أخوي أبو طلال
كل ما ذكرته صحيح
بس السفاره الاسبانيه مستحيل يمشي معهم حجز الفنادق الوهمي لانهم يطالبونك بفاكس من الفندق ومستحيل فندق في أسبانيا يرسل فاكس للسفاره الاسبانيه واهو ما تأكد تأكيد كامل مع دفع المبالغ .
أخوي sam950
من ناحية القنصليه لا تشيل همها أبداً والي تبيه يصير ان شاء الله بيصير وما يكون خاطرك الا طيب .
بالنسبه لأسئلتك لك الأجابه:
اين تقع القنصلية الاسبانيا في جده ؟
موقعها طريق المدينه النازل بعد كبري المربع بخمسين متر واجهة المبنى زجاج على باب المبنى علم السعوديه وعلم أسبانيا .
وهل حجوزات الفنادق لابد من تقديمها للقنصلية وكيف تكون ونحنا حاجزين غرفه بسريرين يعني كيف حيتاكدوا انها لي او لزميلي والحجز باسمي؟
نعم حجوزات الفنادق لابد من تقديمها ويجب ان تكون مرسوله لك فاكس من الفندق . مو مشكله الحجز صوره صورتين الاصل مع أوراقك والصوره مع أوراق زميلك .
هل من الضروري كشف حساب لمدة 3 اشهر بالغة الانجليزية و تامين طبي ؟
من شروطهم كشف حساب آخر سته أشهر ولو كان ثلاثه أشهر يمشي بس اذا للحين ما طبعته أطبع سته أشهر أضمن .
طبعاً التأمين الطبي عندك شركات التأمين في المملكه العربيه السعوديه كمثال التعاوونيه أو بوبا أو الدرع العربي أو غيرها من الشركات المعتمده في السعوديه .
وهل مقاس الصور 3*4سم طبعا مكشوفة الراس وخلفية بيضاء؟
3*4 أو 4*6 كلها تمشي ومثل ما ذكرت لابد مكشوفة الراس والخلفيه بيضاء .
وهل يتطلب موعد مسبق لتقديم الاوراق للقنصلية علما بانني سوف ااتي من جنوب المملكة ل جده لانهائها ؟
القنصليه الاسبانية لا تتطلب موعد مسبق لتقديم الاوراق في نفس اليوم تقدمها . وأذا انت من الجنوب أرسلها لي مع أي شخص تثق به وان أخدمك فيها أنت تامر أمر .
وكم تستغرق من الوقت والايام لاستخراج التاشيرة؟
أنت تبيها في كم يوم أقل من 10 أيام ما أستطيع .
وايضا آمل افادتي عن بعض الاوراق الضرورية لتقديمها؟
شروط السفاره الأسبانيه بالنسبه للسعوديين هي :
1- تعبئة النموذج بخط واضح والتوقيع على النوذج وطباعتة نسختين .
2- تأمين طبي خلال فترة السفر بالدول التابعه لشنجن .
3- كشف حساب آخر سته أشهر مصدق من البنك باللغه الأنجليزيه .
4- عدد ثلاث صور شخصية لمقدم الطلب 3*4 او 4*6 الخلفيه بيضاء مكشوف الرأس .
5- صورة جواز السفر .
6- جواز السفر الأصلي ساري المفعول لمدة سته أشهر .
7- تعريف بالراتب مذكور فيه المسمى الوظيفي والدخل الشهري وتاريخ الألتحاق بالخدمه وأذا كان التعريف من العمل باللغه العربيه ممكن تترجمه من مكاتب الترجمه المعتمده . اما اذا كان العمل في شركه نفس التعريف بالأضافه تصديقه من الغرفه التجاريه .
8- تذاكر السفر مؤكده .
9- فاكس يؤكد فيه حجز الفندق .
10- رسوم التأشيره 338 ريال سعودي + 358 ريال سعودي رسوم المراسلات للسفاره الأسبانيه بالرياض . علماً بأن رسوم المراسلات غير قابله للأسترداد في حال رفض التأشيره بس انشاء الله ما فيه رفض .
أخوي الكريم أعتذر عن الأطاله واتمنى أني أفدتك بما تريد
دمت بوووووود
رد مع اقتباس
المفضلات