الموضوع: بسافر سوريه

السلام عليكم



طبعا نفسي اروح سورية


بس ماني فاهمه اي شي بالسفر


طبعا احنا قررنا نروح لها بشهر 8 هجري


نص شهر ثمانية كذا

وودي انا اللي اقوم بهالرحله يعني المعزبه وابسط زوجي واخليها فترة استجمام له




عددنا ثلاثه انا وزوجي وابني عمره خمس سنوات



ودي تساعدوني من اطلع من القصيم لين اوصلها



واهم شي المصروف كم يكفينا لمدة تقريبا عشر ايام


هل ممكن تكفي سبع الالاف كذا


ووش احسن السكن ووين



وكذلك هذي اللي بتنوخذ عند الجمارك التامين او مدري وش هي

كثير الفلوس اللي بياخذوها ييحوسوا الميزانية عندنا

واذا تذكرت اساله الله يعينكم علي لين نجي بشغلكم


وهل هي مريحة سوريا نفسيا ولااشيلها من بالي واخلي روحاتي لدول الخليج وبس


بس ملينا من الحر والله

مواضيع عشوائيه ممكن تكون تعجبك اخترناها لك:

• اول دولة غير عربية
• الغاء حجز الفندق بعد سحب الملغ من البطاقة الائتمانية
• المناطق القريبه من بانكوك
• هل تحتاج السياره البحرينيه الى
• برنامج سياحي و ؟
• تكفوون فيدوني جوعااااان في بوكت
• احتاج فندق بكرابي
• للاهميه القصوى ارجوا المساعده يا اخوانى فضلا لا امرا
• نحـــدثـكم مـــن بتــايـا
• مساعدة ارجوكممممممم
• اقتراح للاعضاء بوضع فنادق لكل منطقه بتنسق ومساعدة المشرفين
• الطعام الحلال في بوكيت
• ابي رقم سواق قي تايلاند
• ممكن تخدموني من سوريا
• شنو أشتري من بتايا
• السفرة بعد شهرين وابي منكم تفيدوني في هذا الموضوع عشان احجز تذاكر او اكنسل السفرة
• انا الان بحلب اللي يبي خدمة يتفضل
• عاجلا الرحله اليوم
• ترشيح فندق إبان كوك
• وش الحل الحجوزات نااااااااار الفزعه

(( مسائكم ياسمين دمشقي ))


اختي
يا هلا ومرحبا فيكي

الله يهنيكم ويجمعكم على المحبة وان شاء الله كل ايامكم فرح وسرور ويخلي لكم ولدكم

في البداية لازم تعرفين شيء مهم وهو ان توقيت رحلتكم بعز الصيف والموسم

يعني زحمة واسعار غالية

الطريق

من الرياض القصيم 320
من القصيم لحائل 240
من حائل لمفرق الجوف 335
من المفرق للحدود 335
من الحديثة إلى جمرك جابر الأردني 180
من جمرك نصيب السوري إلى دمشق 120

الميزانية
7000
آلآف ريال تقريبا مائة ألف ليرة وبإذن الله تكفيكم

وان كان من الأفضل والأحسن والأظمن والأحوط ان الواحد يأخذ معه اكثر من اللي راح يصرفه حتى ما يحتاج لأحد


السكن

اذا تبون تسكنون بالشام افضل مكان للعوائل هو حي الزاهرة القديمة

وهو حي لا يسكنه العزاب واكثر العائلات الخليجية يسكونون فيه


الجمارك

اللي تقصدينه دفتر التربتك وهو دفتر مرور للسيارة

وممكن تقصونه من اي مكتب عندكم او من مكاتب بجمرك الحديثة
وتقريبآ سعره ما يتعدى 300 ريال


واما اذا كانت سورية مريحة او غير ذلك
فهذي ترجع لكم

ففيه من لا يرتاح وينبسط إلا اذا كان فيها مثلي

وفيه من يمرها مرور الكرام ليتجه إلى دول اخرى

وفيه من لا يطيق السفر لها


وانصحك بالمرور وتصفح المواضيع المثبتة وبعض التقارير وهذي راح تفيدك كثير وتتعرفي على البلد اكثر

واذا نويتوا وقررتوا السفر لها فهناك بعض الأمور والأشياء لابد من معرفتها



واذا نويتوا السفر لدولة اخرى فطريق السلامة
واتمنى لكم رحلة ممتعة وموفقة

هلا اختي

سوريا بلا شك جميلة بس اذا بتسكنون با الشام بصراحة من حوالي سنتين رحت لها وكان الجو حر طبعا رحت يوم وانتقلت لبيروت وحتى بيروت رطوبة

بس لو تسكنون با المصايف بيكون الجو احلى وياليت الشمال السوري على كلام الاعضاء جو مايتفوت

ان شاء الله رحلة موفقة وسعيدة

تقبلي مروري

او باخر شهر ثمانية وناخذ من رمضان كم يووم

اكيد الشمال السوري احلى واجمل فهناك يتغير كل شيء

المناظر والطبيعة والجو والمعاملة والأسعار

لكني ما فهمت انتم بتروحون بإجازة الصيف وإلا بالعيد

لكن بالعموم كل وقته له ميزته ومحبيه

الله يعطيك العافية

لا بقول ايهم افضل



بنص شهر 8 او باخره واخذ كم يوم من رمضان


او بعيد عيد الفطر

ماشأ الله عليك الذيب الشمالي والنعم فيك

تستحق أن كلن يستشيرك قبل مايسافر لسوريا

مثل ما قلت لكي

الناس اذواق ومزاجات

فيه من يبي ينحاش عن حر الديرة ويدور البراد بالمصايف

وفيه من يأخر الرحلة لبعد رمضان لأنه ما يحب الزحمة وبهالوقت المصايف اخف زحمة

ويعني الناس اشكال وألوان وما تحب وتهوى

فأنتم ومزاجكم والرأي لكم

وانا العام الماضي رحت بالصيف وبرمضان وبعد العيد

وكل وقته له ميزته واجوائه

الصيف زحمة واسعار مرتفعة بس الأجواء حلوة وايضآ وقت قطف الفواكهة

وفيه من يستأجر فيلا مثلآ بالزبداني او غيرها عشان الفواكهة اللي فيها
برمضان والعيد ايضآ له محبيه واجوائه الخاصة

ايوه حنا ودنا نستاجر فيلا بالزبداني


بكم اسعارهم اذا عندك فكرة


طيب برمضاان الوضع حلو تنصحنا فيييه


احنا نحب يكون فيه ناس وعالم بس مو توصل للزحمه لا بس تصير الدنيا حيه

لان سفراتنا نحب نتفرج السواليف ماعندنا ابد خخخخخخخخ

الله يوفقكم ان شاء الله
عموما الأخوان كفو ووفوا وانا أشوف زي ماقال الذيب لابد من اخذ احتياطكم بالنقد
يعني انتوا اذا مشيتوا من القصيم فيه مصاريف طريق بنزين وأكل وأستراحات وأجاراتها وتربتريك دفتر مرور
تقريبا 300 ريال وعندكم تأمين الاردن رايح جاي 110 ريال وعندكم تأمين سوريا 240 ريال
هاذي كلها مصاريف ولاتنسين ارجعه برضه يبغى لها مصروف بدون تأمين فقط بنزين واستراحات ووجبات
ولاسمح الله اعطال سياره
يعني مفروض تقولين المبلغ الفعلي 5500 ريال لو شلنا منه مبلغ لمصارف الطريق اعلاه
عيدوا حساباتكم وانا أخوك بخصوص المبلغ واذا كان 7000 الاف صافي ففيه وجهه نظر وبرسم لكم خط الطريق
ان شاء الله اللي يخليكم تروحون وترجعون وانتم متطمنين

دمتي بود

المشاركة الأصلية كتبت بواسطة ابومحمد فهد
http://www.arabtravelersforum.com/tr...3/#post3860783

ماشأ الله عليك الذيب الشمالي والنعم فيك

تستحق أن كلن يستشيرك قبل مايسافر لسوريا





والنعم بحالك
وتستاهل الطيب يا طيب

المشاركة الأصلية كتبت بواسطة توتة وسكر
http://www.arabtravelersforum.com/tr...9/#post3860929

ايوه حنا ودنا نستاجر فيلا بالزبداني


بكم اسعارهم اذا عندك فكرة


طيب برمضاان الوضع حلو تنصحنا فيييه


احنا نحب يكون فيه ناس وعالم بس مو توصل للزحمه لا بس تصير الدنيا حيه

لان سفراتنا نحب نتفرج السواليف ماعندنا ابد خخخخخخخخ






اسعار الفلل تختلف من فيلا لآخرى وتبدأ من 5000 ليرة وما فوق
يعني تقريبآ 400 ريال

اذا تبون وتحبون الزحمة سفركم بالصيف افضل

واما رمضان فله اجوائه واللي وتختلف تمامآ عن رمضان عندنا ويمكن ما يعجبكم الوضع

الاخت توته وسكر


مراحب


خلي هالثمان ايام بين كسب وصلنفه هناك الخضرة والماء والوجه الحسن اذا تقدرين تزودي المبلغ شويه



كل شي ارتفع سعره احنا العام الماضي صرفنا الضعف عن كل سنه وانتي رايحه بنص الموسم بس اونس



وباعتقادي رمضان ببلدك افضل