الموضوع: ابي اسافر صلالة بــ ومحتاجة مساعدة

مساء الخير ..

شلونكم .. شخباركم ..


انشالله اذا الله كتب لي وللاهل نبي نسافر لصلالة

من 19-9 الي 25-9

وللاماانة واايد حبيت هيلتون صلالة ولكن الاسعار واايد مبالغ فيهاا

شنو يعني 109 لليلة الواحدة .؟؟

مادري انا شفت هذا الرابط ولكن لغتي الانجليزية لا تسعفني واايد

http://www.hilton.com/en/hi/hotels/s...moId=136650003

بس الي عرفت انة عندهم عروض

مادري ياليت اي احد من الاخوان الي سكن فية يقول لي عن اسعار الفندق

واكون لكم شاكرة

مواضيع عشوائيه ممكن تكون تعجبك اخترناها لك:

• زيارة إلى كهف الهوتة سلطنة عمان
• جدول سياحي لقضاء يومين ونص في مسقط
• سؤال عن مكتبات مسقط ؟
• افيدوني بخصوص العملة
• ابا شاليهااات مرتبه ونظيفه في عمان ومسقط بالذات
• افتتاح فندق سيتي سيزنز مسقط في شهر ديسمبر المقبل
• صور رائعه لبعض ولايات عماننا الحبيبه بعد اعصار فيت
• رحلتي لصلالة من إلى
• الطريق من الشام إلى بلودان امطار وثلوج مبااااشر
• هل من الممكن ؟
• أسئلهـ وياليتـ إللـي عندهـ إجابهـ يتفضـل
• أستفسار عن مكاتب تأجير السيارات في صلاله
• سؤال مهم والله لا يقدر إلا الخير
• اريد معلومات ضرورية و جدول للذهاب الى صلاله
• فيلا بمسبح
• فنادق صلاله من فل وش الحل
• زوجي من الساعه الى الساعه يبحث عن اي سكن بصلاله؟ مافييييييييييييييييييييييييييييه
• سؤال لاهلنا في السلطنة
• سلطنة عُمانتشكل عنصر جذب للحركة السياحية
• بخاطري أزور ظفار من الكويت و أبي نصيحتكم

مشكور طال عمرك ..

بس مو جنة غالي هالسعر..!!!

ننتظر الاخوان الي سكنوو فية

الوقت اللي بتروحين فيه يكون الموسم انتهى
تدللين بالعروض

السلام عليكم
تستطيعين الحصول على عروض النت عن طريق الهاتف المجاني اتصلي بالفندق واطلبي منهم الرقم المجاني الخاص بدولة الكويت وعن طريق الرقم المجاني تتمكنين من الحجز والحصول على العروض الخاصة وهي عبارة عن ليالي مجانية ،
ليلة لكل ثلاث ليال-ليلتان مجانيتان لكل خمس ليال

المشاركة الأصلية كتبت بواسطة قصدي خير
http://www.arabtravelersforum.com/tr...4/#post3254434

يعني السياح تغادر صلاله والفنادق والشقق بتكون فاضيه حتى السنه الجايه
بيبحثون عن اي زبون وباسعار مغريه
صدقيني
الخيار بيكون لك ما هو لهم



تصدق دقيت عليهم ما زالت الاسعار مرتفعة ..

المشاركة الأصلية كتبت بواسطة abu.sara
http://www.arabtravelersforum.com/tr...5/#post3254595

السلام عليكم
تستطيعين الحصول على عروض النت عن طريق الهاتف المجاني اتصلي بالفندق واطلبي منهم الرقم المجاني الخاص بدولة الكويت وعن طريق الرقم المجاني تتمكنين من الحجز والحصول على العروض الخاصة وهي عبارة عن ليالي مجانية ،
ليلة لكل ثلاث ليال-ليلتان مجانيتان لكل خمس ليال




والله عطوني الهاتف المجاني لهم بس ما زالت الاسعار مرتفعة عيل الضريبة 17% توو مااااج والله:105:

ولدي سؤال ثاني

هل في مطار صلالة سوق او كافية .؟؟

الرجاء الرد

المشاركة الأصلية كتبت بواسطة بنت الكوويت
http://www.arabtravelersforum.com/tr...3/#post3266143

ولدي سؤال ثاني

هل في مطار صلالة سوق او كافية .؟؟

الرجاء الرد



نعم يوجد محل لبيع القهوة والشاي والسندوتشات ،ولكن سوق بمعنى سوق لا

Abu.Sara

الف شكر على الرد السريع ..

سؤال اخر لاهل عماان

مول الستي سنتر القريب من المطار متى يسكر.؟؟

الموول كبير ويستاهل الزيارة وأظن يقفل الساعة 11مساء

لا ابوي فدييتك اليوم دقيت عليهم

ويسكر الساعة 1 بليل

بغييت مطااعم الله لا يهيينكم

أختي عندك المطعم الصيني شوب ستك لهم فرع في صلالة وفرع في السعادة وعندك مطعم الشلال الصيني موجود في صلالة في شارع 23 يوليو وكذلك المطعم الآخر وعدك مطعم بعلبك كذلك في شارع 23 يوليو ومطعم منتزه أتين وفيه جلسات عائلية وألعاب أطفال بسهل أتين وعندك بيتزا هت ومطعم دجاج كنتاكي ومطعم فطائر الأمارات

الأخت بنت الكويت
المطاعم كثيرة والأخ عمان 44 ماقصر أعطاك اسماء مطاعم نظيفة وحلوة ،، وإذا كانت نيتك تشوفي طبيعة وخضرة فجبال ظفار ولا أحلا منها ولاتترددي والخدمات متوفرة والشعب طيب وأمان ،، صح كلنا نسأل عن أي بلد ناوين نزوره ونحب ناخذ عنه قدر كافي من المعلومات ولكن مدينة خليجية يثني عليها كل من يزورها ماتحتاج كل هذا التفكير والقلق إن صح التعبير وأعتبري صلالة منطقة من الكويت كالجهرة مثلا أو حولي أو غيرها من مدن الكويت الجميلة ،،
يا أختي أنا من صلالة ومن لب الريف الأخضر الجميل وأسكن فيه وأقول لكي توكلي على الله أنتي مابتروحي دولة أوروبية بتروحي أرض الأصالة وألف مرحبا بك وبالجميع

المشاركة الأصلية كتبت بواسطة oman44
http://www.arabtravelersforum.com/tr...5/#post3269145

أختي عندك المطعم الصيني شوب ستك لهم فرع في صلالة وفرع في السعادة وعندك مطعم الشلال الصيني موجود في صلالة في شارع 23 يوليو وكذلك المطعم الآخر وعدك مطعم بعلبك كذلك في شارع 23 يوليو ومطعم منتزه أتين وفيه جلسات عائلية وألعاب أطفال بسهل أتين وعندك بيتزا هت ومطعم دجاج كنتاكي ومطعم فطائر الأمارات



بعد عمري يالغالي ما تقصر والله على هالمطاعم السنعة والله

فديتك ولولاك ما عرفت شي والله

يسلم لنا تواصلك وووقت الثميين الي تثنية علية بالمعرفة

يجزيك ربي كل خير

المشاركة الأصلية كتبت بواسطة وليف المجد
http://www.arabtravelersforum.com/tr...1/#post3269411

الأخت بنت الكويت
المطاعم كثيرة والأخ عمان 44 ماقصر أعطاك اسماء مطاعم نظيفة وحلوة ،، وإذا كانت نيتك تشوفي طبيعة وخضرة فجبال ظفار ولا أحلا منها ولاتترددي والخدمات متوفرة والشعب طيب وأمان ،، صح كلنا نسأل عن أي بلد ناوين نزوره ونحب ناخذ عنه قدر كافي من المعلومات ولكن مدينة خليجية يثني عليها كل من يزورها ماتحتاج كل هذا التفكير والقلق إن صح التعبير وأعتبري صلالة منطقة من الكويت كالجهرة مثلا أو حولي أو غيرها من مدن الكويت الجميلة ،،
يا أختي أنا من صلالة ومن لب الريف الأخضر الجميل وأسكن فيه وأقول لكي توكلي على الله أنتي مابتروحي دولة أوروبية بتروحي أرض الأصالة وألف مرحبا بك وبالجميع



يا هلا والله باهل صلالة اهل الاصالة بالجود والكرم والطيب

ما تقصر والله على كلامك وفعلا الواحد ما يحتاج للقلق

بس لاني مسوية جدول يومي فحابة اكتب كل الشي الحلو بيومة عشان تكون الرحلة منظمة:106:

خبرك احب اشوف كل شي عشان جذي لابد من السؤال

وشاكرة تواصلك والله

بعد عمري ربي يخليك ياربي على هالصور والله وكتبتة من ظمن الجدول

تسلم اييدك ياربي

أولا / ماعليك زود وهذا من طيب أصلك بنت الأجاويد
ثانيا / بالنسبة للجو في 20 - 25 \9 فموسم الخريف ينتهي فلكيا في 21 / 9 من كل عام ,, وقالبا تكون الخضرة قد قلت نوعا ما تقريبا مع تفتح الورود وزوال الضباب بشكل تام ،، ويعتبر هذا الوقت هو الوقت المناسب للرحلات العائلية لأبناء المحافظة في المناطق الجبلية حيث نضوج الخضرة وتفتح الأشجار والورود والحشائش بمختلف أنواعها والطيور تغرد وتطير هنا وهناك ،،
في ذلك الوقت الإجارات رخيصة جدا والزحمة قليلة جدا .
أكتب لك الآن وعيني مرة على الكيبورد ومرة على النافذة أطالع الجبال المخضرة حول بيتي ،،،
لا أقصد بما كتبته الإغراء ولكن لأنقل لك الصورة كما هي .
ثالثا / أتمنى لك رحلة طيبة وموفقة وتعتبريها بإذن الله من أجمل الرحلات في حياتك إن لم تكن أجملها على الإطلاق .
أرحب فيك وأي خدمة تراني جاهز لها

الله يجزيك خير ولد عمي والله على كلامك وعلى دقة وضوح الصورة لي والله

باذن الله تكون الرحلة سعيدة .. وكنت اتمنى اشوف الضباب والمطر بس يالله كافي اشوف طبيعة الله بارض الرحمن

وهذا احلى شعور والله

خيبة والله خاطري بس اشوف الغيم مع الخضرة

بس انشالله تكون الاجواء طيبة مو حارة

والله من تجارب خذي شقة أفضل وأوفر وتاخذين راحتك في كل شي فيه شقق نظيفة وراقية في صلالة الجديدة وعندك كل شي قريب تحياااتي

سؤال للغالين

جم ساعة بين مطار صلالة وهيلتون صلالة ؟؟

الاخوان ما قصرو ياليت تشوف ردهم انا خذيت الاماكن من ردهم

الله يجزاااك خير يالغالي

وشاكرة لك هالتواصل

واشاهد موضوعك الان