المشاركة الأصلية كتبت بواسطة ستروبري شورت كيك
http://www.arabtravelersforum.com/tr...2/#post4497842
صح لسانك أخوي atravel قلت اللي في خاطري خصوصا من ناحية المميزات فعلا ميزتها طبيعتها البكر وتنوع طبيعتها من شواطئ وهضاب ومرتفعات.
بس تعديل بسيط بالنسبة للمطار يقع في مدينة نيقمبو تبعد ربع ساعه عن المطار وأنصحك لو فكرت تزور سيريلانكا مرة ثانية تزورها لأن شواطئها انظف واحلى من بنتوتة
وعندي تساؤل بالنسبة لأسعار الأكل في الفنادق مو ذاك الرخيص جدا جدا أحنا مأكلنا الا بافنادق بس ما شفتها رخيصة بس معقولة وأكلهم لذيذ ومرتب بس جلست 3 ايام بعد مارجعت ولساني يؤلمني نتيجة الأكل السبايسي(الحارررر)
وبنتظار بقية عالتقرير
صح الله بدنك "ستروبري شورت كيك" .. وفالك البيرق فعلاً المطار لا يقع في مدينة كولومبو، ولكن صرنا نقول كولومبو لأن اللي يبي يحجز على أي خطوط لسريلانكا يحجز على كولومبو! وفعلياً يقع المطار مثل ما تفضلت في مدينة قريبة من نيقمبو اسمها "كاتونا ياك" (Katunayake).. ويبعد المطار عن كولومبو حوالي الساعة بالسيارة (65 كيلو متر).
بالنسبة للأكل في الفنادق وأسعارها فأنا حكمت بناءً على مقارنة بسيطة لمطعم "ستيك هاوس" اللي في فندق "تاج سامودرا" في كولومبو ومطعم "ستيك هاوس" اللي على الدايري الشمالي في الرياض. التكلفة في كولومبو كانت حوالي 5000 روبية، تقريباً 45 دولار (يعني أقل من 170 ريال).. أما في الرياض والله نطلع دافعين أكثر من 400 ريال. وفيه فنادق فيها بوفيه مفتوح بمعدل تكلفة 2000 روبية على الشخص الكبير، ونص السعر على الأطفال (وبكلمتين حلوين) ما يحسبوا الأطفال. يعطني علينا الحساب لشخصين 4000 روبية يعني أقل من 140 ريال (70 لكل شخص).. وفعلياً نحتاج ندفع أضعاف هذا الرقم للإستمتاع بعشاء بوفيه مفتوح في فنادق فخمة.. ويمكن استكمال المقارنة على مستوى "دبي" أو دول أوروبا فنجد أنه فيه فرق شاسع في الأسعار (وبالتأكيد إن الأسعار في سريلانكا متوجهة للصعود بسبب كثرة إقبال السياح وزيادتهم بشكل كبير)
أما "السبايسي" فهو متعة وذكريات سريلانكا.. لكن أيضاً عانينا منه، والأطفال توهقو.. وكان الحل الأمثل إننا نختار مطاعم فيها قائمة طلبات "منيو" بدل البوفيه المفتوح ونطلب ما يحطون فلفل أو يحطون شوي فلفل.. على فكرة اللي يطلب شوي فلفل بيروح فيها برضه لأن شوي فلفل عندهم يعتبر كثير عندنا.. فكنا لازم نوضح لهم معنى "شوي فلفل" في فهمنا.
شكراً جزيلاً على المداخلة القيمة..
المفضلات