الموضوع: عريس يريد الذهاب الى صلالة

السلام عليكم ورحمة الله
مسائكم ورد وفل
انا عريس جديد:106:
من الدمام وناوي اتوجه بر من الدمام الى صلالة نهاية شهر 7
كم المسافة وكيف الطريق امان ويمكن اني اسافر انا زوجتي بر في امان
السيارة بليزر جديد 2008
واريد التوقف في الامارات مثل دبي واريد محطات محترمة ومدين جميله يمكن التوقف فيها
معليش كثرت عليكم لكم ممكن اعرف كمان الميزانيه كم تقريبا:114:
واخيرا احبكم في الله والله يوفقكم
:bounce8::bounce8:

مواضيع عشوائيه ممكن تكون تعجبك اخترناها لك:

• مساعدة
• كم عدد المطارات في عُمان
• ابي اقوى محلات لانجري بعمان همتكم يابنات ساعدوني
• مسافر عمان مسقط
• طلب لاهل صلاله
• ارجو المساعده رجاء
• هل يحق لليمني الدخول الى عمان صلالة
• كم المسافه من منطقة العويفيه الى حدود الامارات
• ساعدوني في برنامج سيااحي
• افضل الاماكن الي تنصحوني ابها في مسقط
• مساعد من اهل صلاله
• احد عنده معلومات عن مسندم ؟
• الرجاء المساعده لزيارة صلاله ؟
• ايام جميلة قضيتها في صلالة
• فيدوني ياهل عمان
• الزيارة الاولى للسلطنة
• استفسار عاجل عن اقرب فندق للجامعة
• رحلتي لصلاله صور من وادي دربات
• إستفسـآرآت بسيطه عن صلآلــه
• سؤال لأهل صلالة والى يعرفونها فقط

افااااااااا يا ذى العلم وين اهل الفزعاااات

عشانك عريس بس بنفزعلك أبشر:smile:

الخبرة محدودة ولكن أبشر، المسافات تقريبية بالكلم

الشرقية-سلوى: عارفها

سلوى-البطحاء:140

البطحاء- أبو ظبي 400 ، هناك عدة منتجعات راقية على الطريق

أبو ظبي -العين: 130 وهناك منفذ مزيد من الإمارات إلى عمان

مزيد-عبري: 120 كم، عبري بها فندق جيد ، تشوفه واضح على الخط

عبري- صلالة: 920 كم، وهنا الطريق بين هيماء ومقشن مكسر في بعض الأحيان ولا ينصح بالقيادة ليلا خصوصا للزائر أول مرة
لا تخلي البنزين ينزل عن الربع أبدا لقلة محطات طريق صلالة
في طريق العودة يمكنك تغيير المسار والمرور بنزوى لمشاهدة الجبل الأخضر، هناك فندق توليب أفضل الموجود، وأماكن أخرى نظيفة، والسوق الشعبي في نزوى لا يفوتك

احجز فنادق صلالة من بدري

رحلة سعيدة وحياة زوجية موفقة

هلا أخي قلم فواح وحياك الله بين أهلك ومبروك الزواج أخي المسافة تقريبا حسب علمي 1900 كيلومتر أذا ماغلطت وعموما مسارك بيكون مثل ماذكر madeeny جزاه الله خير على التوضيح وعموما أرجو أن تتابع معنا موضوع سوف ننزله قريبا من مسار الرحلات ومحطات البترول وبعض الأماكن التي ممكن ينزل فيها المسافرون برا بداية من دخول حدود عمان ولغاية مدينة صلالة سوف ننزله مع بداية الأسبوع القادم ولا تشيل هم كل شئ بيكون واضح وتقبل تحياتي

دامك عريس خلك هوين مع المدام ماهو تعذبها بر ترا من الدمام لصلاله حول 2000 كيلو الا شي بسيط
انا سبق ورحت لصلاله 3 مرات وهالسنه باذن الله بروح للمره الرابعه
بنصحك تتبع احد هالمسارين ولن تندم ان شاء الله
النصيحة الأولى انك تروح بسيارتك للامارات على قولتك وتتمشى يومين ثلاث ثم تروح للعين الاماراتية متوجها لمسقط وهذي تقريبا 350 كيلو وطريقها اكثر من ممتاز تلجس يوم واحد فقط ويكون عندك حجز مسبق على الطيران العماني بتاريخ سفرتك من مسقط إلى صلالة وراح يكلفك التذكره ذهابا وعوده 1300 ريال سعودي لك وللمدام وسياراتك توقفها بالمطار الي راح ياخذ عليك حول 50 ريال فقط بالمواقف للفترات الطويلة ( انصح اسبوع واحد فقط بصلاله ولاتتعدى 10 ايام )

هذي الطريقه راح تخليك تشوف عمان بشكل ممتاز وتشوف العاصمة العمانيه

النصيحة الثانية اذا تبي ترتاح أكثر :
تروح الله لايهينك للامارات وتتمشى يومين ثلاثه على حسب هواك ويكون عندك حجز مسبق لوقت سفرتك من دبي الى صلالة عن طريق طيران الجزيرة الكويتية واذا حجزت في هذه الايام لن تتجاوز تذكرتك انت والمدام 1700 ريال فقط
وتوقف سياراتك بمكان آمن خارج المطار لان المطار غالي بدبي وتروح للمطار بتاكسي
واذا وصلت لمطار صلاله تستأجر سياره صغيره موديل 2009 وسعرها 140 ريال سعودي باليوم

اختار احد النصيحتين افضلك من انك تسافر بسيارتك لصلاله بر من الامارات لان المسافه من دبي الى صلاله تقريبا 1300 كيلو طريقها ماهو مثل طريقك للرياض على الخط السريع لالا ههههه طريقها انا اخوك مثل طريق حرض الاحساء ( مسار واحد) ولايوجد محطات بنزين مزوده باستراحات بالشكل المطلوب يعني بالعربي راح تتعب جدا
كما ان الطريق الطويل 800 كيلو منه صحراوي ماتشوف مناظر خلابه

خذها مني تراني خبير بهالديره
بس صلاله غيررر راح تنبهر بجمالها

وتحياتي لك اي استفسار تراني جاهز

اخوي هلا فيك بصلاله ومبروك عليك الزواج


اممم شوف الخط بيكون جدا متعب لنه انت بجي من السعوديه يعني وخطها وحده متعب ويعني بعد عمان انت باتوصل

لشمالها وبتروح خط من الشمال للجنوب صلاله هذا وحده 1000 كيلو

اما بخصوص الامان لاتحاتي الخط أأأمن جدا كنه خط عام في احد العواصم من حركته ونشاطه ^_^ لنه شارع واحد

الي يوصلك لصلاله وبهالوقت يكون من كل دول الخليج متوجهين لصلاله

وانا بصراحه ماعندي خبريه كثيره بالخط لني دوم اروح عن طريق الطيران


والحين نجي الى التكلفه اتوقع الحد الاقصى 1000 ريال عماني

سؤال بسيط ؟
كم أسعار الفنادق في صلالة ؟
وهل يوجد شقق عائلية كبيره مفروشه ؟

المشاركة الأصلية كتبت بواسطة ابو اشراق 10
http://www.arabtravelersforum.com/tr...7/#post2893137

سؤال بسيط ؟
كم أسعار الفنادق في صلالة ؟
وهل يوجد شقق عائلية كبيره مفروشه ؟

تختلف أسعار الفنادق حسب الموسم وخلال فصل الخريف ترتفع الأسعار الى حدها الأعلى ، وتتراوح حسب تصنيف الفندق وغيرها من المعايير ، ولكن الأسعار راح تكون ما بين 45 - 140 ريال عماني .

وبالنسبة للشقق المفروشة موجودة ولكن للاسف ليس هناك تصنيف من قبل وزارة السياحة لهذه الشقق المفروشة ، فقد تجد شقق رائعة ومميزة والعكس صحيح ، وأسعارها متفاوته أيضا وهي ما بين 30 - 100 ريال عماني .

المشاركة الأصلية كتبت بواسطة مدني يحب صلالة
http://www.arabtravelersforum.com/tr...7/#post2891927

دامك عريس خلك هوين مع المدام ماهو تعذبها بر ترا من الدمام لصلاله حول 2000 كيلو الا شي بسيط
انا سبق ورحت لصلاله 3 مرات وهالسنه باذن الله بروح للمره الرابعه
بنصحك تتبع احد هالمسارين ولن تندم ان شاء الله
النصيحة الأولى انك تروح بسيارتك للامارات على قولتك وتتمشى يومين ثلاث ثم تروح للعين الاماراتية متوجها لمسقط وهذي تقريبا 350 كيلو وطريقها اكثر من ممتاز تلجس يوم واحد فقط ويكون عندك حجز مسبق على الطيران العماني بتاريخ سفرتك من مسقط إلى صلالة وراح يكلفك التذكره ذهابا وعوده 1300 ريال سعودي لك وللمدام وسياراتك توقفها بالمطار الي راح ياخذ عليك حول 50 ريال فقط بالمواقف للفترات الطويلة ( انصح اسبوع واحد فقط بصلاله ولاتتعدى 10 ايام )

هذي الطريقه راح تخليك تشوف عمان بشكل ممتاز وتشوف العاصمة العمانيه

النصيحة الثانية اذا تبي ترتاح أكثر :
تروح الله لايهينك للامارات وتتمشى يومين ثلاثه على حسب هواك ويكون عندك حجز مسبق لوقت سفرتك من دبي الى صلالة عن طريق طيران الجزيرة الكويتية واذا حجزت في هذه الايام لن تتجاوز تذكرتك انت والمدام 1700 ريال فقط
وتوقف سياراتك بمكان آمن خارج المطار لان المطار غالي بدبي وتروح للمطار بتاكسي
واذا وصلت لمطار صلاله تستأجر سياره صغيره موديل 2009 وسعرها 140 ريال سعودي باليوم

اختار احد النصيحتين افضلك من انك تسافر بسيارتك لصلاله بر من الامارات لان المسافه من دبي الى صلاله تقريبا 1300 كيلو طريقها ماهو مثل طريقك للرياض على الخط السريع لالا ههههه طريقها انا اخوك مثل طريق حرض الاحساء ( مسار واحد) ولايوجد محطات بنزين مزوده باستراحات بالشكل المطلوب يعني بالعربي راح تتعب جدا
كما ان الطريق الطويل 800 كيلو منه صحراوي ماتشوف مناظر خلابه

خذها مني تراني خبير بهالديره
بس صلاله غيررر راح تنبهر بجمالها

وتحياتي لك اي استفسار تراني جاهز




يالمرحبا بالذيب :24:
بيض الله وجهك :113:
انا قررت آخذ بنصيحتك الاولى من العين الى صلالة طيران
وجزاك الله الف الف خيرخذ هذا لك :smile127:

طيب دامك عطيتني وجه راح ابلشك:36_7_9:
كيف احجز طيران من الآن وكذلك الشقه في صلاله ودبي كيف احجزها
ترى وانا اخوك ما قد سافرت حدي مكة وعودت يعني اخوك يبي مشورتك
يعني ابي فزعتك:11ight:

هلا اخوي قلم هديتك مقبوووله

ههههههههههه من يوم هديتك ورده حمراء شكلك عايش جو رومانسي هالايام عسى ربي يوفقك

بما انك قررت تاخذ النصيحة الاولى انك تروح لمسقط عن طريق العين الاماراتية وتجلس يوم هناك تتمشى بمسقط

وتحجز لليوم الي بعده من مسقط لصلاله جواً ذهاب وعوده عشان ترجع تاخذ سيارتك الي موقفها بمطار مسقط بالمواقف للفترات الطويله

فعليك انك تحجز من مكتب الطيران العماني بالدمام مدري عاد فيه عندكم والا لا ولكن اتوقع بالمطار الدولي بالظهران فيه او مكاتب الطيران المعروفه مثل الطيار وتقدر تتاكد بالاتصال على 905 عن الطيران العماني

اما حجز الشقق وانا اخوك ماانصحك تستاجر بدبي شقه لانها غاليه جدا استأجر بالشارقه الي تبعد 4 كيلو فقط مابينهم الا نفق والاسعار بتلقاها بالشارقه 250 درهم وشي نظيف

وبالنسبه للايجار بصلاله انا عن نفسي احب اذا وصلت صلاله ابحث عن نفسي عشان اعرف الي يناسبني الشقق كثير

واذا تبي ارقامهم تلقى بالمنتدى هذا مواضيع كثيره فيها ارقام الفنادق والشقق المفروشه بصلاله

ترا الامور وانا اخوك زيك يوم تروح مكه عادي لما توصل تبحث عن سكن

واتمنالك التوفيق

اول شي الف مبروك الزواج والله يسعدكم يارب ويوفق بينكم

ثاني شي حرام عليك انت معرس وتبي تذبح نفسك وتذبحها بطريق متعب ومليان بالمخاطر خاصة الطريق الى صلالة مسار واحد , يعني مابتوصل صلاله الا يبيلك كم يوم ماتتحرك من التعب ومن الظغط والاعصاب من الطريق

خل رحلتكم متكامله واحجز على السعودية من الدمام الى صلالة وريح نفسك وريحها

وانا بعد عريس .. بستفسر عن التذكرة من جده لصلاله كم سعرها وكم وقت الرحلة ..؟ ومشكووورين..

وربي يوفق الجميع ..

السنه الماضيه كانت قيمة التذكره من جده لصلاله 2800 ريال ذهاب وعوده على درجه الضيافه وتقريبا زمن الرحله 3 ساعات