\r\n السلام عليكم ورحمة الله وبركاته ،،،
\r\n هذه مشاركتي الاولى في هذا المنتدى الرااااائع ،،
\r\nتاخرت كثيرا في تسجيل هذه الرحلة او بالاصح المغامرة والتي في اصلها تسعة ايام (( ركز على تسعة وحط تحتها خطين)) الى بلاد الشاي ،،
\r\nبداية كان الجحز على الخطوط الاماراتية سعر التذكرة ذهاب واياب مع التوقف في دبي في العودة
\r\n ( الرياض – دبي – كولومبو – دبي – الرياض ) 2127 ريال بالضبط .
\r\nالمدة : تسعة ايام على الراجح قابلة للتمديد اذا اعجبتنا سيرلانكا؟؟؟
\r\nالمشاركون : 2 فقط ولله الحمد ،، ومن الايجاز الى التفصيل
\r\n
\r\nطلعت أنا ورفيقي للمطار طلعنا رفيقنا الثالث اللي طول الطريق وهو يتمسخر ( يستهزء) فينا
\r\n663333 " أجل سيرلانكا لا بعد سياحة ( خير ان شاء الله ) وكان الاقلاع من الرياض 9 م الساعة 6 حركت من البيت وادعت الوالد والوالده الله يحفظهم ومشيت وانا ورفيقي الثالث الى رفيقي الثاني عشان نطلع للمطار مرينا ابو الشباب وكالعادة لابد التاخر وهو طول الطريق مزعجني يكلم الو :صرفت دولارات واقوله لا يقول طيب متى نصرف اقوله في المطار او من دبي بنوقف 4 ساعات لا شغل ولا مشغله ن سكر الجوال بعد دقيقة دق الو نعم : يله تاخرنا قلت حنا بالطريق ، سكر بعد 3 دقايق دق الو نعم : جبت نظارتي قلت ايه قال طيب وجوازك قلت جاهز قال عجلوا تاخرنا قلت ياخوي برررررد تونا الساعة 6:15 الاقلاع 9 م حنا بالطريق المهم وبعد ما ركب ومشينا مرينا بقالة وشرينا بايسن ومشينا بعدها قال رفيقي وقف نشتري علووك عشان الضغط المهم وقفنا في الطريق يمكن 4 او 5 بقالات المهم وصلنا المطار باقي ساعة وحنا نمشي تحت مرينا بنك الرجحي قال رفيقي خل نصرف الراجحي احسن من غيره المهم صفينا يوم قرب الدور قال الموظف للي قدامنا التحويل فوق في الصالة ؟ اخذنا شناطنا ورحنا نركض بلاش صرف ومرينا الفرع الثاني طلع فاضي قلنا تحول قال ايه وحول لنا دولارات المهم رقينا ركض على الصالة وتقابلنا ذيك الزحمة كل العالم رايحة دبي ؟؟ وش السالفة يارجال صف مع الناس ونشوف موعد الاقلاع على الشاشة طلع 8:45 :105: يله بسررررعه ونروح للموظف تكفى تكفى عجلنا قال تونا بدري امسك سرى :105: قلنا خلاص ويوم وصلنا الدور بديت اتميلح قدامه :11ight: عساه يسوي ترفيع درجة او شيء شوي ناظرني وقال الطيارة فل وانتم تاخرتوا :110: قلت يعني ؟؟ قال من هنا الى دبي بحط لكم مقاعد جنب بعض لكن من دبي الى كولمبو متفرقة ! التفت على خويي وقلت هاه قال الموضف ما عليك اول ما توصلون دبي روحوا عدلوها قلنا تمام ،، ركبنا الطيارة جنب بعض مبسوطين ،، من قدنا رايحين سياحه في سيرلانكا :8888: المهم وصلنا لدبي واول ما نزلنا طبعاً رحنا على تغيير المقاعد واصف سرى عند وحده المهم وصل الدور قالت يس
\r\n قلت ابي مقاعد جنب بعض لو سمحتي
\r\nقالت " وت "
\r\nقلت ما اعرف انقليزي :baaa2: اللي يعرف انقليزي عند العفش تحت المهم بالاشارات فهمت وحطت لنا مقاعد في نفس الطابور وراء بعض يعني انا 24A ورفيقي A25 مافيه فايده المهم قعدنا نتفرج على المطار العالمي ونتمشى في السوق وحنا نتمشى لقينا لوحة مكتوب للمواصلين على طيران الامارات او كذا المقصود فيه اكل لنا مجانا دخلنا عطيناه البوردنق ودخلنا ونشوف ذاك البوفيه المفتوح ، وتنفتح بطوننا للأكل (( طبعا رفيقي ما يعرف عن سيرلانكا ولا حرف انا الدلولة طبعا دلولة من الشباب ماقصروا اللي في المنتدى هم اللي حمسونا وعلمونا :113: :113: :113: : اخص بذلك ابو عمر ( المهم قلت لرفيقي كل ترى ما قدامك اكل يفتح النفس تعشينا الحمد لله ،، اعلنوا الاقلاع للرحلة ركبوا الركاب صفينا عند البوابة لقينا واحد رهيب اوي يقطع البوردنق قال لي هذا البوردنق لك قلت يس قال سويت لك اب قريد بزنس كلاس ، انا ما ادري وش يقول قلت عادي قال رفيقي وانا قال لا بس هذا المهم خويي طرطع تكفى حاول قال له ذاك وت قال رفيقي لو سمحت يالطيب حاولي قال يله وانت بعد المهم تشققنا من الفرحة ،، واكتشفنا بعدين ان الطيارة من دبي – كولمبو – سنغافورة – جاكرتا ومافيه احد رايح لكولمبوا المهم ركبنا وبعد الاقلاع قال الكابتن الان بنرش بخاخ معقم عشان بنمر كولمبوا :thumbdown ههههه خويي التفت علي وقال اجل سياحة في بلاد الشاي قلت يارجال وسع صدرك هونها وتهون قال الدعوة فيها امراض ،، قلت لا ما عليك الا العافية المهم بعد ما وصلنا كولمبو ؟؟؟ ؟؟؟ ؟؟؟ ؟؟؟
\r\n
\r\n " تابع الجزء الثاني " ( عذراً اول مرة اكتب وتعبت )\r\nمواضيع عشوائيه ممكن تكون تعجبك اخترناها لك:
- سحب السفير السعودي لدى سريلانكا
- مرحباا وسهلاا
- مشورتكم عن برنامج سيرلانكا
- استفسار بشأن اقصر مده للتنقلات بين المدن السرلنكيه
- خبراء كيرلا لو سمحتوا ما هو افضل مكتب في كيرلا وأفضل فندق في كوتشين؟
- برنامج كيرلا تكفون الفزعه
- وينكم يا آهل الخبرة في سيرلنكا فزعتكم
- احتاج مشورتكم لو سمحوتو بااسرع وقت
- للخبراء و من زار سيريلانكافقط اعطائي النصيحة
- كيرلا اول سفره خارج المملكه
- استفسارات سيرلانكا
- رحلتي الى كيرلا بالتفصيل
- رايكم بالبرامج والاسعار
- كم يوم هو الانسب للرحلة
- اعطوني رأيكم في هذا البرنامج الفنادق المختارة
- سيرلانكا ، هل تحتاج تأشيرة للدخول
- مسافر جديد الى سيرلانكا
- مسيناكم مسزنا يوم حلو في مشتى الحلو
- مطلوب شقق فندقية في كوتشي
- استفسار عن الهند السفر بعد اربع ايام
المفضلات