جتني رساله من أحد الأخوان قلق من الموضوع حق السرقه والسواق وكان يبي السالفه
عموما أنا بذكر الموضوع كامل هنا عشان ماتقلقون لإن الموضوع فيه غباء شوي من صديقي
بالنسبه للسواق يده خفيفه على جميع الأغراض وإعتاد إنه يدبل حق المشوار لحد ماحلينا الموضوع هذا بمعرفتنا برقم شركة خاصه بالليموزينات نكلمهم ويوصلون لنا أي مكان نبي وبالطريقه هذي تكون أرخص أولا وآمن من ناحية لو نسينا شي بالليموزين
وبالنسبه لخويي .. المبلغ ماكان 1000 دولار كان 2500 دولار .. وإحنا طالعين من أوديسا إلى يالطا بالتاكسي نسى المبلغ في الشقه على إعتقاد منه بإن المبلغ مع أمير الرحله!!!!
عموماً وصلنا ليالطا واليوم الثاني إكتشفنا الموضوع بالنسبه للنسيان او الإهمال من صديقي!!!
كلمنا السواق حق المطار وقال إن صاحبة العماره تقول إنها أتصلت عليكم وعطتكم المبلغ خلاص!!!!
قلنا الشي هذا غير صحيح وقال أوكي أنا راح أنهي الموضوع هذا لكم .. وبعد كذا كلم مره ثانيه جلس يساوم ب 50% بالميه من المبلغ بحيث تكون من نصيبه بحيث إنها تعتبر أموال ضائعه ويعرف إننا مستحيل نرجع لأوديسا خصوصاً إن العوده من سمفروبل!! وهذي من أحد المشاكل اللي واجهناها مع السواق صار عارف كل شي عننا
وافق صاحبي على المساومه .. وقال بكلمكم آخذ الأسم كامل والعنوان عشان أرسل المبلغ .. في هذي الأثناء الجوال طفى بدون أي سابق إنذار والشريحه أحترقت
وسبحان الله مكتوب ههههههههههههههه وشر البلية مايضُحك
هذا الموضوع كامل
لكن الموضوع هذا والنوعيات هذي سواء من أوكران أو عرب في يالطا ماوجدنا ووجدنا عرب حااولو عرض خدمات كثيره علينا ونحن نضرب بهم عرض الحائط
وبالنسبه للأمان ذكرتوني .. فيه قضيه مشهوره لقتل واحد سعودي في أوكرانيا ربما الجميع يذكرها في كييف!!!
الرجل هذا كان بصحبة صديق له إسمه أبو فيصل .. في العام الماضي أبو فيصل هذا كان متواجد في أوديسا ويالطا!!!
أعتقد لو عنده إيمان 100% إن البلد مافيه أمان ماراح يرجع للبلد هذا مره ثانيه واللي مات الله يرحمه كانت مشكله خاصه على مايبدو
المفضلات