الموضوع: تقرير برحلتي الى اسبانيا بشهر اكتوبر

تقرير رائع ماشاء الله

وابي استفسارات ممكن تفيدنا الله يجزاك بالجنة

انا وزوجي قررنا ان شاء الله السفر بنص شهر 7ميلادي ---8هجري

على الخطوط التركية قطر - تركيا -اسبانيا- تركيا - قطر

قطر - تركيا- 5ايام اسبانيا-5ايام تركيا -قطر

وحجزنا التذاكر ب حدود 4600 ريال للشخص هل سعرها مناسب؟

معانا طفل عمره سنه ونصف هل مناسب السفر به لاسبانيا من ناحية الامان ؟( انا خفت بعد ماقريت بعض التقارير اللي تعرضوا لناس يحاولون يسرقون محافظهم او جوازاتهم)

بالنسبة للتاشيرة انا بالاحساء مانقدر نروح لموقع السفارة بالرياض وكنا مخططين على تشنجن من دولة ثانية لكن قرات خبر بنفس المنتدى يقول انهم الغوا هذه الطريقة؟

وبالنسبة لورقة الغرفة التجارية انا زوجي موظف حكومي فهل تلزمه هالورقة ؟

هل من الممكن ان نكتفي بالمترو والقطارات والاستغناء عن السيارة علما بان زيارتنا لاسبانيا خمس ايام مقتصرة على الجنوب الاسباني مطار ملقا غرناطة اشبيله بورت بانيوس فنخرولا ماربيا مطار ملقا ثم تركيا؟

بالنسبة للغة الانجلش عندنا متوسط مو اوكيه نقدر نمشي حالنا هناك ؟

وبالنسبة للدفع للفنادق يكون عن طريق الفيزا من حين وقت الحجز والا فيه امكانية ماندفعها الا عندهم لما نوصل وماهو الافضل

شاكرين لك اجابتك

ونتنظرها لانا الى الحين ما اكدنا الحجز مترددين

يعطيك العافية على هذا المجود الرائع
لكن هل يوجد احداثيات لأهم الاماكن السياحية في اسبانيا ؟
و هل القيادة صعبة في مدريد و برشلونة ؟
تحياتي

صراحة ابدااااع تقرير اكثر من رائع
انتظر المزيد لان سفرتي بعد شهر باذن الله تعالى

موضوع ممتاز و مشوق شكرا لك
و ننتظر تقرير برشلونة
اخوي كم كانت درجات الحرارة بالمدن اللي زرتهم

بصراحه تقرير كامل ومتكامل

اشكرك على هامعلومات اللي وضحتها لنا في التقرير

ونتمنى تثبيت الموضوع

مختصر ومفيد ما شاء الله ... الله يعطيك الف عافيه على احلى تقرير شفته بس عندي سوال بالنسبه لايجار السياره انا حصلت هالشركه مكانهم بمطار ملقا http://aurigacrown.com/ واسعاره مرره رخيصه حجزت فيه ميني كوبر من 1/9/2011 الى 5/9/2011 ب 156 يورو شامل مفتوح الاميال وجميع انواع التامين (حوادث،سرقه،زجاج،كفرات...الخ) بس مدري هو سياراته كويسه ولا لا؟ ومعاملتهم كيف مدري؟ ... طبعا لقيت نفس السياره بنفس الموقع اللي حجزت منه انت 227 يورو يعني فرق كبير بين الشركتين

وفي الاخير اشكرك شديد الشكر على التقرير الاكثر من ممتاز

ماشالله تبارك الله تقرير مثـــــــــالي وافادني كثير .. شكــــــــرا لك ..

شكرا لك يالغالي تقرير جدا جدا رووعه
وعندي كم استفسار الله يحفظك
ان الخريطه الشامله اللي منزلها لاسبانيا ملفها معطوب اول شي وثاني شي الملف المظغوط حاط له باسورد وتفاجئت انه مقفل الصراحه والحمدلله بحدسي حطيت اسم عضويتك وفتح معي لان الطامه الكبرى ان طلع معطوب رغم حجمه الهائل حوالي 170 م ب لخارطه اسبانيا فياليت تعيد رفعه من جديد وتتاكد الله يعافيك من سلامه الملف لانك ماوضحت بموضوعك الطرق اللي بفلوس واللي ببلاش وش الافضل لاني انتهبت باحد المشاركات ان فيه بعض الطرق ياخذون الضرائب ولاعندي اي خلفيه فياليت تساعدني فيها

ايضا نقطه اخرى
كيف صرفيه البنزين او الديزل معك انا حاب ا ستاجر سياره ديزل ارخص شي مره كم تتوقع يكفيني مصروف من الشمال للجنوب ابتداء من برشلونه مرورا بسرقسطه مرورا بمدريد ثم النزول الى مدن الجنوب من قرطبه وغرناطه وملقا وماجاورها
وكم التفليله زي سيارتك ديزل وكم تمشيك من كيلوو عساها كثيره يالغالي

ايضا استفسار عادي احجز اول اوتيل بالفندق والباقي اقضيه بدون سكن يعني اي اوتيل يعجبني انزل فيه بدون حجز مسبق ولا اشكاليه بتكون فيه
لاني معي الايباد وبامكاني احجز من خلال النت هناك وهل عادي اكمل باقي فلوس الاوتيل كاش ولا لازم شخطه فيزا ؟

وشكرا لك

بصراحة انا صار لي كم يوم ادور على موضوعك هذا لان فيه معلومات جدا مهمه قريتها في بدايت بحثي عن اسبانيا قبل فتره ....احتجت لبعض المعلومات اللي انت موضحها بشكل دقيق و حاولت ابحث عن طريق اسمك ولكن وللاسف الشديد اسمك يلخبط شوي ... واخيرا طحت في موضوعك بعد ما تصفحت المنتدى صفحه صفحه .. قسم قسم..موضوع موضع




اشكرك ياعزيزي على هذا التقرير اللي وبكل وضوح حاولت فيه ان تشرح لنا ادق التفاصيل اللي يحتاجها المسافر المبتديء لاسبانيا

وانا اعتبر هذا التقرير من اميز التقارير اللي قريتهم عن اسبانيا ...

فلك مني ياعزيزي كل الشكر والتقدير والاحترام على هذا التقرير المميز

مشكور على الموضوع والله يعطيك العافية
فعلا فتحت نفسنا على الاتجاه لأسبانيا ومتابعين تقريرك لاخر لحظة

الله يرد اخونا xoxox سالم وغانم
الرجال له فتره غايب وعسى الله يحفظه ويرجعه بالسلامه
وبالفعل تقريره من اروع التقارير الاسبانيه المختصره والمفيده جدا جدا

الله يعطيك العافيه على هالتقرير المميز والأكثر من رائع .۔
بصراحة إستفدت منه الكثير والكثير .۔ شكراً جزيلا على هالتقرير الجميل

مما جعل سفرتي الى اوروبا ناجحة بفضل الله


ثم


انتم تكتبون كل مايخطر في رحلتكم


بصراحه ابدعت رحلتنا الى المانيا والنمسا


والان تخطيطنا القادم


اسبانيا - فرنسا - ايطاليا


وسوف ابحث عن جميع المواضيع التقارير


فتحياتي لك وشكرا

يعطيك العافية