السلام عليكم ورحمة الله وبركاته
خلصت ولله الحمد من تسليم أوراقي للشنقن
والتبصيم
المعلومة اللي ودي أقولها
إن العيال عندي الله يصلحهم
أقل من 12 سنة
والكبير له جواز وأخوانه مرافقين معه
وأنا بجواز لوحدي والمدام كذالك
وسبق وسألت هنا
قالو عادي يطلع لهم شنقن وبعضهم قال ما أدري
يمكن اللي رد علي ما انتبه إني حددت إنهم بجواز واحد
أو يحسبهم مضمومين للأم والإ الأب
المهم
حجزت موعد للثلاث جوازات يوم الأحد 30 - 6 - 2013
ويوم جيت للموظفة
قالت ماااااا ينفع كذا
والحل طيب
قالت
ياتضمهم للأب والإ الأم والإ لحالهم
كل واحد بجواز
قلت الله يعين
طلعت جوازات للعيال كلن لوحده من جوازات الرياض
وحجزت موعد ثاني
بس ما فيه الإ Vip
لإنه كل يوم مفتوح ( فلوس يا حبيبي فلوس )
موعدي الساعة
12:45
وقصيت تذكرة بنفس الوقت
أذكرو الله
طبعاً حجزت 5 مواعيد بموقعهم يعني لكل جواز
لإن الموظفة الله يصلحها قلت لها بحجز لي وللمدام وبس العيال تبعنا وأقل من 12 سنة
قالت لا ما راح أخذ أوراقهم !!!
وطبعاً كل موظف له سياسته أتوقع
أنا صرت بالنهاية عند هندي يحبه قلبك
ما طلب حتى أوراق حجز الموعد !!!
اللي الموظفة طلبتهن مني يوم الأحد !!
كان المكان للأمانة كلها زحممممة
vip والإ غيرة
وتأخرنا كثيييير
والمشكلة تكمن في اصحاب المكاتب اللي يخلصون للناس
ياخذ فعلاً رقم مثلنا
بس كم اللي معه ما شاء الله
وصل رقمي
الأوراق المطلوبة
وحطها وسط كل جواز
* الجواز الأصل أكيد
* صورة منه
* الإبليكشن مع تدبيس صورتين فيه
( للرجال صورة مكشوفة الرأس يعني الصلعه طالعه طالعه والنساء نفس صورة الجواز )
* نموذج تعريف للراتب مترجم ( الأصل بجوازك والصور بالجوازات الثانية )
طبعاً ما طلب الأصل الغير مترجم ( وموظفة الأحد طلبته ) !!
* صور حجوزاتك من بوكنق
( طبعاً لازم يكون عدد أيام إقامتك بألمانيا أكثر شي بحجوزاتك )
لإنه راح يسألك
أنا قلت 11 يوم من الرحلة بألمانيا ورحلتي كلها 20 يوم
* التأمين الطبي ( أخذته من التعاونية )
* نموذج 54
* نموذج 55
نجي للرسوم
للكبار 290 ريال
للصغار 170 ريال
الأطفال أقل من 6 سنوات مجاناً
رسوم مكتبهم
125 لكل جواز حتى الأطفال
رسوم ال vip
لكل جواز 150 ريال حتى الأطفال
من مميزات ال vip
يشحنون الجوازات بأرامكس مجاناً
والمواعيد العادية
يطيح عنك ال 150 ريال لكل جواز
بس ياخذون منك رسوم الشحن بأرامكس
والإ تستلمه من عندهم عادي
طريقة حجز موعد
تدخل على موقعهم ع الرابط
http://de.vfsglobal.sa.com/
بعدين ع اليسار
https://vfs.ind.in/JVAC-Riyadh-App/s...ntgermany.html
إذا تستخدم متصفح قوقل كروم بتجيك هالرسالة
تك على المتابعة على كل حال
بعدين
بتطلع مع 3 خيارات
أختر الأول
Schedule Appointment
بعدها تختار الرياض او جدة او الخبر
وتفتح معك نافذة جديدة
تحط رقم جوازك واسمك الأول والعائلة والجنس
وكود ( أنا حطيت 12345 )
ورقم الثابت والجوال والإيميل
وبعدها
تفتح لك نافذة جديدة
تختار منها الوقت المناسب لك
وبعدها
تطبع الموعد
وخلاص
وأخيراً
حبيت أخدم اللي أخدمونا
بهذا الصرح الرائع
وبالمرفقات موجود
إبليكشن مشروح
من شرح الأستاذ عبدالله الحربي
وتقدر بعد تعبيه بالكمبيوتر وتطبعه
وابليكشن عادي فاضي
ونموذج 54
ونموذج 55مواضيع عشوائيه ممكن تكون تعجبك اخترناها لك:
- متطلبات التأشيرة شنغن الايطالية بخصوص
- نماذج فيز الدول الآسيوية
- تجربتي مع السفارة السويسرية بالرياض
- نموذج تعريف بالراتب والمسمى الوظيفى
- الفيزا النمساويه
- رسوم التأشيرة الاسبانيه
- استفسار عن مواعيد استلام الجوازات من المكتب الموحد بجدة
- تفويت الموعد عاااااجل
- تجربتي في استخراج الشنغن الالمانية مع بعض الملاحظات
- تجربتي في استخراج التأشيرة النمساوية بجدة
- موعدي بكره بالسفارة سؤال يا اخوان الله يسعدكم
- مشكلة في الفيزا السنغافورية ياهل الخبره
- استفسار عن طريقة المقابلة للمعه عائلة ؟؟
- هل يمكن استخراج الفيزا البريطانية قبل سن 21 سنة
- سؤال عن موضوع الشينغن
- فيزا الهند
- نماذج فيزا الشنغن
- يا اهل الخير مساعدة...استخراج فيزا الدراسة في اوكرانيا
- طريقه استخراج فيزا لجزر البهاما ؟
- السفاره السويسريه وسهولة التعامل
المفضلات