+ الرد على الموضوع
صفحة 1 من 4 123 ... الأخيرةالأخيرة
النتائج 1 إلى 60 من 203

الموضوع: المستحيلة و ليلة إلا ليلة

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    المستحيلة و ليلة إلا ليلة


    بسم الله الرحمن الرحيم..

    بعد تخطيط دام شهرين كانت رحلتنا إلى أسبانيا القصيرة في مدتها والحافلة في محتواها ولله الحمد وحتى ما أطيل عليكم بأقسم الموضوع إلى حلقات .. وانزلها على السعة

    معلومات عامة

    * الرحلة الدولية
    من موقع الخطوط القطرية بقيمة 2944 ريال للشخص الرياض - برشلونة - الرياض
    http://www.qatarairways.com/sa/ar/homepage.html

    * الرحلات الداخلية
    من موقع خطوط ryan air برشلونة - ملقا - برشلونة بقيمة تقريبية 90 يورو للشخص (ولنا ذكرى أليمة في هذا الموضوع تجيكم بالتقرير إن شاء الله)
    http://www.ryanair.com/en

    * حجز الفنادق
    تم من خلال موقع بوكينق اللي أثبت انه الأفضل من جميع النواحي في أوروبا بالذات ويكفي خريطة الاوتيل اللي توضح موقعه والخيارات المتاحة بالقرب منه والمعالم السياحية ومحطات القطار وكل التفاصيل الدقيقة بشكل سهل وبأكثر من لغة
    وسيتم ذكر تفصيل الفنادق إن شاء الله تباعاً في التقرير ..
    http://www.booking.com?aid=1329869

    * التنقلات
    بالقطار والباص والمترو .. وكلهم ممكن شراء تذاكرهم إما في نفس المحطة أو بواسطة أجهزة الكترونية والتعامل معها سهل ما يحتاج إلا لغة إنجليزية + بطاقة إئتمان أو يوروات قروش أضمن لأن بعض الأجهزة ما تقبل العملة فئة خمسين يورو .. وممكن تقبل العشرة والخمسة .. والباصات داخل المدينة تشتري تذكرتها في الباص نفسه وغالباً ما يقبلون إلا قروش موب فاضي السواق يصرف والا يسوق والا يركب الناس

    * سعر صرف اليورو = 5.02 ريال .... ذابحتني الدقة ^_^

    * الحلقة الأولى *
    حكايتنا مع فيزا الشنغن والسفارة الأسبانية

    تم الاتصال برقم السفارة في الرياض 4880606 قبل موعد السفر بشهر .. وسألتني الموظفة عن موعد السفر وحددت لي موعد لتقديم الأوراق قبله ب 17 يوم بالضبط وكان بأيام العشر الأواخر برمضان الله يشرفه... رحت ومعاي الأوراق المطلوبة وهي:

    - استمارة طلب فيزا شنغن
    - صورتين ملونات بدون شماغ للرجل وبالحجاب عادي لحضرتي
    - الجواز طبعا وصورة منه
    - كشف حساب أصلي مختوم من البنك (بالنسبة لي حسابي في بنك الأهلي وطلبوا 15 ريال رسوم الكشف)
    - تعريف من جهة العمل فيه الراتب والمسمى الوظيفي ويفضل رقم الجواز باللغة الانجليزية
    - تأمين طبي يغطي فترة السفر وأخذناه من التعاونية للتأمين بقيمة 184 ريال للشخصين لمدة أسبوعين

    بعد ماجلست أنتظر دوري .. كان فيه توقيع ناقص باستمارة الطلب ونبهني له السكيورتي الهندي .. اللي مسنتر عند الباب .. وقعته في استمارتي وقلت شكرا .. المشكلة الحين استمارة زوجي اللي ماجا معي وش الحل معها؟! كل شوي أطالع في السكيورتي أبي أتغافله وأوقع عنه بس ماش الرجال فوق راسي ومتابع تحركاتي .. والله الوهقة .. قلت خليني في السيف سايد وإذا رحت عالكاونتر يحلها ربي .... لما جا دوري شيكت الموظفة الأوراق ولا تكلفت تقرا طبعا وراها ناس وزحمة فتسأل كم يوم بتقعدون؟ وش المدن اللي بتزورونها .. وتسجل .. ولما طلت على الورق شافت اوراقي كاملة .. وابتسمت مبسوطة كل ما طلبت ورقة لقتها جاهزة .. وانا اقرا في نفسي ( وجعلنا من بين ايديهم سدا ومن خلفهم سدا فأغشيناهم فهم لا يبصرون )

    ولكن !
    شافت التوقيع الناقص بورقة زوجي قالت هاااه وين التوقيع؟ قلت يابنت الحلال مادريت الا هنا .. وش دعوة يعني بيعيي لا يوقع وانتم ديرة كرم وجود وتهلون بالضيف

    قالت ماينفع لازم توقيعه .. قلت المشكلة انه موب موجود الحين واحنا متأخرين اصلا بموعد تقديم الاوراق يالله يمدي على الفيزا قبل موعد السفر ... قلت ماينفع اوقع واكتب بالنيابة عنه؟ قالت لا لازم توقيعه هو ...
    طالعتني وقالت -وهنا تنحت وبلمت وطلعت مليون علامة تعجب على راسي- قالت
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    تقدرين تقلدين توقيعه ؟


    قلت ماشاءالله اثركم سهالات وانا على بالي اخاف يكفشني الهندي وانا أزور التوقيع !!

    قلت افا عليك ابشري ووقعت توقيع موب يم توقيعه من الخبصة خفت تهون هههههه

    طبعا عشت في قلق أول الوقت خفت يردون الطلب لاختلاف التوقيع .. بعدين قلت يابنت الحلال دام موظفتهم مشتها بيمشونها ان شاءالله ..

    دفعت رسم الفيزا 280 ريال للشخص وعطتني ورقة استلم فيها الجواز من بكره..

    *********

    الحين بدا الأكشن الثاني.. كان المفروض موعد استلام الفيزا بأيام العيد والسفارة بتكون مقفله ... قالت لي الموظفة راح نفتح يوم الاربعاء 15 سبتمبر.. قلت أكيد.. قالت أكيد .. وحطي ببالك اننا نقفل الخميس والجمعة يعني ماعندك فرصة لاستلامها الا بهاليوم والسفر يوم 17 سبتمبر.. قلت خير ان شالله..
    لما مر أسبوع من التقديم مدري وش خلاني أتصل بالسفارة أبسأل عن مدة الفيزا كم بتكون بالضبط لأني ناوية أزيد يوم للرحلة وخفت يصيرون نحيسين ومخلين المدة باليوم بالضبط .. واصلت مانمت لين صارت الساعة 9 خفت تروح علي نومة وما أحد يرد علي .. ولما ردوا قلت خل أسأل أول عن مواعيد الدوام في العيد .. إلا صدمتني اللبنانية قالت بنداوم السبت 18 سبتمبر!! قلت قولي غير هالحكي
    قالت وش عندك قلت مفروض أستلم الفيزا قبل وسفري الجمعة ان شاءالله .. قالت انتظري اجل وحولتني على أسباني اسمه رفاييل ماقصر فزع ودور خبر الفيزا قال شوفي يابنت الحلال كلمي يوم الاربعا 8 سبتمبر.. وهو آخر يوم دوام قبل العيد .. شوفي لو كانت طالعة تعالي استلميها .. قلت اوكي ... وأنا متأكده انه دعى على اليوم اللي عطاني فيه وجه ههههههه غثيته دقيت عليه الثلاثاء من 9 الصبح قلت خل يدري اني حريصه ويتابع الموضوع .. لما رد وقصيت عليه سالفتي قال.. انا ما قلت لك دقي الاربعا؟

    طاح وجهي على خفيف بس قلت ياخي وذكر فإن الذكرى تنفع المؤمنين وش يضرك لو شيكتها اليوم لعلها طلعت وأستلمها طازة
    شيك وقال لسه ماطلعت .. جاني إحباط بس قلت نصبر لبكره وإن شالله خير
    قال بس عندي لك خبر سار .. ان السفارة بتفتح يوم 15 سبتمبر قلت كويس... بس لأني قريت من بعض الأعضاء انهم رجعوهم كم مرة بحجة ان القنصل ماوقعها خفت يعطلوننا حنا بعد ومافيه وقت ..

    جا يوم الاربعاء آخر يوم دوام لهم برمضان ونفس الشي مواصلة وحالتي حالة مانمت ليلتين بس قلت لو ماطلعت وهذا الاحتمال الكبير بناااام نوم عميق وأعوض .. دقيت ورد رفاييل .... وش تتوقعون قال؟
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    تتوقعون رحنا والا ما رحنا ؟؟
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .هذا ما ستعرفونه في الحلقة القادمة

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    الحمد لله على السلامة، و بانتظار التكملة.

    السفارة متساهلين أحياناً، فقد وقعت عن كذا شخص بمعرفة الموظفة. أما الهنود فمساكين، أعتقد
    بأنهم لم يصدقوا أن يجدوا الفرصة التي يفرضوا فيها بعضاً من هيبتهم ! و للأمانة، فهم متعاونون.

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    حيا الله أبومحمد الله يسلمك ويبقيك ..
    مشكور على الرد والمتابعة وعسى تلقى شي يسرك بهالموضوع ..

    أما الهنود لقوها من الله من جد ..

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    الصراحة تقرير مبدع من أوله..

    أحس فيكي أختي بكل كلمة قلتيها عن الفيزا ..لأنه نفس الوضع أعيشه أنا حالياً..ويدي على قلبي لانه موعد استلام الفيزا الأحد والسفرة بإذن الله الأربعاء..الله ييسر لنا أمورنا يااا رب.. وننتظر باقي التقرير

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة المستحيلة
    http://www.arabtravelersforum.com/tr...4/#post4273094

    هلا وغلا أختي يارا ..
    كلك ذوق والإبداع من تواجدك الله يسلمك ..

    أما التوتر حق انتظار الفيزا .. دمار شامل .. بس الحمدلله تراهم أرحم من السفارة الأمريكية على الأقل .. ما قد سمعنا أحد انرفض ما أخذ الشنغن .. بس الأمريكية ممكن ..

    الله يسمح أمركم يارب .. ومشكورة على الحضور ياغلاي ..





    الله يسهل أمر اختي يارا و يكتب لها ما فيه خير إن شاء الله.

    أما مسألة رفض منح التأشيرة، فقد تكون نادرة، لكنها موجودة، و حدثت لأشخاص أعرفهم شخصياً
    (السنة الماضية)، و لم أكن اتوقع رفضهم إطلاقاً، فقد سبق منحهم نفس التأشيرة في العام الذي قبله.

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    أفأ .. وش هالبشارة :s

    غريبة جد .. بس إن شاء الله تتيسر أمور يارا وكل من كان في سفرته مصلحة .. واذا كان في هالسفرة شر عساها تنرفض شر رفضة ^_^ الواحد ما يدري وين الخيرة فيه

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    أخشى أن تكرهني يارا، لأن الموضوع حساس بالنسبة لها، لكن لا نقول إلا اللهم اكتب ما فيه خير.

    و للعلم، بعض الذين رفضوا، كانوا عائلة، رفض بعضهم و منحت لبعضهم !

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    يارا بتتحسف انها ردت على هالموضوع ههههههههههه .. لا إن شاء الله يابعدي تتسهل أموركم وتكون أجمل رحلة بحياتكم آمين .. بس هاللي رفض بعض الأفراد وقبل بعضهم وهم كلهم عائلة وحدة !! عز الله وحدة من الثنتين إما فيه حالة نفسية عصيبة ومتهاوش مع مرته وجايه إكتئاب مزمن وكان بينتحر بس طاح على أوراقهم قبل ينتحر وحط حرته فيهم .. والا انه كان سكران وما انتبه وين المكان اللي مفروض يحط فيه اشارة صح على انه موافق تطلع الفيزا فصابت لبعضهم وخابت للباقي ^_^

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة سعود بن محمد
    http://www.arabtravelersforum.com/tr...7/#post4273187

    تحليلك فيه من المنطقية بعض الشيء ، ففعلاً لم أجد مبرراً لذلك، أو أن الأمر مجرد اختيار عشوائي.

    اختي يارا، أدعوا الله من كل قلبي أن ييسر أموركم، و يسهل لكم كل صعب.



    من جد مالها حل الا كذا ..

    *
    *

    تستاهل الحب .. .. هلا بك أخوي .. وألف ألف شكر على التواجد الله يسلمك ..
    أما عن سؤالك فأنا أحيله للخبير سعود بن محمد أتوقع عنده خلفية عن التأشيرة بأكثر من سفارة .. أنا ما جربت إلا الأسبانية ..

    *
    *

    مهاجر المدينة .. انت اللي كنت جالس على الكنبه مو الأولى ولا الثانية .. الثالثة من اليمين .. ومعاك شنطة اورنج وملف أخضر علاقي معلق عليه قلم ستدلر أزرق والغطا حقه ضايع وحاط بداله غطا قلم أخضر

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    ألف الحمدلله على سلامة المستحيلة وعلى سلامة زوج المستحيلة المدلل

    [font="arial black"][size="5"][color="blue"]

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    ههههههههه ضحكتيني الله يسعد قلبك كثر ما ضحكتيني !! حلللللوه زوجي المدلل عمره ههههه من جد عسى ما تكلف يوم خلصت جابهم على دربه ههههههههه
    لا ولولا أني كنت مرهقة و نايمة والا كان جبتهم أنا بعد ^_^ صاحب الحاجة أولى بقضائها ههههههههه
    هي المسألة بالنسبة لي دام أن عندي القدرة والوقت لأن انجز الشغلة بسرعة أياً كانت .. ليه اضغط على غيري المشغول واشغله فيها ؟
    واذا دللته وخففت عليه بعض التعب بلقى مليون شي يخففه عني وقت العوزة ؛)

    مشكورة ياعيني على ردك ومتابعتك اللي حملتني مسؤولية كبيرة ... لا تحسبون ورى هالتقرير جديد الا مافيه الا أخطاء ودي الناس تستفيد منها وقلت أسولف وأوثق الأحداث للذكرى بمتعتها وغصاتها

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة المستحيلة
    http://www.arabtravelersforum.com/tr...0/#post4273490

    تستاهل الحب ..
    أما عن سؤالك فأنا أحيله للخبير سعود بن محمد أتوقع عنده خلفية عن التأشيرة بأكثر من سفارة .. أنا ما جربت إلا الأسبانية ..




    أشكرك على الإطراء، و الإحالة!

    لم أتعامل مع السفارة الفرنسية من قبل، و لكن حسب ما قرأت و سمعت، فإن الأسبان معقدين أكثر
    من غيرهم، و خصوصاً في اشتراطهم موعداً لتقديم الطلب، و التأخر في الرد إلى ما قبل السفر بأيام
    قليلة. لي تجربة ممتازة مع السفارة النمساوية، و أدعو الله أن يتغير نظام التأشيرة عموماً للتخفيف
    عن الناس، فقد اصبح الأمر لا يطاق.


    للتذكير
    لازلنا بانتظار تكملة التقرير

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    عسى اللي سهل إجراءات الفيزا الأمريكية يسهل إجراءات الفيزا الأوروبية

    وبالنسبة للتقرير العمل قائم على قدم وساق في تصغير الصور .. والبارح خلصت صور الحلقة الأولى ولكن اليوم حست أم الحوسة مع هالمتصفح .. مو راضي يشتغل معاي في رفع الصور لما اوصل الصفحة يتقفل من نفسه .. جربت متصفح ثاني وما رضى يسجل دخول خير شر .. جربت الثالث ومع ان عنده مشاكل باللغة العربية يفرق لي الحروف بس أقلها وافق عمي على اني ادخل صفحة التحميل وارفع الصور أخيراً

    ان شاء الله تكون جاهزة الحلقة اليوم .. وأرجع أقول لا تتحمسون مره ترى ماعندنا الا الدجة هههههه

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    بداية مشوقة
    ننتظر البقية





    من موقع خطوط ryan air برشلونة - ملقا - برشلونة بقيمة تقريبية 90 يورو للشخص (ولنا ذكرى أليمة في هذا الموضوع تجيكم بالتقرير إن شاء الله)



    كأني داري وش صار لكم

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    هلا ومرحبا بمشرفنا اللي تحمل قلقنا قبل وبعد

    هههههههه أكيد أكيد انك داري أجل وشو تخبر سعوديين ونحترم الوقت جداً

    على التثبيت

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    يالله حيهم وأحيهم ..

    قبل ما أمسك خط سوالف وانا ان مسكت وش يسكتني .. ياليت تحطون في بالكم إني أحب التصوير بس هو ما يحبني
    عشان نبدا حلوين كذا وما نخسر بعض لأنكم توقعتوا الشي الأحسن ..

    *
    *

    أنا أحب الأكشن والحضارة والأشياء الغريبة والطبيعة الخضراء والبحر من ما يحبهم .. وزوجي كغالب الشباب الطبيعيين يحب كرة القدم .. والشاهي .. والنوم بالنهار والسهر بالليل فكنت مخططة لأشياء أساسية في بالي أبي أشوفها في أسبانيا .. مما قرأته وجمعته في المنتدى وغيره ..

    - زيارة أهم آثار المسلمين في الأندلس قصر الحمراء في غرناطة
    - ملاهي http://www.portaventura.co.uk/portaventura-park-salou برشلونة
    - التسوق للعيد .. ولغير العيد
    - ملعب الكامب نو ببرشلونة .. وهذا هدف زوجي الأساسي وشبه الوحيد من الرحلة
    - قصر الملك فهد وحديقته بماربيا
    - زيارة السفاري في استبونا .. http://www.selwo.es/english/index.php وزيارة http://www.selwomarina.es/english/index.phpلمشاهدة عروض الدلافين والطيور ..
    - تجربة http://www.arabtravelersforum.com/travel308737/ قريت انها في بينالمدينة وفي ماربيا ..
    - حضور عرض السحر اللي قريت انه يقام يوم 20 سبتمبر في مكان ما حول ملقا ..
    - حضور عرض http://www.arabtravelersforum.com/travel418287/ ويقام يوم 23 حتى 26 في مسرح بملقا

    بناء على هالعرضين .. خليت جدول الرحلة 3 ليالي برشلونة - 20 سبتمبر ذهاب لملقا والبقاء فيها أربع ليالي بحيث نحضر عرض 23 ونروح برشلونة من بكره .. ونجلس فيها ثلاث ليالي يكون التسوق خلالها .. حتى ما نثقل الشنط ..
    طبعاً هذا المخطط له في البداية .. لكن.. هل نحن شعب نمشي بالتخطيط ... وهل تحققت الأشياء اللي كنا نبيها .. يجيكم بالتقرير ..

    يوم السفر

    كان وقت الاقلاع من الرياض للدوحة الساعة 5:20 الفجر .. يالله صباح خير واحنا من الساعة 2 ونص الصباح في المطار .. وحتى البوردنق طابعته من البيت (من زود الحرص^_^) .. بالتالي مشينا في اللاين السريع حق العفش .. وخلصنا ثلاث إلا ربع .. قاعدين نتفرج عالرايح والجاي لا شغل ولا مشغلة ..



    صلينا الفجر .. ونادوا على الرحلة ..

    كانت الطياره كبيره .. بس نسيت أسجل نوعها .. اتوقع ايرباص .. الدرجة السياحية فيها شاشة قدام كل راكب بس ما عطونا سماعات لأن الرحلة قصيرة (ساعة إلا عشر دقايق) .. بس اكتفوا بعرض مقاطع الفيديو الطريفة .. وقدموا وجبة خفيفة عبارة عن ساندوتش لحم غنم ومكتوب عليه حلال .. وعصير ... ما صورته مدري وش هالعقل اللي جاني والا العادة لو اشوف نملة تمشي صورتها

    وأنا أعشق السماء من الطيارة .. ومناظر الغيم والشروق والغروب على الخصوص .. ما أقاومها




    وصلنا الدوحة وركبنا الباص اللي الله يحلل باص جدة عنده !! مشى بنا يمكن ربع ساعة والرجال الله يهديهم مايستحون قاعدين ومخليني واقفة





    ما امدانا ندخل ونسأل عن ترانزيت الدوحة - برشلونة .. إلا ولقيناهم ينادون عليها .. هذا والفرق بين الرحلتين ساعة وثلث .. رحنا عند البوابة وانلطعنا ننتظر الباص اللي بيودينا مره ثانيه .. وهذي شغلتنا رايحين جايين بهالباص كان خلانا بمدرج الطائرات وركبنا الطيارة الثانية على طول اختصرنا المشاوير وهذي طيارتنا الكريمة الاير باص 330



    وزعوا لنا بالطيارة استمارات قالوا عبوها واعطوها اياهم بالمطار لا وصلتوا واحتفظوا بالجزء الثاني وانتو راجعين بلدكم تسلمونه قلت وش هالاستمارات ان شالله؟ ما قريت عنها بالمنتدى .. واطلع الكام كالعادة واصور قلت أكييييد نظام جديد خل اسوي سبق صحفي وانزله بالتقرير



    الفطور وكان يفترض انه بان كيك .. لكن الله يعز النعمة ما جا زي ما تخيلته



    الطيارة مجهزة بشاشات لكل راكب نفس الشي .. وضاع الوقت وانا اقلب في حلقات فرندز .. و ذا سيمبسونز ..

    وبين الحلقة والحلقة جلست اتفرج على الغيوم .. منظري المفضل



    وفجأة دخلنا في موجة بيضا من الغيوم ..



    وكل ما قربنا من وجهتنا .. كل ما زادت الغيوم وزادت المطبات الهوائية اللي نفضتنا نفض .. وكانت برشلونة تمطر مطر شديد ذاك اليوم .. زي ما نقل لنا حياً على الهواء الشيخ سعود بن محمد في موضوعه http://www.arabtravelersforum.com/travel427611/ .. (شرايك بهالدعاية المجانية ^_^)

    وانشقت الغيوم وبانت سعاد وقلبي اليوم متبول سعادنا هي برشلونة أثناء هبوط الطائرة





    هبطت الطيارة بحمدالله الساعة 2 وثلث تقريبا بتوقيت برشلونة .. لما رحنا نختم الجوازات كان الموظف الاسباني بشوش ويهلي ويرحب .. وعطيته الاستمارة اللي لي ساعة أدور قلم واخذت قلم المضيفة وقالت لي رجعيه وياما مطلعة الجواز ياما مدخلته وياما ادور رقم الرحلة اللي بترجعنا ياما ادور عناوين الاماكن اللي بنسكنها ... إلا واخذها ورماها جنبه ..!!! قلت شلون مو مفروض ناخذ الجزء الثاني حق الخروج .. قال لا مالها داعي .. شكراً جزيلاً بعذر محد قد جاب لها طاري

    أنا طبعاً ماشية بكل ثقة اني عارفة وين أروح من كثر ما قريت .. ومدرعمة بإتجاه محطة القطار http://www.renfe.com/EN/viajeros/index.html.. زوجي يقول طيب لحظة يابنت الحلال مري الاستعلامات خلينا نتأكد وين الاوتيل .. قلت ياعيب الشوم بس .. معاك المستحيلة وتدور استعلامات

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    .

    تقرير لطييف يالمستحيلة . . بانتظار الأجزاء الجاية

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    وووووووووووااااااااااااااااااااااوووووووووووووو


    روووعه


    ما شاء الله عليك ..

    انا من الناس التي تفضل التفاصيل الممله ..

    الحمد الله على سلامتكم ... وناطر الاجزاء القادمه لاني سوف اسافر الاسبوع القادم لها ان شاء الله


    و حاب استفيد من معلوماتك ... ^)^


    الله يعطيك الف عافيه

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    الشيخ سعود أبو محمد .. تستاهل أكثر يا اخوي الكريم والحقيقة ما قصرت بشي ..
    أما عن الفيش فلقيت أخوه في محل ابو ريالين بملقا .. (ماراح اقول سعره الحين .. خله لين يجي وقته بالتقرير)

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    الله يسلمك يامهاجر المدينة .. هذا من ذوقك وابشر بالتفصيل المفصل عن كل شي
    وياكبر حظي بمتابعتك وتواجدك .. الساعة المباركة اسفرت وانورت .. ودامك ملزم بتحجز على الأولى .. ترى التذكرة بـ 500 يورو لا هنت .. (

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    تقرير حماسي الصراحة ....متابعين معاك يالحلوة...

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    تقرير جميل بـ طريقة عرضك للتفاصيل والمواقف ,,
    وايضاً المعلومات ,,

    واول مشاركة لي بهذا المنتدى الجميل ,,
    هو حجز لمكان في هذا الموضوع لمتابعته حتى النهاية

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    نجمة النجوم .. الله يسلمك ويحمسك كمان وكمان ..
    شرفتيني بتواجدك .. ويارب تلقين اللي يسرك ..
    مع اني اعرف زين وش بيكون في هالتقرير هههههههه من جد أحرجتوني بردودكم وتوقعاتكم .. ممكن شويتين بس أسافر مرة ثانية وأرجع أكمل لكم التقرير بشي يواجه ؟ ^_^

    *
    *

    زارتنا البركة يا اخوي .. قلدتني أوسمة عظيمة بردك في الحقيقة ..
    سجل يا تاريخ أن أول مشاركة لمستر فيافياتور كانت في تقريري المتواضع ..
    من جد أسعدني ردك .. والله يقدرني على تقديم شي يليق بمتابعتكم وحضوركم اللي يبهج القلب ..

    والحلقة الثالثة في طريقها للإضافة بعد ستين ثانية بحول الله ..

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    * فعلاً الخارطة ليس كل شيء، و السؤال ليس عيباً، لكن، مع احترامي الشديد لكم، حتى ذلك لا يبرر
    رجوعكم المحطة!! و لكن يبدو قد حدث لك ما حدث للموظف المسئول عن التأشيرات (تذكرينه؟)
    فالمسافات واضحة على الخارطة، لكن كما يقال (تحصل في أحسن العائلات).

    * توقفت عند أحد الرسامين في الرامبلا، و اتضح لاحقاً بأنه سوري، فأعطيته صورة لأحد الأصدقاء و
    طلبت منه رسمها، و أثناء الرسم جلست اختي على الكرسي، فظن المارة أنه يرسمها، و الجميع يقف
    مستغرباً عندما يقارن بين الرسمة و بينها!!

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    وش هالتقرير الفله

    يجنن مررررررررره خطيره يالمستحيله

    كثري من هذرتك تكفين هي اللي محليه التقرير

    بانتظارك ياعسل

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    يا سلاام على هالتقرير الفرفوشي..ما شاء الله عليكي ابداع في الاسلوب ..
    أبشرك إني استلمت الفيزا اليوم.. وأخيراً أحس من جد إني بروح اسبانيا..اللهم لك الحمد والشكر

    وأتمنى ألحق على باقي تقريرك قبل ما أسافر..
    ومشكووورة مرة ثانية

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    هلاااااااا والله وغلا فيك يرو .. وانتي الابداع والذوق يابعدي ..
    تدرين اني اهوجس فيك الساعة 3 العصر اليوم .. اقول ياربي عساهم الحين بيستلمون الفيزا .. والمنتدى مافيه خاصية رسائل خاصة والا كان راسلتك أسألك .. الله يبشرك بالخير وإن شاء الله يارب تتهنون وتعيشونها صح .. بحاول استعجل بالحلقات عشان تتداركون أخطائنا .. وخلي اللاب معك لأنكم تحتاجون ترجعون لأشياء كثيرة أقلها موقع قطار رنفي .. تعرفون منه متى مواعيد القطار بالضبط بدل ما تجلسون نص ساعة انتظار بالمحطه ..

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    ياحلوك وحلو تقريرك ياالمستحيلة ... اسلوبك عسل ونفسك حلوة ماشاء الله ...حبيت اسبانيا الصراحة ...

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    ماشاء الله عليك اسلوب واحساس ونفس خفيفه
    كثير نشوف ونقرأ تقارير لكن مثل هالتقرير ماشفت
    حسستيني ان السفر والدرعمه والحوسه كلها حلوه
    ومو لازم السفره تكون ماشيه على الورقة والقلم

    مستمتعين معاك ربي يحفظك ويسعدك

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    ياحبيلك يا لانا .. وقفت عند كلماتك وخنقتني العبرة

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة المستحيلة
    http://www.arabtravelersforum.com/tr...6/#post4278406

    ياحبيلك يا لانا .. وقفت عند كلماتك وخنقتني العبرة





    لو استغليت وقتك بالتحضير بدلاً عن الردود، و الفواصل الإعلانية لكان التقرير قد انتهى

    لازلنا منتظرين....

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    ههههههههههههه يا عجلك بس يابومحمد .. عاد لا صرت في تقريرك ماشاء الله حاط عشر صور (نصها من مواقع ثانيه

    تدري من جد مدري وشلون فاقده لياقتي الكمبيوترية .. والا اني عجزت يالله حسن الخاتمة
    من الظهر للحين وانا اصغر بهالصور؟! واروح وارجع على الجهاز تقل ماعندي شغل الا هو .. ومع هذا مابعد خلصت من صور الحلقة .. وحلها عاد لين ما أمخمخ على الكتابة والتنسيق والتحميل .. بس إن شاء الله بحول الله ابعتكف في البيت ماني مسوية أي شي ثاني قبل ما أخلص هالتقرير

    بس لو مايجينا من هالتقرير إلا انك تمر وتسأل يكفي ..

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    شدعوى انت الخير والبركة طبعاً .. اصلا أنا شخصياً أحب اقرا التقارير اللي فيها الزبدة .. أبي أجمع خلاصة تجارب الناس وشوله اقرا متى قامو ووش شربو قهوة والا شاهي على الفطور

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    على فكرة .. وعلى طاري التصغير .. فيه حركة مرة روعة وسهلة للتصغير .. بس انها تصغر وبس يعني الصورة ما تطلع بدقة حلوة .. لكنها رهيبة وسهلة ..
    برنامج الوورد ، أبسط برامج الاوفس (اللي مابعد حطيته في جهازي) ..

    افتح ملف جديد ،
    أختر إضافة صور .. وحدد كل الصور اللي تبي تصغرها (كنترول + اختر الصور)
    وتندرج كلها في الصفحة بأي شكل كان ..

    الحين اختر حفظ بإسم
    واختر الصيغة تكون صفحة ويب ..

    والسلام عليك ورحمة الله ..

    ينحط ملف وجنبه مجلد .. فيه نسختين من كل صورة .. وحدة بالحجم الكبير ( 3 ميغا مثلاً) .. ووحدة بالحجم الصغير وهو نفس الأبعاد اللي كانت عليها في ملف الوورد .. لكن حجم الملف ما يتعدى ( 60 كيلو ) ..

    طريقة سريعة وفتاكة .. بس ما تصلح لحالتي *

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    هلا والله بالمستحيله صراحه تقرير ابداعي لابعد الحدود
    وحسيت انك غطيتي على يوميات جميل وهنا
    بس برضوه تظل كلماتك البرواز الاحلى لتقرير سفرتك
    وبعدين هل تؤيدين كلام زوجك بعد النزول من الطائره تركبين تاكسي للاوتيل مباشره
    كحل اسهل واسرع بعد عناء السفر

    وتقبلي فائق احترامي وتقديري

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    الله يجمل حالك يامستاهل الحب .. .. وعساي أكون عند حسن الظن ..

    بصراحة .. أنا دائماً أعمل بمبدأ إذا كنت أقدر أسوي الشي بطريقتين .. وأقدر عليهم كلهم وظروفي طبيعية .. بأختار الأقل تكلفة طبعاً .. مو من بخل .. لكن عدم فسق .. برضو أحب أجرب .. وما وراي شي أخاف اتأخر عليه ..
    يعني أنا ما كنت نعسانة مثلاً والا تعبانة بالدرجة إني ما لازم أروح مباشرة للفندق ومافيني حيل مرمطة .. وأعرف ان الناس كلها تستخدم القطار مو شي غريب .. بس انه شي جديد .. واحنا نخاف من الشي الجديد لين نتعود عليه ..

    لكن الشيء اللي أؤيده وبشده .. أن الواحد إذا ما كان معه وقت .. يروح للمطار بالتكسي مهما بلغ سعره .. لأنه ملزوم بوقت محدد للرحلة .. واذا فاتت ؟ .. حتتطربأ فوء دماغهم

    شااااكرة لك تواجدك ياسيدي ..

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    * أعتقد أنه لابد من أخذ الموافقة أو التصريح من البلدية أو الشرطة للعارضين في الرامبلا، فقد حدث
    لي موقف مع الشرطة. كان معي مجموعة من الأطفال (بنات)، و قد اشترين اللبس الأسباني، و هو
    فستان أحمر طويل أعتقد بأنه مخصص لرقص الفلامنجو، و طلبن مني الوقوف في الرامبلا مثل
    العارضين الآخرين!! لم أستطع رفض طلبهن، و قلت في نفسي، و لم لا؟ و بالفعل استعدن و لبسن و
    ذهبنا للرامبلا، و بدأ السياح بالتصوير معهن، و بدون مقابل بالتأكيد (العارضين يشترطون وضع مبلغ من
    المال للتصوير معهم).

    بعد ذلك، اقترحت أن نغير مكاننا، و اثناء سيرنا، استوقفني شرطي، و طلب اثبات الشخصية، و قال أن
    ذلك ممنوعاً !! فشرحت له بأن الأمر للتسلية فقط، و ليس لجمع المال، و مما دعم موقفي، أن إحداهن
    كانت تمسك بلوحة صغيرة عليها رسمة كاميرا و أمامها علامة (ü) و رسمة نقود و عليها علامة (x)،
    فضحك و تفهم الموضوع، و لكن طلب منا المغادرة و تغيير الملابس.

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    هههههه الله من شي تبي تعلق عليه احنا وهالخبرة .. الفهاوة لاعبه بحسبتنا لعب مدري وش هاللي جانا .. مستغربة نفسي ميب العادة مع اني حريصة وقارية وشايفة صور قبل نجزم على السفر ليييييين حسيت اني سافرت ورحت للمكان وانتهيت .. وكل ما شفت مكتب معلومات نطيت اجمع بروشورات .. ولكن أحذرك أحذرك وأرجع أحذرك من التطنز على إخوانك في الله المفهين .. ترى الطنزة تلحق راعيها ..

    يعني صح اننا مدرعمين على غير هدى .. بس بالأساس ما كان هدفنا من المشوار زيارة المتحف نفسه .. كانت النية نروح للقرية مباشرة .. بس لما شفنا المتحف حولنا واحنا راقين نص الدرج اولردي .. قلنا درجتين زيادة ميب ضارتنا واسم اننا زرنا متحف من متاحفهم ..

    صح عليك كان ممكن اننا نزور القرية مع المتحف مع النافوره بنفس الوقت .. بس هذا لو اننا رايحين بيوم غير الأحد .. نكون قضينا ساعة والا أكثر بالمتحف .. بعدين رحنا وتمشينا بالقرية وتغدينا ووسعنا صدورنا (على اننا مالقينا شي يستاهل الجلسة فيها بس أكيد المزاج كان مأثر على استمتاعنا بالمكان) .. ونكون راجعين على النافورة حدود الساعة 9 وقت العرض .. لكن اللي خلانا نطلع من المكان الساعه 6 هو المباراة على أمل يقدر يشوفها زوجي .. واللي لا حنا حصلنا المباراة .. ولا النافورة .. بس أكيد ان في الأمر خيرة ..

    أما الهدية يؤسفني انها ما ناسبت ذوقك .. رجعها الله لايهينك دام ما عجبتك ..
    نشوف إذا نقدر نبدلها لك بسيارة بي إم دبليو - اللون كحلي وداخلي جلد لؤلؤي ..






    المشاركة الأصلية كتبت بواسطة سعود بن محمد
    http://www.arabtravelersforum.com/tr...8/#post4280378

    * أعتقد أنه لابد من أخذ الموافقة أو التصريح من البلدية أو الشرطة للعارضين في الرامبلا، فقد حدث
    لي موقف مع الشرطة. كان معي مجموعة من الأطفال (بنات)، و قد اشترين اللبس الأسباني، و هو
    فستان أحمر طويل أعتقد بأنه مخصص لرقص الفلامنجو، و طلبن مني الوقوف في الرامبلا مثل
    العارضين الآخرين!! لم أستطع رفض طلبهن، و قلت في نفسي، و لم لا؟ و بالفعل استعدن و لبسن و
    ذهبنا للرامبلا، و بدأ السياح بالتصوير معهن، و بدون مقابل بالتأكيد (العارضين يشترطون وضع مبلغ من
    المال للتصوير معهم).

    بعد ذلك، اقترحت أن نغير مكاننا، و اثناء سيرنا، استوقفني شرطي، و طلب اثبات الشخصية، و قال أن
    ذلك ممنوعاً !! فشرحت له بأن الأمر للتسلية فقط، و ليس لجمع المال، و مما دعم موقفي، أن إحداهن
    كانت تمسك بلوحة صغيرة عليها رسمة كاميرا و أمامها علامة (ü) و رسمة نقود و عليها علامة (x)،
    فضحك و تفهم الموضوع، و لكن طلب منا المغادرة و تغيير الملابس.



    ياملح البنيات ماشاء الله برضو فاتني ماشفتكم
    حلو الواحد يسوي أكشن ويدخل بهيصة الناس تصير مواقف تحلي الجلسة ..

    كان نفسي أحضر عرض فلامنقو .. المرة الجاية إن شاء الله ..

    أما الرموز (علامة الصح والإكس ) اللي حاطهم .. جربت متصفحين ولا طلعوا .. يالله طلعوا بالثالث .. يضرب الماك شو بيذل ..


    اررررررحب يابومحمد .. وشكراً للمرة الـ لانهائية على المتابعة والتعليقات والإضافات المثرية للموضوع ..

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    يالله حي لانا اذا حبيتي الفهاوة .. اجل قدامك الخير هههههههه تونا بأول طريقنا فيها ..
    مشكلة ياشيخه اللي بيسوي فيها مثقف ويروح متاحف .. محنا كفو بس احنا حدنا اسواق ونتقهوى بستاربكس ونتعشى ماكدونالدز تيك اوي بعد ونخلي ثقافة السياحة لأهلها هههههههه
    شاااااكره وسعيده بمتابعتك ياغلاي لاخلا ولا عدم..

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    ما شاء الله إبداع
    كل حلقة احلى من الثانية

    على فكرة ليش ما ركبتوا الباص السياحي مو احسن؟

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    أسفرت وأنورت واستهلت وامطرت هلا بمشرفنا الجليل .. الشامخ .. القدير .. اللي مافيه مثله .. هلا هلا ومية هلا.. زارتنا البركة.. ارررررررررحب ارحب يطول لي عمرك .. قم صب القهوة لعمك الليل والنهار ياولد ..

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    تقرير راااااااااااااااااااااائع المستحيلة

    راح أستفيد منه كثيررررررررررر

    والف الحمدلله عالسلامة

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    ياهلا ويامسهلا بشهرزاد ألف ليله وليله .. .. أنتي الروعة كلك ذوق ..
    وألف الله يسلم عمرك من كل شر ..
    هذا المطلوب ان الفائدة توصل لمستفيديها .. وأخذ الحيطة والحذر من الفهاوة لأن نتائجها وخيمة

    فنادق عطلات


  44. #44
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة المستحيلة
    http://www.arabtravelersforum.com/tr...9/#post4280589

    ولكن أحذرك أحذرك وأرجع أحذرك من التطنز على إخوانك في الله المفهين .. ترى الطنزة تلحق راعيها ..
    و الله لم أقصد ذلك، و لكني استغربت من الموقف، فمن الواضح بأنك مستعدة بشكل ممتاز، و
    ذات خبرة في السفر.


    أما الهدية يؤسفني انها ما ناسبت ذوقك .. رجعها الله لايهينك دام ما عجبتك ..
    نشوف إذا نقدر نبدلها لك بسيارة بي إم دبليو - اللون كحلي وداخلي جلد لؤلؤي ..

    امممممممم ،،، هذه هي الهدايا !




    ياملح البنيات ماشاء الله برضو فاتني ماشفتكم

    أشك بأنك لم تشاهدينا، فنحن أكبر عائلة سياح في برشلونة و عددنا 10 (ما اشاء الله تبارك الله) .



    أما الرموز (علامة الصح والإكس ) اللي حاطهم .. جربت متصفحين ولا طلعوا .. يالله طلعوا بالثالث .. يضرب الماك شو بيذل ..

    قد قيل ... تحدث في أحسن .... ، و أقول (مد لحافك على قد رجليك).





    متابعين .... لآخر حرف

    فنادق عطلات


  45. #45
    عضو مسجل
    تاريخ التسجيل
    Dec 2014
    المشاركات
    1,962,485

    الله يرفع قدرك ويجعلني أفضل مما تظنون ويستر علي ويغفر لي مالا تعلمون .. أما الفهاوة ميب غريبة علينا بس هالمرة زايد العيار ثلاث حبات صارت اكسبرسو شديدة التركيز

    ماشالله تبارك الرحمن .. الله يحفظكم ويخليكم لبعض .. كذا الرحلات والا بلاش

    بكيفكم انتو حرين .. .. نسافر لحالنا بعدين نروح الشاليه معهم يومين وش ورانا


    وابشرك مادة رجولي بالطول وبالعرض لحافي ماشاء الله زولية موب لحاف ههههه بس المشكلة ان هذا ماك ... يعني مفروض انه أفضل وأكفأ وأقوى من الأجهزة الوندوزية .. بس الظاهر البلا موب من الجهاز .. معروف وين طبعاً

    وعلى البركة السيارة الجديدة الله يعطيك خيرها ويكفيك شرها .. بشرط أول مشوار نمرنها لك .. نروح للشاليه بالشرقية بعدين نمر الدهنا نطعس بها شوي عشان تتعود على بيئتنا الصلفة ونرجعها لك

    فنادق عطلات


  46. #46
    عضو مسجل
    تاريخ التسجيل
    Dec 2014
    المشاركات
    1,962,485

    * الرحلات الجماعية ليست جميلة بكل الأحوال، فمن المهم جداً توافق الأشخاص و تجانسهم في
    السفر، و لي خبرة كبيييييييييرة في ذلك، فقد سبق و أن كان عددنا في إحدى السفرات 7 عوائل (ما
    شاء الله تبارك الله) !! لذا لا أنصح بها إلا بعد التأكد من توافق الأهواء، و أرى بأن لا يزيد العدد عن
    عائلتين أو ثلاث بأقصى حد، و أن يكون هناك قائداً أو أميراً، و بدونه ستكون مضيعة للوقت.


    * سواء كانت المشكلة باللحاف أو بالجهاز أو بـ .... ، فالنتيجة واحدة، و هي أن التقرير أصبح أطول من
    باب الحارة. صحيح أنه (مهضوم و خفيف دم) لكننا متحمسين للمعلومات، و يا خوفي أن تكون مثل يوم
    الأحد.

    فنادق عطلات


  47. #47
    عضو مسجل
    تاريخ التسجيل
    Dec 2014
    المشاركات
    1,962,485

    لا زلنا منتظرين ....

    فنادق عطلات


  48. #48
    عضو مسجل
    تاريخ التسجيل
    Dec 2014
    المشاركات
    1,962,485

    اي والله انك صدقت بكل حرف .. لازم توافق الأهواء .. سواء كانوا عائلة كبيرة والا شخصين ..

    وعاد باب الحارة مرة وحدة ^_^ ترى احس اني مره مره مره على قدم وساق .. يعني أشوف مطمطة صح ببعض التقارير .. تقعد أسبوع تنتظر حلقة وحدة .. و بعضها بدت من سنتين ولا بعد انتهت للحين .. الله يستر على كتابها وين غطسوا .. *_*

    لازلت أعمل على الصور .. ترى حلقة البارح على انها مخيسة وما تستاهل التعب والسهر .. لكن شغالة في الصور من الظهر لين الساعة 2 بالليل !! 12 ساعة يتخللها الصلاة والأكل وملهيات البيت وأهل البيت .. بس لاحظ أني مأجلة روحاتي وطلعاتي لين أخلص منه قد ما أقدر .. والبارح ما خلصت من الكتابة والتنسيق الا على الساعة 7 الصبح وزيادة نهار اليوم .. مواصلة عليها .. ولابد من رتوش التعديل اللي لازم يكون في ظرف ساعة حسب نظام المنتدى
    ومن صحيت الظهر لين الحين وانا برضو نفس الموال ..

    فنادق عطلات


  49. #49
    عضو مسجل
    تاريخ التسجيل
    Dec 2014
    المشاركات
    1,962,485

    تصغير الصور لا يستغرق كل هذا الوقت إطلاقاً ... و بالانتظار

    فنادق عطلات


  50. #50
    عضو مسجل
    تاريخ التسجيل
    Dec 2014
    المشاركات
    1,962,485

    اذا كنت بتفتحها صورة صورة .. وتغير المقاسات .. وتنسخ اللايرات .. وتحفظ في فولدر ..

    Microsoft Picture Manager يصغر الصورة بخطوة واحد، و هي تصغيرها إما بتحديد قياسات، أو بنسبة
    مئوية معينة.


    وترجع للفولدر الأصلي .. وتفكر أي صورة هي اللي تختارها بين 1400 صورة .. وتعدل اللي يحتاج تعديل فيها .. وتعيد نفس الكره ..

    1400 صورة!؟ هل هي سفرة سياحية أم بعثة دراسية!؟

    ويجي زوجك ضيوف وتروح تصلح قهوة وشاهي ..
    اسمي سعود و ليس ... لكي يأتي زوجي و أحضر له القهوة .


    وترجع للجهاز تلقى رد على موضوعك وترد عليه ..
    أنا و انت فقط من يتابع، و البقية اعتقد بأنهم ملوا من الانتظار.

    فنادق عطلات


  51. #51
    عضو مسجل
    تاريخ التسجيل
    Dec 2014
    المشاركات
    1,962,485

    هههههههه طيب .. عشان اسمك سعود بتصير الجملة : يجي زوجتك ضيوف وتروح تجيب لهم حلا و فطاير وعشا .. زين كذا ؟

    طيب وفقرة الملائكة الرايحين جايين اشوفك ما اعترضت عليها

    وإن شاء الله ان محد مل .. يمكن انت اللي مستعجل حبتين

    والفوتو نفس الشي التصغير مو شغلانه .. بس التعديل ونسخ اللايرات هو اللي ياخذ الوقت ..
    وماجربت برنامجك لأني يالله حملت الفوتوشوب والنسخة ترايل بعد .. ومافيني ادور على برامج ثانية تتوافق مع الماك وادور لها كراكات والا سيريال .. يعني ابي اسرع شي الحين وبعدين اتفرغ للبرامج ..

    الله يسهل .. و منورنا يا شيخ سعود ..

    فنادق عطلات


  52. #52
    عضو مسجل
    تاريخ التسجيل
    Dec 2014
    المشاركات
    1,962,485

    البارح .. كنت حاسة أني فاقده صور .. أتذكر زين أني مصورة ساحة كتلونيا مثلاً صور أكثر من كذا .. وين راحت الصور ؟
    وكان فيه مبنى بعد غريب شكله .. عمارة عادية بس حاطين في سطحها أسلاك شائكة (أسيام بمعنى أدق ^_^) ملفلفه على بعض بإرتفاع عالي .. وصار شكل فني .. أول ماشفته صورته بس ما كنت أدري وشهو .. بعدين لما قلبت بأحد الأدله السياحية اللي كانت في الأوتيل .. لقيته هناك .. ولازلت ما أدري وشهو توررومي مدري كيف ينطقونها Torremuelle



    لقيناها خلا .. أجل هذي محطة؟

    صح انها ديرة ربيع وعاصمة التكنلوجيا لو قارنتها بمحطاتنا .. بس بالنسبة لهم هذي بر ومنطقة نائية ..

    طيب احنا الحين شلون بنروح بشناطنا للرصيف المقابل .... ناظرنا الدرج مالقينا درج كهربائي .. يقطع ام الحالة .. والله ما نشيل الشنط بهالدرج عشان نرقى بها مره ثانيه .. ناظرنا بعض .. ورا ما نطب بس ونروح مباشرة للناحية الثانية بلا نزلة وطلعة بهالدرج والشنط .. ^_^ .. بس بسرعة قبل يجي القطار ويصدمنا ونبلش العمر واحد محد معوض عنا وعسى ما يرفعون على اهلنا قضية عشانا خالفنا النظام وقطعنا السكة الحديد وخربنا قطارهم ..

    وبينما نحن نتجاذب أطراف الحديث بهالخصوص .. مر في الناحية الثانية شايب وش حليله .. شافنا بشناطنا واقفين .. قام أشر على المصعد اللي ورى الدرج ......... بكل بساطة

    فنادق عطلات


  53. #53
    عضو مسجل
    تاريخ التسجيل
    Dec 2014
    المشاركات
    1,962,485

    ماشاء الله
    تقريرك اكثر من رائع
    لكن حبيت استفسر عن بنك او صراف لاكاشيا
    كيف طريقة الشراء وكيف تطبعي التذكره؟؟
    لاني انا حشتري عن طريقو تذاكر مبارة ريال مدريد


    وشكراا

    فنادق عطلات


  54. #54
    عضو مسجل
    تاريخ التسجيل
    Dec 2014
    المشاركات
    1,962,485

    ما شاء الله عليج اختي صج صج صج الموضوع يستاهل اكثر من كله رووووعه

    الله يعطيج الف عافيه واحنا في انظار المزيد من تشويق وسوالف واماكن وقليل من المقالب ^)^


    انا كنت مخطط ازور القرية اسبانية ما تنصحيني فيها

    واشولن تنقلاتكم كانت من المطار غلى الفندق واشنط معاكم وجم جنطه عندكم واجهتم صعوبات فيه مصاعد ولا كلها دريات " ادراج"


    منتظرينك

    فنادق عطلات


  55. #55
    عضو مسجل
    تاريخ التسجيل
    Dec 2014
    المشاركات
    1,962,485

    هلا والله فيك ياعرباوي .. الصج صج صج انك انت الفلة ..

    شاااكرة لك ذوقك ولطفك .. وعسى الجاي يعجبك يارب ..

    بالنسبة للقرية .. من خلال شوفتي لها الصراحة هذا اللي شفته ما حسيت انها تستاهل .. يعني اذا انت رايح شباب ووناسة ماشفت فيها وناسة .. محلات تذكارات .. ومطاعم وقهاوي .. ومحل اعمال زجاج ومحل سيراميك .. وعجوز تخيط .. بس يمكن فاتنا شي ما شفناه لأننا كنا طفشانين.. أتوقع ان فيها فعاليات ثانية مدري ما اقتنعت ان الناس تمدحها من فراغ ..

    وتنقلاتنا زي ما شفت بالتقرير .. من المطار نروح لمحطة القطار (تابع اللوحات الإرشادية وتدلك عليها) بالنسبة لمطار برشلونة محطة القطار كانت في الصالة الثانية البعيدة ما توصلها مشي .. بس تركب الباص الأخضر المجاني الخاص بنقل الناس من وإلى الصالتين .. ومن الصالة الثانية تروح لمحطة القطار وتشتري التذاكر لوسط المدينة .. فيه محطتين جربتهم ببرشلونة مرتبطين بقطار المطار وحدة اسمها (Sants Estacio) والثانية (Passieng de Gracia)
    سانتس هي المحطة الرئيسية الكبيرة وتطلع منها رحلات القطارات بين المدن .. وقراسيا أقرب لساحة كتلونيا وشارع الرامبلا..

    ويمكن يمكن بس ماني متأكدة .. ان فيه محطتين باقي بعدهم لأني أشوف عليها علامة القطار في الخريطة ألا وهم محطة (Arc de Trioml) و(Barceloneta)

    http://www.azul-barcelona.com/metro.php

    وعادي كل الناس تسحب شنطها معها بالقطار .. وفي كل محطه عادة تلقى درج كهربائي صاعد لفوق .. وأحياناً بالمحطات الكبيرة تلقى درج كهربائي نازل .. وفي جميع المحطات يوجد مصعد مخصص لاستخدام ذوي الاحتياجات الخاصة والعربات والشنط .. بس تلقى فيه ناس ماسكه سرا عليه فإذا كنت مستعجل اطلع بالشنطه في الدرج الكهربائي عادي ..

    بالنسبة لعدد الشنط فكانت شنطتين ملابس كل واحد ساحب معه شنطته .. بالاضافة لشنطة اللاب توب .. وشنطة يد صغيرة ..

    ولأي استفسار نحن في الخدمة 24/7

    فنادق عطلات


  56. #56
    عضو مسجل
    تاريخ التسجيل
    Dec 2014
    المشاركات
    1,962,485

    يسلمووو على الرد السريع الله يعطيك ِ الف عافيه ... و تسلمين على الخدمه الرائعه 7/24 اخر ما توقعته منكِ

    و تجعليني اقول لكِ التمييز حليفكِ ^)^ ما شاء الله


    اكيييد يوجد لي اسئلة .. الله يكون في عونكِ


    و في انتظاركِ

    فنادق عطلات


  57. #57
    عضو مسجل
    تاريخ التسجيل
    Dec 2014
    المشاركات
    1,962,485

    حياك أخوي الفلة أني تايم

    جاري التشطيب على الباقي من الحلقة الرابعة ..

    فنادق عطلات


  58. #58
    عضو مسجل
    تاريخ التسجيل
    Dec 2014
    المشاركات
    1,962,485

    ماشاء الله عليك من جد موضوعك ممتع

    انا ناويه ان شاء الله باجازه الحج السفر الى اسبانيا

    وتوني احجز تذاكر السفر و الفنادق بس عاد لسى ما سوينا شي بالفيزا الله يستر

    سجليني من المتابعين وتراي استفدت منك كثير واصلي والله معاك

    فنادق عطلات


  59. #59
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة المستحيلة
    http://www.arabtravelersforum.com/tr...1/#post4284621



    أما هذي ..



    بدايتها بالدور الأول عند المطعم .. حاطينها للمستعجلين يخلصون فطورهم وينزلون بسرعة




    لك جزيل الشكر على الحلقة ...

    الاستعداد و التخطيط المسبق، حتى لبعض التفاصيل التافه، مثل أسماء المحطات القريبة، أو مواعيد
    العمل، مفيد و يجنبنا خسارة الوقت، فكم من الوقت و الجهد احتجتوا للسؤال عن اسم المكان فقط!



    بانتظارك ...

    فنادق عطلات


  60. #60
    عضو مسجل
    تاريخ التسجيل
    Dec 2014
    المشاركات
    1,962,485

    الله يحييك يا أوطان زارتنا البركة .. والحمدلله انك استفدتي من رحلتنا ويارب تتوفقون بسفرتكم وتعجبكم اسبانيا ..
    شرفتي التقرير وراعيته ..

    .
    .

    هلا بالشيخ سعود .. أما اللغز حقك تعجيزي بس موب علي ^_^ انا اقول اسمها agwa يعني بترجع لي سيارتي يا حظي
    اجل اول مشوار فيها أبيه يكون في جنوب أسبانيا بس خلني اطلع الرخصة قبل ^_^
    من جد انقهرت على فرفرتنا بين الاستعلامات بدون فائدة تذكر .. لو اننا رحنا لسوق مايور أول ما صحينا كان أصرف .. شي عارفينه و ندله ومشواره بالقطار مباشر بس عاد قدر الله وما شاء فعل ،، زوجي ما كان يبي نطلع من ملقا على اعتبار انه ما يسوى المشوار وبنقضي اليوم بالاماكن القريبة بنفس المدينة ..

    شاااكرة تعليقاتك الله لا يخلينا ..
    *

    فنادق عطلات


+ الرد على الموضوع
صفحة 1 من 4 123 ... الأخيرةالأخيرة

المواضيع المتشابهه

  1. رحلتي لحلب
    بواسطة Robot في المنتدى بوابة فرنسا|باريس France
    مشاركات: 36
    آخر مشاركة: 02-03-2015, 01:21 PM
  2. ليلة لو باقي ليلة من عمري بشرم الليلة
    بواسطة Robot في المنتدى بوابة السفر إلى مصر Egypt
    مشاركات: 8
    آخر مشاركة: 02-02-2015, 10:46 AM
  3. ليلة من ألف ليلة وليلة في العرين بالس
    بواسطة Robot في المنتدى بوابة السفر الى مملكة البحرين Bahrain
    مشاركات: 27
    آخر مشاركة: 01-31-2015, 04:16 PM
  4. مجلة جدة
    بواسطة Robot في المنتدى بوابة السفر إلى السعودية
    مشاركات: 6
    آخر مشاركة: 01-21-2015, 02:02 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X