الموضوع: سؤال موجه لأمهات الأطفال اللآتي ذهبن لأداء للعمرة

السلام عليكم ورحمة الله وبركاته

حبيباتي الأمهات الآتي ذهبن لأداء العمرة،،، سبق لي للذهاب لأداء العمرة حولي 8 مرات لكن أيام ماكنت آنسة :106:

هذي أول مرة أنوي الذهاب مع الأطفال وبصراحة آنا مب متخيلة الوضع مع طفلي ذو الــ 9شهور والكبار 5 و6 سنوات... بيتمللون في الفندق :110:

ايش برنامجكم الي تتبعونه بحيث مايتمللون اليهال؟؟؟



الله يجزاكم خير

مواضيع عشوائيه ممكن تكون تعجبك اخترناها لك:

• فندق إسهام جدة
• سعر التاكسي من مكه الي كورنيش جدة والعكس
• استفسار مكة جزاكم الله خير
• ايهم افخم فندق قصر مكة رافلز أو فندق مكة فورمنت
• يا اهل جده تكفون دلوني
• الطائف أحـلى ، بالإقامة في أفق الراحة للشقق الفندقية
• تقريري عن فندق انتركونتيننتال دار التوحيد مكة المكرمة
• ابي فندق فخم يطل على الحرم
• انا وعـــــــــائلتي ممكن مساعدة
• أستفسار
• محتاج شقق جديده في جده
• رحلة بحريه الى جزيره سعوديه
• استفسار
• الحذر ثم الحذر ثم الحذر من راديسون بلو رويال
• بالصور مطعم قادو قادو بجدة
• آيسكريم ومطعم جيلاتو جده
• نكهة القهوه في جده
• امطار جدة يوم الخميس من تصويري
• فنادق او شقق بمكه بهالسعر حياكم
• اخبار اليوم

المشاركة الأصلية كتبت بواسطة ام محمد2010
http://www.arabtravelersforum.com/tr...7/#post2625506

السلام عليكم ورحمة الله وبركاته

حبيباتي الأمهات الآتي ذهبن لأداء العمرة،،، سبق لي للذهاب لأداء العمرة حولي 8 مرات لكن أيام ماكنت آنسة :106:

هذي أول مرة أنوي الذهاب مع الأطفال وبصراحة آنا مب متخيلة الوضع مع طفلي ذو الــ 9شهور والكبار 5 و6 سنوات... بيتمللون في الفندق :110:

ايش برنامجكم الي تتبعونه بحيث مايتمللون اليهال؟؟؟



الله يجزاكم خير

وين الأمهات الحبيبات؟ :114:

يعطيك العافيه اختي ام محمد على هالموضوع الحلو
صراحه جى في وقته ..

انا ان شاء الله ناوي السبت على العمره يومين ومعاي اطفالي وخاطري اعرف البرنامج عشان ما يتمللون اليهال

الحين احاتي الطياره ! اول مره يركبون طياره مادري شبيسوون فيني
اعمارهم ( 9 شهور + 3 سنوات + 7 سنوات )

انا افكر اول ما اوصل ان شاء الله
يوم اجيب لهم العاب ينشغلون فيها ويوم اجيب لهم كراسات ودفاتر تلوين واذا فيه العاب في فندق جراند اوديهم ايغيرون جو ..والشغاله بتكون وياهم ان شاء الله ..

وانتظر معاك رد من لديه خبره

انا عادة اروح مع اخوي و اهله (جدة,مكة,المدينه) بالنسبة للاطفال نجيب لهم دفاتر تلوين او العاب او يخرجون معاي نشم هواء , اعمارهم(7سنوات,5,سنوات,3سنوات)

اذا ما تقدرون تخلونهم عند احد الاقارب او ما عندكم خادمة تجلس معاهم في الفندق
خليهم معاكم على طول والله يعينكم عليهم


بس نصيحة لوجه الله لا تغفل عينك عنهم لحظة واحذري من عصابات خطف الأطفال الموجودة حول الحرم


تحياتي

الله يجزاكم خير على المشاركة ورفع روحي المعنوية

بالنسبة للكبار شالين عمرهم... شوي تلوين وشوي جيم بوي وشوي تمشي مافيه مشاكل انا مجربتهم في السفر في بلدان ثانية،،، لكن المشكلة انا عمري ماسافرت مع بيبي 9 شهور،،، دايما ابتدي سفر معاهم من عمر سنتين أشوف هالعمر مناسب للطياره ويفهمون وحالهم من حالنا مالهم معاملة خاصة أو معدات خاصة مثل الطفل الرضيع.

بالنسبة لفندق قراند وين مكانه؟؟؟ وهل صحيح فيه ألعاب لليهال؟

غير جذي مافيه مكان نوديهم له يستانسون بين فترة صلاة الظهر والعصر وبعدين نرجع نلحق على صلاة العصر؟

وهل صحيح بأن الطفل الرضيع يلقط أمراض ومب زين نطلعه من الفندق؟

الله يجزاكم خير وإن شاءالله نعتمر ونرجع بلادنا بسلام

مثل ماقالوا الاخوات
اقلام تلوين ورسومات وبعض الالعاب الثانية

بعد العشاء طلعي معهم في مجمع ابراج البيت وجلسي معاهم في المطاعم
علشان تغيرون جو

انا مااقول إلا انتبهوا لهم بقد ماتقدرون

شكرا لكل من شارك في الموضوع.

إن شاءالله إذا الله كتب ورحنا،،، باقول لكم شصار معانا وشلون كانت الرحلة.

الصغير تعبان وإن شاءالله الله يشافيه ويعافيه قبل موعد السفر.

شكرا مره ثانية.

ام محمد حبيبتي لا تنسين تحطين باج ( كرت ) او اسوارة وتلبسينها لكل واحد من عيالك وتكتبين فيها اسمهم ومن اي دوله ورقم التلفون واسم الفندق ( مهم جدا ) سبحان الله يضيعون والا يصير لهم شي لا سمح الله بس من باب الحرص

الله يعينكم يالحريم

من واقع تجربة ومن سنوات ولله الحمد ... استاجر في مكة في

فندق جراند كورال (حياة ريجنسي سابقاً )

عندهم غرفة للاطفال واسعة جدا ومليئة بالالعاب وبها مربية مسئولة عن الاطفال وبالمجان

(واذا بغيتي خدمة افضل لازم تبخششينها )

وللاشبال يوجد صالة بها طاولة تنس وبلياردو و ... و ....الخ

وبامكانك تستفسرين عن الفندق لو اردتي ... رحلة سعيدة وعمرة مقببولة

اخوكم / ياسر

هلا اختي

نحنا ودينا عيال اختي العمره واعمارهم 5 و 4 وسنه ونصف
وهم ماخذين وياهم العاب (سوني وي و دي اس وجيم بوي) والكبار ايلسون عادي في الغرفه وقت الصلاه بس يكون حد وياهم
اما البيبي اختي توديها معاها وعشانها توها تمشي خذت من ماذركير سير ينربط في ريل البيبي وريلج وفيه اشكال وانواع اشياء تنربط في الريل او الصدر بس بنت اختي فديتها ما تحب شي يربطها وبس تصارخ (أي أي أي أي أخ أخ أخ )

وشوفي بعد العصر مثلاً وديهم مشيهم حول الحرم في ساحة الحمام اشتريلهم حب حمام و خليهم ينثرونه للحمام ,,, عيال اختي وايد يستانسون
وبعد الكبار دخليهم الحرم وخبريهم عن الكعبه و مقام سيدنا ابراهيم وسقيا زمزم و خبريهم عن الصفا والمروه ,,,هالعمر يحبون القصص
ومره وديهم السوق مشيهم ..

بس انتبهي عليهم اختي
والله مره شفت منظر وحده ضيعت ولدها ,,,, انا صحت يوم شفتها جدامي تركض مثل المينونه وتقول دخيل الله وليدي ضاع
انا في هالمواقف جريئه لحقتها وهي طالعه من الحرم تدوره وتصيح مسكتها بأيدها وقلت لها اختي اول شي صلي على النبي واستغفري واقري سورة الانشراح وارجعي مكانج وين صليتي ودوريه والله بيرد ولدج لج عمره سنتين ولا يعرف شي
والله اني سرت الفندق وقلبي عندها عقب رديت الحرم وسألت الشرطيه وقالت ان ولدها لقته ولله الحمد
ومن يومها ماخليت اختي تودي عيالها الحرم

كل شي الله كاتبه ,,, بس بعد يا اختي الحذر واجب واذا قدرتي تودين وياج خدامه احسن بعد

احنا لما نروح مع اطفال نعتمر على مرحلتين

يروح الاب ياخذ عمرته وتجلس الام عند الاطفال

وبعدين يجي دور الام في العمره والاب يجلس عندهم

هذا وقت العمره

الله يستر عليهم ويحفضهم

الله يجزاكم خير

ردودكم تبرد القلب وتشد العزم

إن شاءالله بكره مسافرين

الوالدة بتجي معانا :24: والشغالة وإن شاءالله بنعتمر على مرحلتين :113:

وشكرا للاخت إلي ذكرتني بموضوع الإسم إلي ينحط على العيال وباعطي الخدامة بعد.

وشكرا جزيل الشكر لكل من شارك ماشاءالله عليكم نافعين :24:

هذي أول مشاركة لي في المنتدى وإن شاءالله نكتب التقرير لين رجعنا بالسلامة.

ابشرك الأمور طيبه ام محمد

انا رجعت امس ومعي بنتي 4 شهور ونص ومافي اي مشاكل

وشوفي الحل اللي ريحنا بالتنقلات معها

رحنا لبن داوود في الأبراج ولقينا عندهم حامل اطفال تلفينه عليك ويصير كرسي للطفل

وبكذا ترتاحين ويرتاح الطفل معك وسعره 135 ريال

وبخصوص اللي يخوفونا من خطف الأطفال اقول لاتشيلين في بالك .. الدعوه اماااااااااااااااااااااااان

تروحين وترجعين بالسلامه

المشاركة الأصلية كتبت بواسطة رغد عمري
http://www.arabtravelersforum.com/tr...7/#post2645977

احنا لما نروح مع اطفال نعتمر على مرحلتين

يروح الاب ياخذ عمرته وتجلس الام عند الاطفال

وبعدين يجي دور الام في العمره والاب يجلس عندهم

هذا وقت العمره

الله يستر عليهم ويحفضهم



السلام عليكم اختي

بس بغيت استفسر منج

يعني الاطفال وانتو معتمرين ما تودونهم الحرم؟؟؟

ترا الاطفال عليهم طواف ,,,, وسئلنا مفتي في الحرم المكي وأكد لنا هالشي

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...8/#post2652948

السلام عليكم اختي

بس بغيت استفسر منج

يعني الاطفال وانتو معتمرين ما تودونهم الحرم؟؟؟

ترا الاطفال عليهم طواف ,,,, وسئلنا مفتي في الحرم المكي وأكد لنا هالشي



أنا مثل أختي بنت الشيخ زايد الأطفال مهما كان عمرهم عليهم العمرة مثلا تحطون طفلين في كرسي وجزاهم ألف خير أخواننا المتطوعين في الصفا والمرة