الموضوع: موعدي يوم الاثنين نوفمبر بالسفارة الاسبانية شوبة مساعدة لو سمحتوا

السلام عليكم ورحمة الله وبركاته

اخواني واخواتي الاعزاء


موعدي بأذن الله يوم الاثنين 1 نوفمبر بالسفارة الاسبانية بالرياض

وانا راح اطلع من الشرقية للرياض فجر يوم الاثنين ان شاء الله

فما ودي يكون عندي نفص او خطاء باي شي ويروح المشوار عالفاضي

المهم انا جهزت اوراقي وياليت لو في شي خطاء تعلموني

الاواق هي ...

- جواز السفر صالح الى 2013 وفيه فيزا سابقة الى ايطاليا في 2008 (يساعد هالشي بتخفيف التدقيق؟)

- استمارة فيزا الشنقن (عدد وحده) والا يبون 2 ؟؟؟؟؟

- ثلاث صورة خلفية بيضاء مكشوف الراس

-خطاب تعريف من الشركة موضح فيه الراتب والوظيفة

-كشف حساب 6 شهور (المشكله ان الرصيد بهالحساب 4 ريال ) لاني تقريبا اسحب راتبي كله واحطه بحساب ثاني لكن كشف الحساب موضح فيه ان راتبي ينزل بشكل منتظم بتاريخ 25 من كل شهر (ممكن يدققون على سالفة ان الحساب شبه خالي) ؟؟؟(على فكره كشف الحساب كله 7 صفحات بس من قلة العمليات الي تجري عليه)

- حجز الكتروني لتذكرة الطيران ذهاب واياب مدفوعة

-ايميل تأكيد الحجز من الشقة الي حجزتها باسم صاحبي وانا مضاف معه كضيف وموضح اسمي واسمه بالايميل ( حسب كلام الاخوان انهم يبون فاكس) مايمدي اطلب فاكس منهم السبت والاحد مو مداومين اتوقع اجازتهم الاسبوعية وانا موعدي الاثنين احس اني توهق جدا جدا جدا


الســــــــــؤال الاخير والمهم ولا احد يضحك عليه

الي بيصير يوم الاثنين بالسفارة هو موعد تقديم اوراق بس والا بيصير في مقابلة ..؟؟
اقصد بالمقابلة يعني اسألة وتحقيق مثل متطلبات السفارة الامريكية ..؟؟ ليه رايح ووين بتسكن وايش تعرف هناك ووين سافرت من قبل و و و وغيره من الاسئلة التحقيقة ..!!
وكيف الموظفين عرب والا هنود والا اسبان


انا سافرت اوروبا بس كنت اطلع الفيزا عن طريق الفيفا ماعمري يحت بس هم حدونا الل يهديهم

ادري هذرتي واجد لكن اسمحوا لي متحمس للسفرة ولا ودي يخربها علي شي باذن الله


سؤال جانبي في احد عنده احداثيات موقع السفارة ودي احطها بال gps وادز لاني ما ادل شي بالرياض نهائيا

مواضيع عشوائيه ممكن تكون تعجبك اخترناها لك:

• رايح اسبانيا يوم ومو عارف اخطط
• فزعتكم يااهل الفزعه
• المساعدة في اجازة اسبانيا
• ايه او لا تراني طفشت
• تـقريـر رحـــــــــلة الـى أســـبانيا الشـمال والــشرق
• شهر عسل في اسبانيا وجزر الكناري هل تنصحو باسبانيا او استراليا لشهر عسل
• استفسار لخبراء برشلونة
• عاجل بخصوص خصم مبلغ الحجز فى موقع بوكينج
• فيزا
• من يعرف هالفندقين في مدريد و برشلونه ؟
• احسن شارع في برشلونة
• اجمل المدن في اسبانيا
• الى كل من سافر الى برشلونة، المأكولات البحرية
• عضوية نادي ريال مدريد
• عشآق اسبانيا اتمنى تردون على اسئلتي؟؟
• عناوين الاماكن السياحية في الأندلس
• مشكورتكم يا اهل مدريد
• تكفووون شورو علي ماعندي وقت
• استفسار ارجو تفيدوني
• تعلم الاسبانيه بدون معلم مجانا

- استمارة فيزا الشنقن (عدد وحده) والا يبون 2 ؟؟؟؟؟



لا يبون 2 لكن صورنسخة من الأولى





-كشف حساب 6 شهور (المشكله ان الرصيد بهالحساب 4 ريال ) لاني تقريبا اسحب راتبي كله واحطه بحساب ثاني لكن كشف الحساب موضح فيه ان راتبي ينزل بشكل منتظم بتاريخ 25 من كل شهر (ممكن يدققون على سالفة ان الحساب شبه خالي) ؟؟؟(على فكره كشف الحساب كله 7 صفحات بس من قلة العمليات الي تجري عليه)



ليه ما تاخذ كشف الحساب من الحساب الثاني احتياطاً





-ايميل تأكيد الحجز من الشقة الي حجزتها باسم صاحبي وانا مضاف معه كضيف وموضح اسمي واسمه بالايميل ( حسب كلام الاخوان انهم يبون فاكس) مايمدي اطلب فاكس منهم السبت والاحد مو مداومين اتوقع اجازتهم الاسبوعية وانا موعدي الاثنين احس اني توهق جدا جدا جدا



يعني عندك بس حجز الايميل ؟؟؟





الي بيصير يوم الاثنين بالسفارة هو موعد تقديم اوراق بس والا بيصير في مقابلة ..؟؟



هو تقديم الاوراق مافيه مقابلة بمعنى الكلمة





سؤال جانبي في احد عنده احداثيات موقع السفارة ودي احطها بال gps وادز لاني ما ادل شي بالرياض نهائيا



موقع حي السفارات سهل جدا

^^^^^^^^^^^^

مشكور اخوي وماقصرت وابشرك ارسلوا لي فاكس تأكيد الحجز اليوم ماشاء الله عليهم بسرعة البرق

فيزتنا توها طلعت قبل اسبووع
وانا من الشرقيه

لما زوجي راح يقدم الجوازات والاوراق قالوا له تعال بكره اخذ الجوازات بس لما شرح لهم انه من الشرقيه قالوا له انتظر الى العصر ونعطيك اياهم

ونفس الشي لما استلمنا الفيزا قالوا له ارجع بكره وشرح لهم مره ثانيه الظروف وخلوه ينتظر الى العصر واستلم الجوازت



يعني بس راح مرتين للرياض

اتمنى تقرا الكلام قبل لا تروح الرياض ^^

اخوي انا بجده اعطيتها مكتب سياحي وبطلعها في 14 يوم من السفاره الفرنسيه اخذ على الجواز 800 ريال والطلبات
1-صورتين
2-جواز السفر
3-تعريف بالراتب من جهه العمل مترجم باللغه الانجليزيه
بس بدون كشف حساب ولا شحططه بالسفارات وانا في بيتي مرتاح جالس واخوي طلعها من نفس المكتب ونفس الطلبات.ودخولك لاسبانبا بتاشيره فرنسيه ما فيها مشكله . تحياتي.

ابشركم رحت الشفارة ع الموعد الحمد لله
احس روحتي ماكان لها داعي

دخلت حي السفارات بعدين رحت للسفارة الاسبانية فتشوني عند الباب واخذوا جوالي وعطوني بطاقة اعلقها اني زائر
داخل كان في 2 قدامي خلصوا جاء دوري الموظف تخدمني من ورى مكتب زجاجي زي الي بالبنوك حق الصرافيين


المهم اخذت الاوراق طالعت فيها وقالت لي
متى بتروح
ومتى بترجع
وعندك فيزا من اول
بس هذي الاسئلة ومالها داعي اصلا لانه كل شي موجود قدامها بالورقة

وبعدين قالت لي 314 ريال اعطيتها

وقالت لي ارجع اخذ جوازك الشاعة 3 العصر قلت لها ما ابيه انا من الشرقية اذا جت الموفقة بجي اخذه قالت لا لا تعال اخذه اليوم مافي بعدين

وقالت كلمنا بعد تاريخ 21/12/2010 شيك فيزتك



وبس وخلاص كل هذا ما اخذ 10 دقايق

احس انه ماله داعي روحتي كلها لو معطي اوراق للمكتب ابرك