الموضوع: ¶ هــداوه في قلـ ـب احداث بانكوك ¶

في البدايه احب أشكر كل اللي استفدت منهم في بوابة تايلند

مشرفنا وأخويه الحوسني وخواتي ام منوره وشموخ واخويه سالم

السعيدي وغيرهم ...

وشكرا خاص جدا جدا لأخويه وولد بلادي الحربي اللي ماقصر ويايه

ولابخل عليه بأي معلومه ...

الف الف الف شكر لك وجزاك الله الف خير وجعله في ميزان حسناتك يارب ..

وبعرض عليكم في بداية التقرير كل الاسئله والاجوبه اللي طرحتها على

أخويه الحربي عشان تستفيدون منها

بداية رحلتنا لبانكوك

تاريخ السفر ...

من 5 / 4 / 2010 الى 12 / 4 / 2010

مدة اسبوع

عددنا والمرافقين

نحن 5

انا وصديقتي جوجو وصديقتي ام مبارك وامها واخوها

الطيران المعتمد ...

طيران الامارات

العمله ...

عملتهم اسمها بات

و1000 درهم تساوي 8650 بات تقريبا عندنا

وفي شارع العرب في بانكوك حصلنا 1000 درهم ب 8750 بات أحسن شوي

نوع الطياره ...

هي الايرباص الجديده أم طابقين ، ونحن تعمدنا نحجز عليها في السيره

وفي الرده والحمدالله توفقنا وحصلنا فيها ، وهاي الطياره وايد حلوه

والبزنس فيها رغااااااااده فمابالكم بالدرجه الاولى ..

بس في الرده اتصلوا فينا طيران الامارات وخبرونا انه الطيارهالعوده

مابتينا وبيطرشون وحده صغيره ، وسألونا اذا حابين نكسل او نأكد رحلتنا

فردينا انه بنرجع بنفس تاريخنا ، ولما سرنا المطار صارت بيننا وبينهم

مشكله انتصرت انا فيها

الله يسلمكم خبرونا انه البزنس فل واعطونا خيارات ، يا أما نرجع ع

السياحيه ويعطون تذاكر مجانيه ، وطبعا انا رفضت وبشده ، او نساف

ر على الدرجه الاولى على الطياره الثانيه يعني ننتظر بالساعات وقالولنا

بينزلونا في فندق 5 نجوم نرتاح كم ساعه لين موعد الطياره الثانيه

وتنيلت حضرتي ورفضت

الصراحه كنت معصبه عليهم وع هذا المقلب واصريت أرد ع هاذي الطياره

وع البزنس ، ولما شافوني ما اتحاجى دبرولنا مقاعد على البزنس وردينا

في وقتنا وانا في الطياره اقول لجوجو :

انا غبيه ليش مافقت على العرض الثاني والله كنا بنسترغد ، قالت :

أنا قلتلج وافقي بس انتي أصريتي

نحااااااسه

شوفوا صور طائره الايرباص 380 الجديده ، وانا حطيتها اهداء في تقرير

أخونا الحربي

http://www.arabtravelersforum.com/travel327982-16/

السكن ...

حجزنا في الانتركونتينننتال

[center]

غرفه ديلوكس انا وجوجو

الهدف من السفره ...

فحوصات في المستشفى الملكي

وتسوووووووووووووق

الاستعداد للرحله ....

أنا وجوجو ما اخذنا وايد ثياب وأغراض لأنه هدفنا نترس الشنط من هناك

جمعت كل المعلومات المهمه لي من تقارير الاخوان في منتدانا ومن منتدى ثاني

وأكثر واحد ساعدني في الاسئله اللي حيرتني هو أخويه الحربي

وهاي بعض المقتطفات من اسئلتي وأجوبته ...

اقتباس:

شو الفرق بين المستشفى الملكي والامريكي

أنا بصراحة أحب المستشفى الأمريكي لانه انظف واجهزته احدث

اقتباس:

(( أنا سبق اني جربت الامريكي ))؟ وشو الافضل بينهم؟

ما فيه فرق بينهم واناسألت عنه وايد وعرفت انا الدكاتره الكبار

يداومون هني يومين وفالثاني يومين يعني بخصوص الاطباء الكبار هم

نفس الدكاترة لانهم يشتغلون بالساعة وفي كلا المستشفيين ،أما من

ناحية الاجهزة والخدمات المتوفرة فالامريكي ( برمنجراد ) يفوق على

الملكي في عدة اشياء من حيث العيادات كذلك التمست الفرق في

العيادات وخاصة العيادات المتخصصة في الامراض المستعصية ،، أما

بقية الاشياء فهي متشابهه ... والاسعار متقاربة بين المستشفيين

اقتباس:

انا سألت عن صرف العمله ، قالولي : ال 1000 درهم تساوي 8200 عند الانصاري

شو رآيك ..أوكي ولا تنصحني بشي ثاني؟

بصراحة انا افضل انج تاخذين تصرفين 500 درهم فقط وهناك اصرفي

في الحي العربي او في الصرافات التي في في الاسواق يكون

الصرف عندهم احسن من الصرافه هني.

اقتباس:

وشو رآيك آخذ ويايه غير التايلندي ، دولار ولايورو؟

خذي الدولار افضل لان صرفه ما يطيح مثل باقيالعملات

اقتباس:

وانا ما افكر أسكن في فريج العرب ، قبل 3 سنوات سكنت هناك وماعجبني

الوضع أفكر أسكن في الأنتر

بخصوص العائلات ما أنصح بسكنهم في الحي العربي ،،، يفضل أن

تسكني في اماكن بعيدة مثل مجمع الأسواق التجارية او في سكاي ورلد

تاور عندهم عرض هذه الايام ولاحظت انا هذه المنطقة ممتازة

وتنعدم فيها الحركة بعد الساعة 10 مساء .... أما في الحي العربي ففي

اماكن الواحد يستطيع السكن فيها وهي بعيدة عن شارع سكومفيت 2

3 ، 4 وتكون هذه المناطق هادئة بعدالساعة 10 ليلا والحاجة للسكن

في هذه المناطق من أجل المطاعم والخدمات فقط.

اقتباس:

في رأيك وين أصرف لو احتجت ؟

في الحي العربي احسن سعر للصرافة في محلات الصرافة مقابل فندق جراند .

اقتباس:

اذا بغيت اشتري كيمرا عاديه وتصور حلو بس مب احترافيه..

فأي نوع تنصحني فيه ، وصنع أي بلد ؟

انصحج بهذي الكاميرا وهي من نوع canon سعرها ممتاز

وصورها ممتازة جدا .... والكاميرا في تايلند ما بتفرق في السعر وايد

وخاصة لهذي الكاميرات الفرق يكون في كاميرات البروفيشنال أكثر من

نصف السعر .

Canon Digital IXUS 110 IS Digital camera compact

اقتباس:

حتى اللاب توب لو فكرت أشتري يديد ، أي ماركه

تنصحني فيها وأي مواصفات ؟

اللابتوبات في تايلند سعرها قريب من سعرنا هني في دبي عدا التي تنزل

يديد يكون السعر عندهم ارخص ب 20 % تقريبا عن السعر هني ،،،

اذا انتي بتاخذين لاب توب فانصحج بالسوني فايو لان الضمان عالمي

وما ينخاف عليه ،،، وما ناحية الكيبورد بيكون انجليزي لازم تطبعين

عليه الحروف واذا عزمتي تشترين عقب بنقولج كيف تطبعين عليه الحروف .

اقتباس:

متى يسكر سوق الاكترونيات ؟

الساعة 7-8 حسب المحلات بس الرسمي هو الساعة 7 ساءاً

اقتباس:

ومتى يسكر انديرا ماركت ؟

نفس الشي الساعة 7 ساءاً

اقتباس:

بغيت أعرف بالنسبه للصرف تقريبا 1000 درهم كم تساوي من عندهم؟

أنا بصراحة يوم كنت هناك في شهر 3 كان الصرف 1000 درهم =

9780 وكان وااااااااااايد اوكي حتى اني تطمعت وقلت بصرف مبلغ

عسب يوم ارجع مرة ثانية وعقب سرت في شهر 9 / 2009 وكان

الصرف نازل 1000 درهم = 9380 بات ونزل واااااااااايد والحين قالوا

لي في حدود 8900 - 8700 تقريبا .

اقتباس:

بالنسبه لهاي الكاميرا بنتي عندها وحده ، وأنا عندي كيمرتين كانون

بس نوع ثاني غير اللي عند بنتي والثنتين يشبهون بعض لأنه

وحده اشتريتها وحده فزت فيها

وبنتي الثانيه عندها نيكون ، بس كلهم مفلعين من كثر مايطيحون عنا

يعني خربانين شوي ، وكنت أفكر أشتري وحده أكثر منهم جوده وتقنيه

عيل خذي الكانون 450 وايد اوكي وسعرها ممتاز في تايلنج

d450 بيكون في حدود 1700 درهم او أقل لاني كنت هناك كانت

1800 درهم في البانتيب بلازا .... وشي ثاني هذي الكاميرا نصف

احترافيه يعني اذا تبغين تصورين في الوضع الاوت تقدرين او تقدرين

تصوري في الوضع الاحترافي يعني لج الخيار في اختيار الوضع ...

وهذي مناسبة جداَ... ويقابلها في النيكون d80 وما اعتقد تحصلينه

ا في تايلند لان الموديلات اليديدة من تنزل يسحبون الموديلات الجديمة

ويطرشونها على الاسواق الاخرى عسب ما تنزل جيمتها .... بس

الكانون ارخص ونفس الاداء مع النيكون.

اقتباس:

يبتلك سؤالين ع الطاير

شو الجو عندهم في شهر 4 و5 يعني كم تقريبا ؟

والله الجو طول السنة في تااااي نفس الجو بس الامطار تزيد بين شهر

7-9 وبيكون الجو رطب ومشمس والشمس في النهار حاااارة ... خذي

كريمات الوقاية من اشعة الشمس.

اقتباس:

أنا قريت تقرير لأخ سعودي ، وتكلم عن الفيزا ..

هل مطلوب منا نحن بعد فيزا ولابس للسعوديين ؟

تصدق أنا من 3 سنين سايره ونسيت هاي السالفه..

لا ما يحتاي فيزا من المطار يعطونج الفيزا خلال ربع ساعة حسب

الزحمة لمدة شهر لمواطني دولة الامارات ودول مجلس التعاون عدا

السعودية ... الله يساعدهم .

اقتباس:

أبا اشتري بطاقة تيلفون من عندهم ...

فهل بحصل في المطار ؟ وشو أسم البطاقه اللي ترشحها ؟

هلا ومرحبتين والله ...

طال عمرج البطاقات موجودة في المطار وتقدرين تشترينها وشي

محلات في المطار ... أو اصبري لين تطلعين من المطار وفي اي محل

بتحصلين البطاقات ... انا كنت استخدم 12 كول ( ون تو كول ) وبعد

الاستفسار من البائعين قالوا لي كل البطاقات الي تستخدمها نفس الشي

تكلفة الاستخدام لكن ما يميزها هو بين الاتصال في نفس الشركة يكون

التخفيض كبير يعني من بطاقة ون تو كول الى نفس البطاقة يكون

الاتصال مخفض .... الشي الثاني والمهم ... بخصوص الاتصالات

الدولية شي بطاقتين الاولى أسمها ( مرحبا ) والثانية أسمها

( ترو دي ) احفظي الاسامي عدل ... هذيلا بس للاتصالات الدولية لان

الاتصال من البطاقة مباشرة غالي جدا وتقريبا الدقيقة بما يعادل 4

دراهم لكن مع البطاقتين السابقات تطلع تكلفة الدقيقة الواحدة فقط 80

فلس اماراتي ... انا عن نفسي كنت استخدم بطاقة ترودي ( 500) بات

كنت اتكلم فيها تقريبا 6 أيام وكل يوم تقريبا نص ساعة .... ونظامها

كالتالي ... تخلي حد يحط الرصيد الخاص بالبطاقة في بطاقة التلفون

واذا تبغين تتصلين شي طريقتين :-

الأولى :- تتصلين في رقم معين ( مرفق مع البطاقة ) وعلى طول

بيصكر ويرجع يتصل فيج وتحطين الرقم الي بتتصلين فيه عقب

تتكلمين كالعادة بدون الاصفار على طول 97150.......هذا فتح خط

الامارات طبعا كمثال .

الثانية :- يعطونج كود موجود في البطاقة تحطين الكود مع رقم الهاتف

الدولي وعلى طول ارسال بدون الاصفار كذلك .

ملاحظة هامة جدا : في تايلند كل التلفونات اذا اردتي الاتصال خارج

تايلند لا تحطين 00 ما بيتصل ابدا .... حططي علامة + بدال الاصفار .

اقتباس:

بس في شي مافهمته ، يعني اشتري بطاقتين وحده

للأتصال الدولي وحده للاتصال الداخلي ؟

انتي بتشترين بطاقة واحدة الي هي ( الشريحة) وهي من نوع ون تو

كول عقب البطاقة الثانية مال الاتصال الدولي هي شرات البطاقة الي

نشتريها من السوبر ماركه عسب نعبي فيها رصيد ،،، بمعنى آخر

البطاقة بيكون فيها رصيدين رصيد البطاقة الخاص بالبطاقة الاصلية

ون تو كول ورصيد خاص بالبطاقة الدولية .... ترودي او مرحبا ....

نسيت شي بعد اذا اتصلتي ( من بطاقة مرحبا او ترودي ) ما بيظهر

عند المتصل رقمج الخاص بالبطاقة الي هو رقم البطاقة الاصلية ون تو

كول بيطلع رقم خاص او مكالمة من غير رقم لان هذي بدالة تتصلي

عليها عقب هي تحول المكالمة دوليا.

واذا تبغين رقمج يظهر عند المتصل تتصلين دايركت من البطاقة ون تو

كول بدون التحويل من البدالة بس تتكلفة المكالمة غالية

( قريب من 4 دراهم للدقيقة ).

شو رآيكم نكمل باجر ...

فيي رقاد

تصبحون ع خير وانتظر تواصلكم

مواضيع عشوائيه ممكن تكون تعجبك اخترناها لك:

• جزيرة كوسوموي
• بعض الاستفسارت
• اريد أسماء الخطوط الجوية ببانكوك
• رحلات فوكيت
• اريد جدول سياحي لتايلاند وبوكت وشنقماي
• الرجاء المساعدة عاجل
• استفسار بخصوص صندوق الامانات
• استفسارات و اسأله لاول مره في تايلند
• ضريبة مرور الأردن لزيارة سورياا
• كيف أقدر اخذ ذبيحة في بتايا ؟
• ضريبة المغادرة من بوكيت
• ترتيبات السفر لتايلاند
• كلام خطير وماني عارف شي إلحقونا ياخبراءنا الأفاضل
• مسافر جديد لتايلند
• مساعدة عاجلة لو تكرمتم
• آآآخر اخبار السفر براً الى سوريا
• نشحن السيارة ولا استأجـــــــــر
• ارخص طيران لبانكوك
• «قصر الأميرات الملكي» لون الزهر بالنكهة المصرية والياسمين الدمشقي
• مساعده عاجله الله يسعدكم

كل الشكر والتقدير للاستاذة الكبيرة هداوه ... وشرفتيني كثيرا بوضع كل الاجوبة في تقريرج الرائع ، وهذا ليس بغريب عليج ، فهذا اقل القليل نقدمه لمنتدانا الغالي واخواننا الاعضاء .

بداية قوية وتبشر بأحداث دموية ( القمصان الحمر ) عاااد الله الله في المكان نبغي مكان جدام ومطلع على الدريشة.


متابعين وبالتوفيق ان شاء الله .....

صراحة تقاريرك كلها روعة وانا من المعجبين فيها وقرأتها كلها وحفظتها كمان واستفدت اكثر شى من تقرير كوانزو...............تحياتى لك ومتابعين معك

اختي العزيزة هـــــــــــــداوه الحمدلله على سلامة الوصول ،،، تقرير روعة بصراحة ومقدمه ولا اروع ماشاء الله عليج كتابة كل شي بالتفصيل ،،، الاسئلة والاجوبة من اخوي الحربي وغيرهااا من معلومات مهمة ،،، بارك الله فيج وسجليني وياج بتقريرج تراني يالس يمكم بنفس الطيارة بس انتي ماعرفتيني ،،،، قصدي يالس في المقاعد الجدامية لتقريرج هههههه

المشاركة الأصلية كتبت بواسطة الحوسني
http://www.arabtravelersforum.com/tr...8/#post3884448

اختي العزيزة هـــــــــــــداوه الحمدلله على سلامة الوصول ،،، تقرير روعة بصراحة ومقدمه ولا اروع ماشاء الله عليج كتابة كل شي بالتفصيل ،،، الاسئلة والاجوبة من اخوي الحربي وغيرهااا من معلومات مهمة ،،، بارك الله فيج وسجليني وياج بتقريرج تراني يالس يمكم بنفس الطيارة بس انتي ماعرفتيني ،،،، قصدي يالس في المقاعد الجدامية لتقريرج هههههه

الله يسلمك ويخليك


والف شكر على الاضافه الجميله ومااااااااااقصرت


الصراحه لعوزنا مركز تحميل الصور ولا ماقصرنا ....


يسلموووووووووووووووو


ياهلا وسهلا فيك في تقريري ، ده انته شرفت ونورت وان شاءالله يعجبك تقريري

المشاركة الأصلية كتبت بواسطة الحـربي
http://www.arabtravelersforum.com/tr...6/#post3884386

كل الشكر والتقدير للاستاذة الكبيرة هداوه ...

هههههه


مب كأنك كبريتني بكلمة استاذه ، ده أنا لسه تلميذه

وشرفتيني كثيرا بوضع كل الاجوبة في تقريرج الرائع ، وهذا ليس بغريب عليج ، فهذا اقل القليل نقدمه لمنتدانا الغالي واخواننا الاعضاء .

انته تستاهل كل خير والصراحه ماقصرت ويايه ...


وانا سعيده انك شفت تقريري

بداية قوية وتبشر بأحداث دموية ( القمصان الحمر ) عاااد الله الله في المكان نبغي مكان جدام ومطلع على الدريشة.


متابعين وبالتوفيق ان شاء الله .....

مايهمك الدم لين الركب ويا الرد تي شيرت


هههههههههههه



حياك الله وتسعدني متابعتك

مقدمه اكثر من راااااااااائعه وغير تقليديه ..اختي هداوه ...
زين انك غيرتي رايك ونزلتي التقرير ...
ترانا محترين صور الرعب والدم ...على احر من الجمر

الحمدالله على السلامه يلا خبرينا عن التسوق

ألف الحمد الله على السلامة يا هداوه
أف رحتي ديرة سيام اخيراا عاد انا كنت من المدمنين قبل سنة 2000 بس خلاص ما قمت اروحلها الان
و اقولك سبايدي كاب ... انتي و رفيجاتك و خاصة جوجو .. والله يسلمكي انتي و رفيجاتك من كل شر
و اتوقع كلامك صحيح ان المستشفي الامريكي افضل مهما كان امريكي و صرف العملة كنت باسابق اشوف الناس تصرف دولار من الكويت و تروح تصرف هناك و كنت اسوي نفسهم وعرفت بعدين الفرق العملة هذا و التسوق زين في بانكوك و اكيد رحتي الي سفاري وردد او اريم ورد و سوق طوكيو و غيرهم من الاماكن التسوق و السياحية شكلنا ناطرين تقرير من العيار الثقيل بس دير بالك لا يروحون الصور لان التحميل مومن المسافرين العرب ف اخاف تروح الصور و الناس تراها تعتمد على الله ثم تقاريرك وانا واحد من الناس والله استفدت من تقرير الاماكن السياحية لكي في زلامسي و انترلاكن الله يعطيكي العافية

الحمد لله على السلامه
التقرير من البدايه قوي
سجليني من المتابعين
يسعدك الله في الدنيا والاخره

المشاركة الأصلية كتبت بواسطة سارووونه
http://www.arabtravelersforum.com/tr...6/#post3884976

مقدمه اكثر من راااااااااائعه وغير تقليديه ..اختي هداوه ...
زين انك غيرتي رايك ونزلتي التقرير ...
ترانا محترين صور الرعب والدم ...على احر من الجمر

هلا والله بخبيرة الصين اللي تنافسني


كيف حالج الغاليه ، عساج بخير


تسعدني متابعتج

المشاركة الأصلية كتبت بواسطة نبع المسك
http://www.arabtravelersforum.com/tr...6/#post3885546

الحمدالله على السلامه يلا خبرينا عن التسوق

الله يسلمج



الصراحه ماعندي رمسه وايد عن الاسواق ، لأنه تسوقنا كان خفيف



والسبب انه معظم الاسواق الحلوه مسكره

المشاركة الأصلية كتبت بواسطة violetq8
http://www.arabtravelersforum.com/tr...0/#post3885600

ألف الحمد الله على السلامة يا هداوه

الله يسلمك ويخليك

أف رحتي ديرة سيام اخيراا عاد انا كنت من المدمنين قبل سنة 2000 بس خلاص ما قمت اروحلها الان
و اقولك سبايدي كاب ... انتي و رفيجاتك و خاصة جوجو .. والله يسلمكي انتي و رفيجاتك من كل شر

هههههههههه


آمين وشكرا لك


و اتوقع كلامك صحيح ان المستشفي الامريكي افضل مهما كان امريكي و صرف العملة كنت باسابق اشوف الناس تصرف دولار من الكويت و تروح تصرف هناك و كنت اسوي نفسهم وعرفت بعدين الفرق العملة هذا و التسوق زين في بانكوك و اكيد رحتي الي سفاري وردد او اريم ورد و سوق طوكيو و غيرهم من الاماكن التسوق و السياحية شكلنا ناطرين تقرير من العيار الثقيل بس دير بالك لا يروحون الصور لان التحميل مومن المسافرين العرب ف اخاف تروح الصور و الناس تراها تعتمد على الله ثم تقاريرك وانا واحد من الناس والله استفدت من تقرير الاماكن السياحية لكي في زلامسي و انترلاكن الله يعطيكي العافية

الله يعافيك ، بس لاتنفخوني وايد تقريري هاي المره من العيار الخفيف


والسبب انه نص المده قضيناها في المراجعات في المستشفى وجزء بسيط



اسواق علشان الاسواق اللي نباها مسكره



ومافيش فسح بسبب الاضاع وبعد ماكان لنا خاطر في الفسح

المشاركة الأصلية كتبت بواسطة fofo2
http://www.arabtravelersforum.com/tr...4/#post3886264

الحمد لله على السلامه
التقرير من البدايه قوي
سجليني من المتابعين
يسعدك الله في الدنيا والاخره

ويسعدج فوفو


وحياج الله في تقرير هداوه المتواضع ...

يسعدلي صباحك هدهودة الحلوة

كفاية علينا كلامك الحلو ولهجتك الأحلى

والحمد لله على سلامتكم وما تشوفو شر ان شاء الله

ومعوضين خير وبسفرة أحلى منها بإذن الله

كل الشكر عزيزتي



أموله

محترفة تصوير بصراحه بصراحه يوم شفتج تصورين خفت عليج من القناصه عاد يقنصونج هاااي مشكلة ،،،، كملي متابعتنج بس لاتتاخرين علينا

وأخيرا وبعد جهد قدرت احمل الصور من موقع خارجي ولكن صوره صوره

لأجل عيونكم بنزل اللي أقدر عليه ...

http://www.0zz0.com

:2iw9l: :2iw9l:

:2iw9l: :2iw9l:

http://www.0zz0.com

:2iw9l: :2iw9l:

:2iw9l: :2iw9l:

:2iw9l: :2iw9l:

http://www.0zz0.com

:2iw9l: :2iw9l:

:2iw9l: :2iw9l:

http://www.0zz0.com

:2iw9l: :2iw9l:

http://www.0zz0.com

:2iw9l: :2iw9l:

:2iw9l: :2iw9l:

:2iw9l: :2iw9l:

http://www.0zz0.com

:2iw9l: :2iw9l:

:2iw9l: :2iw9l:

:2iw9l: :2iw9l:

:2iw9l: :2iw9l: :2iw9l: :2iw9l: :2iw9l: :2iw9l:



من فرحتي ..لاتلوموني

المشاركة الأصلية كتبت بواسطة Amola12
http://www.arabtravelersforum.com/tr...9/#post3887899

يسعدلي صباحك هدهودة الحلوة

كفاية علينا كلامك الحلو ولهجتك الأحلى

والحمد لله على سلامتكم وما تشوفو شر ان شاء الله

ومعوضين خير وبسفرة أحلى منها بإذن الله

كل الشكر عزيزتي



أموله

أموووووووله



يسعدني صباحج ومساج يالغاليه


والله وجودج هو الاحلى



والله يسلمج ويسلمج غاليج ، وبنعوضها انا جوجو



اليوم اقولها مافي شي يعورج علشان اوديج بانكوك



ههههههه نبا علثه بس

ماشاء الله عليك اختي الغاليه هداوه ...

ماخفتي وانتي تصورينهم

كنتي تمشين عادي وتصورين ..والا كنتي بداخل سياره ؟؟

أحس اني خفت من اشكالهم من الصور وشلون عالطبيعه ...

يالله الحمد لله على سلامتكم ..وأهم شي رجعتو الديره وانتم بصحه وسلامه ..

ننتظر باقي الصور يابطله ...

هههههههههههههههههههههه
ماشاء الله عليج تتمشين بينهم ولا جنه شي مستوي هههههههههه
صراحه شكيت انج حرمه خالي بس يوم تذكرت اني شايفه لج تقارير جديمه ويزقرونج ام عيسى
عرفت انج هب هي .. بعد المشكله انها تقريبا نفس المده اللي كنتي فيها هناك ونفس الفندق ومصوره بعد المتظاهرين نفسج

نتريا تقريرج بفااارغ الصبر

حمدلله على سلامتكم والله فرحتيني وضحكتيني في تقريرج الجميل وهذا ماتعودناه منكي يا هداوة
قمة الروعه والله واتمن لكي زياره اخرى للشراء لانه اسسواق تايلاند لاتخلص ولا تمل

أنتي دايما رائعة هداوة ياوردة بلادي

المشاركة الأصلية كتبت بواسطة سارووونه
http://www.arabtravelersforum.com/tr...5/#post3893485


ماشاء الله عليك اختي الغاليه هداوه ...

ماخفتي وانتي تصورينهم

كنتي تمشين عادي وتصورين ..والا كنتي بداخل سياره ؟؟

أحس اني خفت من اشكالهم من الصور وشلون عالطبيعه ...

يالله الحمد لله على سلامتكم ..وأهم شي رجعتو الديره وانتم بصحه وسلامه ..

ننتظر باقي الصور يابطله ...

الله يسلم اربيعتنا الكوريه


صدقوني كانوا وايد حبوبين ومرحبانيين وانا كنت اصورهم ساعات وانا

اكون في التاكسي وساعات من التك تك


وساعات اكون امشي عدالهم وساعات من دريشة الغرفه ومره صوريتهم


من الجسر اللي يودينا على الميترو

(( على فكره ماركبته ولا مره لأنه مسكرين اللي عدال فندقنا ))

المشاركة الأصلية كتبت بواسطة D e e m
http://www.arabtravelersforum.com/tr...1/#post3893681

هههههههههههههههههههههه
ماشاء الله عليج تتمشين بينهم ولا جنه شي مستوي هههههههههه
صراحه شكيت انج حرمه خالي بس يوم تذكرت اني شايفه لج تقارير جديمه ويزقرونج ام عيسى
عرفت انج هب هي .. بعد المشكله انها تقريبا نفس المده اللي كنتي فيها هناك ونفس الفندق ومصوره بعد المتظاهرين نفسج

نتريا تقريرج بفااارغ الصبر

أنا بطله ما أخاف


اصلا لما كنا نمشي عدالهم ماعندهم الا يغنون ويرقصون ما كنا نحس بأي


شي يخوف الا من الاخبار


لكن عاد نباج تاخذين من مرت خالج الصور اللي عندها وتحطينها في تقريري


اذا ممكن

حمدالله على السلامة يام عيسى

ماصدقت اشوف اسمج على البوابة التايلاندية ألا قلت لازم أقرا التقرير لأن قلت اكيد مارح يخلى من المواقف .

وهذي فرصة أشكرج فيها على تقريرج الممتع في البوابة لسويسرية لي استفدنا منه ووووووووووووووايد في رحلتنا العام الماضي2009م وإلي لحين أقرا التقرير لسفرتنا الصيفية 2010 م بأذن الله ( ماوحشتج أنترلاكن)

انا اقول شو هالربشه في البوابه التايلنديه ثرج هنييييييه هههههههه اختي ام عيسى اشحالج ؟؟ ماشاء الله عليج كل يومين امنزله موضوع عن المطاعم في دبي لازم يحتاي اتسيرين اتسوين فحوصات هههههههههه ؟بس صراحه صراحه غوانزهو ولابانكوك هههههه ؟ تحياتي للعائله الكريمه

المشاركة الأصلية كتبت بواسطة @ الحنوووون @
http://www.arabtravelersforum.com/tr...1/#post3898701

قلنالهم : عاشوا والله الحمر ، ترا جذي مظاهراتكم ،
لافرررررق الله شملهم ... عاشوووووووو
ههههههههههههههههههههههاااي تموووت من الضحك
على انا يا اهل الخليج نحب الطربقة
وجت المظاهرات على مانتمنى هههههههههههااي
الله يسعد قلبك والتقرير
كل الود

ويسعدك ربي

عاشوووو أهل الخليج

المشاركة الأصلية كتبت بواسطة bigbin609
http://www.arabtravelersforum.com/tr...1/#post3898761

الحمدلله علي السلامة يا اختي
وبداية موفقة وطيبه
وسجليني متابع معاج للتقرير


اخوكم:- عبدالله الكويتي

الله يسلمك أخويه عبدالله

ههههه شو بتابع خلص المسلسل هههههههه اقصد التقرير

تدرون عندي صور بحاول انزلهم وبنسرق من اربيعتي ام مبارك كم

معلومه من تقريرها اللي منزلتنه
في مكان ثاني

بغيت الصور من عندها لكن للأسف مسحتهم

المشاركة الأصلية كتبت بواسطة سحر الليل
http://www.arabtravelersforum.com/tr...8/#post3898848

حمدالله على السلامة يام عيسى



الله يسلمج

ماصدقت اشوف اسمج على البوابة التايلاندية ألا قلت لازم أقرا التقرير لأن قلت اكيد مارح يخلى من المواقف .


حياج الله في كل تقاريري وهذا يشرفني

وهذي فرصة أشكرج فيها على تقريرج الممتع في البوابة لسويسرية لي استفدنا منه ووووووووووووووايد في رحلتنا العام الماضي2009م وإلي لحين أقرا التقرير لسفرتنا الصيفية 2010 م بأذن الله



العفو ماسوين شي ، بس اهم شي دعائكم



( ماوحشتج أنترلاكن)

واااااااااااااااااايد وحشتني

يشغلون البلازما اللي مثبتينها في الشارع

وفيها يظهر مسؤول ممتأكد منو وايلس يخطب ، طبعا هاي الخطابات

مسجله ويتمون طول الوقت حاطين هذا التسجيل ومعلين على الصوت

ويعيدون ويزيدون فيه

هذي حتى لو ماكو مظاهرات سياره تمشي ورافعه الصوووت
اكثر شي شفتهم في بوكيت ..
يعني مسويين حركه وحريه..

رووووعه الصور وحكياااااتك الحلووووووووه
مثل حلاوتك والله شكرا لك

المشاركة الأصلية كتبت بواسطة هيمان سفر
http://www.arabtravelersforum.com/tr...9/#post3898939

انا اقول شو هالربشه في البوابه التايلنديه ثرج هنييييييه هههههههه اختي ام عيسى اشحالج ؟؟ ماشاء الله عليج كل يومين امنزله موضوع عن المطاعم في دبي لازم يحتاي اتسيرين اتسوين فحوصات هههههههههه ؟بس صراحه صراحه غوانزهو ولابانكوك هههههه ؟ تحياتي للعائله الكريمه

هلا والله بهالطله

وانته شو يايبنك بوابة تايلند ، أكيد ناوي ع سفره

هههههههه عيبتني كلمة ربشه ...

تعرف هداوه في أي مكان ماتكون هداوه لازم تربش المكان

هههههههههههه بسبب مطاعم دبي اعتلت الصحه ...

ولاتنسى الكبر شين

أحب اطمنك انا سبب سفرتي انه جوجو اربيعتي عندها مراجعه

وانا قلت بالمره بسوي فحوصات ، وبتسوق

كوانزوووووووووو بلا منازع

سلامي لأم العيال

اقول سبب مظاهرات وصول هداوه تايلند ههههههه
يسعدك الله في الدنيا ولاخره

المشاركة الأصلية كتبت بواسطة *؛؛شـمــوخ ؛؛*
http://www.arabtravelersforum.com/tr...7/#post3899307

هذي حتى لو ماكو مظاهرات سياره تمشي ورافعه الصوووت
اكثر شي شفتهم في بوكيت ..
يعني مسويين حركه وحريه..

رووووعه الصور وحكياااااتك الحلووووووووه
مثل حلاوتك والله شكرا لك

هلا وغلا شموخ

انتوا وايد تدلعوني انا ما اقدر ع هذا الدلع كله :1a6cb:

الله يعلم اني احبكم مثل ماتحبوني واشكركم من قلبي على كل هذا الحب

اللي المسه في كلماتكم الجميله

الله لايحرمني منكم

المشاركة الأصلية كتبت بواسطة fofo2
http://www.arabtravelersforum.com/tr...2/#post3902092

اقول سبب مظاهرات وصول هداوه تايلند ههههههه
يسعدك الله في الدنيا ولاخره

هههههههههههههههههههههههه


والله يسعدج ولايحرمني من حبكم...

يسعدني مساكم

اليوم بنزللكم بعض الصور

اول ماوصلنا مطار بانكوك

فندقنا الانتر

السلم اللي يصعدنا لمحطة الميترو القريبه من فندقنا

جوله في المستشفى الملكي

ماشاءالله الاماراتيين مكتسحين مستشفيات بانكوك

استقبال خاص للخليجين ، يعني لاتحاتون بيكلمونكم عربي وبيسهلون لكم

كل الاجراءات والصراحه هم جدا منظمين

هاذي استراحه وقاعة انتظار ...

اذكر شفت مشهد مب حلو في هاي الاستراحه ، وللأسف شي يفشل ...

الله يسلمكم شفت شباب عرب لابسين جلابيات البيت ومنسدحين في

الخيمه وحد منهم ماخذله غفوه

كأنهم في بيتهم ولافي ميلسهم

وانا رأيي هذا عيب لأنه هذا مستشفى ومكان عام ، ولازم ننقل صور حلوه عنا...

انتظروني المره اليايه بآخذكم جوله في شارع العرب

المشاركة الأصلية كتبت بواسطة ولهان على السفر
http://www.arabtravelersforum.com/tr...7/#post3903077

بأنتظارك ياهداوة .......بيض اللّة ويهك

ويهك أبيض

وفالك طيب .. اليوم ان شاءالله

اولا الحمد لله على السلامه
اسلوووووووبك حلووووووووووو مره
شكلك انتى الا مسوي لهم جو يعني مونستهم

ومن متابعين تقريرك

الحمدلله على السلامة

كل الشكر لج يا نجمه المنتدى كلج ذوق في الصور يا قلبي

المشاركة الأصلية كتبت بواسطة أأأستغفر الله
http://www.arabtravelersforum.com/tr...8/#post3906868

اولا الحمد لله على السلامه
اسلوووووووبك حلووووووووووو مره
شكلك انتى الا مسوي لهم جو يعني مونستهم

ومن متابعين تقريرك









المشاركة الأصلية كتبت بواسطة الممسافر-1
http://www.arabtravelersforum.com/tr...4/#post3910964

الحمدلله على السلامة

الله يسلمكم ويعافيكم ...

وشكرا ع تواصلكم

الحمد لله علي السلامه

وبارك الله فيك علي التقرير المرتب . الجميل

وجزاك الله كل خير

المشاركة الأصلية كتبت بواسطة al osaimi
http://www.arabtravelersforum.com/tr...6/#post3917916

الحمد لله علي السلامه

وبارك الله فيك علي التقرير المرتب . الجميل

وجزاك الله كل خير

الله يسلمك وشكرا لك

حمد الله على السلامه هداوه ... حبيت التفاصيل بتقريرج
يعطيج العافيه

المشاركة الأصلية كتبت بواسطة punisherbb
http://www.arabtravelersforum.com/tr...0/#post3940040

تقرير جميل بل ممتاز
بعض الصور معطله

أهلا وسهلا فيك ...


ما أدري ليش ؟


لكن الحين تصلح مركز التحميل الخاص بمنتدانا وبنزل الصور منه ان شاءالله

المشاركة الأصلية كتبت بواسطة عاشقةتايلند
http://www.arabtravelersforum.com/tr...9/#post3941159

حمد الله على السلامه هداوه ... حبيت التفاصيل بتقريرج
يعطيج العافيه

الله يسلمج ويعافيج

موفقه يا الغاليه وتقرير ولا اروع وسامحيني على التاخير بس قاعده ابذل جهدي في قرائت تقارير بوابة النمسا والمانيا ياقلبي

تقرير في قمة الرعب مع القمصان الحمرا يليت تكملين متابعين وبتشوق

للاسف اخت هداوه الايسكريم الى طلبتية في كحول اللة كريم بس

أختى هداوه
تروحين وترجعين بالسلامه والعايله الكريمه
يسدك الله في الدنيا والاخره

جميل... مستمتعين مع هذا السرد الرائع

تقرير رائع وممتع عاشت ايدك اختي اغالية

شكرا لك على هذه المعلومات المفيدة

لااتراااالللرربببباااتتتتىىىررررةةةرررىىىىررروواىن لاراىء تى
ءلاؤ
ر ا
لاى
لالارلالاؤى
لارءاىؤءؤءبءبؤءؤلاؤرلللللؤؤؤؤؤلالىرارةبىربلىرةلاتل اتىتةلتللانلناةاماماىةوزاامنكتىزىزةموىظةمظةظوةزة

تروحين وترجعين بالسلامة

هداوة ياعسل ربي يحفظك لعيالك ابغى اعرف كيف المستشفى الملكي علاجهم زين وعمليات التجميل عندهم اشلون؟

تقرير في قمة الروعة اندمجنا معاك فيه .

بالتوفيق اختي هداوة ومتابعين معاك

المشاركة الأصلية كتبت بواسطة بلسم شفا
http://www.arabtravelersforum.com/tr...1/#post4101591

تروحين وترجعين بالسلامة










المشاركة الأصلية كتبت بواسطة وضح النهار
http://www.arabtravelersforum.com/tr...6/#post4117606

تقرير في قمة الروعة اندمجنا معاك فيه .










المشاركة الأصلية كتبت بواسطة skylin
http://www.arabtravelersforum.com/tr...5/#post4144745

بالتوفيق اختي هداوة ومتابعين معاك

شكرا لمتابعتكم وتواصلكم ، وحياكم الله

تقرير روعه متابعين معاكي ان شاء الله ماطولين عليناا.....

بالهداوه علينه يا هداوه.. بصراحة تقريرك عجيب

يعطيك العافية على مجهودك الأكثر من رائع

ومنتظرين آخر أجزائك لهذه الرحلة الممتعة


تحياتي لك

الله يعطيكي العافيه على هالتقرير الحلو
وبأنتظار التكملة

المشاركة الأصلية كتبت بواسطة tamim25
http://www.arabtravelersforum.com/tr...0/#post4170590

بالهداوه علينه يا هداوه.. بصراحة تقريرك عجيب

يعطيك العافية على مجهودك الأكثر من رائع

ومنتظرين آخر أجزائك لهذه الرحلة الممتعة


تحياتي لك











المشاركة الأصلية كتبت بواسطة نص ونص
http://www.arabtravelersforum.com/tr...0/#post4182200

يعطيك الف عافيه ياهداوه هانم بنتظار باقي التقرير












المشاركة الأصلية كتبت بواسطة المسافر ـآلصغير
http://www.arabtravelersforum.com/tr...0/#post4203060

الله يعطيكي العافيه على هالتقرير الحلو
وبأنتظار التكملة

الله يعافيكم ويسلمكم ...


وكل عام وانتوا بالف خير

المشاركة الأصلية كتبت بواسطة ليمونة حزينة
http://www.arabtravelersforum.com/tr...1/#post4209971

موفقه يا قلبي شوقتيني على الفندق جم كانت ليلتكم يالغاليه

شنو شريتي من هناك بعد

حياااج الله الغاليه ...

والله يخليج ويطول بعمرج ويحفظج يارب ...

وشكرا لج من القلب

بالنسبه للسعر الصراحه نسيت بس بسألج صديقتي وبخبرج ...

رغم اني ترست شنطتين ، الا اني أحس اني ما اتشريت وايد

لأنه الاسواق مسكره ، صديقتي تقوللي عيل لو الاسواق ممسكره شكثر ناويه تتشرين