مساء النور والسرور حق الاخوان والاخوات اللي متابعيني دووم ،،، وخاطرهم يسمعون آخر الاخبار من بانكوك ،،، تحياتي للجميع فردا فردا ،،، وخاصة اللي منوريني دوووم بتقريري ،،،
اول شي قبل مابدء باليوميات ،،، تنبيه ،،، الكثير يسئل عن الاوضاع في بانكوك وخاصة بعد الاحداث الاخيرة اللي صارت فيها ،،، وانا اطمن الجميع بانه الاوضاع رجعت كما كانت عليه من قبل وبالعكس اللي اشوفه بانه السياح بكثره هذه الايام وخاصة بعد ماطمنت معظم السفارات بانه الاوضاع في بانكوك زينه واسمحت لمواطنيها بالسفر الى تايلند ،،، وفي ناس تحب تعكر الاجواء على ناس وخاصة يوم تخطط للسفر ،،، وانا اقول لكم اذا في اي شي صاير في بانكوك وتايلند بشكل عام ماراح ابخل عليكم في اي اخبار جديدة بالعكس من واجبي التنبيه في مثل هذه الامور ،،، وخاصة انا حاليا متواجد بارض الحدث ،،، وادرى بما يحصل هناك ،،، هذه التنبيه مني وبعد من اخونا الهدار اللي متواصل معاي دوم في بانكوك وهو بعد موجود في بانكوك .
اليوم الثلاثاء الموافق 6/7/2010 حاليا الساعة 1 فجرا عندنا وانا قاعد اترية مبارة الارجواي مع هوندا في كأس العالم ،،، قاعد اكتب لكم تقريري اليومي من بانكوك ،،، الاجواء في بانكوك اليوم مشمسه في معظم الاوقات ،،، يعني ماشي الامطار ،،، بعد ماكانت الامطار عندنا شبه يومي وبغزاره ،،، اليوم في مركز NBK الخليجيين بكثره هناك ،،، وبعد هناك عروض وخصومات خاصة في طوكيو (NBK) والقطارات (سكاي ترين) في وقت العصر تكون مزحومه بالمره لانه في هذا الوقت تقريبا الساعة 5 المساء يكون موعد خروج الطلاب والموظفين من مدارسهم وجامعاتهم واعمالهم ،،،طبعا اليوم كانت لنا تجربة بالسكاي ترين وخاصة يوم خذيت بناتي للركوب فيها ،،، وفي بعظهم كانت اول مغامرة لهن في ركوب السكاي ،،، كانت مغامرة حلوه وخاصة لو تعرف انه الوقت هذا لو فكرت الركوب بالتاكسي علشان تروح المول يبالك وقت طويل حتى توصل ،،، من كثر زحمة السيارات ،،، ركوب القطار يسهل عليك الوصول الى المكان اللي تريده بكل سهوله ويسر ،،، اكيد بخبركم اللي جرب هذه وسيلة النقل في بانكوك
المشكلة اللي تحصل لنا دوووم هي الاكل ،،، لانه من الصعوبه وخاصة يوم يكون معاك اطفال تلقى اكل حلال ،،، الاطفال مايحبون السي فود ،،، والمطاعم العربية بعيده عنك وانت اصلا ماتحب تاخذ وياك عيالك هناك لانه تريدون الصدق المنطقة ماتصلح حق الاطفال وخاصة باليل ،،، من كثر مافيها من عجايب وغرايب ،،،
علعموم هذه اخبارنا اليوم وإن شاء الله اكون متواجد وياكم دوووم يارب
اخوكم بوراشد
من أرض الحدث بانكوك
المفضلات