التنويم لا سمح الله ! سلامات ؟؟ وش هالمستشفى الي بالمانيا بينومني بغرفه ب 120 ريال .؟؟؟؟
بينما التامين هذا لو ضبط معاي بسرد لكم موضوع كامل عنه + اخذت تامين مخاطر رياضية لاني رايح هناك في تجربة اداء على حلبة نوربورغرينغ .. و كله كلفني 11 دولار !
بانتظار الفيزا وراح اوافيكم بالتحديثات .. و اسف على الاطالة بس يمكن البعض يستفيدمواضيع عشوائيه ممكن تكون تعجبك اخترناها لك:
- تجربة لم تكن على البال
- تجربتي في استخراج الشنجن من السفارة السويسرية
- تنبيه بخصوص الفيزا
- استفسار عن فيزا علاجية لامريكا
- تنبيه للي بيقدمون شنغن او لبريطانيا ، اشياء تافهه ممكن تؤدي الى رفض تاشيرتك
- هل يلزم حضور الاطفال ؟
- استفسار سررييع
- تجربتي مع الفيزا / التاشيرة التركية
- لم شمل لامريكا لاصحاب الخبره
- شرح نموذج تكفل بالمصاريف
- فيزا البوسنة لا تحتاج إلى دعوة والإجراءات بسيطة جداً للخليجيين
- السفارة رفضت الفيزا
- معي اقامة ببلغاريا هل احتاج فيزا؟
- بخصوص مدة ايام الشنغن والحجز الوهمي
- ساعدوني بخصوص شنغن اسبانيا من جدة
- عندي فيزا شنغن منتهيه على جوازي هل فيه اجراءات اخرى؟
- استفسار عن فيزا سيشل
- كشف حساب من البنك الاهلي مترجم بالانجليزي
- استفسار بخصوص الفيزا البريطانيه و ارتباطها بإختبار الايلتس
- كيف اختار نوع الفيزا الصحيح ؟
المفضلات