الموضوع: ممكن تخطيطكم معانا يا عيال عمي

بسم الله الرحمن الرحيم

مساء الخير جميعااا

بعد جدال طوويل وحب خشوووم مع مديري رضى يعطيني اجااااااازه لمده 8 ايام:112:

قلت يابنت الحلال كلمي بو الشباب عشان تتطلعون من البحرين والرطوبه واشوف عيال عمي ف السلطنه الغالي قال لي تم يا غالي والطلب رخيص:106:

حجزنا ع طيران الخليج بحرين صلاله 8 يوليو والعوده 16 يوليو والاسعار شي طيب

المهم الحين في اشياء مخليتنا ما نرقد الليل انا والغالي... بكتب لكم شنو نفكر فيه وانتووا ياريت تساعدونا:8888:

1- نستأجر سياره طول مده اقامتنا او نعتمد ع التاكسي؟
2-لو نبي نستأجر ناخذ من المطار؟ او في مكاتب بره المطار افضل؟
3-السكن يكون وين بالضبط؟ ياريت مايكون مبالغ في السعر ومانبي شي فخم عادي ويمشي الحال بس نظيف طبعاا.
4- الاقامه في سمهرم اوكي؟ كل شي قريب؟ المناظر الحلوه قريب؟
5- طويل العمر اللي معاي ما يدل الشوارع ولا اي شي هناك لان اول مره نروح انا واهوو.. كيف ندبر امورنا لو استأجرنا؟
6-لازم اشتري حلووى ولبان بكميات خياليه للبيت والاهل.. من وين ناخذ؟ وين احسن الاماكن؟ عن الطعم انا اقدر اميز واعرف البيت وش يحبوون بس من وين في صلاله؟ وعن اللبان والبخوور من وين اخذه؟

حاليااا هذي اسألتنا وانا وو الغالي ياريت تساعدونا مثل ما تعودنا منكم عشان تكون سفرتنا مريحه

مواضيع عشوائيه ممكن تكون تعجبك اخترناها لك:

• صفحة الذكريات
• عـــمــآآآن
• إسـتـفـسـار عـن رمـال آل وهـيـبـة رمـال الـشـرقـيـة لا هـنـتـوا
• ألعاب أطفال فى صلالة
• طلب برنامج سياحي عائلي
• صلالة من سبتمبر إلى أكتوبر
• استفسار سكن في الباطنه
• ممكن طريق صلالة من دبي
• هل الطريق أمان ولايوجد مشاكل قد حصلت
• تكفون يا اهل مسقط ؟
• استفسار
• كيف أعرض الصور بحجم مناسب ؟؟؟
• تذكرة دبي صلالة دبي بلييييييييييز؟
• استفسار يا أهل عمان وخصوصا صلالة
• استفسارات
• لا تبخلوا علي ياأهل عمان وأهل الخبرة ارجو المساعدة
• قد عزمت السفر إلى صلالة
• أهل صلالة أهل الكرم والأصالة صور متواضعة
• هل هناك رحلات طيران إلى صلالة هذه السنة من الرياض ؟
• استفسار عن الطريق الى مسقط

1- نستأجر سياره طول مده اقامتنا او نعتمد ع التاكسي؟

ج - تستأجروا سيارة أحسن لكم وأوفر وتقدروا تروحون لأي مكان .


2-لو نبي نستأجر ناخذ من المطار؟ او في مكاتب بره المطار افضل؟

ج -فيه مكاتب تأجير بالمطار لكن شارع 23 يوليو مليان مكاتب تأجير وأسعار رخيصة ويتنافسون في الأسعار .

5- طويل العمر اللي معاي ما يدل الشوارع ولا اي شي هناك لان اول مره نروح انا واهوو.. كيف ندبر امورنا لو استأجرنا؟

فيه بالمطار مكتب سياحي تأخذون منه خريطة للمدينة وترى المدينة صغيرة وملمومة يعني أول يوم تضيع واليوم الثاني تكون من أهل البلد


لازم اشتري حلووى ولبان بكميات خياليه للبيت والاهل.. من وين ناخذ؟ وين احسن الاماكن؟ عن الطعم انا اقدر اميز واعرف البيت وش يحبوون بس من وين في صلاله؟ وعن اللبان والبخوور من وين اخذه؟
اللبان والبخور في سووووق الحافة الشعبي وفي متحف البليد يبيعون لبان درجة أولى بس غاااالي

صباح الخير:
ابرق الكبريت
alhafidh

نقاطكم ساعدتني واايد وراح ادونها عندي عشان ارجع لها وقت ما نوصل ان شاء الله

بس في نقطه مخوفتني شووي

هل بدأ موسم الخريف؟ كيف توقعاتكم للجو في تاريخ 9 يوليوو؟اشوف من كلام الجماعه ان الجو للحين ما اعتدل؟

مرحبا اختي

المشكله ما اقدر ااخر لان الموضع صعب واايد والاجازات صعبه لاني اشتغل في المطار وتعرفين السفر في هالفتره بشكل كبير وصعب ان احد يطلع اجازه...

بس طمنيني عن الجو كيف؟
ياليت تخبريني الاسعار المتاحه عندج للبخور عند النساء في البيوت؟
وياليت اعرف كيف اقدر اوصلهم لان الرسائل الخاصه ما عندي حاليا والايميل ممنوع اضافته ؟ فما الحل؟

مرحبا اختي

ياهلا اختي

المشكله ما اقدر ااخر لان الموضع صعب واايد والاجازات صعبه لاني اشتغل في المطار وتعرفين السفر في هالفتره بشكل كبير وصعب ان احد يطلع اجازه...


نصيحتي حاولي تاخرين حتى تكون الرحلة ممتعه اكثر
والله يسهل امورك واجازتك يارب


بس طمنيني عن الجو كيف؟

الجو لطيف لاباس هالايام شوي لكن لا يقارن بالجو في حال تاخري شوي
وتابعي نشرة الاحوال الجوية في الموقع

ياليت تخبريني الاسعار المتاحه عندج للبخور عند النساء في البيوت؟

اختي الاسعار متفاوته جداا والانواع كثيره وانتي اذا رحتي بتشوفين
يعني مثلا في الغالي 100 ريال عماني واكثر _في المتوسط من 70 ريال
الى 40 ريال عماني وفي ارخص ايضا حلو كميه بسيطه وينفع هدايا
بين 20 ريال و5 ريال وهذه طبعا اسعار تقريبية لان الاسعار تختلف من سيدة
الى اخرى

وياليت اعرف كيف اقدر اوصلهم لان الرسائل الخاصه ما عندي حاليا والايميل ممنوع اضافته ؟ فما الحل؟

الامر نفس الشيء عندي مازالت جديدة وغير متاح عندي خدمة الرسائل الخاصة
اتوقع الحل زيادة عدد المشاركات

الله يوفقكم في حلكم وترحالكم ويسهل لكم دروبكم

مالي بعمان ولا قد جيتها (لكن ياحبي لأهلها وطيبتهم) ..

حبيت اسجل مرور بموضوع بنت عمي

وسلامتكم

يا حيااك الله

نورتنا

اتنمى مواضيع المشرفين تفيدك وتحثك ع زياره عمان

ندااء ندااء وطلب عااجل من المشرفين

رحم الله والديكم محتاجين نسخه من الخارطه اللي خبرتونا انها تتوزع ف المطار
ودنا نشوفهاا قبل لا ننزل صلاله لاني بنزل في وقت غير الموسم او بالاحرى ما بدا الموسم....

http://www.arabtravelersforum.com/travel282558/
في هذا الرابط موجوده الخارطه ولكن ليست بالوضوح العالي

ياريت منكم المساعده ولكم جزيل الشكر


بنت العجمي

مساعدتكم يا اخوااان...
ولكم جزيل الشكر

أختي الكريمة لاتشيلين هم الخارطة أو أي شئ بصلالة أولا بالنسبة للخارطة أول ماتوصلون المطار سوف تجدين مندوبين لوزارة السياحة بيعطوكم الخارطة وراح يفيدوكم بأي شئ وثانيا بالنسبة لتأجير السيارات سوف تجدون مكاتب للتأجير في المطار وبالنسبة للسكن ماعندك مشكلة إن شاء الله لأنه توقيت زيارتكم كل شئ متوفر ومافيه زحمة أطلعوا بالسيارة من المطار وراح تجدون الطرق سهلة جدا واللوحات الأرشادية واضحة جدا ولاسمح الله تريدون أي شئ وقفوا وأسألوا أي واحد راح يوصلكم ويدلكم لأي مكان وأذا تعقدت وماحصلتي أي شئ إحنا جاهزين لخدمة أعضاء المسافرون العرب توكلي على الله ومايصير خاطرك إلا طيب بإذن الله

الله يخليك ويسلمك ويرفع حظك ما قصرت

بس في طلب صغير الشقق المتوسطه الحاله غرفه ومطبخ وحمام وانت بكرامه في ناس يقولون اسعارها تبدا من 12 ريال ممكن تفيدونا بالاسماء حتى لو كانت اغلى شوي مو مشكله بس ابغي اسماء لو تكرمتوا

المشاركة الأصلية كتبت بواسطة بنت العجمي
http://www.arabtravelersforum.com/tr...7/#post3058598

بسم الله الرحمن الرحيم

مساء الخير جميعااا

بعد جدال طوويل وحب خشوووم مع مديري رضى يعطيني اجااااااازه لمده 8 ايام:112:

قلت يابنت الحلال كلمي بو الشباب عشان تتطلعون من البحرين والرطوبه واشوف عيال عمي ف السلطنه الغالي قال لي تم يا غالي والطلب رخيص:106:

حجزنا ع طيران الخليج بحرين صلاله 8 يوليو والعوده 16 يوليو والاسعار شي طيب

المهم الحين في اشياء مخليتنا ما نرقد الليل انا والغالي... بكتب لكم شنو نفكر فيه وانتووا ياريت تساعدونا:8888:

1- نستأجر سياره طول مده اقامتنا او نعتمد ع التاكسي؟
الأفضل تستأجري سياره ... وبالإمكان أن سيارة ومرشد سياحي ...بس صلاله سهله السواقه

2-لو نبي نستأجر ناخذ من المطار؟ او في مكاتب بره المطار افضل؟
المطار توجد مكاتب وهي أغلى بس بإمكانك حجز السكن والسيارة من السكن

3-السكن يكون وين بالضبط؟ ياريت مايكون مبالغ في السعر ومانبي شي فخم عادي ويمشي الحال بس نظيف طبعاا.
مدينه صلاله صغيره والسكن إما بفندق أو مبنى شقق فندقيه .. ما دام تبين غرفه وصاله عتدك فندق ظفار وفندق الهناء وبرج السلام وسمهرم
الاقامه في سمهرم اوكي؟ كل شي قريب؟ المناظر الحلوه قريب؟

سمهرم نظام شاليهات على البحر ويعتبر فندق اربع نجوم وبه موقع المهرجان الثاني بس اي سكن على البحر رطوووووووووبه

5- طويل العمر اللي معاي ما يدل الشوارع ولا اي شي هناك لان اول مره نروح انا واهوو.. كيف ندبر امورنا لو استأجرنا؟
اول ماتصلون المطار او عن طريق البر سوف تجدون مكتب وزارة السياحه وراح يعطونكم خارطة صلاله وبعض المعلومات ...وإن إجتجتوا مساعده سألي أي شخص من صلاله

6-لازم اشتري حلووى ولبان بكميات خياليه للبيت والاهل.. من وين ناخذ؟
الحلوى والبخور من منطقة الحافه ويفضل البخور من نساء معروفات

وين احسن الاماكن؟ عن الطعم انا اقدر اميز واعرف البيت وش يحبوون بس من وين في صلاله؟ وعن اللبان والبخوور من وين اخذه؟

حاليااا هذي اسألتنا وانا وو الغالي ياريت تساعدونا مثل ما تعودنا منكم عشان تكون سفرتنا مريحه

وحياكم الله

جزاك الله عنا خير الجزاااء اخي الكريم
فندق ظفار وفندق الهناء كم اسعارهم تقريباا؟ تفيدنا كثيراا لو ساعدتني في هالشغله

اختي الكريمة........حبيت أسئل عن أسعارالتذاكر المنامة صلالة المنامة ...السعرللكبير

وسعرالأطفال دون العاشرة...بارك الله فيك...ورحلة موفقة ,,,,[/SIZE]:surfing::surfing::surfing:

اخي الغالي....

ممكن ارقام هوااتف برج السلام و جنائن صلاله؟؟

حاولنا نحجز من البحرين لليله وحده وبعدين نختار ع راحتنا
ودايما يقولوا لنا الرخيص ملينا؟ معقوله؟ اعتقد انهم يحاولووا يجبرونا على الحجز في الاماكن اللي تعجبهم اسعارها...

ياريت المساعده لو تكرمتوااا

وشكراا واسفين ع الازعااج

وانتظروااا ربشه بنت العجمي قريباا في صلالة

هلا أختي

برج السلام 0096899480116

جنائن صلاله23292009 00968

أتمنى التوفيق

فتى صلالة رحم الله والديك ما قصرت

خلاص باقي يومين واكوون عندكم والله اني انتظر بفارغ الصبر

شكراا شكرررا شكرررا؟؟

حجزنا ليله وحده في فندق الجبل ..؟؟ كيف تقيمكم؟

اولا زيارتك صحيح انها مو بوقتها اذا كنتي تحبين الخضار / لانو الارض لسه ماخضرت ابدا
بس اذا كنتي تبي تهربين من حر الخليج فهنا الجو حلو وجميل بس شوي رطوبة بالمناطق الساحلية بعكس الجبال بس مارح تخسرون كثير لانو بتكونوا بين اهلكم وربعكم والاسعار مو مرتفعة ابدا لانو ماوصلوا السياح بشكل كبير حتى الحين

يمكنك انك تعملي جدول لرحلتكم والافضل انها تكون بعد الظهر هذا اذا ماشي مطر وتقضون اوقاتكم لفلفه في الجبال وخذو معاك كرسيين وشموع عشان الرومنسية هذا اذا مامعكم اطفال واسهروا باي مكن بالجبال لانو البلد امن وماعليكم خوف واذا تحبون ترتادوا المقاهي فهذا بيشغل ايضا وقت من فراغكم وانصحكم بالتعرف على اسر بصلالة لانها بتخرجكم من اي ملل

اذا وجدتم الاسعار بالمطار اغلى من 16 ريال فخذوا تكسي وعلى مكتب سياحي ع طول استأجروا سيارة ولا تنعطوهم اكثر من 10 ريالات لليوم وخلوا الابتسامة لاتفارقكم وانشاء الله اتوقع انكم راح تستانسوا كثير
رحلة موفقه

المشاركة الأصلية كتبت بواسطة بنت العجمي
http://www.arabtravelersforum.com/tr...0/#post3106710

فتى صلالة رحم الله والديك ما قصرت

خلاص باقي يومين واكوون عندكم والله اني انتظر بفارغ الصبر

شكراا شكرررا شكرررا؟؟

حجزنا ليله وحده في فندق الجبل ..؟؟ كيف تقيمكم؟




لا شكر على واجب

الفندق الجبل يعتبر جيد وهو واقع أمام مستشفى السلطان قابوس

عند الوصول بالإمكان إستئجار مركبه من المطار أو التوجه لكبينة التكاسي والدفع هناك بعد تحديد موقع الذهاب حيث أن الأسعار موحده من قبل الحكومه والدفع لن يكون لسائق التاكسي

واي إستفسار فنحن بالخدمه

الاخوه الاعزاء انا عامل تقرير مفصل لصلاله وموضح فيه كل شئ بموقع خاص(اخاف تظنون اني عامل دعايه لموقع ما) لمن اراد هالتقرير يزور هالمنتدى
اذا سمحت لي الاداره بطرح اسم الموقع باطرحه احتراما لقوانين المنتدى الموقره
وامتنى للجميع اجازه سعيده