بسم الله الرحمن الرحيم
الحين بتكلم عن نظرتي أنا
فالبدايه الوضع الحمد لله مطمئن يعني الإنفلونزا العاديه تحصد أرواح الآلاف سنويا ، وهذي الإنفلونز الين قبل يومين 160 حالة وفاه فقط .(هذا الكلام من البرنامج)
ونقل الأستاذ خالد الزدجالي كلام الدكتور علي اللي قال انه 97% من حالات هذا المرض تتعافى.يعني الحمد لله .
المهم أنا اللي بغيت اوصله من هذا الجزء من التقرير بالذات هو أهمية استخارة وتوكل العبد على ربه . من خلال تجربتي الخاصه .
أذكر إني صف التاسع (ثالث اعدادي) رشحت لمنحه لتكملة الثانويه في أمريكا
(هذي منحه تقدمها وزارة التعليم في أمريكا ، ومن عمان ياخذو 9 طلاب فقط )
طبعا خفت وفرحت وترددت وكله ، المهم فالنهايه صليت استخاره ما حلمت شي (مب ضروري الواحد يحلم) لكن في يوم الإمتحان (هذا الإمتحان هو اللي حدد بحصل عالبعثه أو لا ) تعبت وما قدرت أقوم من السرير. وفاتني طبعاً الإمتحان ، المهم رضيت بقضاء الله وقدره وآمنت انه الخيره فيما اختاره الله.
والحين مرت سنتين ومن اللقاء اكتشفت انه عطيه حاصله على نفس المنحه اللي انا رشحت لها ،وراحت تدرس في أمريكا وأنا واياها نفس الدفعه.
الثلاث حالات اللي فعمان كلهم من طلاب هذي البعثه.
فسبحان الله رب ضرة نافعه، يعني صح انه المرض مب خطير لكنه سوى ضجه وانا مب شجاعه مثل عطيه.
فالحمد لله وان شاء الله اللي بيعوضني ويوفقني هالسنه في ثالث ثانوي.
وشكراً لكل من تابع موضوعي وان شاء الله نكون وإياكم مطمنين فسفرنا:8888:
المفضلات